ئێمە لە تۆرە کۆمەڵایەتیەکان

عێراق

لەسەر پاشەكشەكردنی سوپا لە موسڵ نوجێفی وەڵامی مالیكی دەداتەوە

خەڵك- بەشی هەواڵ
پارێزگاری پێشووتری نەینەوا لەسەر داگیركردنی شاری موسڵ لەلایەن چەكدارانی ڕێكخراوی داعش و پاشەكشەكردنی سوپا لە شارەكە، وەڵامى نوری مالیكی سەرۆك وەزیرانی پێشووتر دەداتەوە كە پاشەكشەكردنی سوپای لە موسڵ بۆ هۆكاریی “تایەفەگەریی” گێڕابووەوە.

ئەمڕۆ هەینی، ئەسیل نوجێفی پارێزگاری پێشووتری نەینەوا لە پەیجی تایبەتی خۆی لەسەر تۆڕی كۆمەڵایەتی (فەیسبوك) ڕایگەیاندووە” مالیكی دەڵێت، پاشەكشەكردنی سوپا لە موسڵ لەبەر هۆكاریی تایەفەگری بوو، لەبەر ئەوەی شارەكە سونییە”.

بە وتەی نوجێفی”وشەی سوننی لە دواییدا قسەی لەسەر دەكەین، بەڵام مالیكی دان بەوەدا دەنێت كە پاشەكشەكردنەكە لەبەر هۆكاریی تایەفەگەریی بووە..ئەوەی دەردەكەێت ئەو ترساوە لەوەی هەستی سوننەكان برینداربكات، بۆیە لێكۆڵینەوەی نەكرد و لێپرسینەوەی لەگەڵ هیچ ئەفسەرێكی سوپادا نەكرد”.

پێشتر نوری مالیكی سەرۆكی هاوپەیمانی دەوڵەتی یاسا و سەرۆك وەزیرانی پێشووتری عیراق، لە دیمانەیەكی لەگەڵ كەناڵی (سۆمەریە) ڕایگەیاندبوو”لە حوزەیرانی 2014، دانیشتوانی پارێزگەكان دەستییان بەسەر ناوچەكانیاندا گرت، بەر لەوەی داعش بوونی هەبێت لەو ناوچانە، ئەوانەش لە شۆڕگێڕە عەشایەرەكان و حزبی بەعس و نەقشبەندی پیبَكهاتبوون، دوای ئەمە داعش ناوچەكانی كۆنترۆڵ كرد”.

مالیكی دەڵێت”پاشەكشەكردنی سوپا لە موسڵ تایەفەگریی بوو، چونكە 90%ی دانیشتوانی شارەكە سوننەن، بزاوتنێك ڕێكخرابوو بۆ پرۆسەی پاشەكشەكردنەكە”.

عێراق

وەزیری دەرەوەی فەرەنسا بۆ پرسی داعشە هەڵهاتووەكان سەردانی عیراق دەكات

خەڵك-بەشی هەواڵ

 

وەزیری دەرەوەی فەڕەنسا سەبارەت بە پرسی چەكدارانی دەستگیركراو و هەڵهاتووەكان سەردانی عیراق دەكات.

جان ئیف لۆدریان وەزیری دەرەوەی فەڕەنسا سەبارەت بە دۆسیەی چەكدارە بیانییە بەندكراوەكان لە باكوری ڕۆژهەڵاتی سوریا ڕایگەیاند، پێشتر وەبیرم هێناوەتەوە كە لەئێستادا 10 هەزار چەكداری توندڕەو لە گرتووخانەكاندا بەندكراون و پێویستە ئاسایشی ئەو گرتووخانانە دەستەبەر بكەین.

وتیشی”لەسەر داوای سەرۆك كۆمار، بەم زووانە سەردانی عیراق دەكەم و لەگەڵ سەرجەم لایەنەكان لەنێویاندا یەكینەكانی پاراستنی گەل گفتوگۆ دەكەم سەبارەت بە ڕەوشی ئەمنی ئەو گرتووخانانە”.

ئاشكراشیكرد 9 ئافرەتی فەڕەنسایی كە لە كەمپێكی ئاوارەكانی باكوری ڕۆژهەڵاتی سوریا بەند كرابوون و داعش بوون، هەڵهاتوون.

بەردەوام بە لە خوێندنەوە

عێراق

عیراق مەترسی هەڵاتنی داعشە دیلەكانی بۆ سەر وڵاتەكەی بە توركیا ڕاگەیاند

خەڵك – بەشی هەواڵ

وەزیری بەرگری عێراق پەیوەندییەكی تەلەفۆنی لەگەڵ هاوتا توركییەكەی ئەنجامدا بۆ گفتوگۆكردن دەربارەی كاریگەری هێرشەكانی سەر رۆژئاوای كوردستان و مەترسییەكانی بۆ سەر عیراق.

