ئێمە لە تۆرە کۆمەڵایەتیەکان

ئابوری

لە سلێمانی دوابڕیار لەسەر پێوەری میكانیكی ئاو دەدرێت

خەڵك – بەشی هەواڵ
لە دوو ڕۆژی داهاتوودا ئەندامانی ئەنجوومەنی پارێزگای سلێمانی لەگەڵ پارێزگاری سلێمانی كۆدەبنەوە بەمەبەستی یەكلاكردنەوەی پرسی پێوەری میكانیكی ئاو، كە ماوەیەكە ناڕەزایی هاووڵاتیانی لێكەوتۆتەوە و ئەندامێكی ئەنجوومەنیش دەڵێت: ” پارەی زیاد و هەواش دەخوێنێتەوە”.

كاسترۆ مەعروف، ئەندامی ئەنجوومەنی پارێزگای سلێمانی بە (خەڵك )ی ڕاگەیاند، لەماوەی ڕابروودا زۆر قسەمان لەسەر پرسی پێوەری میكانیكی ئاو كرد، كە كێشەی بۆ هاووڵاتیان دروست كردووە، كە بڕی پارەی زیاد دەخوێنێتەوە.

وتیشی، “كێشەكانی ئەوەبوون، كە پێوەرەكان هەواش دەخوێننەوە و كێشەی دیكەیان هەیە ئەمە جگە لە گرانی نرخەكەی، كە بۆ هاووڵاتیان بارگرانیە”.

ڕاشیگەیاند، بڕیارە سبەی لەگەڵ هاوڕێیەكم لە ئەنجوومەن سەردانی پارێزگاری سلێمانی بكەین بۆ پرسی یەكلاكردنەوەی پێوەری میكانیكی ئاوی ماڵان.

ئەمە لەكاتێكدایە، بە بڕیاری پارێزگار و ئەنجوومەنی پارێزگا دهۆك كاركردن بە پێوەری ئاو لەو پارێزگا ڕاگیرا و دواتریش لە چەمچەماڵ بڕیارێكی هاوشێوە دەركرا، بەڵام بەڕێوەبەرایەتی گشتی ئاو و ئاوەڕۆی هەرێم لە ڕوونكردنەوەیەكدا دەڵێت: “بە لەبەرچاوگرتنی بەرژەوەندیەكانی خەڵكی كوردستان و بژێوی ژیانیان و كەمكردنەوەی ڕێژەی زێدەڕۆیی لە بەكارهێنانی ئاو، پڕۆژەی دانانی پێوەری میكانیكی باشترین ڕێگەچارەیە، پرۆژەكە لەپێناو پارێزگاری كردنە لە سامانی ئاو”.

ئابوری

چارەنووسی موچەی سێ مانگی فەرمانگە فیدڕاڵییەکان لەهەرێم نادیارە

خەڵک – بەشی هەواڵ

بەڕێوبەرایەتییەکانی (ڕەگەزنامە، پاسپۆرت، نشینگە و نوسینگەی زانیاری)، ئەمڕۆ موچەی مانگی نۆ وەردەگرن، لەکاتێکدا دەبوو موچەى مانگی شەش وەربگرن، چونکە حکومەتى عیراق موچەی مانگەکانی  ٦، ٧، ٨ ی بۆ ناردوون.

 

بەڕێوبەرایەتییەکانی (ڕەگەزنامە، پاسپۆرت، نشینگە و نوسینگەی زانیاری)  فیدڕاڵین و سەر بەحکومەتى عیراقن، بەڵام کارەکانیان لەهەرێمی کوردستانە و لەماوەى شەش مانگی ڕابردوودا تەنها دوو موچەیان وەرگرتووە.

 

ئەم بەڕێوەبەرایەتییانە لەلایەن حکومەتى عیراقەوە موچەی ئەو مانگانەیان بۆ هەرێم نێردراوە، بەڵام لەلایەن حکومەتى هەرێمەوە دابەشنەکراوە، لەئیستاشدا نازانرێت، ئایا چارەنووسی موچەکانی مانگی ٦،٧،٨ چی لێ بەسەردێت.

 

بەردەوام بە لە خوێندنەوە

ئابوری

جۆرە کرمێک بەشێک لەخەیاری جوتیاران لەناودەبات

خەڵک – یەحیا حبیب

 

جوتیارانی دەشتی شارەزوور بەهۆی جۆرە کرمێک لە سەدا %80 بەرهەمی خەیاری کوردی فڕێ دەدەن و هیچ سودێکی لێ نابینن، داواش دەکەن وەزارەتی کشتوکاڵ هاوکارییان بکات.

