ئێمە لە تۆرە کۆمەڵایەتیەکان

کوردستان

پارتی و یەكێتی بە فەڕمی كاندیدی پارێزگاری كەركوكیان ئاشكرا كرد

خەڵك-نزار جەزا

ئەمڕۆ پێنج شەممە پارتی و یەكێتی لەسەر دانانی (تەیب جەبار) بۆ پۆستی پارێزگاری كەركوك ڕێككەوتن.

لە لەكۆنفڕانسێكی ڕۆژنامەوانیدا حاكم قادر حەمەجان ئەندامی مەكتەبی سیاسی یەكێتی و مەحمود محەمەد وتەبیژی پارتی ڕێككەوتنی نێوایانیان لەسەر كاندیدی نێوانیان بۆ پۆستی پارێزگاری كەركوك ڕاگەیاند.

مەحمود محەمەد لە كۆنفڕانسەكەدا ڕایگەیاند، كۆمەڵێك كەس سیڤی خۆیان پێشكەشكردبوو بۆئەوەی ببنە پارێزگاری كەركوك بەڵام بەپێی چەند پێوەرێك تەیب جەبار لەسەر پێشنیازی لیستی برایەتی دیاریكرا.

حاكم قادر لە كۆنفڕانسە ڕۆژنامەوانییەكەدا ڕایگەیاند، لیژنەیەكیان پێكهێناوە بۆئەوەی سەردانی لایەنەكانی كەركوك و بەغداد بكەن، بۆئەوەی لەسەر ئەم پرسە گفتوگۆبكەن.

پڕۆفایلی تەیب جەبار:

ئەندازیار تەیب جەبار ئەمین كاندیدی لیستی برایەتی بۆ پارێزگاری كەركوك

ساڵی ١٩٥٤ لە كەركوك لە دایك بووە
خوێندنی سەرەتایی و ناوەندیی و ئامادەیی لە كەركوك تەواوكردووە
١٩٧٦ كۆلێژی ئەندازیاری بەشی بیناسازی لە زانكۆی سلێمانی تەواوكردووە
ساڵی ١٩٧٨ تا ١٩٩٢ فەرمانبەر بووە وەك ئەندازیار لە بەڕێوەبەرایەتی ڕێگاوبانی سلێمانی

لە ١/٨/١٩٩٢ تا ١/٨/١٩٩٧ بریكاری وەزارەتی ئەشغال و نیشتەجێكردن بووە لە كابینەی یەكەم و دووھەمی حكومەتی ھەرێمی كوردستان
كۆتای ساڵی ١٩٩٧ خۆی خانەنشین كردووە

لە ساڵی ١٩٩٨ لە كەرتی تایبەت كاریكردووە لەبواری ئەندازیاری
لە ساڵی ١٩٧٠ دەستی بە نووسین كردووە
خاوەنی چەندین كتێبی شیعری و كتێبی ڕەخنەییە
چەندین نوسین و كتێبی ھەیە لە بواری ئەندازەی شارو شوێن و ئاوەدانی

یەكێكە لە دامەزرێنەرانی یەكێتی ئەندازیارانی كوردستان لە ساڵی ١٩٩٢
لە ساڵی ١٩٩٢ تا ٢٠٠١ جێگری سەرۆكی یەكێتی ئەندازیارانی كوردستان بووە
ساڵی ٢٠٠١ تا ٢٠٠٣ سەرۆكی یەكێتی ئەندازیارانی كوردستان بووە

ئەندامی یەكێتی نووسەرانی كوردە
ئەندامی یەكێتی نووسەرانی عێراقە
ئەندامی كۆمەڵەی ڕوناكبیری و كۆمەڵایەتی كەركوكە

کوردستان

وەزارەتى خوێندنی باڵا و توێژینەوەی زانستى چەند بڕیارێکی نوێی دەرکرد

خەڵک – بەشی هەواڵ

وەزارەتى خوێندنى باڵاو توێژینەوەى حکومەتى هەرێمى کوردستان چەند بڕیارێکی تایبەت بەو خوێندکارانە دەرکرد، کە لە دەرەوەى وڵات، بەکالۆریۆس و ماستەرو دکتۆرا دەخوێنن و بەهۆى بڵاوبونەوەى پەتاى کۆرۆنا و ڕێکارەکانى تەندروستى و ڕاگەیاندنى قەدەغەى هاتوچۆ، گەڕاونەتەوە هەرێمى کوردستان یاخود هێشتا لە دەرەوەى وڵاتن.

