ئێمە لە تۆرە کۆمەڵایەتیەکان

عێراق

ڕەوتی حیكمە باس لە ئامانجی خۆپیشاندانەكەی هەینی داهاتوو دەكات

خەڵك- بەشی هەواڵ
ڕەوتی حیكمەی نیشتمانی ئۆپۆزسیۆن ڕایدەگەیەنێت، ئەو خۆپیشاندانەی لە ڕۆژی هەینیدا سازدەكرێت، لە خواستەكانی گەلی عیراقەوە سەرچاوەی گرتووە، ڕەتیشی دەكاتەوە لێوەی بەشوێن پۆستەكاندا بگەڕێن.

حسێن كنبار، سەركردە لە ڕەوتی حیكمەی نیشتمانی لە لێدوانێكی ڕۆژنامەوانیدا ڕایگەیاندووە، “ئەو خۆپیشاندانەی لە هەینی داهاتوودا سازدەكرێت، لە خواستەكانی گەلەوە سەرچاوەی گرتووە و لێوەی داوای فەراهەمكردنی خزمەتگوزارییەكانی كارەبا و ئاو و هەلی كار دەكرێت”.

بە وتەی سەركردەكەی حیكمە، “بوونی فراكسیۆنی ئۆپۆزسیۆن بۆ ڕاستكردنەوەی كاری حكومەت دەستەواژەیەكی باشە بۆ پتەوكردنی پلانەكانی حكومەت و جێبەجێكردنی خزمەتگوزارییەكان و بەگژداچوونەوەی گەندەڵی”.

سەبارەت بە ئامانجی خۆپیشاندانەكەش، كە دەوترێت لێوەی حیكمە بەشوێن پۆستدا دەگەڕێتە لە حكومەتە خۆجێیەكان، كنبار دەڵێت: “ڕەوتی حیكمە وازی لە پۆستە وزارییەكان هێناوە، تا عەبدولمەهدی بۆخۆی هەڵسوكەوتیان پێوە بكات، بۆیە شیاو نییە بەشوێن پۆستی نزمتردا بگەڕێت لەڕێی خۆپیشاندانەوە”.

ڕەوتی حیكمە بانگەشەی بۆ سازدانی خۆپیشاندان كردبوو لە هەینی داهاتوودا، كە لەلایەن ڕەوتەكەوە بە خۆپیشاندانێكی ملیۆنی لە 14 پارێزگادا وەسفكرابوو.

عێراق

باس لە ڕۆڵی پیاوانی ئایینی دەكات
چالاكوانێكی عیراقی: خۆپیشاندانی ئەمجارە جیاواز دەبێت

خەڵك- بەشی هەواڵ
چالاكوانێكی عیراقی پێیوایە، پیاوانی ئاینی بڕیار لەسەر مانەوە و دەستلەكاركێشانەوەی حكومەتەكەی عادل عەبدولمەهدی دەدەن، پێشبینیش دەكات لەگەڵ خۆئامادەكردنی هەندێك لە حزب و ڕەوتە سیاسییەكان بۆ بەشداریی لە خۆپیشاندانەكانی داهاتوو، خۆپیشاندانەكانی ئەمجارە جیاواز بێت، یان بڕیارە لەبارەی دواخستنی بدرێت.

فاتیمە بەهادلی، چالاكوانی عیراقی بە (خەڵك)ی ڕاگەیاند”وەك ڕاگەیاندراوە ڕۆژی 25ی ئەم مانگە خۆپیشاندانەكان سازبكرێن، بەڵام پێشبینی دەكەین دوابخرێن بەو هۆیەی هەندیك لە حزبە سیاسییەكان و ڕەوتی سەدر بڕیاریانداوە بەشداریی تێدا بكەن، بۆیە لەمجارەدا خۆپیشاندانەكان وەك جاری پێشوو ئەگەر سازبكرێن، توندوتیژییان تێدا نابێت و ڕەنگە بڕیاریش لەبارەی دواخستنیانەوە بدرێت”.

