ئێمە لە تۆرە کۆمەڵایەتیەکان

عێراق

پەیامێك بۆ كابینەی نوێی هەرێم دەنێرێت
سەركردەیەكی ڕەوتی حيكمە بۆ (خەڵك) باس لە پەیوەندییەكانی نێوان بەغدا و هەرێم دەكات

خەڵك- ئیدریس جەبار
ڕەوتی حيكمەی نیشتمانی كە لەلایەن عەممار حەكیمەوە سەرۆكایەتی دەكرێت، باس لە پەیوەندییەكانی نێوان بەغدا و هەرێمی كوردستان دەكات و هیواخوازە لە قۆناغەكانی داهاتوودا، كێشە هەڵپەسێدراوەكان چارەسەر بكرێن، جەختیش لەسەر پێویستی چارەسەركردنی كێشەی نەوت لەنێوان هەردوولادا دەكاتەوە.

محەمەد لەكاش، سەركردە لە ڕەوتی حيكمەی نیشتمانی، لە لێدوانێكی تایبەت بە (خەڵك) ڕایگەیاند:”ئاشكرایە لای هەموان هەندێك كێشە لەنێوان حكومەتی فیدراڵ و حكومەتی هەرێمی كوردستاندا هەیە، هیواداربون ئەو كێشانە بەپێی یاسا و دەستوری عیراقی چارەسەربكرێن، ئەو كێشانە بۆ 16 ساڵ دەچێت، لەم خولی پەرلەمانییەوە ڕادەستی ئەو خولەی تر دەكرێت، هەردوولا سەردانی یەكترییان كردووە، بەڵام ئەو سەردانانە جگە لە چارەسەری ڕواڵەتی چارەسەری جەوهەرییان بۆ دانەنراوە”.

بە وتەی ئەو سەركردەیەی ڕەوتی حیكمە:”لە گرنگترین ئەو كێشانەی هەن، دۆسێی نەوتە، هیواداربون ئەو كێشە لەگەڵ داڕشتنی یاسای نەوت و غازی فیدراڵی چارەسەر بكرێت، بەڵام لەماوەی سێ‌ خولی پەرلەمانی ئەو یاسایە دانەڕێژراوە”.

سەبارەت بە ڕێكەوتنی ئەم دواییەی نێوان هەرێم و بەغداش لەبارەی بودجەی فیدراڵەوە، محەمەد لەكاش پێیوایە:”بەپێی یاسای بودجەی گشتی 2019، دەبوو حكومەتی هەرێم ڕۆژانە 250 هەزار بەرمیل نەوت ڕادەستی حكومەتی فیدراڵ بكات، لەبەرانبەر ڕەوانەكردنی مووچەی فەرمانبەران و شایستە داراییەكانی پێشمەرگە و كاروباری تر لەگەڵ ڕێكەوتن لەسەر مەرزە سنورییەكان، بەڵام تا ئەمڕۆ كێشەكان لەو بارەیەوە چارەسەرنەكراون”.

سەركردەكەی ڕەوتی حیكمە دەڵێت:”لە هەرێمی كوردستان سێ‌ مەرزی سنوری فەرمی هەن، بەڵام لەدوای ساڵی 2003وە زیاتر لە 13 مەرزی قاچاخ كراونەتەوە، لەگەڵ یەكلانەكردنەوەی ماددەی 140ی دەستوریش، هەموو ئەمانە پێویستییانە بە كاری ڕاستەقینەیە لەنێوان هەردوولا، بۆیە هیوادارین لەگەڵ دەستبەكاربوونی كابینەی نوێی حكومەتی هەرێم بە سەرۆكایەتی مەسرور بارزانی و قوباد تاڵەبانی جێگری، ئەم كێشانە لەڕێی یاسا و دەستورەوە لەگەڵ حكومەتی فیدراڵ چارەسەر بكرێن”.

محەمەد لەكاش هیوای خواست، كابینەی نوێی حكومەتی هەرێمی كوردستان، كێشە هەڵپەسێردراوەكان لەگەڵ حكومەتی فیدراڵ لەسەر بنەمای یاسا و دەستور چارەسەر بكات و ئەو هەنگاوەش بكاتە دەستپێكی كارەكانی بۆ قۆناغەكانی داهاتوو.

