ئێمە لە تۆرە کۆمەڵایەتیەکان

کوردستان

توركمانەكانی كەركوك: پەنابردن بۆ شەقام بارودۆخەكە ئاڵۆزتر دەكات

خەڵك – بەشی هەواڵ

ئەندامێكی ئەنجومەنی پارێزگای كەركوك لەسەر پشكی توركمانەكان ڕایدەگەیەنێت، پەنابردن بۆ شەقام لەسەر كەیسی پارێزگاری كەركوك ڕەتدەكەنەوە، چونكە تەنها بارودۆخەكە ئاڵۆزتر دەكات.

نەجات حسێن ئەندامی ئەنجومەنی پارێزگای كەركوك لەسەر پشكی توركمانەكان لە لێدوانێكی ڕۆژنامەوانیدا ڕایگەیاندووە، پەنابردن بۆ شەقام چارەسەری بنەڕەتی كێشەكان ناكات، بەڵكو بارودۆخەكە ئاڵۆزتر دەكات.

ئاماژەی بەوەشداوە، “تاكە چارەسەر پەنابردن بۆ دەستور و ڕێككەوتنە لەسەر پۆستە ئیدارییەكانی حكومەتی ناوخۆیی كەركوك و بەڕێوەبەرایەتییەكانی”.

ئەو ئەندامەی ئەنجومەنی پارێزگای كەركوك لەسەر پشكی توركمانەكان هۆشداری دەدات لە زیادبوونی دیاردەی خۆپیشاندانی عەرەبەكانی كەركوك و داواش دەكات لایەنەكان لەسەر یەك مێزی گفتوگۆ دانیشن و مافەكانی خۆیان بەدەستبهێنن.

کوردستان

مامۆستایانی ناوچەیەكی هەرێم بایۆتی پرۆسەی خوێندنیان كرد

خەڵك – بەشی هەواڵ

خوێندنەگە ئامادەییەكانی سنوری پشدەر ڕایدەگەیەنن، بێ باكی حكومەت لە ئاست داواكارییەكانیان و پێنەدانی ماف و شایستە داراییەكانیان، بەشێكن لە هۆكاری دەست پێنەكردنەوەی دەوام بڕیاری بایكۆتی پرۆسەی خوێندن دەدەن.

مامۆستایان و بەڕێوەبەرانی خوێندنگە ئامادەییەكانی سنوری پەروەردەی پشدەر لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، پێنەدانی ماف و شایستە داراییەكانی مامۆستایان لەلایەن حكومەتەوە، كاریگەرییە خراپەكانی خوێندنی ئەلكترۆنی بۆ سەر پرۆسەی پەروەردە و فێركردن، دەستەبەرنەكردنی هۆكارە خۆپارێزییەكان لەسەرجەم ناوەندەكانی خوێندن لەلایەن وەزارەتی پەروەردەوە وایكرد پرۆسەی خوێندن دوا بخەن.

ڕاشیگەیاندووە، دوای ڕاگۆڕینەوە و هەڵسەنگاندنی دۆخەكە بڕیاریانداوە تا رۆژی (10/10/2020) دەوامی قوتابخانە و خوێندگەكان دەستپێنەكەنەوە.

ئەمە لەكاتێكدایە ، دوێنێ لە راگەیەندراوێكدا بەڕێوەبەرانی ئامادەییەكی كەلار بایكۆتی پرۆسەی خوێندنیان راگەیاند.

بەردەوام بە لە خوێندنەوە

کوردستان

هاتووچۆی گەرمیان؛ سێ ئۆتۆمبێل بەیەكیاندادا قوربانی لێكەوتەوە

خەڵك – بەشی هەواڵ

بەڕێوەبەرایەتی هاتووچۆی گەرمیان ڕایدەگەیەنێت، لەسەر ڕێگای كەلار بۆ خانەقین ڕووداوێكی پێكدادان ڕوویدا بەهۆیەوە شۆفێرێك بریندار بوو، ڕووداوەكە لە نزیك دێ ی سەوز بڵاخ بووە لە نێوان سێ ئۆتۆمبێل یەكێك لە شۆفێرەكان برینداربووە.

بەڕێوەبەرایەتی هاتوچۆی گەرمیان لە ڕاگەیەنراوێكدا، كە وێنەیەكی بۆ (خەڵك) هاتووە ڕایگەیاندووە، بەهۆی ڕووداوێكی هاتووچۆوە لە نێوان سێ ئۆتۆمبێل لەجۆرەكانی مسبۆشی لانسەر و مان بارهەڵگر و پیكاب تویوتا شۆفێری ئۆتۆمبێلی مسیبۆشی لانسەرەكە بریندار بوو.

ئاماژەبۆ ئەوەشكراوە، بەمەبەستی وەرگرتنی چارەسەر ڕەوانەی نەخۆشخانە كراوە، زیانی مادی زۆریش بەر هەسێ ئۆتۆمبێلەكە كەوتووە، مەفرەزەكانی هاتووچۆش لەسەر ڕووداوەكەن لێكۆڵینەوەیان لە چۆنیەتی ڕوودانی ڕووداوەكە دەستپێكردووە.

بەردەوام بە لە خوێندنەوە

کوردستان

فڕۆكەكانی توركیا ناوچەیەك لە پارێزگەی دهۆك بۆردومان دەكەن

خەڵك- بەشی هەواڵ
فڕۆكە جەنگییەكانی توركیا، لوتكەی (بیسمەتی) لە زنجیرە چیای (گارا) كە دەڕوانێت بەسەر قەزای ئامێدی لە باكووری پارێزگەی دهۆك، بۆردومان دەكەن.

بەگوێرەی زانیارییەكان، نیوەڕۆی ئەمڕۆ هەینی، فڕۆكە جەنگییەكانی توركیا لوتكەی بیسمەتیان لە زنجیرە چیای گارا لە نزیك قەزای ئامێدی لە دهۆك بۆردومان كردووە و دەنگی دوو تەقینەوەی گەورەش بیستراوە كە دواتر بەرزبوونەوەی دووكەڵێكی زۆری لە لوتكەی چیاكە بەدواداهاتووە كە دەڕوانێت بەسەر هەردوو گوندی (كیزی و بلێتی).

سوپای توركیا لە ساڵی 2020وە، بە بیانووی بوونی گەریلاكانی پارتی كرێكارانی كوردستان (پەكەكە)، ئۆپەراسیۆنە سەربازییەكانی لەنێو خاكی هەرێمی كوردستاندا چڕكردۆتەوە، بەو هۆیەشەوە تائێستا چەندان هاووڵاتی بونەتە قوربانی و زیانی زۆيش بە ڕووبەرێكی فراوانی سروشتی و كشتوكاڵی گەیشتووە.

بەردەوام بە لە خوێندنەوە

کوردستان