ئێمە لە تۆرە کۆمەڵایەتیەکان

کوردستان

قائیمقامی چەمچەماڵ كاركردنی بەپێوەری ئاوی ماڵان لە شارۆچكەكەی ڕاگرت

خەڵك – بەشی هەواڵ

قائیمقامی چەمچەماڵ ڕایدەگەیەنێت، ماوەی چوار ڕۆژە كاركردنی بەپێوەری ميكانيكى ئاوی ماڵان ڕاگرتووە، لەبەرئەوەی لە قازانجی هاووڵاتیان نییە.

ڕەمەك ڕەمەزان قائیمقامی چەمچەماڵ بە (تۆڕی میدیایی خەڵك)ی ڕاگەیاند، ماوەی چوار ڕۆژە كاركردنمان بەپێوەری ميكانيكى ئاوی ماڵان ڕاگرتووە، لەبەرئەوەی لە قازانجی هاووڵاتیان نییە، ئەوەی لە قازانجی هاووڵاتیانی شارەكەمدا بێت من ئەوە دەكەم، من ناتوانم بڕیار ڕابگرم، بەڵام دەتوانم كاركردن بەڕێنمایی ڕابگرم، ئەو پێوەرەش گرفتی زۆری لەڕووی تەكنیكییەوە تێدایە و بەزیانی هاووڵاتیان شكاوەتەوە.‌

ئاماژەی بۆ ئەوەشكرد، بڕیاری دانانی پێوەری ميكانيكى ئاو بێ پرس و دیراسە كردن بووە و لەڕووی كوالێتی و كێشەی تەكنیكیشەوە پڕ كێشەبووە، هەم بۆ هاووڵاتی و بۆ حكومەتیش، وتیشی: داوا لەپارێزگاری سلێمانی دەكەم ئەو پێوەرە ڕەتبكاتەوە، چونكە ئەوە قازانجی هاووڵاتیانی تێدایە.

ڕۆژی چوارشەممەش 10/7/2019، فەرهاد ئەتروشی پارێزگاری دهۆك لەكۆنگرەیەكی ڕۆژنامەوانیدا، كاركردنی بەسیستمی پێوەری ميكانيكى ئاوی ماڵانی ڕاگرت و داواشی كرد، بە سیستمی پێشوو پارە لە هاووڵاتیان وەربگیرێت بەرامبەر ئەو بڕە ئاوەی كە پێیدەدرێت.

ئەمەش لەكاتێكدایە، ئەمڕۆ 11/7/2019 بەڕێوەبەرایەتی گشتی ئاو و ئاوەڕۆی سەربە وەزارەتی شارەوانی حكومەتی هەرێمی كوردستان ڕایگەیاند، بە لەبەرچاوگرتنی بەرژەوەندیەكانی خەڵكی كوردستان و بژێوی ژیانیان و كەمكردنەوەی ڕێژەی زێدەڕۆیی لە بەكارهێنانی ئاو پڕۆژەی دانانی پێوەری میكانیكی باشترین ڕێگە چارەیە، دەشڵێت،”پڕۆژەكە لەپێناو پارێزگاری كردنە لە سامانی ئاو بەردەوام دەبێت”.

کوردستان

پەروەردەی شارەزوور هەواڵێك لەبارەی دامەزراندنەوە ڕەتدەكاتەوە

خەڵك – بەشی هەواڵ

بەڕێوەبەرێتی پەروەردەی شارەزوور لە ڕاگەیەندراوێكدا سەرجەم دەرچووانی سنوری بەڕێوەبەرێتییەكەیان ئاگاداردەكاتەوە، كە دابەشكردنی فۆڕمی وانەبێژی بنەمای نییە و تائێستا هیچ ڕێنمایی و فۆڕمێكمان لە پەروردەی گشتی سلێمانییەوە پێ نەگەیشتووە.

دەقی ڕاگەیەندراوەكە:

سڵاوی پەروەردە و زانست…

سەرجەم دەرچووانی سنوری بەڕێوەبەرێتیمان ئاگادار دەكەین كە ئەو هەواڵەی بڵاوبووەتەوە لەسەر دابەشكردنی فۆڕمی وانەبێژی بنەمای نییە و تائێستا هیچ ڕێنمایی و فۆڕمێكمان لە پەروردەی گشتی سلێمانییەوە پێ نەگەیشتووە هەركاتێك ڕێنمایی یا فۆڕم هات لێرەوە سەرجەمتان ئاگادار دەكەین..

لەگەڵ ڕێزماندا..

 

نبیل حمەصاڵح عزیز

ل.خۆیەتی و میلاكات

بەڕێوەبەرێتی پەروەردەی شارەزوور

21/7/2019

بەردەوام بە لە خوێندنەوە

ئابوری

“كێشەی كەمئەندامان چارەسەر دەكرێت و مووچەكەیان دابەش دەكرێت”

خەڵك – بەشی هەواڵ

وەزارەتی كار و كاروباری‌ كۆمەڵایەتی‌‌ حكومەتی هەرێم بڕیاریدا كێشەی‌ ئەو كەمئەندامانە چارەسەر بكات كە مووچەكانیان ڕاگیرابوو.

