ئێمە لە تۆرە کۆمەڵایەتیەکان

جیهانی

بەرشلۆنە متمانەی بە ئومتیتی نییە و دی لیخت ناچاری کردوون ڕوو لە ئینگلتەرا بکەن !

خەڵک سپۆرت

سەرۆکی یانەی بەرشلۆنە لەکۆتا کۆبونەوەکانی لەگەڵ ئێرنێستۆ ڤاڵڤێردی ڕاهێنەر، جەختی لە دابینکردنی بەرگریکارێکی بەتوانا کردۆتەوە.

پۆرتاڵی “دۆن بالۆن”ی ئیسپانی لەزاری پۆلا سیرانۆی ڕۆژنامەوانەوە ئاشکرای کردووە، لەکۆتا کۆبونەوەکانی یانەی بەرشلۆنە (سەرۆکایەتی و دەستەی هونەری) تەئکید لەوە کراوەتەوە کە ساموێل ئومتیتی فەرەنسی بەهۆی پێکانی بەردەوام و لەسەریەکەوە ناتوانێت بەپێی پێویست لە داهاتوودا تواناکانی دەربخات، ئەوەش لەلایەن دەستەی پزیشکی یانە کەتەلۆنیەکەوە یەکلایی کراوەتەوە.

بەپێی زانیارییە بەدەستهاتووەکان، نوێنەرانی بارسا بڕیاریانداوە ڕەش ئەسمەرە فەرەنسیەکە تێهەڵکێشی مامەڵەی گواستنەوەی نایمار بکەن، لەهەمان کاتیشدا متمانەی ئەوتۆیان بە کلیمێنت لانگلێتی هاونیشتیمانی نییە، هەروەها گواستنەوەی ماتیاس دی لیختی هۆڵەندی بەهۆی پێداگری یانەی یوڤانتۆسەوە لەدەست دەرچووە.

وەک چارەسەرێک بۆ ئەم بارودۆخە، جوسێپ ماریا بارتومیۆ و ئەبیدال پێشنیاری ڤیکتۆر لیندلۆفی بەرگریکاری سویدی یانەی مانچستەر یونایتدیان بۆ ڤاڵڤێردی کردووە کە هێشتا لە تەمەنێکی گونجاودایەو چاوەڕوان دەکرێت تواناکانی زتار بەرەوپێش بچن، لەبەرامبەردا ڕاهێنەر ڕەزامەندی نیشانداوە.

سەرەڕای ئەوەی تائێستا هیچ پەیوەندیەکی فەرمی بۆ ئەو مەبەستە پێکنەهێنراوە، بەڵام سەرچاوەکان ئیسپانیەکان پێیان وایە گواستنەوەکە لەبەر دوو هۆکار ئاڵۆز نییە، یەکەمیان یانەی مانچستەر یونایتدە کە بەشداری چامپیۆنز لیگی وەرزی داهاتوو ناکات، دووەمیشیان خواستی یاریزانەکەیە کە لەپێشوودا دانی پێداناوە خەون بە یانەی بەرشلۆنەوە دەبینێت.

جیهانی

پێکهاتەی ئەو (١١) یاریزانە گرانبەهایەی بواری تۆپی پی کە لە وازهێنان نزیک دەبنەوە

خەڵک سپۆرت

بواری تۆپی پێ لەسەردەمی نوێدا لەڕووی تەمەنەوە بەرەوپێشچونی بەخۆیەوە بینیوە و ئەو یاریزانانەی تەمەنیان لەسەرو (٣٠) ساڵەوەیە بەرەو وازهێنان هەنگاو دەنێن.

لە ڕاپۆرتێکی ڕۆژنامەوانی ڕۆژنامەی “ئاس”ی ئیسپانیدا هاتووە، لەگەڵ تێپەڕینی چەند وەرزی داهاتوودا پێکهاتەیەک لە یاریزانە گرانبەهاکان بەهۆی هەڵچونیان بەتەمەن لە وازهێنان نزیک دەبنەوە، دیارترین ئەو یاریزانانەش لیۆ مێسی ئەفسانەی زیندوی یانەی بەرشلۆنە و کریستیانۆ ڕۆناڵدۆی ئەفسانەی پورتوگالی یانەی یوڤانتۆسن.