بە وتەی بەهادلی:”لە خۆپیشاندانەكانی پێشوودا بەو هۆیەی تەنیا لاوان بەبێ‌ پشتیوانی هیچ لایەنێكی سیاسی خۆپیشاندانیان سازكرد، كرانە ئامانج و خەڵتانی خوێن كران، بەڵام ڕێی تێناچێت حزب و لایەنە سیاسییەكان خۆپیشاندان بكەن و لەلایەن هێزە ئەمنییەكانەوە بكرێنە ئامانج و تەقەیان لێبكرێت، بۆیە خۆپیشاندانی 25ی ئەم مانگە یان دوادەخرێت، یان وەك خۆپیشاندانی پێشوو توندوتیژی بەخۆوە نابینێت”.

ئەو چالاكوانە مەدەنییە عیراقیە دەڵێت”دەرچوونی عیراق لە ئەندامێتی مافەكانی مرۆڤ، كاریگەریی زۆری لەسەر حكومەت و شەقام هەیە، بۆیە چاوەڕوان ناكرێت لەمجارەدا حكومەت هەمان توندوتیژی پێشوو لە دژی خۆپیشاندەران بەكاربهێنێت، بەهۆی ئەو بەرەنجامە نەرێنیانەی كە لەسەری دروستبوو”.

فاتیمە بەهادلی لە كۆتایی قسەكانیدا، وتی”زۆر بە ڕاشكاوانە ناكرێت بڵێین خۆپیشاندانەكان دەبنە مایەی ناچاركردنی حكومەت بۆ ئەوەی دەستلەكاربكێشێتەوە، چونكە لە عیراق پیاوانی ئاینی كاریگەریی تەواوییان هەیە لەو بارەیەوە و ڕەنگە بە گوشاری ئەوان، یان ئەو وڵاتانەی دەستییان لە پرۆسەی سياسى عیراقیدا هەیە، مەسەلەی مانەوە یان دەستلەكاركێشانەوەی حكومەت یەكلایی بكرێتەوە”.

 

بەردەوام بە لە خوێندنەوە

عێراق

ئندپندنت: عەبدولمەهدی لەم مانگەدا دەستلەكاردەكێشێتەوە

خەڵك- بەشی هەواڵ
ڕۆژنامەی ئندپندنتی بەریتانی دەڵێت، عادل عەبدولمەهدی سەرۆك وەزیرانی عیراق، بەنیازە پێش 25ی ئەم مانگە دەستلەكاربكێشێتەوە، باس لە هەڵوێستی هەردوو هاوپەیمانی فەتح و سائیرونیش دەكات بۆ هێوركردنەوەی خۆپیشاندانەكان و تەوژمی ناڕەزایی میللی.

ڕۆژنامەی ئندپندنت لە زاری چەند سەرچاوەیەكی ئاگادارەوە بڵاویكردەوە”عەبدولمەهدی بیر لە دەستلەكاركێشانەوە دەكاتەوە بەر لەو وادەیەی كە چالاكوانان دیارییان كردووە بۆ دەستپێكردنەوەی خۆپیشاندان كە 25ی ئەم مانگەیە، ئەمەش دوای ڕووداوە خوێناوییەكانی سەرەتای مانگ، دەستلەكاركێشانەوەی سەرۆك وەزیرانیش پێشنیاری لایەنە سیاسییەكانە كە پێیانوایە هەنگاوێكە بۆ هێوركردنەوەی شەقام”.

هەر بەپێی ڕۆژنامە بەریتانییەكە” عەبدولمەهدی لە هەفتەی ڕابردوودا بڕیاری دەستلەكاركێشانەوەكەی تاوتوێ‌ كردووە لەگەڵ نوێنەرانی هەردوو فراكسیۆنی سائیرون و فەتح كە بۆ پۆستەكەی كاندیدیان كردبوو، بەڵام لەو دەمەدا بە ڕاشكاوی ئەو هەنگاوە ڕەتكرابووەوە لەلایەن هەردوو فراكسیۆنەكەوە، بەڵام لەئێستادا ڕەوشە گۆڕاوە لەگەڵ سوربوونی چالاكوانان لەسەر ڕێكخستنی خۆپیشاندانی نوێ‌ كە ڕەنگە تێیدا داوای ڕوخاندنی تەواوی سیستمی سیاسی بكرێت”.

