ئێمە لە تۆرە کۆمەڵایەتیەکان

جیهانی

بۆندێکی گه‌وره‌ به‌ “خامێس” دەگات و ڕیاڵ مه‌درید، ناپۆلی له‌ هاوکێشه‌که‌ ده‌کاته‌ ده‌ره‌وه‌ !

خه‌ڵک سپۆرت

جه‌یمس ڕۆدریگێزی کۆڵۆمبی ئه‌ستێره‌ی یانه‌ی ڕیاڵ مه‌درید له‌ پێکهاته‌ی نوێی زینه‌دین زێدانی ڕاهێنه‌ری فه‌ره‌نسیدا جێگه‌ی نابێته‌وه‌ و یانه‌یه‌کی زه‌به‌لاح بۆ گواستنه‌وه‌ی هاتۆته‌ سه‌ر هێڵ.

ڕۆژنامه‌کانی “لو ١٠ سپۆرت”ی فه‌ره‌نسی و “دۆن بالۆن”ی ئیسپانی ئاشکرایان کردووه‌، له‌ماوه‌ی رابردوودا ئیداره‌ی یانه‌ی شاهانه‌ی مه‌درید داوای گواستنه‌وه‌ی کالیدۆ کۆلیبالی به‌رگریکاریان له‌ یانه‌ی ناپۆلی کردووه‌، به‌ڵام یانه‌ ئیتاڵیه‌که‌ پێداگری کردووه‌ له‌ نرخه‌که‌یی و ئاماده‌ نه‌بوون دۆلارێک له‌بڕی (١٢٠ ملیۆن یورۆ) که‌م بکه‌نه‌وه‌، له‌ئێستادا دۆخه‌که‌ پێچه‌وانه‌ بۆته‌وه‌ و یانه‌ی ناپۆلی داوای گواستنه‌وه‌ی جه‌یمسی ڕۆدریگێز ده‌کات، نوێنه‌رانی یانه‌ی شاهانه‌ش داوای بڕی (٥٠ ملیۆن یورۆ)یان کردووه‌ و ئاماده‌ نه‌بوون به‌ که‌متر له‌و نرخه‌ ده‌ستبه‌رداری بن.

ئیداره‌ی ناپۆلی به‌ ئاشکرا دانیان به‌وه‌دا ناوه‌، که‌ ئه‌وان که‌متر له‌و نرخه‌ پێشکه‌ش ده‌که‌ن، به‌ڵام نوێنه‌رانی ڕیاڵ به‌ که‌متر له‌ (٥٠ ملیۆن) قایل نابن و ئه‌وه‌ش کێشه‌ی دروست کردووه‌، له‌کاتێکدا خودی یاریزانه‌که‌ حه‌زی به‌ یاریکردنه‌ له‌ژێر چاودێری کارلۆ ئه‌نچلۆتی.

سه‌رچاوه‌کان جه‌خت ده‌که‌نه‌وه‌، له‌ چه‌ند ڕۆژی ڕابردوودا نوێنه‌رانی پاریس سانت جێرمان هاتونه‌ته‌ نێو هاوکێشه‌که‌ و ئاماده‌ییان نیشانداوه‌ بڕی (٥٠ ملیۆن) پێشکه‌ش بکه‌ن، چاوه‌ڕوانیش ده‌کرێت به‌هۆی توندوتۆڵی په‌یوه‌ندیه‌کانی نێوان ناسڕ خلێفی خاوه‌نی پاریس سانت جێرمان و فلۆرنتینۆ پێریزی سه‌رۆکی یانه‌ی شاهانه‌وه‌ گواستنه‌وه‌که‌ به‌ ئاڕاسته‌ی پاریس یه‌کلایی بکرێته‌وه‌.

جیهانی

گرنگترین ئه‌و یارییانه‌ی ئه‌مڕۆ له‌ خوله‌ ناوخۆییه‌کانی ئه‌وروپا ئه‌نجام ده‌درێن (شه‌ممه‌)

خه‌ڵک سپۆرت

ئه‌مڕۆ خولی ئیتاڵیا ده‌ست پێده‌کاته‌وه‌ و ململانێی خوله‌ گه‌وره‌کانی تری ئه‌وروپاش هاوشێوه‌ی هه‌فته‌کانی ڕابردوو به‌رده‌وامی ده‌بێت، ئه‌مه‌ش گرنگترین ئه‌و ڕووبه‌ڕوبونه‌وانه‌ن که‌ ئه‌نجام ده‌درێن:

خولی ئینگلیزی (هه‌فته‌ی ٣)

نۆریچ سیتی – چێڵسی (٢:٣٠)

مانچسته‌ر یونایتد – کریستاڵ پاڵاس (٥:٠٠)

واتفۆرد – وێستهام (٥:٠٠)

وڵڤه‌رهامبتۆن – بێرنڵی (٥:٠٠)

