ئێمە لە تۆرە کۆمەڵایەتیەکان

وەرزشەکانی تر

میدیاکانی سڕبیا جیۆکۆڤیچ وه‌ک “پاڵه‌وانی گه‌ل” ده‌ناسێنن و سه‌رۆکی وڵاتیان هێنایه‌ سه‌رخه‌ت !

خه‌ڵک سپۆرت

ڕووبه‌روبونه‌وه‌ی مێژوویی نێوان نۆڤاک جیۆکۆڤیچی سڕبی و ڕۆجێ فێدره‌ری ئه‌فسانه‌ی سویسری له‌پاڵه‌وانێتی ویمبڵدۆن ئه‌نجامدرا و ئه‌ستێره‌ سڕبیه‌که به‌ ئه‌نجامی سێ کۆمه‌ڵه‌ به‌رامبه‌ر کۆمه‌ڵه‌یه‌ک‌ بردنه‌وه‌ی به‌ده‌ستهێنا.

سه‌رجه‌م شاره‌زایان کۆکن له‌سه‌ر ئه‌وه‌ی ڕووبه‌ڕوبونه‌وه‌که‌ مێژوویی بووه‌، پێنج کاتژمێر زیاتری خایاند و هه‌ردوو ئه‌فسانه‌ی بواره‌که‌ توانیان ئاستی ناوازه‌ پێشکه‌ش بکه‌ن، ته‌نانه‌ت هه‌ندێک له‌شاره‌زایان پێیان وایه‌ ئه‌وه‌ی ڕوویداوه‌ یه‌که‌مینجاره‌ له‌ڕووی کات و له‌ڕووی ئاسته‌وه‌ ڕووده‌دات، به‌تایبه‌ت پاش ئه‌وه‌ی ده‌رکه‌وت ٧٠ ساڵه‌ هیچ یاریزانێک نه‌یتوانیوه‌ وه‌ک جیۆکۆڤیچ له‌دوای گه‌ڕاندنه‌وه‌ی دوو تۆپی یه‌کلاکه‌ره‌وه‌ بگه‌ڕێته‌وه‌، ئه‌وه‌ی له‌و ڕووبه‌ڕوبونه‌وه‌یه‌دا ئه‌نجامدراوه‌ هه‌موو ورده‌کاریه‌کانی تێنسی سه‌رزه‌وی له‌خۆیدا کۆده‌کاته‌وه‌.

له‌م باره‌یه‌وه‌ ڕۆژنامه‌کانی بیلیچ و داناس و ڤیچیرنی نۆڤۆستی وپۆلیتیکا و سپۆرتسکی نۆڤۆستی له‌ سڕبیا سه‌رجه‌میان جیۆکۆڤیچیان وه‌ک پاڵه‌وانی گه‌ل ناساندووه‌.

بیلیچ و سپۆرتسکی نۆڤۆستی و پۆلیتیکا ئاماژه‌یان کردووه‌، که‌ له‌و یارییه‌ مێژووییه‌دا پاڵه‌وانی گه‌لی سڕبیا ڕووبه‌ڕوی فێدره‌ری ئه‌فسانه‌ و هانده‌رانیش بووه‌ته‌وه‌، له‌کاتێکدا هانده‌ران به‌هه‌موو توانایانه‌وه‌ پاڵپشتی یاریزانه‌ سویسر‌یه‌که‌ بوون، به‌ڵام نۆلی کۆڵی نه‌داوه‌ و هێزی ده‌رونی نیشانداوه‌.

پاش پیاهه‌ڵدانی میدیاکان، ئه‌لیکسانده‌ر ڤۆچیچ سه‌رۆکی سڕبیا په‌یامێکی پیرۆزبایی له‌ڕاسته‌ی “نۆلی” کرد و ڕایگه‌یاند :” هه‌رچه‌نده‌ ڕکابه‌ری گه‌وره‌تر بێت جورئه‌ت و جوامێریش زیاتر ده‌بێت، هه‌رچه‌نده‌ ڕکابه‌ر به‌هێز بێت تینویه‌تی بردنه‌وه‌ و گڕوتینت زیاتر ده‌بێت، هه‌میشه‌ شێوازی یاریکردن و ئه‌وه‌ی دوای یارییه‌کان نیشانی ده‌ده‌یت سه‌رچاوه‌ی ئیلهام بووه‌ بۆ ئێمه‌ و هه‌موو هاوڵاتیه‌کی سڕبی”.

ویمبڵدۆنی ٢٠١٩ نازناوی ژماره‌ (١٦)ی گراند سلام ده‌کات ئه‌ستێره‌ سڕبیه‌که‌ به‌ده‌ستی ده‌هێنێت، که‌ یه‌کێکه‌ له‌ چوار پاڵه‌وانێتیه‌ گه‌وره‌که‌ی بواری تێنسی سه‌رزه‌وی.

