ئێمە لە تۆرە کۆمەڵایەتیەکان

ئابوری

پەڕلەمانتارێكی پارتی دواین زانیاری لەسەر مووچە ئاشكرادەكات

خەڵك- بەشی هەواڵ
پەڕلەمانتارێكی پارتی دیموكراتی كوردستان لە پەڕلەمانی عیراق پێیوایە حكومەتی عیراق پابەندی یاسای بودجەی فیدڕاڵی 2019 نەبووە و ڕەتیدەكاتەوە، مووچەی فەرمانبەرانی هەرێمی كوردستان مەترسی بڕینی لەسەربێت بەهۆی ڕادەستنەكردنی نەوتی هەرێم بە بەغدا.

بەشار كیكی، پەڕلەمانتاری پارتی دیموكراتی كوردستان لە پەڕلەمانی عیراق، لە لێدوانێكیدا بۆ (خەڵك) وتی، “نەك هەرێمی كوردستان، بەڵكو حكومەتی فیدڕاڵ پابەند نەبووە بە یاسای بودجەی فیدڕاڵی 2019، چونكە هەرێمی كوردستان ئامادەیە بۆ ئەو بابەتە، بەڵام داوامان كرد لیژنەی تەكنیكی بنێرن تا بزانرێت مافی ئێمە چەندە بەسەر بەغداوە و مافی ئەوانیش چەندە بەسەر ئێمەوە”.

بە وتەی كیكی، “چەند ساڵێكە هەرێمی كوردستان مووچە و بودجەی بڕاوە، بۆیە ئێمە هەروا بەئاسانی نەوتی خۆمان ڕادەست ناكەین، حكومەتی مەسرور بارزانی دانوستانی ڕاستەقینە دەكات، بەڵام هەندێك لایەن پەلە دەكەن و ئەمەش بۆ موزایەداتی سیاسییە و دەیانەوێت عادل عەبدولمەهدی شەرمەزار بكەن”.

پەڕلەمانتارەكەی پارتی دەپرسێت: “ئێمە ئەگەر 250 هەزار بەرمیل نەوتەكەمان ڕادەستی بەغدا كرد، ئەی كەی ئەوان ئەو قەرزانەی لەسەر هەرێمن دەیدەنەوە؟ بۆیە دەبێت لەو ڕووەوە ڕێككەوتن بكرێت، ئێمە دەمانەوێت دۆسێی ئابوری و دۆسێی نەوت بە یەكجاری چارەسەر بكەین”.

سەبارەت بە مەترسی لەسەر مووچەی فەرمانبەرانی هەرێمیش، بەشار كیكی پێیوایە، “بابەتی مووچە كۆتایی هات و كەس ناتوانێت دەستی بۆ ببات، ئەوەی هەیە فراكسیۆنە عیراقییەكان لەنێو خۆیاندا موزایەدات دەكەن، هەندێك لە فراكسیۆنەكان ئەو بابەتەیان قۆستۆتەوە بۆ ململانێی نێو شیعەكان، ئێمە داوا دەكەین حكومەتی عیراق بێت ئەو بابەتە چارەسەر بكەین”.

كیكی پێیوایە حكومەتی فیدڕاڵ، تائێستا پابەندنییە بە یاسای بودجەوە و لەو بارەیەوە وتی، “عیراق پابەند نییە بە ناردنی بودجەی هەرێمی كوردستان، كە 10 ترلیۆن دینارە، ئەوەی ناردویەتی تەنیا مووچەی فەرمانبەرانە، بەڵام مافە داراییەكانی تری هەرێمی نەناردووە”، ڕەتیشكردەوە حكومەتی عیراق یان هیچ لایەنێكی تر بتوانێت جارێكی تر مووچەی فەرمانبەرانی هەرێم ببڕێت.

ئابوری

نرخی زێڕ و دراوەكان

خەڵك – بەشی هەواڵ
نرخی زێڕ و دراوەکان بۆ ئەمڕۆ یەك شەممە بەم شێوەیەیە كە لە زەڕنگەری پێشین لە سلێمانی وەرگیراوە:

زێڕ:
Oz: 2035$
24K: 405,000
21K: 354,000
18K: 303,000
Lira 22K= 431$

دراوەكان:
100$= 123.750
100€= 145,000
100£= 159,000
100$= 723 لیرەی تورکی
100$= 2,180,000 تمەن (نەقدی)
100$= 2,300,000 تمەن (حەواڵە)

بەردەوام بە لە خوێندنەوە

ئابوری

نرخی نەوت لە بازاڕەكانی جیهان

خەڵك-بەشی هەواڵ

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بە جێگیری ماوەتەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ یەك شەممە، 9ی‌ ئابی 2020 بە جێگیری ماوەتەوە، بەشێوەیەك نرخی‌ نەوتی برێنت بە 44 دۆلار و 66 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 41 دۆلارو 56 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

ئابوری

بێگەرد تاڵەبانی: چەندین بەرهەمی هاوردەمان قەدەغەكرد

خەڵك – بەشی هەواڵ

وەزیری كشتوكاڵ و سەرچاوەكانی ئاوی هەرێم ڕایدەگەیەنێت: ئەنجومەنی وەزیران و وەزارەتی ناوخۆ هەماهەنگن بۆپاراستنی بەرهەمی جوتیارانمان.

بێگەرد تاڵەبانی وەزیری كشتوكاڵ و سەرچاوەكانی ئاو لە ڕاگەیەنراوێكدا ڕایگەیاند: لەپێناو پاراستنی بەرهەمی جوتیارانمان چەندین بەرهەمی هاوردەمان قەدەغەكرد و ئەنجومەنی وەزیران و وەزارەتی ناوخۆ هەماهەنگن بۆپاراستنی بەرهەمی جوتیارانمان.

بێگەرد تاڵەبانی ئاماژەی بەوەشداوە: لەماوەی ڕابردوو زانیاریمان دەستكەوت كە لە چەند دەروازەیەك بەرهەمی قەدەغەكراو هاوردە دەكەن، ئەمەش كاریگەری ڕاستەوخۆی لەسەر بەرهەمی جوتیارانمان دەبێت، بۆیە نووسرامان ئاڕاستەی ئەنجومەنی وەزیران كرد بۆ ئەوەی هەماهەنگی پێویستمان لەگەڵ بكەن و ڕێگربن لە هاوردەكردنی بەرهەمی قەدەغەكراو.

وەزیری كشتوكاڵ و سەرچاوەكانی ئاو ئەوەشی خستەڕوو: بە سوپاسەوە لە ئێستادا ئەنجومەنی وەزیران و وەزارەتی ناوخۆ هەماهەنگی پێویستمان لەگەڵ دەكەن بۆ ڕێگری لەو بەرهەمانەی قەدەغەمان كردوون.

 

بەردەوام بە لە خوێندنەوە

کوردستان