ئێمە لە تۆرە کۆمەڵایەتیەکان

عێراق

دەوڵەتی یاسا بۆ (خەڵك) هەڵوێستی خۆی بەرانبەر سەردانی بارزانی بۆ بەغدا ئاشكرا دەكات

خەڵك- بەشی هەواڵ
هاوپەیمانی دەوڵەتی یاسا، كە لەلایەن نوری مالكییەوە سەرۆكایەتی دەكرێت، هەڵوێستی خۆی بەرانبەر بە سەردانی شاندی حكومەتی نوێی هەرێمی كوردستان بۆ بەغدا ئاشكرا دەكات و هیواخوازە ئەم سەردانە بە هەمان شێوەی سەردانی جارەكانی تر بێ‌ ئەنجام نەبێت و ببێتە مایەی چارەسەركردنی كێشە هەڵپەسێردراوەكانی نێوان بەغدا و هەرێم.

عەلی غانمی، پەڕلەمانتاری هاوپەیمانی دەوڵەتی یاسا، لە لێدوانێكی تایبەت بە (خەڵك) ڕایگەیاند، “دەوڵەتی یاسا لەگەڵ چارەسەركردنی هەموو ئەو كێشە هەڵپەسێردراوانەدایە، كە لەگەڵ هەرێمی كوردستاندا هەن، بەڵام ناخوازین سەردانەكان ئەنجام بدرێن بەبێ‌ ئەوەی ببنە مایەی كۆتایی هێنان بەو كێشانەی لەنێوان هەردوولادا هەن، كە دووبارە دەبنەوە و بەردەوامن و لەنوێبوونەوەدان”.

بە وتەی عەلی غانمی، “دوای ئەوەی حكومەت پێكهێنرا و بودجە پەسەندكرا، ڕێككەوتن لەگەڵ هەرێم كرا، كە دەبێت هەناردەی نەوتی خۆی ئاشكرا بكات و پشكی عیراق لەو نەوتەی هەناردەی دەكات لەبەرانبەر دەستەبەركردنی پشكی لە بودجەدا دابین بكات، بەڵام ئەوەی چاوەڕوان دەكرا بەئەنجام نەگەیشت”.

پەڕلەمانتارەكەی دەوڵەتی یاسا پێیوایە، “سامانی نەوت سامانێكی فیدڕاڵییە و بۆ هەمووانە، بۆیە ناكرێت لایەنێك تاكڕەوی پێوە بكات بە حوكمی پێگەكەی، ڕاستە عیراق دەوڵەتێكی فیدڕاڵییە، بەڵام سامانەكەی موڵكی هەموو گەلی عیراقە، لەگەڵ هەرێمیش لەسەر ئەوە ڕێككەوتن كراوە، كە دەبێت هەرێم قەبارەی هەناردەی نەوتی ئاشكرا بكات و بڕی دیاریكراوی لێبدات بە بەغدا، لەبەرانبەر ڕەوانەكردنی پشكی هەرێم لە بودجەدا، ئەمەش بووە مایەی ناكۆكی و لەئێستادا كێشەی لەسەر دروست بووە”.

سەبارەت بە هەڵوێستی دەوڵەتی یاساش بەرانبەر ئەو كێشانە، غانمی وتی، “دەوڵەتی یاسا لەگەڵ چارەسەكردنی كێشەكانە و لەگەڵ ئەوەدایە هەموو لایەك مافی خۆی وەربگرێت”.

لەبارەی سەردانە چاوەڕوانكراوەكەی شاندی هەرێمی كوردستانیش بۆ بەغدا، پەڕلەمانتارەكەی دەوڵەتی یاسا دەڵێت: “ئەمە بەپێی هەڵوێستەكان هەڵسەنگاندنی بۆ دەكرێت، گەر هەڵوێستی لایەنی كوردی بۆ بەڕێكردنی كات و تێپەڕاندنی كێشەكان بێت بەبێ‌ ئەوەی چارەسەربكرێن ئەوە بێ‌ ئەنجام دەبێت، بەڵام ئەگەر گۆڕانكاری بەخۆوە ببینێت و جۆرێك لە بەدەنگەوەهاتنی هەبێت، ئەوا ئەنجامی ئەرێنی دەبێت، پشت بە خودا ئەو هەنگاوە دەبێتە مایەی خزمەتكردن بە بەرژەوەندی گشتی”.

