ئێمە لە تۆرە کۆمەڵایەتیەکان

عێراق

حەشدی شەعبی بۆ (خەڵك): دوو سەركردەی داعش لە كەركوك دەستگیركران

خەڵك- بەشی هەواڵ
حەشدی شەعبی و هێزە ئەمنییەكانی عیراق، دوو سەركردەی ڕێكخراوی داعش لە كەركوك دەستگیردەكەن، بەرپرسێكی حەشدی شەعبی میحوەری باكووریش دەڵێت: “ئەو دوو سەركردەیە گروپیان هەبووە و بەنیازی ئەنجامدانی كاری تیرۆریستی بوون”.

عەلی حسێنی، وتەبێژی حەشدی شەعبی میحوەری باكوور، لە لێدوانێكی تایبەت بە (خەڵك) ڕایگەیاند، “دوای ئەوەی هەواڵگری هێزەكانی حەشدی شەعبی لەڕێگەی سەرچاوەكانییەوە توانی شوێنی ئەو دوو كەسە دیاری بكات، لەپاش دەركردنی یاداشتی دەستگیركردن لەلایەن دادوەرییەوە، توانرا دوو سەركردەی ڕێكخراوی داعش لەنێو شاری كەركوكدا دەستگیر بكرێن”.

بە وتەی عەلی حسێنی، “ئۆپەراسیۆنەكە بە هاوبەشی بوو لەنێوان هەواڵگری حەشدی شەعبی و هەواڵگری ناوخۆیی و لیوای 61ی هێزە عیراقییەكان”.

وتەبێژی حەشدی شەعبی دەڵێت: “ئەو دوو سەركردەیەی داعش گروپیان هەبووە، بۆیە دڵنییان لەوەی، كە پیلانیان هەبووە تەقینەوە و كاری تیرۆریستی ئەنجام بدەن، بەڵام لەئێستادا لێكۆڵینەوەیان لەگەڵدا دەكرێت و لە دوای لێكۆڵینەوەكانیش وردەكارییەكان بۆ میدیاكان دەخەینەڕوو”.

سەركردەكەی حەشدی شەعبی ڕەتیكردەوە دەستگیركراوەكان بیانی بن و وتی، “ئەو دوو سەركردەیەی داعش، كە لەلایەن هێزە ئەمنییەكانەوە دەستگیركران، عیراقین”.

ناوبەناو هێزە ئەمنییەكان و هێزەكانی حەشدی شەعبی، لە كەركوك و دەوروبەری، ئۆپەراسیۆنی سەربازی بۆ ڕاوەدونانی پاشماوەی چەكدارانی داعش ئەنجام دەدەن، ئەم ئۆپەراسیۆنانەش تا ئەندازەیەكی زۆر بوونەتە مایەی كەمكردنەوەی مەترسی هەڕەشەكانی ڕێكخراوەكە لەسەر دانیشتوانی ناوچەكە و هێزە ئەمنییەكان.

عێراق

نوێنەری چەند پارێزگایەك داواكارییەك بۆ حكومەتی عیراق بەرزدەكەنەوە

خەڵك- بەشی هەواڵ
ئەمڕۆ شەممە كۆنگرەی ئەنجوومەنی پارێزگاكان لە كەربەلا دەستی پێكرد و نوێنەری 15 پارێزگا داوا لە حكومەتی عیراق دەكەن كۆنتڕۆڵی كایەی ئاسمانی و دەروازە وشكانی و ئاوییەكانی تەواوی وڵات بكات.

لە كۆنگرەی ئەنجوومەنی پارێزگاكان 15 پارێزگا بەشدارییان كرد و لە كۆتاییدا لە بەیاننامەیەكدا كۆنگرەكە ڕایگەیاندووە، دوای گفتوگۆ و ئاڵوگۆڕكردنی بۆچوونەكان ئامادەبووان ڕێككەوتن لەسەر ئەوەی داوا لە حكومەت بكەن كۆنتڕۆڵی تەواوی كایەی ئاسمانی و دەروازە سنوریە وشكانی و ئاوییەكان بكات.

وەك لە بەیاننامەكەدا هاتووە، “ئەنجوومەنی پارێزگاكان پاڵپشتی خۆیان دووپات دەكەنەوە بۆ هێزە چەكدارەكان و دامەزراوە ئەمنییەكان بۆ پاراستنی ئاسایشی وڵات”.