وەرزشەکانی تر

ڕیان نیومان بەبەرچاوی دۆناڵد ترامپەوە نزیکبوو لە دایتۆنا ماڵئاوایی لەژیان بکات

خەڵک سپۆرت

پێشبڕکێی ناسکاری دایتۆنا ٥٠٠ ئەنجامدرا و لەکۆتا خولانەوەکاندا نزیکبوو ڕیان نیومانی شۆفێری تیمی “ڕاش فینوای ڕەیسینگ” بەهۆی ڕووداوێکەوە گیان لەدەستبدات.

دۆناڵد ترامپی سەرۆکی ئەمریکا کە زۆرینەی هەوادارانی هەواداری پێشبڕکێکانی ناسکارن، ئەمڕۆ سەردانی حەلەبەی دایتۆنای کرد و بە ئوتۆمبێلی سەرۆکایەتی گەشتی سەرەتا و دەستپێکی بەنێو هاندەراندا کرد و دواتریش وەک هاندەرێکی بوارەکە بینەری پێشبڕکێی دایتۆنای ژمارە ٥٠٠ بوو.

ڕیان نیومانی ناسراو بە “ڕۆکێتمان” کە یەکێکە لە هەرە ناودارترین شۆفێرانی ناسکار لە ئەمریکا و جیهان، بە ئوتۆمبێلی فۆرد موستانگەوە تا کۆتا خولانەوەکان پلەی یەکەمی گرتبوو، بەڵام بەهۆی ڕووداوی بەریەککەوتنەوە لەگەڵ ئوتۆمبێلێکی ڕکابەردا لەڕێڕەوی حەلەبە چووە دەرەوە و خۆی کێسا بە دیواری پارێزەری هاندەران و پاشان خۆیکێشا بە چەند ئوتۆمبێلی تردا و بە ئاگرەوە لەناوەندی یاریگەکەدا خۆی گرتەوە.

تیمەکانی ئاگرکوژێنەوە و ستافی پزیشکی بەخێرایی گەیشتنە سەر ئوتۆمبێلەکە و شۆفێری ناوبراویان لەنێو ئوتۆمبێلەکەی بە برینداری هێنایە دەرەوە، دواتر ستافەکە ئاشکرایانکرد کە برینەکانی شۆفێرەکە سەختن.

ئەم ڕووداوە خۆشی و ئاهەنگێڕانی ئامادەبووان و سەرجەم تیپەکانی کۆتایی پێهێنا، تەنانەت ئاهەنگی فەرمی و کۆتایی پێشبڕکێکە ڕەتکرایەوە.

ستافی ڕاش فینوات ئاشکرایان کرد، کە پزیشکان پێیان وایە بارودۆخی نیومان ئاڵۆزە و نزیکبووە لە مردنەوە، سەرباری ئەوەی دۆخی ناجێگیربووە لە نەخۆشخانە، بەڵام مەترسی مردنی لەسەرنییە.

پێشبڕکێکانی ناسکار لەسەر ئاستی ئوتۆمبێلەکان لەجۆری “ستۆک کار ڕەیسینگ” ئەنجام دەدرێت و شۆفێران بەخێرایی (٣٠٠کم/ سەعات) بەچواردەوری ڕێڕەوی یاریگایەکدا چەندین خولانەوە ئەنجام دەدەن.

بەردەوام بە لە خوێندنەوە

وەرزشەکانی تر

ڕیاڵ مەدرید بەجیاوازییەکی زۆرەوە بردنەوەی تۆمارکرد و جامی شای ئیسپانیای ئیسپانیای بەرزکردەوە

خەڵک سپۆرت

تیپی باسکەی یانەی ڕیاڵ مەدرید لە یاریی کۆتایی جامی شای ئیسپانیا سەرکەوتنێکی گەورەیان تۆمارکرد و نازناوی ئەم وەرزەیان چنییەوە.

لەیاریی کۆتایی جامی شای ئیسپانیا بۆ یاریی باسکە، یانەی شاهانەی مەدرید ڕووبەڕوی ئونیکاخا بووەوە و بە ئەنجامی (٩٥ خاڵ بەرامبەر ٦٨) بردنەوەیەکی بەهێزیان تۆمارکرد.

لە چارەکی یەکەمدا ئەستێرە زەبەلاحەکانی مێرەنگی باڵادەستییان بەسەر ڕکابەرەکەیاندا نیشاندا و توانیان بە ئەنجامی (٢٦ – ١٣) پێشەنگی بگرن، لە چارەکی دووەمدا بە ئەنجامی (١٧ – ١٥) و چارەکی سێیەم بە ئەنجامی (٢٥ – ١٤) بردنەوەیان بەدەستهێنا.