ئەمڕۆ دوو شەممە ئەنجوومەنی وەزیرانی هەرێم كۆبووەوە و لە ڕاگەیەندراوێكدا جەختی كردەوە، كە سبەینێ‌ سێ‌ شەممە شاندێكی باڵا بۆ دەربڕینی نیازپاكی و دەستپێكردنی گفتوگۆكان سەردانی بەغدا دەكات.

بەپێی زانیارییەكانی (خەڵك)یش شاندەكە لەلایەن مەسرور بارزانی، سەرۆك وەزیرانی هەرێمەوە سەرۆكایەتی دەكرێت و چەند وەزیرێك و بەرپرسێكی كابینەی نوێی حكومەتی هەرێم یاوەری دەكەن.

ئەم هەڵوێستەی هاوپەیمانیەكەی مالكی بەرامبەر سەردانی بارزانی بۆ بەغدا لەكاتێكدایە، كە مەسرور بارزانی نامەیەكی پیرۆزبایی بۆ نوری مالكی نارد بەهۆی دووبارە هەڵبژاردنەوەی بە سەرۆكی حزبی دەعوەی ئیسلامی شیعەكان و لە بەرامبەریشدا مالكی وەڵامی دایەوە و سوپاسی كرد.

عێراق

عەللاوی هەڕەشەی هەڵوەشانەوەی سیستمی سیاسی وڵات دەكات

خەڵك- بەشی هەواڵ
سەرۆك وەزیرانی ڕاسپێردراوی عیراق ڕایدەگەیەنێت، ئەگەر كابینە وەزارییەكەی شكست بهێنێت، سیستمی سیاسی دووچاری نسكۆ دەبێت.

ئەمڕۆ سێ‌ شەممە، ئاژانسی دەنگوباسی ئەردەنی (بەترا) لە زاری سەرچاوەیەكی سیاسی نزیك لە محەمەد تۆفیق عەللاوی، سەرۆك وەزیرانی ڕاسپێردراوی عیراق بڵاویكردەوە، “ئەگەر حكومەتەكەی دووچاری شكست ببێت، تەواوی سیستمی سیاسی عیراق لە دوای ساڵی 2003وە تووشی نسكۆ دەبێت”.

بە وتەی سەرچاوەكە، “عەللاوی داوای پشتیوانی بێ‌ مەرجی كردووە لە فراكسیۆنەكان و حزبە سیاسییەكان، تا ئازادی هەڵبژاردنی ئەندامانی حكومەتەكەی پێ ببەخشن بەبێ‌ دەستوەردان”.

سەرچاوەكە دەڵێت: “عەللاوی لەلایەن فراكسیۆن و حزبە سیاسییەكانەوە پشتیوانی سیاسی لێكراوە و بەڵێنیداوە زەمینەسازی بۆ هەڵبژاردنی پێشوەخت بكات و بایەخ بە بەرنامەی خزمەتگوزاری بدات وەك تاكە ڕێڕەوێك بۆ هێوركردنەوەی تەوژمی خۆپیشاندانەكان، كە چوار مانگە عیراقیان گرتۆتەوە”.

بەردەوام بە لە خوێندنەوە

عێراق

“شیعە 11 وەزارەت و سوننە 6 وەزارەت”
پشكی كورد لە حكومەتەكەی عەللاوی دیاریكرا

خەڵك- بەشی هەواڵ
سەرچاوەیەكی سیاسی ئاگادار ڕایدەگەیەنێت، كابینە وەزارییە نوێیەكەی محەمەد تۆفیق عەللاوی، سەرۆك وەزیرانی ڕاسپێردراو، 11 وەزارەت بۆ شیعە و 6 وەزارەت بۆ سوننە و 5 وەزارەت بۆ كورد لەخۆدەگرێت.