 

وەزارەتى خوێندنى باڵاو توێژینەوەى حکومەتى هەرێمى کوردستان لە فەرمانێکى وەزاریدا بە ژمارە (٥٨٥٤) لە ڕێکەوتى (٢٠٢٠/٧/٧) بە ئیمزاى د. ئارام محمد قادر وەزیرى خوێندنى باڵا و توێژینەوەى زانستى تایبەت بەو خوێندکار/ قوتابیانەى لە دەرەوەى وڵات، بەکالۆریۆس و ماستەرو دکتۆرا دەخوێنن و بەهۆى بڵاوبونەوەى پەتاى کۆرۆنا و ڕێکارەکانى تەندروستى و ڕاگەیاندنى قەدەغەى هاتوچۆ، گەڕاونەتەوە هەرێمى کوردستان یاخود هێشتا لە دەرەوەى وڵاتن چەند بڕیارێکى گرنگى دەرکرد.

 

بەردەوام بە لە خوێندنەوە

کوردستان

جوتیارە نمونەییەکە لە(خەڵک)ەوە پلانێک بۆ ساغکردنەوەى بەرهەمی کشتوکاڵیی ناوخۆ دەخاتەڕوو

خەڵک – نزار جەزا

جوتیارێکی نمونەیی باس لەزۆربوونی بەرهەمە کشتوکاڵییەکان دەکات، بۆیە لەناوخۆی هەرێمی کوردستان پارە ناکەن، لەبەرئەوە بەپێویستی دەزانێت، کە حکومەتی هەرێم لەدەرەوەی هەرێم بازاڕیان بۆ بدۆزێتەوە و لەناوخۆشدا سەرمایەدارەکان کارگەی بۆ دروستبکەن، چونکە هەرێمی کورستان خۆڕسکانە خەرێکە خۆی کەرتی کشتوکاڵ دەبوژێنێتەوەو.

 

ئازاد محەمەد، کە بە جوتیارە نمونەییەکە ناسراوە بە(خەڵک)ی ڕاگەیاند، بەشێوەیەکی گشتی بەرهەمە کشتوکاڵییەکان پارە ناکەن، نرخیان زۆر کەمە، بۆ نمونە کیلۆیەک بامیە پێشتر بە چوار هەزار دینار بوو بەڵام ئێستا بەهەزار دینارە، دوێنێ ٢٠ دۆنم زەوی کە شوتی تێدا چاندووە، بە ٤٥٠ هەزار دینار بەشوانێک فرۆشتووە بۆئەوەی حەیوانی تێ بکات، لەکاتێکدا هەشت ملیۆن دیناری تێچووبوو.

 

ئەوەشی خستەڕوو، ئێستا خەڵکانێکی زۆر لەکوڕ و کچی گەنج و تازە دەرچووکانی زانکۆ و پەیمانگاکان و جوتیاران و خەڵکانی دیکەش ڕوویانکردۆتە کشتوکاڵکردن، بۆیە بەرهەمێکی زۆری کشتوکاڵ دەگاتە بەرهەم و ئەم بەرهەمانەش کە زۆر بوو نرخیان دادەبەزێت.

 

باسی لەئەوەشکرد، ئەم دۆخەى ئێستا زۆر باشە و خۆڕسکانە کەرتی کشتوکاڵ خەریکە دەبێتە کەرتێکی گرنگ و دەتوانرێت جێگەى کەرتی نەوت بگرێتەوە، بەڵام دەبێت حکومەت بازاڕی بۆ بدۆزێتەوە، چونکە ئەگەر حکومەت خەمی جددی لێ نەخوات، بەرهەمە کشتوکاڵییەکان لەناوخۆدا خەساردەبن و جوتیارانیش کە هەر زەرەر بکەن، جارێکی تر بیر لەکشتوکاڵ ناکەنەوە.