عێراق

پەیوەندی بە بەنداوەكانەوه هەیە
بەمزوانە دانوستانەكانی نێوان عیراق و توركیا دەستپێدەكەن

خەڵك- بەشی هەواڵ
وەزارەتی سەرچاوە ئاوییەكانی عیراق، ئاماژە بە نزیكبوونەوەی دەستپێكردنی دانوستانەكانی نێوان عیراق و توركیا دەكات سەبارەت بە بەنداوەكانی جەزرە و ئەليسۆی توركیا.

عەون زیاب، وتەبێژی وەزارەتی سەرچاوە  ئاوییەكانی عیراق لە لێدوانێكی ڕۆژنامەوانیدا ڕایگەیاندووە”بەنداوی جەزرەی توركیا كە دەكەوێتە نزیك سنورەكانی عیراق و توركیا و سوریا، تائێستا نەخراوەتەگەڕ، خستنەگەڕی ئەو بەنداوە كاریگەریی بۆسەر پشكی ئاوی عیراق دەبێت كە لە توركیاوە دەڕژێتە نێو وڵاتەوە و كاریگەریی لەسەر كشتوكاڵی عیراق دروستدەكات كە لەماوەی ئەم سێ‌ ساڵەی دواییدا زیاتر چالاكی بەخۆوە بینیوە”.

بە وتەی زیاب”بەنداوی ئەلیسۆ بە هەمان شێوە لەئێستادا كاریگەریی لەسەر پشكی ئاوی عیراق دروستكردووە و ئەمەش بە ڕوونی لە بەنداوی موسڵ بەدری دەكرێت، بۆیە حكومەت بەنیازە دانوستانی نێودەوڵەتی بەمزوانە لەگەڵ توركیا دەستپێبكات بۆ دیاریكردنی پشكی ئاو و ئەو دەستدرێژیانەی دەكرێنە سەر عیراق لەگەڵ بەگەڕخستنی بەنداوی جەزرە”.

پێشتر وەزارەتی سەرچاوە ئاوییەكانی عیراق ڕایگەیاندبوو”بەنداوی جەزرەی توركیا كە ئەنقەرە بەنیازە دروستیبكات، بڕێكی زۆر لەو ئاوە كەمدەكاتەوە كە لە توركیاوە دەڕژێتە بەنداوی موسڵەوە، بۆیە عیراق بە تەواوەتی دروستكردنی ئەو بەنداوە ڕەتدەكاتەوە”.

بەردەوام بە لە خوێندنەوە

عێراق

72 كەسیش گیانیانلەدەستدا
عیراق و هەرێم، نزیكەی 3500 كەس تووشی كۆرۆنا بوون

خەڵك- بەشی هەواڵ
وەزارەتی تەندروستی عیراق 3484 حاڵەتی توشبوونی نوێ‌ بە ڤایرۆسی كۆرۆنا لەعیراقدا ڕادەگەیەنێت و ئاماژە چاكبوونەوەی 2015 كەسیش دەكات كە نەخۆشییەكەیان پەڕاندووە و چاكبوونەتەوە.

بەپێی بەیاننامەیەك كە لەلایەن وەزارەتی تەندروستی عیراقەوە بڵاوكرایەوە” لەماوەی 24 كاتژمێری ڕابردوودا 3484 حاڵەتی توشبوونی نوێ‌ لە تێكڕای پارێزگەكانی عیراقدا تۆماركران و 2015 كەسیش بە تەواوەتی چاكبوونەوە و گەڕانەوە ماڵەكانیان.

بەپێی ئامارەكان، بەغدا زۆرترین ژمارەی مردن و تووشبوانی تۆماركردووە، و پاشان پارێزگەی بەسرە لە پلەی دووەمدایە كە 449 كەس تووشی كۆرۆنا بوون و 7 كەسیش لە پارێزگەكەدا لەماوەی 24 كاتژمێری ڕابردوودا بەهۆی ڤایرۆسەكەوە گیانیانلەدەستداوە.

