ئێمە لە تۆرە کۆمەڵایەتیەکان

عێراق

دانیشتنەكە دەستیپێكرد
لەسەر یاسای بودجەی 2019 پەرلەمانی عیراق وەزیری نەوت و دارایی بانگهێشت دەكات

خەڵك- بەشی هەواڵ
دانیشتنی ژمارە سی و دووی پەرلەمانی عیراق، بەسەرۆكایەتی محەمەد حەلبوسی سەرۆكی پەرلەمان دەستیپێكرد و وابڕیارە لە دانیشتنی ئەمڕۆدا لەسەر جێبەجێنەكردنی تەواوەتی بڕگەكانی بودجەی گشتی 2019، هەریەك لە وەزیرەكانی نەوت و دارایی و نوێنەرانی سەرۆكایەتی وەزیران و دیوانی چاودێری دارایی ئامادەبن كە پێشتر لەلایەن پەرلەمانەوە بانگهێشتكرابوون.

دوانیوەڕۆی ئەمڕۆ پێنج شەممە، دانیشتنی ژمارە سی و دووی وەرزی دووەمی یاسادانانی پەرلەمانی عیراق بە سەرۆكایەتی حەلبوسی دەستیپێكرد، بڕیار بوو لە دانیشتنەكەدا دەنگ لەسەر پرۆژە یاسای هەمواری یەكەمی یاسای ئەنجومەنی پارێزگاكانی ژمارە (12)ی ساڵی 2018 بدرێت و دەنگ لەسەر پرۆژە یاسای مافی شەهیدانی بنكەی ئاسمانی و ڕاسپاردەكانی تایبەت بە چارەسەركردنی قەیرانی نیشتەجێبوون، بدرێت.

هەروەها وابڕیارە لە دانیشتنی ئەمڕۆی پەرلەماندا، هەریەك لە وەزیرەكانی نەوت و دارایی و سەرۆكی دیوانی چاودێری دارایی و نوێنەری سەرۆكی ئەنجومەنی وەزیران ئامادەبن، بۆ گفتوگۆ لەسەر جێبەجێنەكردنی تەواوەتی یاسای بودجەی ساڵی 2019، وێڕای خوێندنەوەی دووەم بۆ پرۆژە یاسای یاسای پەیوەندییەكان و زانیارییەكان.

لە دانیشتنەكەی ئەمڕۆدا، دەنگدان لەسەر پرۆژە یاسای هەمواری یەكەمی یاسای هەڵبژاردنی ئەنجومەنی پارێزگاكان دواخراوە.

پەرلەمانی عیراق لە بەیاننامەیەكی كورتدا ڕایگەیاند”دەنگدان لەسەر پرۆژە یاسای هەمواری یەكەمی یاسای هەڵبژاردنی ئەنجومەنی پارێزگاكان ژمارە (12)ی ساڵی 2018 دواخرا”، بەبێ‌ ئەوەی وادەیەكی نوێ‌ بۆ دەنگدان لەسەری دیاریی بكات.

عێراق

حزبی دەعوەی ئیسلامی داوای ڕاگرتنی هێرشەكانی توركیا دەكات

خەڵك- بەشی هەواڵ
حزبی دەعوەی ئیسلامی، كە لەلایەن نوری مالكییەوە سەرۆكایەتی دەكرێت لە ڕاگەیەنراوێكدا ئەمڕۆ ئاماژەی بەوەكردووە، هێرشی توركیا مەترسی بۆ سەر ئاسایشی ناوچەكە دروست دەكات.

مەكتەبی سیاسی حزبی دەعوە لە ڕاگەیەنراوێكدا ئاماژەی بەوەكردووە، ئەوەی توركیا بەرامبەر عیراق و سوریا دەیكات، بەزاندنی سنوورە نێودەوڵەتییەكانە.

هەر لە ڕاگەیەنراوەكەدا هاتووە، “توركیا بەبێ‌ بوونی تەنها یەك هۆكاریش پەلاماری ناوچەكانی باكوری ڕۆژهەڵاتی سوریای داوە و پێویستە هەرچی زووە ڕایبگرێت”.

