ئێمە لە تۆرە کۆمەڵایەتیەکان

ژیاندۆستی

 (ڕاوچی و مقەڵیە بچوکەکە)، ئەو چیرۆکەی پێویستە هەموان بیخوێننەوە!

خێزان

دەگێڕنەوە كە ڕاوچییەك قولاپی ماسیگرەكەی ماسی زۆری دەگرت، بەچەشنێك كە ببووە جێی سەرنج و ئێرەیی بردنی برادەرە ڕاوچییەكانی.

ڕۆژێكیان پەست و تووڕە بوون كاتێك كە تەماشایان كرد ڕاوچییە بەختدارەكە وا خەریكە ماسییە بچووكەكان گل دەداتەوە و ماسییە گەورەكانیش هەڵدەداتەوە ناو دەریا. بۆیە بەتوندی بەڕویدا هەڵشاخین و گوتیان: ئەوە چی دەكەیت؟ ئەرێ تۆ شێت بوویت؟ ئەوە بۆچی ئەو ماسییە گەورانە هەڵدەدەیتەوە ناو دەریاكە؟

ڕاوچییەكە لە وەڵامدا وتی: ((چونكە مەقەڵییەكەم بچووكە)).

ڕەنگە باوەڕ بەم بەسەرهاتە نەكەین، بەڵام بەداخەوە ئێمە هەموو ڕۆژێك ئەم كارە دەكەین كە بەسەر ئەو ڕاوچییەدا هاتووە، ئێمە خەریكین بیرۆكە مەزنەكان و خەونە ڕەنگاڵەییەكان و ئەو هەوڵانەی كە دوور نییە سەرمان بخەن دەخەینە پشت گوێمان، گوایە ئەوانە بە دەردی ئێمە ناخۆن و لە توانای ئێمە بەدەرن (هەروەك مقەڵییەكەی ڕاوچییەكە).

ئەم بەسەرهاتە تەنها بۆ سەركەوتنی ماددی و ئابووری نییە، بەڵكو بۆ گەلێك شتی گەورەتر و گرنگتریشە، ئێمە دەتوانین ئارەزوو بكەین بەدەر لەوەی كە پێشبینی دەكەین، دەتوانین بەختەوەرتر بین و، بە شێوەیەكی جوانتر و شایستەتر بژین.

نووسەرێك ئەوەمان بیردەخاتەوە و دەڵێت: باوەڕت بەچی بوو و چۆن بیرت كردەوە ئەوەت لێ دەردەچێت، كەواتە گەورەتر بیربكەرەوەو، خەونی گەورەتر ببینەو، پێشبینی دەرەنجامی گەورەتر بكە، داواش لە خوا بكە كە زیاترت پێ ببەخشێت.

چی دەبێت ئەگەر ئەو مقەڵییە بچووكەی كە خەونەكانتی پێ دەپێویت تووڕ بدەیت و دانەیەكی گەورەتر بخەیتە شوێنەكەی؟ چی دەبێت ئەگەر بڕیاربدەیت كە بە كەمتر لەوەی ئاوات و خۆزگەی پێدەخوازیت ڕازی نەبیت؟ چی دەبێت ئەگەر بڕیار بدەیت كە ژیانت شاد و بەختەوەرتر و خۆشتر بێت لە ژیانی ئێستات؟ چی دەبێت ئەگەر بڕیار بدەیت كە زیاتر لە خوا نزیك ببیتەوەو متمانەو ئومێدت زیاتر بێت پێی؟ چی دەبێت ئەگەر بڕیار بدەیت كە هەر ئەمڕۆ دەست بەو كارە بكەیت؟

 

گەورەتر بیربكەرەوە…

 

سەرچاوە: نامیلكەی ڕۆژ بە ڕۆژی ڕەمەزان
بەرهەمی: ناوەندی ڕاگەیاندنی ئارا..

ژیاندۆستی

١٠ بیرۆکەی ناوازە بۆ گەرماوەکەت کە دڵنیاین هەر لەم ڕۆوە تۆش جێبەجێیان دەکەیت

خێزان

ئەمەی خوارەوە کۆمەڵێک بیرۆکەی سادە و ئاسان و جوانە بۆ گەرماوەکەت کە دەتوانیت تۆش بە کەرەستەی ماڵەوە دروستی بکەیت و سودی لێببینیت:

 

دروستکردنی شوێن بۆ کەلوپەلەکانت بە جام

تاقێکی سادە و جوان کە زۆر کارت بۆ ڕادەپەرێنێت

دیواری موگناتیسی بۆ کەرەستە زۆرەکانت

تاقی سادە بەڵام جوان

دانانی سەبەتە بۆ شتەکانت

گرەی چێشتخانە بۆ شتهەڵواسین لە گەرماو

تاقێک بە تەختە

ڕاستەی موگناتیسی بۆ شتە وردەکانت

ئەم جۆرە سەرە بۆ مەعجونی ددانەکەت دابنێ

مەعجونی ددان بکەرە ناو فوڵچەی شت سڕین و نێوان کاشی گەرماوەکەتی پێ پاک بکەرەوە

بەردەوام بە لە خوێندنەوە

ژیاندۆستی

چەند زانیاریەکی گرنگ بۆ ڕۆژی ڕەش سوودی لێدەبینیت

خێزان

کاتێک بۆ چادرگەی دیدەوانی یان هەر هۆیەکی دیکە دەکەویتە دارستانەوە، کۆمەڵێک زانیاری گرنگ هەیە کە پێوسیتە بیزانیت بۆ ئەوەی لە کاتی خراپ دا کە لە کوردەواری بە ڕۆژی ڕەش ناسراوە فریات بکەوێت:

 

-پاکەتی هێلکە یان هەر کارتۆنێکی دیکە کە پێتە بۆ ئاگرکردنەوە بەکاربهێنە.