برایتۆن – ساوزهامبتۆن (٥:٠٠)

شیفیڵد یونایتد – لیسته‌ر سیتی (٥:٠٠)

لیڤه‌رپوڵ – ئارسیناڵ (٧:٣٠)

خولی ئیسپانیا (هه‌فته‌ی ٢)

ئۆساسۆنا – ئیبار (٦:٠٠)

ڕیاڵ مه‌درید – ڤه‌له‌د وه‌لید (٨:٠٠)

سێلتا ڤیگۆ – ڤالێنسیا (١٠:٠٠)

خیتافێ – ئه‌تله‌تیک بلباو (١٠:٠٠)

خولی ئیتاڵیا (هه‌فته‌ی ١)

پارما – یوڤانتۆس (٧:٠٠)

فیورنتینا – ناپۆلی (٩:٤٥)

خولی ئه‌ڵمانیا (هه‌فته‌ی ٢)

ماینز – بوروسیا مونشنگلادباخ (٤:٣٠)

هۆفینهایم – ڤێرده‌ربریمه‌ن (٤:٣٠)

پادێربۆرن – فرایبۆرگ (٤:٣٠)

فۆرتونا دوسڵدۆرف – بایه‌رلیڤه‌رکوزن (٤:٣٠)

ئاوگسبۆرگ – یونایۆن به‌رلین (٤:٣٠)

شالکه‌ – بایرن میونشن (٧:٣٠)

خولی فه‌ره‌نسا (هه‌فته‌ی ٣)

ستاد بریست – ستاد ڕیمس (٩:٠٠)

ئه‌میان – نانت (٩:٠٠)

ئینجێر – میتز (٩:٠٠)

دیجۆن – بۆردۆ (٩:٠٠)

بەردەوام بە لە خوێندنەوە

جیهانی

بایرن میونشن به‌ کڕینی کۆتینیۆ هه‌وادارانی به‌خه‌به‌رهێنا و به‌رهه‌مه‌که‌ی (١٠٠ ملیۆن) لایک بوو !

خه‌ڵک سپۆرت

یانه‌ی بایرن میونشن له‌داهاتوودا سودی وه‌رزشیی له‌ گواستنه‌وه‌ی فیلیپی کۆتینیۆی به‌رازیلی وه‌رده‌گرێت و به‌ر له‌و واده‌یه‌ش له‌ڕووی دارایی و کۆمه‌ڵایه‌تیه‌وه‌ سودی زیاتری به‌ده‌ستهێناوه‌.

یانه‌ ئه‌ڵمانیه‌ ناوداره‌که‌ی ئه‌وروپا له‌ تۆڕه‌ کۆمه‌ڵایه‌تیه‌کانی تویته‌ر و فه‌یسبوک و ئینستاگرامه‌وه‌ هاشتاگی (به‌خێربێیت کۆتینیۆ)ی کردووه‌، له‌هه‌رسێ تۆڕه‌ کۆمه‌ڵایه‌تیه‌که‌ زیاتر له‌ ١٠٠ ملیۆن لایک و ٣٠٠ هه‌زار کۆمێنتی بۆ هاتووه‌، ئه‌وه‌ش جگه‌ له‌ ڕووه‌ کۆمه‌ڵایه‌تیه‌کان و به‌خه‌به‌رهێنانه‌وه‌ی هانده‌رانی یانه له‌سه‌رجه‌م جیهان‌، سودی دارایشی ده‌بێت.

له‌ڕووی وه‌رزشییه‌وه‌ گواستنه‌وه‌ی کۆتینیۆ هاوشێوه‌ی ڕووه‌ کۆمه‌ڵایه‌تیه‌که‌ به‌هێز بووه‌، به‌وپێیه‌ی له‌ یه‌که‌م یه‌که‌ی مه‌شق و ڕاهێنانی ئه‌ستێره‌که‌ی سیلیساو به‌درێسی باڤارییه‌وه‌ زیاتر له‌ ١٥٠٠ هانده‌ر له‌ یاریگای مه‌شقه‌کان ئاماده‌بوون، ئه‌و ڕێژه‌یه‌ش ماوه‌ی (١٠) ساڵ زیاتره‌ له‌ ئه‌ڵمانیا و به‌تایبه‌ت له‌یانه‌ی بایرن میونشن تۆمار نه‌کراوه‌.

له‌ڕووی بازرگانیشه‌وه‌، ئیداره‌ی یانه‌ هۆلیودیه‌که‌ی ئه‌ڵمانیا به‌فه‌رمی ئاشکرای کردووه‌ که‌ درێسی “کۆتی ١٠” له‌سه‌رجه‌م کۆگاکانی ئه‌دیداس له‌مه‌ودوا بوونی ده‌بێت و هه‌ز‌اران هانده‌ر خۆیان ناونوس کردووه‌ تا یه‌که‌مین کڕیاری درێسه‌کان بن، ئه‌وه‌ش ئیداره‌ی ئۆلی هۆنێس و کارڵ هاینز ڕۆمه‌نیگه‌ ده‌هێنێته‌ ئه‌و قه‌ناعه‌ته‌ی که‌ پێویسته‌ هاوینی داهاتوو گواستنه‌وه‌ی یاریزانه‌که‌ له‌ خواستنه‌وه‌ بکه‌ن به‌ هه‌میشه‌یی.