سەرەڕای ئەوەی لە پێکهاتەکەدا ناوی سێرجیۆ ڕامۆس و لوکا مۆدریچ نەهاتووە، بەڵام دەستەیەک لە ئەستێرە گرانبەها ناودارەکان ئاماژەیان پێکراوە کە تا ئەم ساتەش بە (نرخ بەرزەکان) ناودەبرێن.

گۆڵپارێز

هوگۆ لۆریس (تۆتنهام): ٢٥ ملیۆن یورۆ

بەرگری

تۆبی ئاڵدەروێڕڵد (تۆتنهام): ٤٠ ملیۆن

جۆردی ئەلبا (بەرشلۆنە): ٥٠ ملیۆن

سیزار ئازپیلیکوێتا (چێڵسی): ٣٥ ملیۆن

ماتس هومێڵس (دۆرتمۆند): ٣٥ ملیۆن

ناوەند

سێرجیۆ بۆسکێتس (بەرشلۆنە): ٥٠ ملیۆن

ئیڤان ڕاکیتیچ (بەرشلۆنە): ٣٥ ملیۆن

مارکۆ ڕۆیس (دۆرتمۆند): ٥٠ ملیۆن

هێرشبەر

لیۆنێل مێسی (بەرشلۆنە): ١٥٠ ملیۆن

کریستیانۆ ڕۆناڵدۆ (یوڤانتۆس): ٩٠ ملیۆن

پیێر ئیمیریک ئۆبامیانگ (ئارسیناڵ): ٧٠ ملیۆن

بەردەوام بە لە خوێندنەوە

جیهانی

 (ڕیاڵ مەدرید دەیەمە) ڕیزبەندی ئەو یانانەی خاوەنی بەهێزترین هێڵی هێرشبەرن لە ئەوروپا

خەڵک سپۆرت

لەم وەرزەدا خولە ناوخۆییەکانی وڵاتانی ئەوروپا بەنێوەندی ڕێژەی حەوت جەولەیان بۆ هەر خولێک تێپەڕاندووە و تا ئێستا یانەی مانچستەر سیتی خاوەنی بەهێزترین هێڵی هێرشبەرییە.

بەپێی ڕاپۆرتێکی ماڵپەڕی “سپۆرت ٣٦٠”، لەم وەرزەدا یانەی مانچستەر سیتی سەرباری لەدەستدانی لوتکەی خولی ئینگلیزی و بە جیاوازی هەشت خاڵ کەوتنە دوای یانەی لیڤەرپوڵ، بەڵام هێشتا لە لوتکەی ڕیزبەندی ئەو یانانەدایە کە خاوەنی بەهێزترین هێڵی هێرشبەرن.

کوڕانی سیتی لەم وەرزەدا و لەکۆی هەشت جەولە توانیویانە ٢٧ گۆڵ تۆمار بکەن کە ئەوەش بەرزترین ڕێژەی تۆماری گۆڵە لەنێو سەرجەم یانەکانی کیشوەری ئەوروپا (پێنج خولە گەورەکە)، بەو ڕێژەیەشەوە بەسەر یانەی بایرن میونشنی ئەڵمانیدا سەرکەوتون، سەیریش لەوەدایە یانەی ڕیاڵ مەدریدی ئیسپانی سەرەڕای ئەوەی لە لوتکەی ڕیزبەندی یانەکانی لالیگادایە، بەڵام لەم ڕیزبەندیەدا دەکەوێتە پلەی دەیەمەوە.