شاندێكی سیاسی هەرێمی كوردستان، كە لە نوێنەری (یەكێتی و پارتی و گۆڕان و كۆمەڵ و یەكگرتوو) پێكهاتوون لە ئێستادا لە بەغدان و گفتووگۆ لەسەر ماف و پشكی كورد لە كابینەكەی عەللاوی دەكەن و بڕیارە ئەمشەو كۆبوونەوەیەك لەوبارەیەوە لەگەڵ كوتلە عیراقییەكان ئەنجام بدەن.

ئەمڕۆ سێ‌ شەممە، سەرچاوەیەكی سیاسی ئاگادار بە ماڵپەڕی (الاخباریە)ی عیراقی ڕاگەیاندووە، “محەمەد تۆفیق عەللاوی، سەرۆك وەزیرانی ڕاسپێردراو، كابینە وەزارییەكەی تەواوكردووە و لە ماوەیەكی داریكراودا، كە ڕەنگە پێنج شەممەی داهاتوو ئەوپەڕی بێت، بۆ پەڕلەمانی ڕەوانە دەكات”.

بە وتەی سەرچاوەكە، “كابینە وەزارییەكە 11 وەزارەت بۆ شیعە و 6 وەزارەت بۆ سوننە و 5 وەزارەت بۆ كورد و وەزارەتێكیش بۆ كەمینەكان لەخۆدەگرێت، هەر لەو چوارچێوەیەدا 5 وەزیر لە كابینەكەدا هەڵگری دوو ڕەگەزنامەن و 5 وەزیری تر ژنن”.

پێشتر سەرچاوەیەكی سیاسی ڕایگەیاندبوو، ڕاگەیاندنی كابینە وەزارییەكە لەماوەی پێنج ڕۆژی داهاتوودا دەبێت.

 

بەردەوام بە لە خوێندنەوە

عێراق

فەتح: ڕازی نابین ناتۆ لەسەر خاكی عیراق بێت

خەڵك- بەشی هەواڵ
هاوپەیمانی فەتح، كە لەلایەن هادی عامرییەوە سەرۆكایەتی دەكرێت ڕایدەگەیەنێت، بڕیارەكەی پەڕلەمان بۆ دەركردنی هێزە بیانییەكان ڕوونە و پێویستی بە شیكردنەوە نییە، ڕەتیشیدەكاتەوە هاوپەیمانی باكووری ئەتڵەسی (ناتۆ)، لە وڵاتدا جێگەی هێزەكانی ئەمریكا بگرێتەوە.

حەسەن سالم، پەڕلەمانتاری هاوپەیمانی فەتح لە بەیاننامەیەكدا ڕایگەیاندووە، “بڕیارەكەی پەڕلەمانی عیراق بۆ دەكردنی هێزە بیانییەكان زۆر ڕوونە و پێویستی بە شیكردنەوە نییە، گواستنەوەی ئەركی ئەمریكاییەكانیش بۆ هاوپەیمانی ناتۆ، سەرپێچی بڕیارەكەی پەڕلەمانە”.

بە وتەی ئەو پەڕلەمانتارەی فەتح، “داواكارییەكانی ئەمریكا لەگەڵ بەدەركردنی بنكەی عەین ئەسەد و بنكەكانی تری هەرێمی كوردستان لە پاشەكشەكردنی هێزەكان، بازهەڵدانە بەسەر بڕیارەكەی پەڕلەمان، كە ئاماژە بە پاشەكشەكردن لە عیراق دەكات بەبێ‌ دابەشبوون یان دابەشكردنێك”.

حەسەن سالم داوای لە حكومەت كردووە،” بوێر و چاونەترس بێت و داواكارییەكەی ئەمریكا بۆ دانانی سیستمی پاتریۆت ڕەتبكاتەوە، كە خۆی لەخۆیدا گرتنەبەری ڕێوشوێنی بەرگرییە لە قەوارەی زایۆنیزم، ئەمەش مایەی نەنگییە عیراق ببێتە سوپەر بۆ بەرگری لە زایۆنیزمەكان”.

بەردەوام بە لە خوێندنەوە

کوردستان