ئێمە لە تۆرە کۆمەڵایەتیەکان

کوردستان

ئەمڕۆ سەرۆكی نوێی پەڕلەمانی كوردستان دەستبەكار دەبێت

خەڵك- ئارام سەردار

پەڕلەمانی كوردستان ئەمڕۆ پێنچ شەممە دواین كۆبوونەوەی خولی بەهارەی لەخولی پێنجەمی پەڕلەمانی كوردستان ئەنجام دەدات و سەرۆكێكی نوێ بۆ پەڕلەمان هەڵدەبژێردرێت.

لیزا فەلەكەدین كاكەیی پەڕلەمانتاری پارتی بە(خەڵك)ی ڕاگەیاند، بەپێی ڕێككەوتنی نێوانی پارتی و یەكێتی، ئەمڕۆ كاندیدی یەكێتی بۆ پۆستی سەرۆكی پەڕلەمان دیاری دەكرێت كە (ڕێواس فایەق)ە و پڕۆسەكەش بەدەنگدانی نهێنی دەبێت بۆ هەڵبژاردنی سەرۆكی پەڕلەمان.

دەشڵێت ” بەپێی بەرنامەی كاری كۆبوونەوەكە خوێندنەوەی یەكەم بۆ پێشنیازی بڕیاری دیاریكردنی ڕۆژی ٣ی ٨ی ٢٠١٤ وەك ڕۆژی كۆمەڵكوژی ئێزیدییەكان ئەنجام دەدرێت”.

ئەوەشی خستەڕوو، بەپێی خاڵێكی دیكەی بەرنامەی كار، چوار پەڕلەمانتاری نوێ لە شوێنی ئەو پەڕلەمانتارانەی پۆستی دیكەیان وەرگرتووە لەدەرەوەی پەڕلەمان دەستبەكاردەبن، ئەوانیش (لەنجە ئیبراهیم) لەشوێنی (ڤالا فەرید) (باپیر كامەلا سلێمان) لەشوێنی (عەبدوڵڵا حاجی مەحمود)، (هیمداد بیلال) لەشوێنی( ئایدن مەعروف) ‌و (شیرین یونس) لەشوێنی (بێگەرد تاڵەبانی).

جیهان

میرەر: منداڵانی كورد لە ئاگری چەكە قەدەغەكراوەكانی توركدا دەناڵێنن

خەڵك – بەشی هەواڵ
رۆژنامەی میرەری بەریتانی، لە ڕاپۆرتێكدا، ئاماژە بە بەكارهێنانی چەكی قەدەغەكراو لە رۆژئاوای كوردستان دەكات و دەڵێت، منداڵانی كورد لە ئاگری چەكە قەدەغەكراو و كیماییەكانی توركدا هاوار دەكەن.

 

رۆژنامەكە، لە پێگەی ئەلیكترۆنیان چەند تۆمارێكی ڤیدیۆیی و وێنەی ئەو منداڵانەی داناوە، كە لە بەركارهێنانی چەكی فسفۆردا لە ڕۆژئاوای كوردستان سووتاون.


رۆژنامەكە ناڵەو هاواری منداڵێكی بە ناوی (محەمەد) داناوە كە تكا لە باوكی دەكات و دەڵێت ” باوكە ئەو سووتانە ڕابگرە”.

لە پەلامار و لەشكركێشییەكانی سوپای تورك بۆ سەر رۆژئاوای كوردستان و لە سەروەختی ڕاگەیاندنی ئاگر بەست، سوپای تورك بۆمبی هێشووی فسفۆری دژ بە هاوڵاتیانی رۆژئاوای كوردستان بەكارهێنا، كە یەكێك لە چەكە ڕێپێنەدرا و قەدەغە كراوەكانە.

بەردەوام بە لە خوێندنەوە

کوردستان

بەرپرسێكی یەكێتی كۆچی دوای كرد

خەڵك- بەشی هەواڵ

بەیانی ئەمڕۆ یەكشەممە 20-10-2019 سەڵاح ڕەنجبەر، یەكێك لە كادیرە دیارەكانی یەكێتی كۆچی دوای كرد.

میدیاكانی یەكێتی بڵاویانكردەوە، ناوبراو چەند مانگێكە توشی نەخۆشی بووە و بەوهۆیەوە ئەمڕۆ كۆچیی دوای كردووە.

سەڵاح رەنجدەر ناوی تەواوی (سەڵاح ئیسماعیل)ە و تەمەنی 58 ساڵە و پێشتر بەرپرسی كۆمیتەی چەمچەماڵی یەكێتی بووە.

بەردەوام بە لە خوێندنەوە

کوردستان

وۆڵ ستریت جۆرناڵ: توركیا و كوردەكان یەكتر بە جێبەجێ‌ نەكردنی ڕێككەوتن تۆمەتبار دەكەن

خەڵك- بەشی هەواڵ

ڕۆژی 17ی ئەم مانگە شاندێكی ئەمریكا بە سەرۆكایەتی مایك پێنس، جێگری سەرۆكی ئەمریكا گەیشتە توركیا و ڕێككەوتن واژۆ كرا بۆ ڕاگرتنی شەڕ، بەڵام تائێستا جێبەجێ‌ نەكراوە و شەڕ بەردەوامە.

ماڵپەڕی”وۆڵ ستریت جۆرناڵ” بڵاوی كردەوە، هەریەك لە هێزەكانی توركیا و چەكدارانی كورد یەكتر بە پێشێلكردنی ڕێككەوتنەكە تۆمار دەكەن.

ڕۆژی 9ی ئەم مانگە توركیا هێرشی سەربازی بۆ سەر ناوچەكانی ڕۆژئاوای كوردستان دەستیپێكرد و تائێستا شەڕ بەردەوامە و بەهۆیەوە نزیكەی 300 هەزار هاووڵاتی ئاوارەبوون و سەدان كەسیش كوژران و هەزارانی كەسی دیكەش برینداربوون.

بەردەوام بە لە خوێندنەوە

کوردستان