ئێمە لە تۆرە کۆمەڵایەتیەکان

عێراق

پەرلەمانتارێك: عەبدولمەهدی ناچار دەكەین پارەی هەرێمی كوردستان ڕابگرێت

خەڵك- بەشی هەواڵ
پەرلەمانتارێكی هاوپەیمانی چاكسازی لە پەرلەمانی عیراق بەپێویستی دەزانێت، سەرۆك وەزیران و وەزیری نەوت بۆ تاوتوێكردنی بابەتی پابەندنەبوونی هەرێمی كوردستان بە یاسای بودجەی 2019، بانگهێشتی بەرلەمان بكرێن.

عەلا ڕوبەیعی، پەرلەمانتاری هاوپەیمانی چاكسازی لە پەرلەمانی عیراق، لە لێدوانێكی ڕۆژنامەوانیدا ڕایگەیاندووە:”زیاتر لە شەش مانگ بەسەر پەسەندكردنی بودجەی گشتی ساڵی 2019دا تێپەڕیوە، تا ئێستا هەرێمی كوردستان پابەند نەبووە بە جێبەجێكردنی بڕگەكانی یاساكە”.

بە وتەی ڕوبەیعی”لە پەرلەمان واژۆ كۆكرایەوە لەپێناو گرتنەبەری ڕێوشوێنی یاسایی كە حكومەت ناچار بكات، ئەو بڕە پارەیەی بۆ هەرێمی كوردستان دەنێردرێت ڕابگرێت”، جەختیشی لەسەر پێویستی بانگهێشتكردنی سەرۆك وەزیران و وەزیری نەوت كردەوە لە پەرلەمان، تا بابەتی پابەندنەبوونی هەرێمی كوردستانیان لەگەڵدا تاوتوێ‌ بكرێت.

پێشتر عودەی عەواد، پەرلەمانتاری سادیقون لە پەرلەمانی عیراق ڕایگەیاندبوو”بێدەنگبوون لە دزینی نەوت لەلایەن هەرێمی كوردستانەوە ناپاكییە”، داواشی لە عادل عەبدولمەهدی سەرۆك وەزیرانیش كردبوو، یاساكان بەسەر هەمواندا بسەپێنێت، تەنانەش گەر ئەو هەنگاوە پێویستی بە بەكارهێنانی هێزیش بوو بۆ گەڕاندنەوەی نەوتی بەخاچاخبراو و تێكەڵكردنی بە بودجەی دەوڵەت.

عێراق

بە كۆرۆنا مردوون
نەجەف، 111 تەرم لەماوەی 24 كاتژمێری ڕابردوودا بەخاكسپێردران

خەڵك- بەشی هەواڵ
لیوای دوو و تیمی پزیشكی حەشدی شەعبی، ئاماژە بە بەخاكسپاردنی 111 تەرم دەكەن كە لەماوەی 24 كاتژمێری ڕابردوودا بەهۆی كۆرۆناوە گیانیانلەدەستداوە.

بەپێی ڕاگەیەندراوێك كە لەلایەن ڕاگەیاندنی حەشدی شەعبییەوە بڵاوكرایەوە”لیوای دووی حەشدی شەعبی و تیمی پزیشكی سەر بە حەشد، 111 تەرمیان لە گۆڕستانی (وادی السلام)ی نوێ‌ لە پارێزگەی نەجەف كە بۆ قوربانیانی ڤایرۆسی كۆرۆنا تەرخانكراوە، بەخاكسپارد”.

هەر لە ڕاگەیەندراوەكەدا هاتووە”ئەوانەی لە گۆڕستانی (وادی السلام)ی نوێ‌ بەخاكسپێردران، لەماوەی 24 كاتژمێری ڕابردوودا بەهۆی كۆرۆناوە لەم پارێزگایانەی عیراق گیانیانلەدەستداوە: 48 تەرم لە بەغدای پایتەخت، 26 تەرم لە زیقار، 23 تەرم لە پارێزگەی بەسرە، 5 تەرم لە پارێزگەی میسان، 4 تەرم لە پارێزگەی نەجەف، دوو تەرم لە پارێزگەی بابل”.

بەردەوام بە لە خوێندنەوە

عێراق

کەرکوک..باندێکی بازرگانیکردن بەئەندامانی جەستەى مرۆڤ دەستگیرکرا

خەڵک – بەشی هەواڵ

 

ئەمڕۆ پێنج شەممە دەزگای ئاسایشی نیشتیمانیی عیراق لەکەرکوک دەستگیرکردنی باندێکی بازرگانیکردن بەئەندامانی جەستەى مرۆڤی ئاشکراکرد.

 

دەزگای ئاسایشی نیشتیمانیی عیراق لەکەرکوک ڕاگەیەندراوێکی بڵاوکردەوە، کە تێیدا ئاماژەى بەدەستگیرکردنی باندێکی بازرگانیکردن بەئەندامانی جەستەى مرۆڤ کرد، کە لە دوو ژن و پیاوێک پێکهاتوون.

 

باس لەئەوەشکراوە، ئەو باندە لەڕێگەی تۆڕە کۆمەڵایەتییەکانەوە پەیوەندییان لەگەڵ قوربانییەکان دروستکردووە و هەڵیانخەڵەتاندوون.

 

بەردەوام بە لە خوێندنەوە

عێراق

عیراق..گەشتە ئاسمانییەکان بۆ هاوڵاتییان دەستپێدەکاتەوە

خەڵک – بەشی هەواڵ

بەپێی نوسراوێکی وەزارەتی تەندروستی عیراق، گەشتە ئاسمانییەکان بۆ هاوڵاتییانی عیراق دەستپێدەکاتەوە، بەڵام لەژێر چاودێری و ڕێنماییە تەندروستییەکاندا.

 

بەپێی ڕێنماییەکان، هەر کەسێک دێتە ناو عیراقەوە دەبێت پشکنینی بۆ بکرێت و ئەگەر نیشانەى کۆرۆنای هەبێت، ئەوا دەنێردرێت بۆ وەرگرتنی چارەسەر لەنەخۆشخانە.

 

هەر بەپێی ڕێنماییەکان، هەر کەسێک بیهەوێت لەعیراقەوە گەشت بکات، دەبێت کە گەڕایەوە پشکنینی بۆ بکرێت و دواتر کەرەنیتین بکرێت.

بەردەوام بە لە خوێندنەوە

کوردستان