ئێمە لە تۆرە کۆمەڵایەتیەکان

کوردستان

سكاڵا لەسەر سەرۆك وەزیرانی هەرێم و عیراق تۆمار دەكرێت

خەڵك- بەشی هەواڵ

سكاڵایەكی یاسایی لە دادگای فیدراڵی لەسەر هەریەك لە سەرۆك وەزیرەكانی عیراق و هەرێمی كوردستان و وەزیری دارایی عیراق تۆمار دەكرێت بەهۆی دیارنەمانی چەند موچەیەكی فەرمانبەرانەوە.

ژمارەیەك پەرلەمانتار لە ڕاگەیەندراوێكدا ئاماژەیان بەوەكردووە، بۆ ئاشكراكردنی چارەنووسی ئەو موچانە پشتیوانی سكاڵای چەند فەرمانبەرێكی هەرێم دەكەن و سكاڵایان تۆماركردووە.

دەقی ڕاگەیەندراوەكە:
تۆماركردنی سكاڵای مووچە لەدادگای فیدرالی

بۆ بەرگریكردن لەمووچەی دیارنەماوی فەرمانبەرانی هەرێمی كوردستان، بریارماندا سكاڵای فەرمانبەرانی هەرێم و داواكەیان بكەینە داوایەكی یاسایی و بیگەیەنینە دادگای باڵای فیدرالیی عیراق ،و بەبریكاری كۆمەڵێك مووچەخۆری مافخوراو ،داوا لەسەر هەریەك لەسەرۆكی ئەنجومەنی وەزیرانی عیراق و سەرۆكی ئەنجومەنی وەزیرانی هەڕێمی كوردستان و وەزیری دارایی هەرێم (وێڕای كارەكانیان) تۆماربكەین و ئێمەش وەك نوێنەرانی خەڵك هەموو پشتیوانییەكیان دەكەین تا ئەو مافە زەوتكراوەیان بۆ دەگەڕێنینەوە.
بۆیە لەدرێژەی ئەو هەوڵانەدا ئەمڕۆ (٢٠١٩/٧/١٥) داواكەمانلەدادگایباڵایفیدڕاڵیعێراقتۆماركردوچاوەڕێیئاگاداركردنەوەیداوالەسەركراوەكانینبۆدیاریكردنیبەرواریدادبینی.

كاوە محەمەد
ئەمین بەكر
غالب محەمەد عەلی

کوردستان

 

خەڵک-بەشی هەواڵ

حکومەتی هەرێم بڕیارە لە مانگی تشرینی یەکەمی ئەمساڵ، پڕۆژە یاسای بودجە ڕەوانەی پەڕلەمانی کوردستان بکات.

بەپێی زانیاریيەکانی (خەڵک)، حکومەتی هەرێمی کوردستان پڕۆژە یاسای بودجەی ئامادەکردووە و چاوەڕوان دەکرێ لە مانگی تشرینی یەکەمی ۲۰۱۹ واتە مانگی ۱۰ی ئەمساڵ پڕۆژە یاساکە ڕەوانەی پەڕلەمانی کوردستانی بکات.

پڕۆژە یاسای بودجەی هەرێمی پشتی بەستووە بە داهاتی نەوتی هەرێم و بەشە بودجەی هەرێم لەبەغدا، پێشتریش سەرچاوەیەک لەوەزارەتی دارایی و ئابوری هەرێم بە(خەڵک)ی ڕاگەیاند، ئەگەر پڕۆژە یاسای بودجە پەسەند بکرێت، پلە بەرزکردنەوەی فەرمانبەران دەست پێ دەکاتەوە.

لەئێستادا حکومەتی هەرێم و حکومەتی ناوەند پەیوەندييەکانیان لەئاستێکی زۆر باشدایە و چاوەڕوانیش دەکرێ ڕێککەوتنەکانی نێوانیان بەرەو قۆناغی باشتریش هەنگاوبنێ، بەتایبەت ڕێککەوتن لەسەر مەلەفی نەوت.

لەدوای قەیرانی دارایی و شەڕی تیرۆرستانی داعش لە ساڵی ۲۰۱٤ەوە، حکومەت نەیتوانی هیچ پڕۆژە یاسایەکی بودجە ئامادە بکات، دەسپێکی کابینەی نۆیەم حکومەت بڕیارە جارێکی تر حکومەت ببێتەوە بەخاوەنی یاسای بوودجە.