بەردەوام بە لە خوێندنەوە

جیهانی

ئیل شیرینگیتۆ: بارسا له‌ کڕینی نایمار بێهیوا بووه‌ و بۆندی (سێ به‌ یه‌ک)ی ڕیاڵیش ڕه‌تکراوه‌ته‌وه‌ !

خه‌ڵک سپۆرت

ئیداره‌ی یانه‌ی پاریس سانت جێرمانی فه‌ره‌نسی سوره‌ له‌به‌ده‌ستهێنانی بڕی ٢٢٢ ملیۆن یورۆ له‌ گواستنه‌وه‌ی نایمار دا سیلڤای به‌رازیلی و به‌ که‌متر له‌و نرخه‌ قایل نابێت، ئه‌وه‌ش هه‌ردوو یانه‌ی ڕیاڵ مه‌درید و به‌رشلۆنه‌ی بێهیوا کردووه‌.

ڕۆژنامه‌وانانی ئیسپانیا له‌ به‌رنامه‌ی “ئیل شیرینگیتۆ” تایبه‌ت به‌گواستنه‌وه‌ی نایمار له‌ پاریسه‌وه‌ بۆ ئیسپانیا ئاماژه‌یان به‌چه‌ند زانیارییه‌ک کردووه‌ که‌ هه‌رگیز له‌ به‌رژه‌وه‌ندی جه‌مسه‌ری کڕیار نییه‌.

به‌پێی زانیارییه‌کان، ئیداره‌ی یانه‌ی به‌رشلۆنه‌ له‌ پێشنیاری گواستنه‌وه‌ی نایمار به‌شێوه‌ی خواستن و پێشکه‌شکردنی ١٨٠ ملیۆن یورۆ له‌ هاوینی داهاتوو به‌ته‌واوی شکستیان هێناوه‌، به‌ڵکو له‌لایه‌ن نوێنه‌رانی یانه‌ی پاریس سانت جێرمانه‌وه‌ پشتگوێخراون و بۆنده‌ پێشکه‌شکراوه‌که‌ش به‌ گاڵته‌جاڕی وه‌سف کراوه‌.

له‌به‌رامبه‌ردا یانه‌ی ڕیاڵ مه‌درید به‌هێزه‌وه‌ هاتۆته‌ نێو هاوکێشه‌که‌ و ئاماده‌ییان نیشانداوه‌ بڕی ١٠٠ ملیۆن یورۆ و گاریس به‌یل و جه‌یمس ڕۆدریگێز و کیلۆر ناڤاس به‌ یه‌ک پاکێج به‌رامبه‌ر گواستنه‌وه‌ی یاریزانه‌ به‌رازیلیه‌که‌ پێشکه‌ش بکه‌ن، کۆی گشتی نرخی ئه‌و یاریزانانه‌ش له‌گه‌ڵ بڕه‌ پاره‌ی پێشکه‌شکراو زیاتر له‌ (٢٠٠ ملیۆن) ده‌کات، به‌ڵام سه‌یر ئه‌وه‌یه‌ ناسڕ خلێفی و هاوه‌ڵانی ئه‌و ئۆفه‌ره‌شیان قبوڵ نه‌کردووه‌ و ته‌نها و ته‌نها ئاماده‌بوون له‌حاڵه‌تی پێشکه‌شکردنی بڕی ٢٢٢ ملیۆندا ڕه‌زامه‌ندی نیشان بده‌ن.

⚡️⚡️"Si NEYMAR NO dice públicamente que QUIERE ir al BARÇA, NO LE QUIERO". Quim Domènech 'ESTALLA' en #ElChiringuitoDeMega

Posted by El Chiringuito TV on Wednesday, August 21, 2019

سه‌رچاوه‌ ئیسپانیه‌کان پێیان وایه‌ ئیداره‌ی بارسا به‌ته‌واوی له‌م که‌یسه‌دا کۆڵیداوه‌، به‌ڵام یانه‌ی شاهانه‌ هێشتا قسه‌ی کۆتایی نه‌کردووه‌ و  ڕۆژنامه‌وانه‌کان جه‌خت له‌وه‌ ده‌که‌نه‌وه‌ که‌ یانه‌ مه‌دریدیه‌که‌ له‌توانایدایه‌ بۆنده‌که‌ ئیمزا بکات.

بەردەوام بە لە خوێندنەوە

کوردستان