ئێمە لە تۆرە کۆمەڵایەتیەکان

ئابوری

نرخی نەوت لەماوەی شەش هەفتەی ڕابردوودا بەرزترین ئاستی تۆماركرد

خەڵك- بەشی هەواڵ
نرخی نەوت لەماوەی شەش هەفتەی ڕابردوودا، بەرزیترین ئاستی تۆماركرد، هۆكاریی ئەمەش بۆ كەمبوونەوەی بەرهەمی نەوتی ئەمریكایی لە كەنداوی مەكسیك دەگەڕێتەوە كە هاوكاتە لەگەڵ هەڵكردنی زریانێكی وەرزی توند لەناوچەكەدا، وێڕای بەردەوامبوونی تەنگژەكان لە خۆرهەڵاتی ناوەڕاست.

ئەمڕۆ هەینی نرخی بەرمیلێك نەوتی خاوی برێنت 29 سەنت زیادی كرد و گەیشتە 66.81 دۆلار، ئەمەش لەكاتێكدایە كە بەرزترین ئاستی برێنت لە مانگی ئایاری ڕابردوو تۆماركرا كە بەرمیلێكی بە 67.52 مامەڵەی پێوەكرا.

هەروەها نرخی بەرمیلێك نەوتی خاوی خۆرئاوای تێكساسی ئەمریكایی 31 سەنت زیادی كرد و گەیشتە 60.51 دۆلار، بەرزترین ئاستی ئەو نەوتەش لە 23ی ئایاری ڕابردوو بوو كە 60.94 دۆلاری تۆماركرد.

ئابوری

سبەینێ‌ مووچەی ئەم شوێنانە دابەش دەكرێت

خەڵك- بەشی هەواڵ
دابەشكردنی مووچەی مانگی 7ی فەرمانبەران بەشێوەیەكی خاو لە مانگی 10دا دەستی پێكردووە و ڕۆژانە مووچەی وەزارەتێك دابەش دەكرێت.

سەرچاوەیەك لە وەزارەتی دارایی و ئابووری هەرێم بۆ (خەڵك) ئاشكرای كرد، كە سبەینێ‌ چوار شەممە مووچەی وەزارەتی كار و كاروباری كۆمەڵایەتی دابەشدەكرێت و هەر سبەینێ‌ مووچەی خاوەن پێداویستییە تایبەتەكان و كەمئەندامان خەرج دەكرێت

سەرچاوەیەك لە لقی هەولێری بانكی ناوەندی عیراق ڕایگەیاندووە، لە ئێستادا پارەی مووچەی فەرمانبەرانی هەرێم لە بەغداوە ڕەوانەكراوە و پارەی پێویست بۆ مووچە گەیشتووە.

ئەمە لەكاتێكدایە، كە ئەو پارەیەی عیراق ناردویەتی بۆ هەرێم بۆ مووچەی مانگی 10-یە، بەڵام مووچەی مانگی 7 دابەش دەكرێت و چارەنووسی 3 مووچەی ئەمساڵیش بە نادیاری ماوەتەوە.

بەردەوام بە لە خوێندنەوە

ئابوری

كەبابخانەیەك لەناو بازاڕی سەرچنار داخرا

خەڵك- بەشی هەواڵ
لیژنەكانی چاودێری تەندروستی سلێمانی لەناو بازاڕی سەرچنار كەبابخانەیەك دادەخەن.

بەڕێوەبەرایەتی چاودێری تەندروستی سلێمانی لە ڕاگەیەنراوێكدا، كە وێنەی دراوە بە (خەڵك) ئاماژەی بەوەكردووە، سەر لەبەیانی ئەمڕو سێ‌ شەممە، لیژنەكانیان بەهاوكاری بنكەی پۆلیسی نەخۆشخانە هەستان بەداخستنی كەبابخانەیەك لەگەڕەكی سەرچنار، دوای ئەوەی چەندین جار لەلایەن لیژنەكانی چاودێری تەندروستییەوە ئاگادار كراوەتەوە.

ڕاشیگەیاند، كە بەهۆی جێبەجێ نەكردنی مەرجی تەندروستی و پابەند نەبوون بەڕێنماییەكان بڕیار لەسەر داخستنی درا و ئاگادار كراوەتەوە تا ڕێنماییە تەندروستیەكان جێبەجێ نەكات شوێنەكەی بۆناكرێتەوە .

بەڕێوەبەرایەتی چاودێری تەندروستی سلێمانی داوا لە هاووڵاتیان دەكات، لەكاتی هەبونی خۆراكی خراپ و بەسەرچوودا بەزووترین كات لیژنەكانی لێ ئاگادار بكەنەوە لەڕێگای ژمارە تەلەفۆنی (07709142727).

بەردەوام بە لە خوێندنەوە

ئابوری

ئێران بڕیارێكی نوێی دەربارەی ڤیزە بۆ هاووڵاتیانی عیراق و هەرێم دەركرد

خەڵك- بەشی هەواڵ
ئێران بڕیاریدا ڤیزەی چووەنەناوەوەی هاووڵاتیانی عیراق و هەرێم بۆ ماوەی 65 ڕۆژی تر هەڵبگرێت، ئەمەش بە وتەی ئیرەج مەسجدی، باڵێوزی ئێران لە بەغدا.

ئەمڕۆ سێ‌ شەممە، ئیرەج مەسجدی، باڵێوزی ئێران لە بەغدا، لە لێدوانێكی ڕۆژنامەوانیدا ڕایگەیاند، “هاووڵاتی عیراقی دەتوانێت لە 25ی ڕەجەب تا كۆتایی مانگی ڕەبیعی دووەم، واتا بۆ ماوەی 65 ڕۆژی تر بەبێ‌ ڤیزە و تەنیا بە پاسپۆرتێكی ماوەبەسەرنەچوو، بچینە نێو ئێران”.

باڵێوزی ئێران لە بەغدا دەڵێت: “وەك ڕێزگرتن لە هەڵوێستی عیراق، كە لەمانگی موحەڕەمەوە تا كۆتایی مانگی سەفەر بەبێ‌ ڤیزە ڕێگەی بە هاتنەناوەوەی ئێرانییەكان داوە بۆ نێو وڵاتەكەی، ئەو بڕیارە لەلایەن ئێرانەوە دەركراوە”.

لەماوەی ڕابردوودا بۆ دەربازبوون لە سزا ئابووریەكانی ئەمریكا و هاندانی هاووڵاتیان بۆ گەشتكردن بۆ وڵاتەكەی، كۆماری ئیسلامی ئێران بڕیاریدا پەیڕەوی پێدانی ڤیزەی ئەلیكترۆنی بە خۆڕایی بۆ هاووڵاتیانی عیراق و هەرێم بكات.

بەردەوام بە لە خوێندنەوە

کوردستان