ڕیزبەندی ئەو یانانەی خاوەنی بەهێزترین هێڵی هێرشبەرن (تائێستا):

  • مانچستەر سیتی ٢٧ گۆڵ بەنێوەندی ڕێژەی ٣.٤ گۆڵ لەهەر یارییەکدا
  • بایرن میونشن ٢٠ گۆڵ، بە نێوەندی ڕێژەی ٢.٩ گۆڵ
  • بوروسیا دۆرتمۆند ١٩ گۆڵ، بەنێوندی ڕێژەی ٢.٧ گۆڵ
  • ئاتالانتا ١٨ گۆڵ بەنێوەندی ڕێژەی ٢.٦ گۆڵ
  • بەرشلۆنە ٢٠ گۆڵ، بەنێوەندی ڕێژەی ٢.٥ گۆڵ
  • لیڤەرپوڵ ٢٠ گۆڵ، بەنێوەندی ڕێژەی ٢.٥ گۆڵ
  • چێڵسی ١٨ گۆڵ، بەنێوەندی ڕێژەی ٢.٣ گۆڵ
  • فرایبۆرگ ١٥ گۆڵ، بەنێوەندی ڕێژەی ٢.٢ گۆڵ
  • بوروسیا مونشنگلادباخ ١٥ گۆڵ، بەنێوەندی ڕێژەی ٢.٢ گۆڵ
  • ڕیاڵ مەدرید ١٦ گۆڵ، بەنێوەندی ڕێژەی دوو گۆڵ
بەردەوام بە لە خوێندنەوە

جیهانی

ڕیزبەندی گۆڵکارانی ئەوروپا بۆ ساڵی ٢٠١٩: مێسی دووەمە و کریستیانۆ لە لیستەکەدا نییە !

خەڵک سپۆرت

ململانێی گۆڵکارانی یانەکانی ئەوروپا بۆ خەڵاتی گۆڵکاری ساڵ بەردەوامە و تا ئەم ساتە ڕۆبێرت لیڤاندۆڤیسکی پۆڵەندی هێرشبەری یانەی بایرن میونشن لە پلەی یەکەمدایە.

بەپێی داتا بەدەستهاتووەکان لە ماڵپەڕی “سپۆرت ٣٦٠”وە، لە ساڵی ٢٠١٩دا ڕۆبێرت لیڤاندۆڤیسکی پۆڵەندی توانیویەتی ٣٣ گۆڵ تۆمار بکات، کە ١٥ گۆڵی لە وەرزی نوێ و ١٨ی لە وەرزی ڕابردوو تۆمارکراون، لەبەرامبەردا لیۆ مێسی ئەفسانەی زیندوی یانەی بەرشلۆنە بە تۆماری ٣١ گۆڵەوە کەوتووەتە پلەی دووەمەوە، هۆکاری ئەم دواکەوتنەش بۆ ئەوە دەگەڕێتەوە کە لەسەرەتای ئەم وەرزەدا بەهۆی پێکانەوە تەواوی یارییەکانی خولی ناوخۆی ئیسپانیا “لالیگا”ی لەدەستداو و پاش گەڕانەوەش لە دوو ڕووبەڕوبونەوەدا تەنها گۆڵێکی تۆمار کردووە.

سەیرو سەمەرەی ڕیزبەندی گۆڵکارانی ساڵی ٢٠١٩ لەوەدایە، کە کریستیانۆ ڕۆناڵدۆی ئەفسانەی یانەی یوڤانتۆس بەهیچ شێوەیەک لە (١٠) باشترینەکەدا نییە، بەوپێیەی یاریزانە ئەفسانەییەکە لە یانەی ڕیاڵ مەدریدەوە بۆ یوڤانتۆس هەنگاوی ناوە و لەو ماوەیەشدا تەنها ١٦ گۆڵی تۆمار کردووە.

ڕیزبەندی گۆڵکاری ساڵ (٢٠١٩) تا ئێساتا بەم شێوەیەیە:

  • ڕۆبێرت لیڤاندۆڤیسکی ٣٣ گۆڵ
  • لیۆنێل مێسی ٣١ گۆڵ
  • سێرجیۆ ئەگوێرۆ ٢٦ گۆڵ
  • کەریم بنزیمە ٢٥ گۆڵ
  • کیلیان مباپێ ٢٤ گۆڵ
  • ئیمیریک ئۆبامیانگ ٢٤ گۆڵ
  • برونۆ فێرناندێز ٢٤ گۆڵ
  • دوڤان زاباتا ٢٣ گۆڵ
  • سادیۆ مانێ ٢٣ گۆڵ
  • ڕەحیم ستێرلینگ ٢٢ گۆڵ
بەردەوام بە لە خوێندنەوە

کوردستان