لەچارەکی چوارەمدا یاریزانانی یانەی ئۆنیکاخا هەوڵی بێوچانیاندا ئەنجامەکە هاوتا بکەنەوە، بەڵام لەو چارەکەشدا ئەستێرەکانی لۆس بلانکۆس بە ئەنجامی (٢٦ – ٢٥) بردنەوەیان تۆمار کرد.

بەکۆی گشتی (٩٥ – ٦٨) یانە سپییە زەبەلاحەکەی ئیسپانیا بۆ جاری (٢٨) لەمێژوویاندا جامی شای ئیسپانیایان بەرزکردەوە.

ئەم سەرکەوتنەی باسکەی ڕیاڵ مەدرید لەکاتێکدا تۆمار دەکرێت، کە پێکهاتەی تۆپی پێی یانەکە لە قۆناغە یەکلاکەرەوەکانی هەمان جامدا بەهۆی دۆڕاندن بەرامبەر ڕیاڵ سۆسیداد ماڵئاواییان کرد.

بەردەوام بە لە خوێندنەوە

وەرزشەکانی تر

ڕووبەڕوبونەوەی فێدرەر و نادال، زیاتر لە یارییەکی تێنسی سەرزەوی و شکێنەری ڕیکۆردەکان

خەڵک سپۆرت

ڕۆجێ فێدرەری ئەفسانەی تێنسی سەرزەوی یارییەکی دۆستانەی خێرخوازی لە ئەفریقای باشور بەرامبەر ڕافائێل نادالی ئەفسانەی هاوڕێی ئەنجامدا و ڕیکۆردێکی مێژووییان تۆمار کرد.

لەمێژووی تینسی سەرزەویدا، ڕووبەڕوبونەوەی نۆڤێمبەری ساڵی ڕابردووی نێوان فێدرەر و ئەلیکساندەر زڤیرێڤ لە مەکسیک ڕیکۆردی پێوانەیی لەسەر ئاستی جەماوەریی تۆمار کردبوو، لەو یارییەدا(٤٢) هەزار هاندەر ئامادەی یارییەکە بوون، بەڵام خودی فێدرەر بەرامبەر نادال ئەم ڕیکۆردەی شکاند.

فێدرەر و خێزانەکەی یارییەکی نمایشکاری خێرخوازی تێنسی سەرزەوییان لەشاری کیپ تاون لە ئەفریقای باشور ئەنجامدا، لە ئەنجامدا ئەفسانە سویسرییەکە سێ کۆمەڵە بەرامبەر بە دوو سەرکەوتنی بەدەستهێنا (٦ – ٤)، (٣ – ٦)، (٦ – ٣).

ڕووبەڕوبونەوەکە ئاسایی نەبوو، بەڵکو داهاتی ئەو پارەیەی لەڕێگەی فرۆشتنی بلیتی یارییەکەوە کۆدەکرایەوە پێشکەش بە ڕێکخراوە خێرخوازییەکان دەکرا و لەو یارییەدا (٥١ هەزار و ٩٥٤ هاندەر) ئامادەی بوون، تەواوی بلیتەکان فرۆشران و کۆی گشتی سێ ملیۆن دۆلار کۆکرایەوە.

لەم بارەیەوە فێدرەر دەڵێت :” زۆر خۆشحاڵم، من و نادالی هاوڕێم بەشێوەی ئاسایی خۆمان هەوڵماندا، شانازی دەکەم بە بوونم لێرە بەتایبەت خۆم کە ڕەگەزم ئەم وڵاتەیە، خۆشحاڵبووم دووبارە یاریگام لەگەڵ نادال دابەشکردەوە، ئەوە یەکەم جارمە لێرە و هیوادارم دووبارە لەبۆنەیەکی تردا بگەڕێمەوە”.

هەروەها نادال ڕایگەیاند :” هەوڵماندا ئەوپەڕی توانای خۆمان بەکاربهێنین، زۆر قورسە هەستی خۆمان دەرببڕین، ئەوەی ڕوویدا تاقیکردنەوەیەکی ناوازەی ژیان بوو بەرامبەر ئەو ڕێژە هاندەرە بێشومارە، لەنێو یاریگایەکی ناوازە و جواندا، بە فێدرەر و خێزانەکەی دەڵێم: کارێکی جوانتان کرد، خۆشحاڵبووم بە بەشداریکردن لەم بۆنەیە لەگەڵتاندا”.

بەردەوام بە لە خوێندنەوە

کوردستان