لە بەیاننامەكەی وەزارەتی تەندروستی عیراقدا هاتووە،” تۆماركردنی حاڵەتەكانی توشبوون بە كۆرۆنا بەسەر زۆرێك لە پارێزگەكاندا دابەشبوون كە بەمشێوەیەن: بەغدا، ڕەسافە: 349 حاڵەت، مەدینە توب: 100 حاڵەت، بەغدا كەرخ: 226 حاڵەت، بەسرە: 449 حاڵەت، نەجەف: 192 حاڵەت، سلێمانی: 198 حاڵەت، هەولێر: 278 حاڵەت، كەركوك: 161 حاڵەت، دهۆك: 32 حاڵەت، كەربەلا: 299 حاڵەت، واست: 117 حاڵەت، دیالە: 101 حاڵەت، میسان: 132 حاڵەت، زیقار: 118 حاڵەت، ئەنبار: 53 حاڵەت، بابل: 142 حاڵەت، سەڵاحەدین: 63 حاڵەت، نەینەوا: 320 حاڵەت، دیوانیە: 114 حاڵەت، موسەننا: 40 حاڵەت”.
هەر لە بەیاننامەكەدا وەزارەتی تەندروستی عیراق، ئاماژەی بە تۆماركردنی 72 حاڵەتی گیانلەدەستدانیش كردووە لەماوەی 24 كاتژمێری ڕابردوو لە تێكڕای پارێزگەكانی عیراق و هەرێمی كوردستان.

وەزارەتی تەندروستی عیراق دەڵێت”كۆی گشتی ژمارەی تووشبوان بە ڤایرۆسی كۆرۆنا لە وڵاتدا گەیشتۆتە 153599 كەس و لەو ژمارەیەش 5464 كەس گیانیانلەدەستداوە و 109790 كەس نەخۆشییەكەیان پەڕاندووە و چاكبوونەتەوە، ئەوانەش كە تائێستا لە نەخۆشخانەن و چارەسەرییان بۆ دەكرێت 38345 كەسن كە 544 حاڵەتیان باری تەندروستییان ناجێگیرە”.

بەردەوام بە لە خوێندنەوە

عێراق

تەندروستی عیراق: تائێستا لە قۆناغی یەكەمی پەتای كۆرۆناداین

خەڵك – بەشی هەواڵ

وەزارەتی تەندروستی عیراق ڕایدەگەیەنێت: تائێستا عیراق لەقۆناغی یەكەمی پەتای ڤایرۆسی كۆرۆنایە و هێشتا نەگەیشتووەتە قۆناغی دووەم.

حازم جومەیلی بریاكری هونەریی لە وەزارەتی تەندروستی عیراق ڕایگەیاند: بەگوێرەی ئاماری ڕۆژانەی پەتای كۆرۆنا، بەردەوام ڕۆژانە زیاد لە 3 هەزار حاڵەتی تووشبوون بە ڤایرۆسەكە تۆمار دەكرێن، ئەمەش ئاماژەیەكە بۆئەوەی كە هاووڵاتیان پابەندی ڕێنماییەكانی وەزارەتی تەندروستی و لیژنەی باڵا لە عیراق نابن، لە زۆربەی پارێزگاكانی عیراقدا، ڕۆژانە حاڵەتەكانی تووشبوون بە كۆرۆنا لە هەڵكشاندایە، دەرئەنجامی ئەوەیە هاووڵاتیان پابەندی ڕاسپاردەكان نابن، ئەمەش ئاماژەیەكی باش نییە.

حازم جومەیلی دووپاتیشیكردەوە: عیراق تائێستاش لەقۆناغی یەكەمی ڤایرۆسەكەدایە، هێشتا نەگەیشتووەتە ترۆپكی قۆناغەكە، ئاشكراشی دەكات كۆتایی ئەم هەفتەیە كۆبوونەوەیەك ئەنجام دەدرێت بۆ تاووتوێكردنی ڕێكارەكان بۆ مانگی موحەڕەم و لیژنەی باڵای ڕاوێژكاران كۆمەڵێك پێشنیاری گەڵاڵە كردووە و لەكۆبوونەوەی داهاتوودا دەیخاتە بەردەم لیژنەی باڵا.

بەردەوام بە لە خوێندنەوە

کوردستان