ڕاپۆرتەكە لەزاری سەرچاوە ئاگادارەكانەوە پێیوایە”نوێنەرانی سائیرون و فەتح، ڕەنگە دەستبەرداریی پلانی پشتگیریكردن لە عەبدولمەهدی بووبن، گەر دەستلەكاركێشانەوەكەی لە پۆستی سەرۆكی حكومەت ببێتە مایەی هێوركردنەوەی خۆپیشاندەران، بابەتی دەستلەكاركێشانەوەكەش لەمجارەدا زۆر جددییە، بە تایبەت دوای ئەوەی ناوی سەرۆك وەزیرانی عیراق وابەستەی هەڵمەتی سەركوتكردنی خوێناوی دژ بە خۆپیشاندەران كرا لە سەرەتای ئەم مانگە كە تێیدا زۆرێك كوژران و برینداربوون و دەستگیركران”.

بە بۆچوونی ئندپندنت”عەبدولمەهدی لەم قۆناغەدا هیچ پشتوانییەكی نەماوە، بۆیە ڕێگەچارەی بەردەوامبوون و دەستلەكاركێشانەوە لەئێستادا سەبارەت بە عەبدولمەهدی یەكسانن و بە تەنیا خۆی دەتوانێت چارەنوسی خۆی دیاریی بكات”.

لەم ماوەیەی دواییدا خۆپیشاندانی فراوان لە بەغدای پایتەخت و شارەكانی تری ناوەڕاست و باشووری عیراق سازكرا، خۆپیشاندەران لە خۆپیشاندانەكاندا داوای باشكردنی ئاستی خزمەتگوزارییەكان و بنبڕكردنی گەندەڵی و دۆزینەوەی هەلی كاریان كرد، بەڵام بەهۆی دروستبوونی ڕووبەڕووبوونەوە لەنێوان خۆپیشاندەران و هێزە ئەمنییەكان، زیاتر لە 100 كەس كوژران و هەزاران كەسی تر برینداربوون.

بەردەوام بە لە خوێندنەوە

عێراق

دوو هۆز لە بەسرە بە چەكی قورس لە یەك دەدەن

خەڵك- بەشی هەواڵ
سەرچاوەیەكی ئەمنی عیراقی ڕایدەگەیەنێت، لە ناكۆكی خێڵەكی لەنێوان دوو هۆزدا لە باكووری بەسرە، چەكی قورس بەكارهاتووە.

سەرچاوەیەكی ئەمنی عیراقی بە ماڵپەڕی (بغداد الیوم)ی ڕاگەیاندووە”لە ناكۆكییەی خێڵەكی لە باكووری پارێزگەی بەسرە، دوو هۆز لە دژی یەكتری چەكی قورسییان بەكارهێناوە”.

سەرچاوەكە دەڵێت”پێكداهەڵپژانی توند بە چەكی قورس و هاوەن لەنێوان دوو هۆزدا لە قەزای مەدینە لە باكووری پارێزگەی بەسرە ڕوویداوە”.

ئەم ناكۆییە خێڵەكییانە لە بەسرە بەشێوەیەكی بەردەوام دووبارە دەبنەوە و لە زۆربەی جارەكاندا زۆرێك دەبنە قوربانی، ئەمەش لەكاتێكدایە كە هێزە ئەمنییەكان بۆ ڕێگرتن لەو جۆرە ڕووداوانە، تائێستا ڕۆڵی كاریگەرییان نەبووە و ڕۆڵەكانیان ناوەندی بووە.

پارێزگەی بەسرە لە باشووری عیراق، بە گرنگترین سەنتەری ئابوری لە عیراقدا دادەنرێت و هەر لە مێژە بە “بەرچنەی خۆراكی عیراق” ناودەبرێت، بەو هۆیەی زۆربەی كێڵگە نەوتییەكانی وڵات كەوتوونەتە ئەو پارێزگەیە و 90%ی داهاتی عیراق دابین دەكەن.

 

بەردەوام بە لە خوێندنەوە

کوردستان