كوێستان محەمەد وەزیری‌ كار و كاروباری‌ كۆمەڵایەتی‌ حكومەتی هەرێم ئەمڕۆ 21/7/2019 لە كۆبوونەوەی ئەنجومەنی وەزارەتەكەی، تیشكی‌ خستە سەر بەرنامەی‌ ئەنجومەنی‌ وەزیران لە بواری‌ چاكسازی‌ و باشتركردنی‌ خزمەتگوزارییەكان و گەڕاندنەوەی‌ ئومێد بۆ هاووڵاتیان بە خزمەتكردنیان‌ و جێبەجێكردنی‌ یاسا.

سەبارەت بە هاوكاری‌ كەمئەندامان و ڕاگیرانی‌ مووچەی‌ ئەو هاووڵاتییە خاوەن پێداویستییە تایبەتانەی‌ كە پاش تانە لێدان نزیكەی‌ چوار مانگە چاوەڕێی‌ مووچە دەكەن، كۆبوونەوەكە بڕیاریدا لە كۆتایی‌ ئەم هەفتەیەدا سەرجەم ئەو لیستانە ئاڕاستەی‌ وەزارەتی‌ دارایی‌ بكرێن بۆ ئەوەی‌ مووچەكانیان بۆ خەرج بكرێت، ئەوەش پاش گەیشتنی‌ لیستی‌ ناوەكان لە هەردوو پارێزگای‌ هەولێر و دهۆكەوە تا ڕۆژی‌ سێشەممە.

سەبارەت بەو كەمئەندامانەشی‌ كە لە ساڵی‌ 2013ەوە مووچەیان بۆ نەكراوە بەهۆی‌ ڕاگیرانی‌ تەرخانكردنی‌ مووچەوە، كۆبوونەوەكە بڕیاریدا نووسراوێك ئاڕاستەی‌ ئەنجومەنی‌ وەزیران بكرێت بۆ وەرگرتنی‌ ڕەزامەندی‌، پاشان بەڕێوەبەرایەتییە گشتیەكانی‌ چاودێری ‌‌و گەشەپێدانی‌ كۆمەڵایەتی‌ لە پارێزگا و ئیدارە سەربەخۆكان كاری‌ پێویست ئەنجام بدەن بۆ مامەڵەی‌ هاووڵاتیان.

سەبارەت بە مووچەی‌ چاودێری‌ خێزان ‌و هەژارەكان، كۆبوونەكە بڕیاریدا كاتێكی‌ تایبەت تەرخان بكات بە كۆبوونەوە بۆ گفتوگۆی‌ مووچەی‌ ئەو توێژانە و تیایدا میكانیزمی‌ گونجاو بۆ گەڕاندنەوە و خەرجكردنەوەی‌ ئەو مووچەیە بۆ كەسانی‌ شایستە.

بەردەوام بە لە خوێندنەوە

کوردستان

پشدەر.. بەهۆی تەزووی كارەبا ژنێك گیانی لەدەستدا

خەڵك – بەشی هەواڵ

بەڕێوەبەرایەتی پۆلیسی ڕاپەڕین ڕایدەگەیەنێت، ژنێك لەكاتی خواردن خستنە ناو بەفرگرەكەی ماڵەكەی كارەبا گرتویەتی و گیانی لەدەستداوە، دەشڵێت،” پاش توێكاری بۆ تەرمەكە ڕادەستی كەسوكاری كرایەوە، مەلەفی لێكۆڵینەوەش بۆ ڕووداوەكە كراوەتەوە”.

بەڕێوەبەرایەتی پۆلیسی ڕاپەڕین لە ڕاگەیەنراوێكدا، كەوێنەیەكی بۆ (خەڵك) نێراوە ڕایگەیاندووە، ئێوارەی ئەمڕۆ یەكشەممە كاتژمێر 5:45 خولەك تەرمی ژنێك بەناوی ( ف . ع . م ) لەدایكبووی ساڵی 1993، پیشەی ژنی ماڵ، دانیشتووی شارەدێی ژاراوە سەر بە شارۆچكەی پشدەر ( قەڵادزێ ) لە لایەن هاوسەرەكەیەوە گەیەندرایە نەخۆشخانە.

ئاماژە بۆ ئەوەشكراوە، كە بە وتەی هاوسەرەكەی ویستویانە ژوورەكانی ماڵەوە بۆیاخ بكەن ، پاش ئەوەی ئامێری بەفرگرەكەی پاككردۆتەوە ویستویەتی هەندێك شت بخاتەوە ناویەوە كارەبا گرتوویەتی و بەو هۆیەشەوە گیانی لەدەستداوە.

ڕاشیگەیاندووە، پاش توێكاری بۆ لاشەكەی ڕادەستی كەسوكاری كرایەوە، مەلەفی لێكۆڵینەوە بۆ ڕووداوەكە كراوەتەوە و لێكۆڵینەوەش بەردەوامە.

بەردەوام بە لە خوێندنەوە

کوردستان