ئێمە لە تۆرە کۆمەڵایەتیەکان

عێراق

لەسەر بودجەیە
سكاڵای یاسایی لەدژی فوئاد حسێن بەرزدەكرێتەوە

خەڵك- بەشی هەواڵ
ئەندامێكی پەرلەمانی عیراق، سكاڵای یاسایی لەدژی فوئاد حسێن وەزیری دارایی حكومەتی فیدراڵ بەرزدەكاتەوە، هۆكاریی ئەو سكاڵایەش، پەیوەندی بە “جێبەجێنەكردنی یاسای بودجە و پشكی هەرێمەوە هەیە”.

ئەمڕۆ پێنج شەممە، ئینعام ڕوبەیعی، ئەندامی پەرلەمانی عیراق لە كۆنفرانسێكی ڕۆژنامەوانی هاوبەش لەگەڵ پەرلەمانتار جەواد موسەوی لە بارەگای پەرلەمان ڕایگەیاند”لەسەر جێبەجێنەكردنی یاسای بودجە و بە تایبەت ئەو بڕگەیەی پەیوەندی بە پشكی هەرێمەوە هەیە، سكاڵای یاساییان لەدژی فوئاد حسێن وەزیری دارایی حكومەتی فیدراڵ بەرزكردەوە”.

بە وتەی ڕوبەیعی”وەزیری دارایی، بڕگەی (ج)ی لە ماددەی 10ی یاسای بودجەی فیدراڵی پێشێل كردووە كە دەبوو بە بەهای 250 هەزار بەرمیل نەوتی ڕۆژانەى لە پشكی دیاریكراو بۆ هەرێم ببڕێت و تەسویەی حیسابی لەو بارەیەوە ئەنجام بدات”.

ئەمەش لەكاتێكدایە كە ئەمڕۆ لە دانیشتنی ژمارە سی و دووی پەرلەمانی عیراق، بەسەرۆكایەتی محەمەد حەلبوسی سەرۆكی پەرلەمان وابڕیارە لەسەر جێبەجێنەكردنی تەواوەتی بڕگەكانی بودجەی گشتی 2019، هەریەك لە وەزیرەكانی نەوت و دارایی و نوێنەرانی سەرۆكایەتی وەزیران و دیوانی چاودێری دارایی ئامادەبن كە پێشتر لەلایەن پەرلەمانەوە بانگهێشتكرابوون.

عێراق

بەوێنە، فڕۆكەیەكی گەورەی بێفڕٍۆكەوانی داعش دۆزرایەوە

 

خەڵك- بەشی هەواڵ

شانەی میدیای ئەمنی ڕایدەگەیەنێت، فڕۆكەیەكی بێفڕۆكەوانی ڕێكخراوی داعش لە پارێزگەی دیالە دۆزرایەوە.

بەپێی بەیاننامەیەك كە لەلایەن شانەی میدیای ئەمنی عیراقەوە بڵاوكرایەوە”هێزێكی هاوبەشی سەر بە دەزگای هەواڵگری و حەشدی شەعبی، توانیان دەست بەسەر فڕۆكەیەكی گەورەی بێفڕۆكەوانی سەر بە ڕێكخراوی داعشدا بگرن لەكاتی هەڵكوتانە سەر حەشارگەیەكی ڕێكخراوەكە لە دیالە”.

هەر لە بەیاننامەكەدا هاتووە”فڕۆكەكە لە یەكێك لە حەشارگەكانی سەر بە ڕێكخراوی داعش و لە جەزیرەیەكى نزیك دەریاچەی حەمرین، دۆزرایەوە”.

تائێستاش پاشماوەی چەكدارانی داعش لە ناوچە جیاجیاكانی پارێزگەی دیالە بونییان هەیە و ناوبەناو پەلاماری هێزە ئەمنییەكان و هاووڵاتیانی ناوچەكە دەدەن، بەپێی میدیاكانی عیراقیش، لە شەوى ڕابردوودا گروپێكی سەر بە داعش پەلاماری گوندێكی سەر بە قەزای خانەقینيانداوە داوە و سێ‌ ماڵيان سوتاندووە.