وەزارەتی بەرگری عیراق لە ڕاگەیەنراوێكدا ئەوەیسختەڕوو، ئەمڕۆ سێ‌ شەممە 15/10/2019 نەجاح شەمەری وەزیری بەرگری پەیوەندییەكی تەلەفۆنی لەگەڵ خوڵوسی ئاكار وەزیری بەرگری توركیا ئەنجامدا و تێیدا باسیان لە دەستتێوەردانە سەربازییەكەی توركیا لە سوریا و كاریگەریی ئەو هێرشانە لەسەر هاتنی تیرۆریستان بۆ ناو خاكی عیراق كرد.

جێی ئاماژەیە، لەگەڵ هێرشەكانی توركیا و بۆردوومانكردنی ڕۆژئاوی كوردستان ژمارەیەك زینانی داعش لە گرتووخانەكان هەڵاتوون و لە ئێستادا بوونەتە مەترسی بۆ سەر ناوچەكە، هەر دوێنێش وەزارەتی بەرگری ئەمریكا (پنتاگۆن) بەرپرسیاریەتی هەڵاتنی تیرۆریستانی داعشی خستە ئەستۆی توركیا.

بەردەوام بە لە خوێندنەوە

عێراق

عەبادی داوای هەڵبژاردنی پێشوەخت دەكات

خەڵك – بەشی هەواڵ

حەیدەر عەبادی سەرۆك وەزیرانی پێشووی عیراق داواكارە، لە عیراق هەڵبژاردنی پێشوەخت ئەنجامبدرێت.

نووسینگەی ڕاگەیاندنی حەیدەر عەبادی سەرۆك وەزیرانی پێشووی عیراق بڵاویكردەوە، عەبادی چەند داوایەكی لە سەركردایەتی پارت و لایەنە سیاسییەكان كردووە.

لە ڕاگەیەنراوەكەكدا ئاماژە بەوەدراوە، حەیدەر عەبادی داوای كردووە، یەكێتی و ئارامی و سەروەری عیراق هێڵی سوور بێت و ڕێگە نەدرێت لەژێر هیچ كاریگەرییەكدا دەستوور پێشێل بكرێت، هەروەها داوای كردووە، ئەو كەسانەی تاوانبارن بە كوشتن و دەستدرێژی كردنە سەرخۆپیشاندەران ڕادەستی یاسا بكرێن و سەرجەم دەستگیركراوەكانیش ئازاد بكرێن و داوای لێبووردنیش لەو دەزگا میدیاییانە بكرێت كە زیانیان بەركەوتووە.

لەبەشێكی تری ڕاگەیەنراوەكەدا ئەوەخراوەتەڕوو، حەیدەر عەبادی داوای پێكهێنانی دادگایەكی سەربەخۆ و پاك و دادپەوەری كردووە بۆ بڕیاردان لەسەر سەرجەم دۆسیەكانی گەندەڵی، هەروەها، داوای كردووە حكومەتی ئێستای عیراق بەپەلە بڕیاربدات بۆ داماڵینی چەك لەدەست ئەو كەسانەی لەدەرەوەی ئەركە سەربازییەكانن و بەپێویستیشی زانیوە چەك تەنها لە دەستی دەوڵەتدابێت.

هەروەك سەرۆك وەزیرانی پێشووی عیراق داوایكردووە، حكومەتی ئێستا كاربكات بۆ ئەوەی یاسا بەسەر ئەو كەسانەدا بسەپێنێت كە لە دەوڵەت یاخی بوون و بەپێی دەستووریش مامەڵە لەگەڵ هەموو دۆسیەكان بكرێت لە نێویشاندا چاككردنەوەی پەیوەندی نێوان هەرێم و بەغدا.

عەبادی داواشیكردووە، حكومەت هەلی كار بۆ گەنجان دابین بكات و ڕێژەی بێكاری كەمبكاتەوە و ئاستی بژێوی هاووڵاتیان باش بكات.

لەكۆتایی ڕاگەیەنراوەكەدا حەیدەر عەبادی داوایكردووە، هەڵبژاردنی پێشوەخت لە عیراق ئەنجامبدرێت كە وادەی ئەنجامدانەكەشی لە ساڵی 2020 تێپەڕ نەكات و یاسای هەڵبژاردنەكانی ئێستا هەموار بكرێتەوە، هەروەها پارت و لایەنە سیاسییەكانی بەشدار لە هەڵبژرادنەكان پەیمان بدەن بە پێكهێنانی حكومەتێكی سەربەخۆ و دوور لە پشكپشكێنە و پشتنەبەستێت بە هیچ وڵاتێكی دراوسێ و هەرێمییەوە.

بەردەوام بە لە خوێندنەوە

کوردستان