ئێمە لە تۆرە کۆمەڵایەتیەکان

ژینگە

شاندێكی باڵای عیراق لە هەرێمە و بۆ دەركردنی ڕێنمایی نوێ‌ ڕێكدەكەون

خەڵك ـ ئارام سەردار
ئەمڕۆ سێ شەممە ۱٦ی تەمموزی ۲۰۱۹ شاندی وەزارەتی تەندروستی و ژینگەی عیراق و دەستەی چاككردن و پاراستنی ژینگەی هەرێم بە سەرپەرشتی ئاژانسی ژینگەی نەتەوە یەكگرتووەكان لەبارەی پرسی ژینگە و ڕێكخستنەوەی پڕۆسەكانی هاوردەكردنی ئامێرەكانی ساردكەرەوە و گازە پێویستەكان كۆبوونەوە.

ڕزگار ئەحمەد، بەڕێوەبەر لە دەستەی پاراستن و چاككردنی ژینگەی هەرێم بە(خەڵك)ی ڕاگەیاند، بەئامانجی هاوكاری كردنی عیراق و هەرێمی كوردستان و چاككردنی ژینگە بەپێی ڕێنماییە جیهانییەكانی تایبەت بە پاراستن و چاككرنی ژینگە ئەو كۆبوونەوەیە بۆ ماوەی سێ ڕۆژ بەڕێوەدەچێت.

دەشڵێت: “ئامانج لە كۆبوونەوەكە ئەوەیە، بەهۆی ئەوەی لەعیراق چەندان جۆرە گازی كوشندەی بەتایبەت لەكاتی جەنگی دژە تیرۆر لە ساڵانی 2014 تاوەكو 2018 بڵاوكراوەتەوە، دەركردنی ڕێنمایی تازە بۆ هاوردەكردنی ئامێرەكانی ساردكەرەوە و بەستەر و گازە پێویستەكانی وەك گازی بەفرگر، بەستەر، سپلیت و ئۆتۆمبیل گرنگە”.

ئەوەشی خستەڕوو، كارلەسەر ئەو ڕێنماییە نوێیانە دەكەن بۆ ئەوەی دەربچن، چونكە دەركردنی ڕێنماییە ژینگەییەكان پێداویستی گۆڕانكاری ژینگەییە وەك بەرنامەیەكی بەرفراوانی هاوكاری نێودەوڵەتی، نەتەوە یەكگرتووەكان ئەم هاوكاریە پێشكەش بە عیراق دەكات.

ژینگە

پۆلیس، چوار كەسی بەتۆمەتی ئەنجامدانی كاری نایاسایی دەستگیر كرد

خەڵك-بەشی هەواڵ

 

بەڕێوەبەرایەتی پۆلیسی دارستان و ژینگەی پارێزگای سلێمانی ڕایدەگەیەنێت، لە سنووری چەمچەماڵ ٣ ڕاوچی دەستگیر كران.

بەڕێوەبەرایەتی پۆلیسی دارستان و ژینگەی پارێزگای سلێمانی لە ڕاگەیەنراوێكدا ئاماژە بۆ ئەوە دەكات، بە مەبەستی پاراستنی سروشت و ژینگەی سنورەكەیان مەفرەزەیەكی بەشی پۆلیسی دارستانی چەمچەماڵ بە هاوبەشی لەگەڵ بنكەی پۆلیسی دارستانی شۆڕش دەرچوون بۆ سەر ڕووباری (باسەرە) لە ئەنجامدا ٤ هاووڵاتیان دەستگیر كرد كە بەشێوەیەكی نایاسایی سەرقاڵی ڕاوكردنی ماسی بوون.

ئاشكراشیكرد، هێزەكانی پۆلیس توانیان دەست بگرن بەسەر ( ٤٠٠ )گرام ژەهری ماسی، ( ٦ ) تۆڕی ڕاوی ماسی، (٢) چەكی جۆری كڵاشینكۆف و ژێرسە، (١) ماتۆڕسكیل.

ڕوونیشیكردەوە، مەفرەزەیەكی بنكەی پۆلیسی دارستانی سەنگاو لە ئەنجامی دەرچوونیان بۆ سنوری گوندی (مەسۆیی بەرگەچ) توانیان هاووڵاتییەك بە تۆمەتی ڕاوكردنی باڵندەی كێوی دەستگیر بكەن و دەستیانگرت بەسەر كڵاشینكۆفێك و  ماتۆڕسكیلێك.

بەردەوام بە لە خوێندنەوە

ژینگە

كەشوهەوای ئەمڕۆ و سبەینێی شارەكانی هەرێمی كوردستان

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە و ڕایدەگەیەنێت، پلەكانی گەرما بەرز دەبنەوە.

بەپێی پێشبینییەكانی كەشناسی، ئەمڕۆ یەك شەممە ئاسمان ساماڵ و پەڵە هەور دەبێت.

هەر بەپێی پێشبینییەكان، سبەینێ دوو شەممە، ئاسمان ساماڵ و پەڵە هەور دەبێت و پلەكانی گەرماش بەرز دەبنەوە.

بەردەوام بە لە خوێندنەوە

ژینگە

وێنە؛ نزیکەی 550 دۆنم پووش و پاوان لە سیتەك سووتا

خەڵك – بەشی هەواڵ
نزیكەی 550 دۆنم پووش و پاوان لە شنووری شارەدێی سیتەك سەر بە پارێزگای سلێمانی سووتا.

ئەمڕۆ هەینی بەڕێوەبەرایەتی پۆلیسی دارستان و ژینگەی پارێزگای سلێمانی ڕایگەیاند لە سنووری گوندەکانی گەڕەدێ و تەگەرانی سەر بە شارەدێی سیتەك، بە هۆکارێکی نادیار ئاگر لە پوش و پاوان و دارستانی سنوورەکە کەوتەوە.

ڕوونیشیكردەوە كە بەهۆی خێرایی ڕەشەباوە ئاگرەکە تەشەنەی سەندوو بووە هۆی سووتانی نزیکەی 550 دۆنم لە پوش و پاوان و داری ناوچەكە.

ئەوەشی خستەڕوو كە مەفرەزەکانی بنکەی پۆلیسی دارستانی سیتەك بە هاوكاری لەگەڵ بنکەی ئاگرکوژێنەوەی سیتەك توانیان دوای هەوڵ و ماندووبوونێكی زۆر ئاگرەكە كۆنترۆڵ بكەن.

بەردەوام بە لە خوێندنەوە

کوردستان