ئێمە لە تۆرە کۆمەڵایەتیەکان

ئابوری

“سەدان ئەفسەری عیراق لە وەزارەتی پێشمەرگە موچە وەردەگرن”

خەڵك- بەشی هەواڵ

ئەندامێكی لیژنەی ئاسایش و بەرگری پەڕلەمانی عیراق ڕایگەیاند، بەشێوەیەكی مەترسیدار ڕێژەی كورد لە سوپای عیراقدا كەمیكردووە، بەهۆی ئاسانكاری گەڕانەوەی ئەفسەر و سەربازەكانی بۆ ناو پێشمەرگە و سەدان ئەفسەری كوردیش لە سوپای عیراق، لە وەزارەتی پێشمەرگەش موچە وەردەگرن.

ناسر هەركی، كە هاوكات پەڕلەمانتاری فڕاكسیۆنی پارتی دیموكراتی كوردستانیشە بە (خەڵك)ی ڕاگەیاند، كێشەی كەمبوونەوەی ڕێژەی كورد بە ئاسانی گەڕانەوەی ئەفسەرەكانی سوپای عیراقە بۆ نێو پێشمەرگە.

وتیشی”گەڕانەوەی ئەو ئەفسەر و سەربازانە وایكردووە، ئەو كەسانە پابەندنابن بە بڕیارەكانی سوپاوە و هەر كاتێك بگوازرێنەوە بۆ شوێنێك كە خۆیان نەیانەوێت دەگەڕێنەوە بۆ نێو پێشمەرگە، لەگەڵ فەرماندەی چەند ئۆپەراسیۆنێك قسەمان كردووە، دەڵێن كورد نایەوێت بەشداری سوپا بكەن”.

ئەو پەڕلەمانتارەی پارتی ئەوەشی ئاشكراكرد، لە نێو ئەفسەرانی سوپای عیراقدا، سەدان ئەفسەری پلە جیاواز هەن، كە لە وەزارەتی پێشمەرگەش موچە وەردەگرن”دەبێت حكومەتی هەرێم و وەزارەتی پێشمەرگە ئەو كێشەیە چارەسەر بكەن”.

ئابوری

وەزارەتێكی عیراق سەدان پلەی دامەزراندنی ڕاگەیاند

خەڵك- بەشی هەواڵ
وەزارەتی نەوتی عیراق ڕایگەیاند، 650 دەرچووی بەشی نەوت دادەمەزرێنن.

وەزارەتی نەوت لە ڕاگەیەنراوێكدا ئاماژەی بەوەكردووە، ئەو دەرچووانە بەپێی خاڵ دادەمەزرێن و دەبن بە ئەندازیاری نەوت.

ئەو دەرچووانە لە بەشی نەوت لە زانكۆ حكومییەكانی عیراق بڕوانامەی بەكالۆریۆسیان بەدەستهێناوە و لە گێڵگەكانی باشور و ناوەڕاستی عیراقدا دەستبەكاردەبن.

لە ماوەی ڕابردوودا خۆپیشاندانی فراوان بۆ خزمەتگوزاری و هەلی كار ڕاگەیەنرا و بەهۆیەوە 104 كەس كوژران و دواتر حكومەتی عیراق بڕیاریدا دامەزراندن دەستپێبكاتەوە.

بەردەوام بە لە خوێندنەوە

ئابوری

پەڕلەمانتارێكی پارتی: ئەمساڵیش یاسای بودجە ئامادە ناكرێت

خەڵك- بەشی هەواڵ
پێنج ساڵە بەبێ‌ بوونی یاسای بودجە حكومەتی هەرێم پارە خەرج دەكات و ئەندامێكی لیژنەی دارایی و ئابوریش، كە هاوكات ئەندامی فراكسیۆنی پارتیە دەڵێت: “تا دڵنیایی لە داهات نەبێت، بودجەش ئامادە ناكرێت”.

لیزا فەلەكەدین كاكەیی، ئەندامی لیژنەی دارایی و ئابوری لە پەڕلەمانی كوردستان بە (خەڵك)ی ڕاگەیاند، حكومەتی هەرێم پشت بە داهاتی ناوخۆ و بەغدا دەبەستێت و پارەی بەغدا نادیارە و نازانرێت چەندە.

وتیشی، “تا دڵنیایی لە داهات نەبێت، ناتوانرێت پڕۆژە یاسای بودجە ئامادە بكرێت، چونكە داهات نەبێت ناتوانرێت خەرجیش دابنرێت”.

حكومەتی عیراق لەمساڵدا مانگانە 453 ملیار دینار وەك مووچەی فەرمانبەران دەنێرێت، بەبێ‌ ڕادەستكردنی نەوت، بەڵام پێشبینی دەكرێت لە ساڵی داهاتوودا بەپێی هەناردە نەوت پارە بنێرێت.

بەردەوام بە لە خوێندنەوە

ئابوری

لە سلێمانی پڕۆژەیەكی ستراتیژی كارەبا دەستی پێكرد

خەڵك- بەشی هەواڵ
بەمەبەستی بەرزكردنەوەی تۆانای هێڵەكانی گواستنەوەی كارەبا لەسنوری پارێزگای سلێمانی بەدرێژی 26 كیلۆمەتر قۆناغی یەكەمی پڕۆژی هێڵی گواستنەوەی وزەی كارەبای بازیان- چەمچەماڵ دەستیپێكرد.

بەڕێوەبەرایەتی گشتی كارەبای سلێمانی لە ڕاگەیەنراوێكدا ئاشكرای كرد، ئەمڕۆ یەك شەممە 13/10/2019 بەسەرپەرشتی ڕمك ڕەمەزان، قائیمقامی چەمچەماڵ و ئامادەبوونی ئەندازیار سالار حسامەدین، بەڕێوەبەری گشتی كارەبای سلێمانی و بەڕێوەری شارەدێی بازیان و ژمارەیەك لە بەرپرسانی حكومی چەمچەماڵ، لە چەمچەماڵ دەستكرا بەجێبەجێكردنی بەشی یەكەمی پڕۆژەی هێڵی گواستنەوەی وزەی كارەبای 132 كەی ڤی ویستگەی بەرهەمهێنانی كارەبای بازیان – چەمچەماڵ.

ڕاشیگەیاندووە، پڕۆژەكە ڕاستەوخۆ لەلایەن بەشی هێڵەكانی بەڕێوەبەرایەتی گواستنەوەی وزەی كارەبای سلێمانی جێبەجێ دەكرێت و بڕی 6 ملیۆن دۆلاری بۆ تەرخان كراوە.

جەختیشی كردۆتەوە، پڕۆژەكە یارمەتی دەرێكی باش دەبێت بۆ بەرزكردنەووەی تۆنای گواستنەوەی وزەی كارەبا بۆ چەمچەماڵ و كەركوك و كومكردنەوەی بارزۆری سەرهێڵەكان.

بەردەوام بە لە خوێندنەوە

کوردستان