 

لەبەدواداچوونێکی مەیدانی (خەڵک)دا بۆسەر ئەو زەوییە کشتووکاڵییانەى خەیاری لێ بەرهەمدێنرێت، دەرکەوت بەشێک لەبەرهەمی خەیارەکە بەهۆی جۆرە کرمێکەوە خراپ بووە و جوتیارانیش دەستەوەستانن و نیگەرانن لەوەی هیچیان پێ ناکرێت.

 

لەو بەدواداچوونەدا گفتوگمان لەگەڵ ژمارەیەک جوتیار کرد، کە لەناویاندا سەلاح عەلی، جوتیارێکی دەشتی شارەزوورە بە (خەڵک)ی ڕاگەیاند، “ساڵانە لە وەرزی چاندنی تۆوی خەیاردا، بەداخەوە لەگەڵ پێگەیشتنی جۆرە کرمێک لێیان دەدات و بەهۆیەوە بەشێکی زۆری بەرهەمی خەیار ناتوانین هیچ سودێکی لێوەرگرین “.

 

وتیشی، “ئەم ساڵ لە سەدا %80ی بەرهەمی خەیارەکەمان سوودی لێوەرناگیرێت و کرم لێی داوە و لە سەدا %20 دەخەینە بازاڕەوە، ئەو ڕێژەیەش پارەی ماندووبونەکانمان دەرناکات، کرێی بارکردن و ڕنینی زۆرە و دەرەقەتی نایەین “.

 

ئەو جوتیارانە لای خۆیانەوە هەوڵی ئەوەیانداوە چارەسەری پێویست بۆ لەناوبردنی ئەو جۆرە کرمە بدۆزنەوە، بەڵام تاکو ئێستا هیچیان پێ نەکراوە.

 

ئەو جوتیارە ئاماژەی بۆ ئەوەکرد، “ئێمە دەستەوسان دانەنیشتوین و هەوڵمان نەدابێت بۆ ئەوەی بەرهەمێکی زیاتر و باشتری خەیاری کوردی بخەینە بازاڕەوە، بەڵکو چەندین جار دەرمانی بێستانمان کردووە، بەڵام ئەو کرمە لە گوڵەکەی دەدات دواتر دەچێتە ناوەوەی، لەگەڵ پێگەیشتنی خەیارەکە گەورەتر دەبێت و هیچ دەرمانێک بنەبڕی ناکات و سودی نابێت “.

 

سەلاح بە نیگەرانییەوە داوا دەکات، وەزیری کشتوکاڵ چاوی لە جوتیارانەوە بێت، ئەو داوا دەکات هاوکارییان بکرێت لە پێدانی پەینی کیمیایی و دەرمان لە پێناو بەرهەمێکی زۆر و تەندروستی خۆماڵیدا.

بەردەوام بە لە خوێندنەوە

ئابوری

تووشبووانی كۆرۆنا لە جیهان 41 ملیۆنی تێپەڕاند

خەڵك-بەشی هەواڵ

بە گوێرەی دواین ئامار، تووشبووانی ڤایرۆسی كۆرۆنا لە جیهاندا گەیشتە 41 ملیۆن و 50 هەزار و 369 حاڵەت.

بە گوێرەی ئامارە جیهانییەكان، تاكو كاتژمێر 9:30ی ئەمڕۆ چوار شەممە ژمارەی تووشبووانی كۆرۆنا لە جیهاندا گەیشتە 41 ملیۆن و 50 هەزار و 369 حاڵەت، لەو ژمارەیەش ملیۆنێك و 129 هەزار و 741 حاڵەتی گیانلەدەستدانیش هەبووە.

لەسەر ئاستی وڵاتانی جیهان، ئەمریكا زۆرترین ڕێژەی تووشبوون بە پەتاكەی تێدا تۆماركراوە و گەیشتووەتە هەشت ملیۆن و 520 هەزار و 307 كەس و 226 هەزار و 149 كەسیش گیانیان لەدەستداوە.

ڤایرۆسی كۆرۆنا نەخۆشییەكی كوشندەیە و مانگی 12ی ساڵی ڕابردوو لەشاری وۆهانی وڵاتی چین سەریهەڵداو لەئێستاشدا لە زیاتر لە 210 وڵات و ناوچەی جیهان بڵاوبووەتەوە.

بەردەوام بە لە خوێندنەوە

کوردستان