جەختیشی كردۆتەوە، “ئێمە وەك نوێنەری 15 پارێزگا ڕێككەوتووین لەسەر چالاك كردنی ڕۆڵی ڕێكخراوی هەماهەنگی عیراقی بۆ خۆبەڕێوەبەری و دەسەڵاتەكانی و چالاك كردنی لامەركەزی كارگێڕی بەپێی دەستور”.

بەردەوام بە لە خوێندنەوە

عێراق

ڕێكخراوی خاچی سووری نێودەوڵەتی بەدوای وونبوواندا دەگەڕێت

خەڵك-ئارام سەردار

 

كۆمیتەی ڕێكخراوی خاچی سوری نێودەوڵەتی بەبۆنەی ۳۰ی ئاب كە ڕۆژی جیهانی وونبووانە، كەمپینێكی ڕاگەیاند بۆ چۆنێتی شێوازی گەڕان بەدوای وونبووەكان، بەرپرسێكی ڕێكخراوەكەش ئاشكرایدەكات، بەسەدان هەزار وون بوو لەجیهان هەیە، تیمەكانی خاچی سووری نێودەوڵەتیش سۆراغی دۆخی ونبووەكان لە سەرانسەری عیراقدا ئەنجام دەدات.

ئەڤین یاسین وتەبێژ و بەرپرسی ڕاگەیاندنی خاچی سووری نێودەوڵەتی لە عیراق بە(خەڵك)ی ڕاگەیاند، ئەوان لە ٦٥ وڵات كاردەكەن و بەسەدان هەزار وونبوو هەن و كاری لەسەر دەكەن، ڕۆژانەش هاوڵاتیان سەردانیان دەكەن و ناوی كەسە وونبووەكانیان بۆ تۆمار دەكەن.

دەشڵێت”لە ساڵی 2019دا 500 دۆسیەیان بۆ ونبووەكان كردۆتەوە، ئەوەی دۆزراونەتەوە 50 دۆسیە بوو و دوای دۆزینەوەیان كەیسەكان داخراون”.

ئاشكراشیكرد، ساڵی ڕابردوو هەزار و ٥۰ دۆسیە بۆ ونبووەكانی عیراق كراونەتەوە، پڕۆسەی گەڕانیش بەدوای وونبووەكان كە لایان تۆماركراوە بەردەوامە.

بەردەوام بە لە خوێندنەوە

عێراق

هەڵمەتێكی فراوان دەستیپێكردووە
دەیان ژنی بیانی لە قومارخانەكاندا دەستگیركران

خەڵك- بەشی هەواڵ
پشكنەری گشتی لە وەزارەتی ناوخۆی عیراق، دەستگیركردنی 24 ژنی بیانی كە لە  قومارخانەكاندا لە بەغدا كارییان كردووە، لەلایەن دەسەڵاتدارانی عیراقیەوە، ڕادەگەیەنێت.

ئەمڕۆ شەممە، جەمال ئەسەدی، پشكنەری گشتی لە وەزارەتی ناوخۆی عیراق، لە لێدوانێكی ڕۆژنامەوانیدا ڕایگەیاندووە”لەنێوان ئەوانەی دەستگیركراون، 24 ژنیان تێدایە كە هەڵگری ڕەگەزنامەی جیاجیان، بە هەمان شێوە ژمارەیەك پیاوی بیانیش لە قومارخانەكانى  بەغدا دەستگیركراون كە هۆڵەكانی ڕۆڵێتییان لە بەغدا بەڕێوەبردووە و لەو بوارەدا كارییان كردووە”.

ئەو بەرپرسەی وەزارەتی ناوخۆ عیراق دەڵێت”دەستگیركراوەكان لە دوای لێكۆڵینەوە لە گەڵیاندا، بەپێی یاسای عیراقی دادگایی دەكرێن و وەزارەتەكەشیان بەردەوام دەبێت لە كردن لەو دۆسێیەدا، تا تەواوی ئەوانە دەستگیردەكات كە ئەو هۆڵانە بەڕێوەدەبەن”.

لەم ماوەیەی دواییدا، دەزگا ئەمنییەكان دەستییان بە هەڵمەتێكی بەرفراوان كردووە بۆ داخستنی هۆڵەكانی ڕۆڵێت و قومارخانەكان لە بەغدای پایتەخت، و لێوەی ژمارەیەكی زۆر لەوانە دەستگیركراون كە هۆڵەكانی ڕۆڵێت و قومارخانەكان لە پایتەختدا بەڕێوەدەبەن.

بەردەوام بە لە خوێندنەوە

کوردستان