ئێمە لە تۆرە کۆمەڵایەتیەکان

کوردستان

(خەڵك) زیانە گیانی و ماڵییەكانی بۆردومانكردنی ناوچەی برادۆست ئاشكرا دەكات

خەڵك-بەشی هەواڵ

بەڕێوەبەری ناحیەی سیدەكان لە ناوچەی برادۆست لە سنووری سۆران سەر بە پارێزگەی هەولێر ڕایدەگەیەنێت، ئێران بەشێوەیەكی هەڕەمەكیی بۆدومانی ناوچە سنوورییەكان دەكات.

لە دوێنێ چوار شەممەوە سوپای پاسدارانی ئێران بۆردومانی ناوچە سنوورییەكانی هەرێمی كوردستان دەكات و بەو هۆیەشەوە زیانی گیانی و ماددی زۆری بە ناوچەكە گەیاندووە.
ئیحسان چەلەبی بەڕێوەبەری ناحیەی سیدەكان بە (خەڵك)ی ڕاگەیاند، دوێنێ چوار شەممە بۆردومانەكانی ئێران بۆسەر ناوچەكە دەستیانپێكرد و كاتژمێر 11:10 خولەكی شەوی ڕابردووش جارێكی دیكە سێ تۆپ لەلایەن ئێرانەوە بەرەو ناوچەكە هاوێژران، بەڵام لە ئێستادا دۆخەكە ئاساییە.
دەشڵێت “بەداخەوە بەهۆی بۆردومانەكانی دوێنێ، كچێك بەناوی زەیتون قادر تەمەن 18 ساڵ شەهید بوو، دوو براشی بەناوەكانی عەلی و سیروان بریندار بوون”.

ئاشكراشیكرد، زیانە ماڵییەكان بە ڕەسمی دیارینەكراون، بەڵام بە سەدان دۆنم لە پوش و پاوان و ڕەز و باخی هاووڵاتیان سوتاون.

ڕوونیشیكردەوە، بۆردومانەكان بەشێوەیەكی هەڕەمەكی دەكرێن و ڕێكخراو نەبووە، چونكە ئەگەر ئامانجیان بنكە و بارەگاكانی حزبەكانی ڕۆژهەڵات بووبێت بەشێوەیەكی ڕێكخراو بۆردومانەكە دەكرا، بەڵام بەداخەوە بەشێوەیەكی هەڕەمەكی كراوە و هاووڵاتیانی ئێمە شەهید و بریندار بوون.

کوردستان

داوا بەهاناوەچوونی بەپەلەی بریندارانی ڕۆژئاوا دەكرێت

خەڵك-بەشی هەواڵ

سوپای توركیا بە بەردەوامی سەرێكانی بۆردومان دەكات و بەهۆی نەبوونی خزمەتگواری تەندروستیش ژیانی هەزاران بریندار لە مەترسیدایە.

ئاژانسی فوڕات نیوز بڵاویكردەوە، مانگی سووری كورد بە هۆی هێرشەكانی سوپای توركیا ناتوانێت دەستوەردان لە دۆخەكەدا بكات و ئاشكرایكرد، بە هەزاران هاوڵاتی سڤیل لە سەرێكانی و دەوروبەری لە دۆخێكی مەترسیداردان و داوای لە كۆمەڵگای نێودەوڵەتی كرد كۆمەك بۆ برینداران كۆ بكەنەوە.

لای خۆشییانەوە ئاڵدار خەلیل ئەندامی دەستەی بەڕێوەبەری تەڤدەم و كۆمیتەی تەندروستی هەرێمی جزیری ڕۆژئاوای كوردستان داوای هاوكاری بەپەلەیان بۆ برینداران كرد.

ئاڵدار خەلیل ئاشكراشیكرد، سوپای توركیا لە سەرێكانی ژیانی هەزاران كەسی مەدەنیان خستووەتە مەترسیەوە و داوای لە هێزە پەیوەندیدارەكان كرد بە زووترین كات دەستوەردان بكەن.

بەردەوام بە لە خوێندنەوە

کوردستان

بەتۆمەتی دروستكردنی كارگەیەكی فافۆن، دوو كەس دەستگیر كران

خەڵك-بەشی هەواڵ

بەڕێوەبەرایەتی پۆلیسی دارستان و ژینگەی پارێزگای سلێمانی ڕایدەگەیەنێت، بنكەی پۆلیسی دارستانی تانجەرۆ ٢ هاووڵاتی دەستگیر دەكات.

بەڕێوەبەرایەتی پۆلیسی دارستان و ژینگەی پارێزگای سلێمانی لە ڕاگەیەنراوێكدا ئاماژە بۆ ئەوە دەكات، ڕێككەوتی ٢٠١٩/١٠/١٥ مەفرەزەیەكی بنكەی پۆلسی دارستانی تانجەرۆ بە مەبەستی پشكنین و نەهێشتنی دیاردەی زیادەڕەوی و نایاسایی لە سنوری تانجەرۆ توانیان ٢ هاووڵاتی دەستگیر بكەن كە بەشێوەیەكی نایاسایی هەستابوون بە دروستكردنی كارگەیەكی فافۆن، ئەمەش ببووە هۆی بڵاوبوونەوەی دوكەڵ و بۆنی ناخۆش و زیان بەخش بۆ ناوچەكە.

ئاشكراشیدەكات، پەڕاوی لێكۆڵینەوە كراوەتەوە و ڕادەستی دادوەر كراوە بۆ وەرگرتنی ڕێكاری یاسایی.

بەردەوام بە لە خوێندنەوە

کوردستان

پۆلیسی سلێمانی: ئامانج بابانی، هاوسەر و منداڵەكەی و پاشان خۆی كوشتووە

خەڵك- بەشی هەواڵ

ئاسۆ شێخ تەها، بەڕێوەبەری پۆلیسی سلێمانی لە كۆنگرەیەكی ڕۆژنامەنوسیدا ڕایگەیاند، ڕووداوەكەی شەوی ڕابردووی سلێمانی كە تێیدا دوو ڕۆژنامەنوس كە هاوسەری یەكتربوون و منداڵەكەیان كوژران، خۆكوژی بووە و لەلایەن ئامانج بابانەوە كراوە.

بەڕێوەبەری پۆلیسی سلێمانی ئاماژەی بەوەكرد، لە دەرەوە تەقە نەكراوە، بەڵكو ئامانج بابانی تەقەی لە هاوسەر و منداڵەكەی كردووە و پاشان فیشەكێكی ناوە بە سەری خۆیەوە، وەك ئەو دەڵێت.

ئاماژەی بەوەشدا، 20/10/2019 دواهەمین دانیشتنی دادگای نێوان ئامانج بابانی و لانە محەمەدی بووە و پێشتر كێشەی ئەو دوو هاوسەرە لە دادگا بووە و چەند دانیشتێكیان لە دادگا هەبووە.

بەردەوام بە لە خوێندنەوە

کوردستان