بەپێی ڕاگەیەنراوەكە، ئەگەر توركیا هێرشەكانی ڕانەگرێت، دورنییە شەڕەكە گەورەتر ببێت و ڕووبەڕێكی زیاتری خاكی ناوچەكە خوێناوی بكات.

بەردەوام بە لە خوێندنەوە

عێراق

بۆنەیەكی ئایینی لە عیراق دەكرێتە پشوو

خەڵك- بەشی هەواڵ
بەبۆنەی مەراسیمەكانی زیارەتی چلەی ئیمام حسێنەوە لە زۆربەی پارێزگا شیعە نشینەكانی عیراق ڕۆژێك پشوو ڕاگەیەنرا.

ئەنجوومەنی پارێزگای بابل لە ڕاگەیەنراوێكدا ئاماژەی بەوەكردووە، بەبۆنەی یادی زیارەتی چلەی ئیمام حسێنەوە ڕۆژی سێ‌ شەممە دەبێتە پشووی فەرمی لە سەرجەم فەرمانگە حكومییەكان.

هاوكات زۆربەی پارێزگاكانی دیكەی وەك نەجەف و كەربەلا و بەسرە بەو بۆنەیەوە پشووی فەرمییان ڕاگەیاندووە و بڕیارە حكومەتی عیراق-یش ڕۆژێك بكاتە پشوو بۆ كارئاسانی هاووڵاتیانی شیعە تاوەكو بەشداری لەو مەڕاسیمەدا بكەن.

ئەمە لەكاتێكدایە، كە ساڵانە لە زیارەتی چلەی ئیمام حسێن (س.خ) بە ملیۆنان هاووڵاتی شیعە مەزهەب لە عیراق و ئێران و وڵاتانی دیكەوە ڕوو لە شوێنە پیرۆزەكان لە نەجەف و كەربەلا دەكەن بۆ ئەوەش ئەمساڵ كۆماری ئیسلامی ئێران نزیكەی 7 هەزار و 500 سەربازی لەسەر سنورەكان بۆ پاراستنی زیارەتكاران تەرخان كردووە.

بەردەوام بە لە خوێندنەوە

عێراق

بەرهەم ساڵح پەیوەندی بە موگرینییەوە دەكات

خەڵك – بەشی هەواڵ
سەرۆك كۆماری عیراق بە تەلەفۆن لەگەڵ لێپرسراوی كاروباری دەرەوەی یەكێتی ئەوروپا قسەی كرد و جەختیكردەوە لە پێویستی ڕاگرتنی لەشكركێشی توركیا بۆ سەر خاكی سوریا، دەشڵێت: “هەنگاوی خێرا و پێویست بگرنەبەر بۆ ڕاگرتنی لەشكركێشەكەی توركیا”.

نووسینگەی ڕاگەیاندنی سەرۆك كۆماری عیراق لە ڕاگەیەنراوێكدا، بڵاویكردووە، ئەمڕۆ شەممە 12-10-2019 د. بەرهەم ساڵح، بە تەلەفۆن لەگەڵ فێدریكا موگیرینی، لێپرسراوی كاروباری دەرەوەی یەكێتی ئەوروپا قسەی كرد.

بەپێی ڕاگەیەنراوەكە، سەرۆك كۆمار جەختی لەوە كردەوە، كە پێویستە یەكێتی ئەوروپا و وڵاتانی ئەندام هەنگاوی خێرا و پێویست بگرنە بەر بۆ ڕاگرتنی لەشكركێشی توركیا بۆ سەر خاكی سوریا.

ڕاشیگەیاندووە، گرنگە ڕێگەچارەیەكی ئاشتیانە بۆ كێشەكانی ئێستا بدۆزرێتەوە و پشتیوانی گەلی سوریا بكرێت بۆ ئەوەی بگەن بە چارەسەرێكی سیاسی، كە زامنی مافەكانیان لە ئاسایش و ئارامی و ئاشتیدا بەدیبێنێت.

بەردەوام بە لە خوێندنەوە

کوردستان