-بۆئەوەی جەستەت باشتر گەرم بێتەوە گیا بکەرە نێوان جلەکانتەوە

-بۆ دەستکەوتنی ئاوی پاک، ئاوە پیسەکە بکەرە دەفرێک و پارچەیەک قوماشی پێوە بکە بۆ دەفرێکی نزمتر، لە ماوەی کاتژمێرێکدا ئاوی پاکت بەدەستدەگات.

-مێش و مێشوولە حەزیان بە بۆنی گژ و گیایی سوتاو نییە.

-مەعجوننی ددان بدە لە شوێنی پێوەدانی مێشوولە

-بەو پێیەی پێوەدانی مار یەکێکە لە ئەو مەترسیانەی ئەگەری زۆرە کە ڕوبەڕوت بێتەوە، گرنگە کە ئەم زانیاریانەت هەبێت:

-ماری ژەگراوی جێگەی دوو کەڵبەکەی جێدەهێڵێت، لە کاتێکدا مارێک کە ژەهراوی نەبێت دانەکانی بەیەکسانی دەردەکەوێت.

-پێستی ماری ژەهراوی ڕەقتر و زبرترە لە پێستی ماری بێ ژەهر.

بەردەوام بە لە خوێندنەوە

ژیاندۆستی

٨ کاری ناوازە کە جەستەمان ڕۆژانە بۆخۆی ئەنجامی دەدات

خێزان

جەستەی مرۆڤ دەرئاسا (موعجیزە)یەکی تەواوەتییە کە بەردەوام زانیاری نوێی و شتی سەیر و سەمەرەی تێدا دەدۆزرێتەوە، ئەمەی خوارەوە کۆمەڵێک لە زانیاریەکانە لەسەر جەستەت:

 

– ڕۆژانە نزیکەی ٧٠ بلیۆن خانە لە جەستەماندا دەمرن  و خانەی نوێ دروستدەبێت، خڕۆکە سورەکان هەر ٣ مانگ جارێک نوێ دەبنەوە، هەندێ خانەی جەستە درەنگتر نوێدەبنەوە بە جۆرێک لە ماوەی ١٠ ساڵدا زۆربەی خانەکانی جەستەمان نوێدەبنەوە، هەندێک لە خانەکان بەتایبەت لە مێشکدا ١٠٠ ساڵ زیاتر دەژی.

 

– ناوکی مرۆڤ پیسترین شوێنی جەستەیە و بانکێکە بۆ میکرۆب، کە ژینگەیەکی تایبەت بە خۆیان دروستکردووە.

 

– ئەو ترشەڵۆکەی لە گەدەماندا هەیە پلەی گەرمی ٣٧ ی هەیە و دەتوانێت کۆینێکی ئاسن بتوێنێتەوە.

 

– گۆڕانکاری لە هەستی مرۆڤدا کاریگەری لەسەر ئەو زانیاریانە هەیە کە لە مێشکدا هەڵی گرتووە، بۆنمونە گەر توشی خەفەتێکی زۆر ببێت بەشێک لە زانیاریەکان دەسڕێنەوە.

– شیری دایک پێکهاتەکەی خۆی دەگۆڕێت، کە ئەمەش وادەکات منداڵ هەموو جۆرە خواردنێکی پێوسیتی پێبگات بە پێی جۆری خواردنی دایکەکە.

 

– جەستی ئێمە لە بەیانیاندا بەرزترە و کێشمان کەمترە، ئەمەش بەهۆی ئەوەی شەوانە جەستەمان ئاوی زیادە و ماددە زیادەکان فڕێ دەداتە دەرەوە.

– لە دەمدا زیاتر لە ١٠ هەزار هەستە ئەندام هەیە کە هەستی تامکردنمان پێدەبەخشێت، بەڵام توێژینەوەیەکی نوێ ئەوەی سەلماندووە کە بە شێکی زۆر لەو هەستە ئەندامانە لە دڵیشماندا بونیان هەیە و دڵیش کاریگەری هەیە لەسەر هەستی تامکردن.

– گەر ڕەنگە تەواوکاریەکان  لە گەڵ یەکدا تێکەڵبکەیت، لە ئەنجامداچاوت بە ڕەنگی سپی دەیبینێت.

 

لەم ڤیدیۆیەدا زانیاری زیاتری تێدایە لەسەر ڕەنگە تەواوکاریەکان:

بەردەوام بە لە خوێندنەوە

کوردستان