ئێمە لە تۆرە کۆمەڵایەتیەکان

ئابوری

“حكومەتی نوێ‌ لەبری خەمی خەڵك و مووچە باسی دەوام دەكات”

خەڵك – بەشی هەواڵ
سەرۆكی فراكسیۆنی یەكگرتوو لە پەڕلەمانی كوردستان ڕایەگەیەنێت، ئەو كۆبوونەوەی ئەمڕۆی ئەنجوومەنی وەزیران و بڕیارەكانی قسەكانی ئێمەی پشتڕاست كردەوە بەوەی لە ڕابردوودا وتمان ئیدارەدانی حكومەت لەم هەرێمە لە سەرەتایی ترین ئاستیایەتی.

شێركۆ جەودەت، سەرۆكی فراكسیۆنی یەكگرتوو لە پەڕلەمانی كوردستان بە (خەڵك)ی ڕاگەیاند، ئەوەی ئەمڕۆ لە كۆبوونەوەی ئەنجوومەنی وەزیران بڕیاری لەسەر درا، ئەوەی سەلماند، كە شێوازی كاركردن و ئەدای حكومەت لە سەرەتایی ترین ئاستدایە.

وتیشی، “تازە بە تازە بڕیار دەدرێت لە وەزیرەوە تا خوارەوە پابەند بێت بەدەوامی فەرمی ڕۆژانەی خۆی، كە ئەوە ئەلف و بێی ئیدارەدان و حكومڕانیە، كە دەبوو حكومەت یەكەم كۆبوونەوەی بۆ كێشەكانی هاووڵاتیان بێت هەر لە پاشەكەوتی مووچە و چارەسەركردنی دۆخی ژیانی هاووڵاتیان”.

ڕاشیگەیاند، دەبوو قسە لەسەر شتە گەورە مەترسیدارەكان و ئەو دۆخە بكرایە، كە بەسەر خەڵك هاتووە لە ڕووی دەروونی و مەعنوییەوە.

ئاماژەی بۆ ئەوەشكرد، ئێمە لە 19ی شوباتی 2019 دا چەندین پڕۆژ یاسامان پێشكەشی پەڕلەمانی كوردستان كرد، كە تایبەتن بە خزمەتكردنی هاووڵاتیان و باشكردنی ژیان و گوزەران و پاشەكەوتی مووچە و هەمواری یاسای خانەنشینی، كە هاوتای عیراقی لێ بكرێت و لە 400 هەزار كەمتر نەبێت.

ئەمڕۆ ئەنجوومەنی وەزیرانی هەرێم یەكەم كۆبوونەوەی كابینەی نوێی ئەنجامدا و 6 بڕیاری دەركرد، كە تایبەت بوون بە پابەندبوونی وەزیرەكان و بەرپرسە باڵاكان و فەرمانبەران بە كاتی دەوام و بنبڕكردنی گەندەڵی و نەهێشتنی ڕۆتین، بەڵام بەهیچ شێوەیەك باسی مووچەی فەوتاو و 3 مووچەی ئەمساڵی فەرمانبەرانی نەكرد.

ئابوری

شاندێكی پسپۆڕ ڕەوانە دەكرێت
لە دەریای نەجەف بەشوێن نەوتدا دەگەڕێن

خەڵك- بەشی هەواڵ
وەزارەتی نەوتی عیراق بڕیاردەدات لەدەریای نەجەف بەشوێن بیرە نەوتدا بگەڕێت.

بەپێی ڕاگەیەندراوێك كە لەلایەن وەزارەتی نەوتی عیراقەوە بڵاوكراوەتەوە”ئیحسان عەبدولجەبار وەزیری نەوت ڕەزامەندەی دەربڕیوە لەسەر ناردنی شاندێكی پسپۆڕ لە بواری گەڕان، تا لە دەریای نەجەفدا بەشوێن نەوتدا بگەڕێت”.

وەزارەتی نەوت دەڵێت”ڕەوانەكردنی ئەو شاندە پسپۆڕە، بۆ گەڕانە سەبارەت بە ئەگەری بوونی كێڵگەی نەوتی لە دەریاكەدا”.

عیراق لە پلەی پێنجەمی جیهان و لە پلەی دووەمی وڵاتانی عەرەبیدایە لەڕووی یەدەگی نەوت، ئەمەش بەپێی دامەزراوەی پۆلێنی GFPی جیهانی.

دامەزراوەكە لە ڕاپۆرتێكیدا بۆ ساڵی 2020 ڕایگەیاندووە”یەدەگی نەوتی خاوی عیراق دەگاتە 142 ملیار و 500 ملیۆن بەرمیل، بەمشێوەیە لە پلەی پێنجەمی جیهاندایە”.

بەردەوام بە لە خوێندنەوە

ئابوری

وەزیری دارایی بڕیاری كردنەوەی بەڕێوەبەرایەتی چاودێری گومرگی دەركرد

خەڵك – بەشی هەواڵ
بە بڕیاری وەزیری دارایی، بەڕێوەبەرایەتی چاودێری گومرگی لە هەرێمی كوردستان دەكرێتەوە.

ئەمڕۆ چوار شەممە وەزارەتی دارایی بڵاویكردەوە كە لە پێناو چاكسازی زیاتر لە دەروازە سنووریەكان و بەرزكردنەوەی شەفافیەت لە كاری گومرگیدا، ئاوات شێخ جەناب وەزیری دارایی و ئابووری، بڕیاری كردنەوەی بەڕێوەبەرایەتی چاودێری گومرگی واژۆ كرد.

بەردەوام بە لە خوێندنەوە

ئابوری

نرخی نەوت لە بازاڕەكانی جیهان

خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو دابەزیەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ چوار شەممە، 12ی‌ ئابی 2020 دابەزیەوە، بەشێوەیەك نرخی‌ نەوتی برێنت بە 44 دۆلار و 66 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 41 دۆلارو 70 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

کوردستان