ئێمە لە تۆرە کۆمەڵایەتیەکان

کوردستان

شەقامێكی سەرەكی بەغدا كرایەوە


خەڵك- بەشی هەواڵ

ئەمڕۆ یەكێك لە شەقامە سەرەكییەكانی بەغدا كرایەوە، كە لە ساڵی 2006ەوە داخراوە.

میدیاكانی عیراق بڵاویانكردەوە، كە پارێزگاری بەغدا ئەمڕۆ بە هاوكاری لیژنەی ئەمنی شەقامی مسمیان كردووەتەوە، كە لە ساڵی 2006ەوە داخراوە.

دوای دەستبەكاربوونی عادل عەبدولمەهدی وەك سەرۆك وەزیرانی عیراق، چەندین ڕێگای داخرابوو لە ناوچەی سەوز و شوێنەكانی دیكە بە ڕووی هاووڵاتیاندا كرایەوە.

کوردستان

هۆشداری دەدرێتە فەرمانبەرانی فڕۆكەخانەكان


 

خەڵك-بەشی هەواڵ

 

فڕۆكەخانەی نێودەوڵەتی سلێمانی ڕایدەگەیەنێت، هەر فەرمانبەرێكی فڕۆكەخانە لە ئەركدا نەبێت و پێناسی فڕۆكەخانە بۆ كاری تایبەتی خۆی بەكاربهێنێت، سزایی یاسایی دەدرێت.

فڕۆكەخانەی نێودەوڵەتی سلێمانی لە ڕاگەیەنراوێكدا ئاماژە بۆ ئەوە دەكات، ئاماژە بە پەیوەندی نێوان بەڕێزان سەرۆكی لیژنەی باڵای ئۆپراسیۆنەكانی پارێزگای سلێمانی و بەڕێوەبەری گشتی فڕۆكەخانە، لەلایەن هێزەكانی ئاسایشی ناوخۆ وە كارئاسانی بۆ فەرمانبەرانی فڕۆكەخانە دەكرێت بۆ گەیشتنیان بەدەوام و گەڕاوەنەوەیان بۆ ماڵەوە.

ئاشكراشیدەكات، هەر فەرمانبەرێكی فڕۆكەخانە لە ئەركدا نەبێت و پێناسی فڕۆكەخانە بۆ كاری تایبەتی خۆی بەكاربهێنێت، بەپێی بەیانی ژمارە (٢٤) لەلایەن هێزە ئەمنیەكانەوە مامەڵەی یاسایی لەگەڵدا دەكرێت و لەلایەن فڕۆكەخانەشەوە سزایی یاسایی دەدرێت.

بەردەوام بە لە خوێندنەوە

کوردستان

بەوێنە..هێزە ئەمنییەكان داوای داخستنی سەرجەم دوكان و بازاڕەكان دەكەن


خەڵك-بەشی هەواڵ

هێزە ئەمنیەكان ئاگاداری سەرجەم خاوەن دوكانەكان دەكەنەوە كاتژمێر ۱۲ دوكانەكانیان دابخەن.

بەهۆی قەدەغەی هاتوچۆوە، هاووڵاتیان پێداویستییەكانیان دەكڕن، چونكە مەترسیان هەیە كاتی قەدەغەی هاتووچۆ بەم شێوەیەی ئەمڕۆ درێژەی هەبێت.

هاوكات ڕەخنەش لە بڕیارەكەی وەزارەتی ناوخۆ گیرا بەوەی كە هاووڵاتیان بەشێوەیەك بەرچاو چوونە دەرەوە و ئەمەش كاریگەری نەرێنی هەیە لەسەر بڵاوبوونەوەی ڤایرۆسی كۆرۆنا.

بەردەوام بە لە خوێندنەوە

کوردستان

لیژنەی باڵای ئۆپراسیۆنی پارێزگای سلێمانی بۆ بەرەنگاربوونەوەی کۆرۆنا چەند بڕیارێکیدا


خەڵک – بەشی هەواڵ

لیژنەی باڵای ئۆپراسیۆنی پارێزگای سلێمانی بۆ بەرەنگاربوونەوەی کۆرۆنا چەند بڕیارێکی دەرکرد.

 

ئەو لیژنەیە، کە هەڤاڵ ئەبووبەکر پارێزگاری سلێمانى سەرۆکیەتی، لەڕایگەیەندراوێکدا ڕایگەیاند، لە کاتژمێر 12ی نیوەڕۆی ئەمڕۆدا لە سنوری پارێزگای سلێمانیدا، بەهەماهەنگیی لەگەڵ بەڕێوەبەرایەتیی گشتیی ئەوقافی پارێزگای سلێمانی، لە مزگەوتەکانەوە پەیامی خۆپارێزیی و خڕاگریی و پابەندبوون بە ڕێنماییە تەندروستیی و کارگێڕیی و ئارامییەکان و، قەدەغەکردنی هەموو جوڵەیەک بە پێی بەیانی ژمارە (٢٤)ی ساڵی ٢٠٢٠ی وەزارەتی ناوخۆ دەستپێدەکات.

ئەوەش خراوەتەڕوو،لە هەمان کاتدا لەلایەن بەڕێوەبەرایەتی بەرگریی شارستانیی سلێمانیەوە لە کاتژمێر 12ی نیوەڕۆی ئەمڕۆدا، زەنگی ئاگادارکردنەوە بۆ هەمان مەبەست لێدەدرێت.

باس لەئەوەشکراوە، پێویستە هەموو هاوڵاتیانی بەڕێزو کۆی داموودەزگاکان پابەندی تەواوی بڕیارو ڕێنماییەکان بن.

بەردەوام بە لە خوێندنەوە

کوردستان