 

ئاماژەى بەئەوەشدا، لەحاڵەتێکدا کە نەوت نەمێنێت یان وەک ئێستا نرخەکەی دابەزیبێت و وڵات لەقەیرانی داراییدابێت، ئەگەر سنوور لەکوردستان داخرا، بەناچاری دەبێت هانا بۆ کشتوکاڵی ناوخۆ ببەن، بۆیە پێویستە زووتر کەرتی کشتوکاڵ گرنگی پێ بدرێت و بازاڕێک بۆ ساغبوونەوەى بدۆزرێتەوە.

 

ناوبراو وتیشی: لەجیاتی ئەوەی سەرمایەدارەکان خەرکی دروستکردنی بینابن، با بێن کۆمەڵێک کارگە دروستبکەن، دواتریش حکومەت و سەرمایەدارەکان ناچاردەبن کە بازاڕی لەدەرەوەی وڵات بۆ بدۆزنەوە.

 

دەشڵێت: حکومەتى هەرێم دەبێت پلان دابنێت و هەر وڵاتێک بەرهەمی لێ وەرنەگرێت، با حکومەتى هەرێمیش بەرهەمی لێ نەکڕێت، واتە بۆچی هەرێم کاڵاوشمەک لە وڵاتان بکڕێت و ئەوان لەهەرێمی نەکڕن.

 

ناوبراو لەبارەى چۆنیەتی ساغکردنەوەی خەیار و تەماتەى ناوخۆ ئاماژەى بەئەوەدا، ئەگەر دەسەڵاتی هەبووایە ڕیگری لە هاتنەناوەوەی دۆشاو و خەیارشۆر دەکرد، لەبەرئەوەی بەهەزاران دوکان و مارکێت هەیە، کە ڕۆژانە دۆشاوی تەماتە و خەیارشۆر دەفرۆشن، بۆیە دەکرێت  لەجیاتی دۆشاوی تەماتە و خەیارشۆری وڵاتان، بەرهەمی ناوخۆیی بفرۆشرێت، ئەمەش بەدروستکردنی ژمارەیەک کارگەی لەقتونان دەکرێت.

 

ئەوەشی خستەڕوو، بەدروستکردنی ئەم کارگانە، بەرهەمی خۆماڵی دەنێردرێتە دەرەوە و بەرهەمی خۆماڵی ساغ دەبێتەوە و هەلی کاریش بۆ گەنجان دەڕەخسێت، هەروەها کەرتی کشتوکاڵ دەبوژێتەوە و ژێرخانی ئابووریش گەشە دەکات.

بەردەوام بە لە خوێندنەوە

کوردستان

دوو ڕۆژ پشكنینی كۆرۆنا لە گەرمیان ڕادەگیرێت

خەڵك – بەشی هەواڵ
بە هۆی پاكژكردنەوەی تاقیگەی تایبەت بە كۆرۆنا، دوو ڕۆژ پشكنین لە گەرمیان ڕادەگیرێت.

بەڕێوەبەرایەتی گشتی تەندروستی گەرمیان ڕایگەیاند بەمەبەستی ڕێکخستەوە و پاکژکردنەوەی تاقیگەی تایبەت بە کۆرۆنا لە گەرمیان، ئەمڕۆ پێنجشەمە و سبەی ھەینی، ھیچ پشکنینێک ئەنجام نادرێت و نمونە لە ھاوڵاتیان وەرناگیرێت.

ناوبەناو تاقیگەكانی پشكنینی كۆرۆنا لە هەرێمی كوردستان بە دەرمانی تایبەت پاكژدەكرێنەوە بۆ سەلامەتی كادیرانی تەندروستی و ئەو هاووڵاتییانەش كە سەردانی تاقیگەكان دەكەن.

بەردەوام بە لە خوێندنەوە

کوردستان