بەردەوام بە لە خوێندنەوە

عێراق

داوا لە كۆمپانیا چینییەكان دەكرێت عیراق ئاوەدان بكەنەوە

خەڵك- بەشی هەواڵ
عادل عەبدولمەهدی سەرۆك وەزیرانی عیراق ڕایدەگەیەنێت، داوا لە كۆمپانیا چینییەكان دەكات، بەوپەڕی گوڕ و تینەوە بەشداریی لە هەڵساندنەوەی عیراق و ئاوەدانكردنەوەی وڵاتدا بكەن، بەڵێنیش دەدات ئاسانكارییان بۆ بكات.

عەبدولمەهدی سەرۆك وەزیرانی عیراق، لە كۆنگرەی پیشەسازی جیهانی 2019، لە شاری خیفی چینی ڕایگەیاند”لە میانی ئەو چاوپێكەوتنانەی ئەنجامیان دەدەن، داوا لە كۆمپانیا چینییەكان دەكەن بەوپەڕی گوڕ و تینەوە بەشداریی لە ئاوەدانكردنەوەی عیراقدا بكەن، لای خۆشيانەوە بەڵێن دەدەن هەموو ئەو ئاستەنگانەیان لەبەردەمدا ڕابماڵن كە دێنە ڕێیان”.

بە وتەی سەرۆك وەزیرانی عیراق، لیژنەی ناوەندی، سەرپەرشتی ڕەخساندنی هەلی گونجاو دەكات بۆ ئەو كۆمپانیایانە، ئامانجیشیان لەو كارەدا خستنەڕووی خواستی وڵاتە لە كاریی هاوبەش لەگەڵ وڵاتی چین.

عادل عەبدولمەهدی سەرۆك وەزیرانی عیراق لەگەڵ ئەندامانی شاندنی عیراقی كە لە وەزیرەكان و پارێزگارەكان و ڕاوێژكاران پێكهاتبوون، وەك میوان و لەسەر بانگهێشتی لی كیشیانگ سەرۆك وەزیرانی چین، ئامادەی كۆنگرەی پیشەسازی جیهانی 2019 بوون كە دوێنێ‌ هەینی كارەكانی لە شاری خیفی چینی دەستیپێكرد.

بەردەوام بە لە خوێندنەوە

عێراق

لە حەمرین حەشارگە و فڕۆكەیەكی بێفڕۆكەوانی داعش دۆزرایەوە

خەڵك- بەیش هەواڵ
فەرماندەیی پڕۆسەكانی دیالەی حەشدی شەعبی ئاشكرای دەكات، كە لە نزیك دەریاچەی حەمرین حەشارگەیەك و فڕۆكەیەكی بێفڕۆكەوانی داعش دۆزراوەتەوە.

تالب موسەوی، فەرماندەی پڕۆسەكانی دیالەی حەشدی شەعبی لە ڕاگەیەنراوێكدا ئاماژەی بەوەكردووە، هێزەكانی سەر بە فەرماندەیی پڕۆسەكانی دیالە دەستیان كردووە بە پڕۆسەی كێوماڵكردن و پشكنین لە 6 ناوچەی باكوری ڕۆژهەڵاتی دەریاچەی حەمرین بە هاوبەشی فەوجی بەرگری و هەواڵگری لیوای 24 و هێزی دەریایی و كەتیبەی دووی سەر بە بەڕێوەبەرایەتی دژە تانك.

ئاماژەی بەوەشكردووە، كە پڕۆسەكە لەسەر بنەمای زانیاری هەواڵگری ئەنجام دراوە و تێیدا حەشارگەیەكی گەورەی چەكدارانی داعش دۆزراوتەوە، كە چەندین پێداویستی لۆجستی و سەربازی تێدا بووە.

ئاشكراشی كردووە، كە هێزەكانیان توانیویانە فڕۆكەیەكی بێفڕۆكەوانی تێكشكاو بدۆزنەوە، كە لەژێر زەوی شاردرابووەوە لەناوچەیەك، كە تا ئێستا هێزە ئەمنییەكان نەچووبوونە ئەو شوێنە و ئەمەش وای لە دوژمن كردبوو ئەو ناوچەیە بقۆزێتەوە بۆ كردەوەكانی.

بەردەوام بە لە خوێندنەوە

کوردستان