بەردەوام بە لە خوێندنەوە

کوردستان

سەرۆك شارەوانییەكانی ئامەد و مێردین و وان دوورخرانەوە

خەڵك –بەشی هەواڵ

پۆلیس بینای شارەوانییەكانی ئامەد، وان و مێردینی گەمارۆ داوە. وەزارەتی ناوخۆی دەوڵەتی توركیا ڕایگەیاند، ئەو ٣ هاوسەرۆك شارەوانەی لەسەر كارەكانیان دوورخستووەتەوە.

سەلجوق مزراكلی هاوسەرۆك شارەوانیی هەدەپەی گەورە شاری ئامەد، ئەحمەد تورك هاوسەرۆك شارەوانیی هەدەپەی گەورە شاری مێردین و بەدیعە ئۆزگۆكچە ئەرتان هاوسەرۆك شارەوانیی هەدەپەی گەورە شاری وان لە كارەكانیان دوورخراونەتەوە.

دوای ئەوەی مزراكلی هاوسەرۆك شارەوانیی ئامەد لە كارەكەی دوورخرایەوە، پۆلیس دەرگای بینای شارەوانیی گەورە شاری ئامەد-یان شكاند.

مزراكلی رایگەیاند، لەبارەی دوورخستنەوەی لەسەر كار هیچ ئاگاداركردنەوەیەكی بۆ ڕەوانە نەكراوە. ڕاشیگەیاند “كاتژمێر ٦ی ئەم بیانییە ١٩ی ئابی ٢٠١٩ دەرگای بینای شارەوانیی ئامەد-یان شكاندووە و چوونەتە ناو بیناكە. من تۆزێكیتر دەچم بۆ شارەوانی. ئەو دۆخە و ئەو كارە لە دژی مافەكان و یاساكانە. دەبێت مرۆڤ ئەو هەڵوێستە لە دژی شارەوانییەكانی هەدەپە وەك هەڵوێست لە دژی ئۆپۆزسیۆنی دیموكراتیك لێكبداتەوە. ئیرادەی گەل دەستی بەسەردا گیراوە”.
سەرچاوە/ANF

بەردەوام بە لە خوێندنەوە

کوردستان

پۆلیسی هەولێر دەستگیركردنی تۆمەتبارێكی هەڵاتووی ڕاگەیاند

خەڵك – بەشی هەواڵ

بەڕێوەبەرایەتی پۆلیسی هەولێر ڕایدەگەیەنێت، دوای هەڵاتنی تۆمەتبارێك لە كەركوكەوە بۆ هەولێر توانیویانە دەستگیری بكەن و ڕادەستی پۆلیسی ئەو پارێزگایەی بكەنەوە.

بەڕێوەبەرایەتی پۆلیسی هەولێر لە لاپەڕەی فەڕمی خۆی لە تۆڕی كۆمەڵایەتی فەیسبوك بڵاویكردەوە، دوای هەڵاتنی تۆمەتبارێك لە پارێزگای كەركوك، كە بۆ ماوەی 15 ساڵ سزای زیندانی بۆ بڕابووەوە بەپێی ماددەكانی (٤٥٦، ٤٤۳، ۲٦۷)، ڕایكردبوو بۆ سنوری پارێزگای هەولێر، ئەمڕۆ یەكشەممە 18/8/2019 لەلایەن هێزەكانی بەڕێوەبەرایەتییەكەیانەوە تۆمەتبار دەستگیر كراوە.

ئاماژە بەوەشدراوە، دوای ئاگاداركردنەوەی پۆلیسی هەولێر لە ڕاكردنی ئەم تۆمەتبارە، تیمێك لە بەڕێوەبەرایەتی پۆلیسی هەولێر بەسەرپەرشتی (مقەدەم/ سالار ساڵح ئەحمەد) توانیویانە تۆمەتبارەكە دەستگیر بكەن و دواتر ڕادەستی پۆلیسی پارێزگای كەركوك بكەنەوە و نێردراوەتەوە بۆ پارێزگای كەركوك.

بەردەوام بە لە خوێندنەوە

کوردستان