ئێمە لە تۆرە کۆمەڵایەتیەکان

جیهان

ئێران بۆ ئیسڕائیل: هەر دوژمنێك دەستدرێژی بكاتە سەرمان وەڵامی توندمان دەبێت

خەڵك- بەشی هەواڵ

وەزیری بەرگری ئێران وتی: هەر دوژمنێك لە هەر ئاستێكدا بیەوێت دەستدرێژی بكاتە سەر ئێران، لەگەڵ وەڵامی توند، ددان شكێن و پەشیمان كەرەوە بەرەوڕوو دەبنەوە.

بەپێی ڕاپۆرتی ئاژانسی هەواڵی مێهر، ئەمیر سەرتیپ حاتەمی وەزیری بەرگری و پشتیوانی هێزە چەكدارەكان هەڕەشەی ئەم دواییەی سەرۆك وەزیرانی ئیسرائیلی بە پێشێلكردنی ئاشكرای بەندی ٤ ی مادەی ٢ ی جاڕنامەی نەتەوە یەكگرتووەكان لە هەڕەشە بۆ سەر وڵاتانی ئەندامی نەتەوە یەكگرتووەكان لەوانە وڵاتانی ناوچەكە و ئێران وەسف كرد.

ناوبراو جەختی كردەوە، ئەگەر دوژمنێك بیەوێت دەستدرێژی بكاتە سەر كۆماری ئیسلامی، ئەوە بە مافی خۆی دەزانێت، بە پشتبەستن بە ئامادەیی و ورە و توانای هێزە چەكدارەكان وەڵامێكی توند، ددان شكێن و پەشیمان كەر دەداتەوە بە دوژمنان.

بنیامین ناتانیاهۆ سەرۆك وەزیرانی ئیسرائیل ماوەیەك لەمەوپێش لە سەردانی نوێترین شەڕكەرەكانی بەرەی پێنجەمی ئێف ٣٥، هەڕەشەی لە ئێران كرد بە ئەو بەرە لە ئەو شەڕكەرانە. ناوبرو وتوویە ئێران ئەبێ لەبیری بێت كە ئەو فڕۆكانە دەتوانن لە هەر شوێنێك لەوانە ئێران و سووریا گەشت بكەن.

جیهان

زەریف بۆ بەریتانیا: نەكەونە هەڵەوە

خەڵك – بەشی هەواڵ

وەزیری دەرەوەی ئێران ڕاوێژكاری ئاسایشی ئەمریكا بە هاندانی بەریتانیا بۆ بەرپاكردنی جەنگ لەگەڵ ئێران تاوانبار دەكات.

محەمەد جەواد زەریف وەزیری دەرەوەی ئێران لە جریوەیەكدا لە تۆڕی كۆمەڵایەتی تویتەر، جۆن بۆڵتنی ڕاوێژكاری ئاسایشی ئەمریكای بە هاندانی بەریتانیا بۆ بەرپاكردنی جەنگ لەگەڵ ئێران تاوانبار كرد و ئاماژەی بەوەكردووە، بۆڵتن دوای ئەوەی لە ڕاكێشانی دۆناڵد ترەمپی سەرۆكی ئەمریكا بۆ بەرپاكردنی ئەو جەنگەی كە ئەمریكا بەجەنگی سەدە ناوی بردووە شكستیهێنا هەوڵدەدات بەریتانیا بەرەو ئەو ئاڕاستەیە ڕابكێشێت.

وەزیری دەرەوەی ئێران ئەوەشیخستووەتەڕوو، جۆن بۆڵتن دوای ئەوەی لە ڕاكێشانی ترەمپ بۆ بەرپاكردنی جەنگ لەگەڵ ئێراندا سەركەوتوو نەبوو لە ئێستادا لەترسی هەڵوەشانەوەی تیمەكەی (تیمی ب) دەیەوێت بەریتانیا بەرەو ئەو جەنگە پەلكێش بكات.
محەمەد جەواد زەریف ئاماژەی بەوەشكردووە، پێویستە لێپرسراوانی بەریتانیا ژیرانە هەڵسوكەوت بكەن و نەكەونە داوی فێڵەكانی بۆڵتنەوە.

 

بەردەوام بە لە خوێندنەوە

جیهان

فڕۆكەیەكی توركیا خرایە خوارەوە

خەڵك- بەشی هەواڵ

فڕۆكەیەكی بێفڕۆكەوانی سوپای توركیا لەلایەن سوپای نیشتمانی لیبیاوە لە تەڕابلوس خرایە خوارەوە.

سوپای نیشتمانی لیبیا لە ڕاگەیەندراوێكدا، ئاماژەی بەوەكردووە، فڕۆكەیەكی بێفڕۆكەوانی سوپای توركیا لە ناوچەی (عەین زارع) خراوەتە خوارەوە.

ئەمە لەكاتێكدایە، كە هەر ئەمڕۆ لە تەڕابلوس 8 سەربازی سوپای نیشتمانی لیبیا لە هێرشێكی ئاسمانی فڕۆكە جەنگییەكانی توركیادا كوژراون.

بەردەوام بە لە خوێندنەوە

جیهان

دەنگۆی مردنی ئەردۆغان بڵاودەبێتەوە

خەڵك- بەشی هەواڵ
ژمارەیەك لە میدیا عەرەبی و میسریەكان و بەشێكی هاووڵاتیان لە تۆڕە كۆمەڵایەتییەكان دەنگۆی مردنی سەرۆكی توركیا بە “جەڵتەی دڵ” بڵاودەكەنەوە، بەڵام تا ئێستا بەرپرسانی باڵای توركیا هیچ زانیارییەكیان لەسەر ئەو بابەتە بڵاونەكردۆتەوە.

ئەمڕۆ یەك شەممە 21ی تەمموز، ڕۆژنامەی (الری) میسری لە هەژماری خۆی لە فەیسبووك هەواڵی مردنی ڕەجەب تەیب ئەردۆغان، سەرۆكی توركیای بە “جەڵتەی دڵ” لەناو كۆشكی كۆماری بڵاوكردەوە و ڕاشیگەیاندووە، كە تا ئێستا بە فەرمی ئەو هەواڵە پشتڕاست نەكراوەتەوە.

هاوكات، پەڕەی فەیسبووكی (جەزیرە) بڵاویكردەوە، كە تا ئێستا بەتەواوی دڵنیا نەبوونەتەوە لە مردنی ڕەجەب تەیب ئەردۆغان، كە دەوترێت بەهۆی جەڵتەی دڵەوە بەشێوەیەكی لەناكاو كۆچی دوایی كردووە.

لای خۆشیەوە، كەناڵی (بی بی سی) بەریتانی لە هەواڵێكی بەپەلەدا دەنگۆی مردنی ڕەجەب تەیب ئەردۆغان، سەرۆكی توركیا بە جەڵتەی دڵ بڵاوكردەوە.

هەرچەندە ئەو دەنگۆیە بەشێوەیەكی فراوان لە تۆڕە كۆمەڵایەتییەكان بڵاوبۆتەوە، بەڵام تا ئێستا لەسەر ئاستی فەرمی توركیا هیچ زانیارییەك بە ڕەتكردنەوە یان پشتڕاستكردنەوەی هەواڵەكە ڕانەگەیەندراوە.

بەردەوام بە لە خوێندنەوە

کوردستان