ئێمە لە تۆرە کۆمەڵایەتیەکان

کوردستان

لەتیف شێخ مستەفا:”قسە ھەموو كەس پێیدەوێرێت”
“بەرنامەی كاری حكومەتی نوێ‌ باشترینە، بەڵام گرنگیی لە جێبەجێكردنەكەیەتی”

خەڵك – بەشی هەواڵ

لەتیف شێخ مستەفا پسپۆڕی یاسای دەستوریی ڕایدەگەیەنێت: شێوازی پێكهێنانی كابینەی‌ نوێی‌ حكومەتی‌ هەرێم و بەرنامەی وەزاریەكەی لە هی وڵاتانی دنیا دەچێت و بەرنامە وەزارییەكەی باشترین و گشتگیرترین بەرنامەیە لە دوای ڕاپەڕینەوە، بەڵام (گرنگ جێبەجێكردنە).

لەوبارەیەوەوە لەتیف شێخ مستەفا پسپۆڕی یاسای دەستوریی بە (تۆڕی میدیایی خەڵك)ی ڕایگەیاند:”وەك ئەكادیمیەكی بواری دەستور و سیستەمە سیاسییەكان دەڵێم لە دوای ڕاپەڕینەوە باشترین و وازیح ترین و بەقوەت ترین و گشگیر ترین بەرنامەی وەزاریم گوێ لێبووە دوور لە درۆ و موجامەلەی تەوافوقی حیزبی و شەخسی”.

لەتیف شێخ مستەفا ڕاشیگەیاند: “بۆ یەكەم جار هەستم كرد شێوازی تەشكیلی كابینەكە و بەرنامەی وەزارییەكەی لە هی وڵاتانی دنیا دەچێت”. دەشڵێت: “بەڵام بەدڵنییایەوە گرنگ جێبەجێكردنە، چونكە وەك دەوترێت قسە ھەموو كەس پێیدەوێرێت”.

ئەو پسپۆڕەی‌ بواری‌ دەستوور و سیستەمە سیاسییەكان ئەوەشیخستەڕوو:”ئەگەر سەرۆك وەزیران جددی و ڕاستگۆ بێت لە جێبەجێكردنی بەرنامەكەی هەق وایە هەمووان بەتایبەتی ئەوانەی خولیای چاكسازی ڕاستەقینەن دوور لە لایەنگیری و غەرەزی سیاسی هەنگاو بە هەنگاو چاودێری بكەن و پشتگیری بكەن، چونكە گرنگ نییە كێ دەیكات گرنگ ئەوەیە بكرێت”.

جێی ئاماژەیە، ئەمڕۆ چوارشەممە 10/7/2019، كابینەی نوێی حكومەتی هەرێم لە پەرلەمانی كوردستان متمانەی وەرگرت و مەسرور بارزانی سەرۆكی حكومەت بەرنامەیەكی گشتگیری خستەڕوو، كە تێیدا جەخت لە ئەنجامدانی چاكسازی كرابووەوە.

کوردستان

ئەمڕۆ ئەنجومەنی ئاسایش تاووتوێی ڕەوشی ڕۆژئاوا دەكات

خەڵك –بەشی هەواڵ

بەپێی هەواڵی ئاژانسی فڕانس پرێس ئەمڕۆ ئەنجومەنی ئاسایشی نێودەوڵەتی كۆبوونەوەیەكی داخراو ساز دەكات بۆ تاووتوێكردنی ڕەوشی ڕۆژئاوای كوردستان.

بەپێی هەواڵەكە، پێشنیازكراوە ئەمڕۆ كۆبوونەوەیەكی دیكەی ئەنجومەنی ئاسایش بكرێت بۆ تاوتوێكردنی ڕەوشی ڕۆژئاوای كوردستان.

ڕۆژی پێنج شەممەی ڕابردوو ئەنجومەنی ئاسایش كۆبووەوە، بەڵام بەهۆی ڕێگرییەكانی ڕوسیا و چین و ئەمریكاوە هیچ بڕیارێكی دەرنەكرد، هەرچەند گرووپی ئەوروپاییەكان

بەردەوام بە لە خوێندنەوە

کوردستان

ئەمڕۆ شاندێكی باڵای ئەمریكا دەگاتە توركیا

خەڵك –بەشی هەواڵ
بڕیارە ئەمڕۆ شاندێكی باڵای توركیا پێكهاتوو لە مایك پێنس جێگری سەرۆكی ئەمریكا و مایك پۆمپیۆ وەزیری دەرەوە سەردانی توركیا بكەن.

بەپێی سەرچاوەكانی هەواڵ، مەبەست لەو سەردانەی شاندی ئەمریكا بۆ توركیا، قایلكردنی ئەنقەرەیە بە ڕاگرتنی هێرشەكانی سەر ڕۆژئاوای كوردستان.

دوێنێ ڕەجەب تەیب ئەردۆغان سەرۆكی توركیا ڕایگەیاند لەگەڵ ئەمریكا و ڕوسیا لەسەر منبج و كۆبانێ لە گفتووگۆدان.
هەریەكە لە ڕوسیا و ئەمریكا لەسەر هێڵن بۆ كۆتاییهێنان بە بارگرژییەكانی ڕۆژئاوای كوردستان كە بەهۆی هێرشەكانی توركیاوە سەریانهەڵداوە.

بەردەوام بە لە خوێندنەوە

کوردستان

فەڕەنسا: ئەمریكا و توركیا داعش درووستدەكەنەوە

خەڵك –بەشی هەواڵ

سەرۆك وەزیری فەڕەنسا ئێدوارد فیلیپ دەڵێت “ئەو بڕیارانەی ئەمەریكا و توركیا داویانە لە سوریا دەرەنجامی خراپی لێدەكەوێتەوە بۆ سەر ناوچەكە و دەبنە هۆی گەڕانەوەی ڕێكخراوی داعش لە سوریا و عێراق”.

ئێدوارد فیلیپ لە گوتارێكدا دەشڵێت ” گەڕانەوەی ڕێكخراوی داعش لە باكووری سوریا و باكووری ڕۆژئاوای عێراقیش لەناوبردنی ئاسایشمانە.”

ناوبراو واشنتنی تۆمەتبار كرد بەوەی ڕێگەی بە هێرشەكەی توركیا داوە و تاكلایەنانە بڕیاری كشاندنەوەی هەزار سەربازی ئەمەریكای لە سوریا داوە.

بەردەوام بە لە خوێندنەوە

کوردستان