ئێمە لە تۆرە کۆمەڵایەتیەکان

ماڵداری

چەند زانیاریەکی هەڵە لەکۆندا لەسەر منداڵ پێت وتراوە و پێویستناکات دایکی ئێستا کاری پێبکات

خێزان

ئەمەی خوارەوە چەند زانیاریەکی هەڵەیە لەکۆندا لەسەر منداڵ پێت وتراوە و پێویستناکات دایکی ئێستا کاری پێبکات:

 

-نابێت منداڵەکەت ماچ بکەیت لەبەر میکرۆب

ئەمە ڕاست نییە و ماچکردنی منداڵ لە لایەن دایکیەوە گرنگە بۆ ئەوەی هەست بە سۆز و خۆشەویستی بکات

 

-دەبێت منداڵەکەت باش بپێچیتەوە تا قاچی ڕێک ببێت

-ئەمەش ڕاست نییە، چونکە ئەو بابەتە پەیوەندی بە قاچیەوە نییە و خەوتنیشی ئاسوودە نابێت

 

-پێویستە هەموو کات لەکاتی شیرپێداندا سنگت بشۆیت بۆ ئەوەی میکرۆب نەچێتە دەمی منداڵەکەوە

– بەکتریا لەگەڵ شیرەکەدا ناچێتە دەمی منداڵەکە و شۆردنی زۆر و بەردەوام پێویست نییە.

 

-نابێت منداڵەکەت بشێلیت چونکە شوێنێکی دەشکێت

– شێلانی منداڵەکەت بەسوودە بۆ جەستەی هەر لە کۆرپەییەوە، بەڵام پێویستە بە نەرمی بێت

 

-کە منداڵەکەت گریا مەچۆ بەلایەوە با فێر نەبێت

– ئەمەش هەڵەیەکی دیکەیە و پێویستە بچیت بۆلای، چونکە گریان تاکە ڕێگەی قسەکردنی ئەوە

 

– ژنی دووگیان نابیت شتی سارد بخوات وەک چلورە و ئایسکرێم، چونکە بۆ کۆرپەکەی خراپە

– ئەمە ڕاست نییە و ئەو ساردییە بەئەو ناگات.

 

– پێویستە کڵاوبکەیتە سەری منداڵەکەت تا گوێجکەی شۆڕ و درێژ نەبێت

 

– شێوەی گوێچکە پەیوەستە بە جینەکانەوە و ئەم جۆرە شتانە هیچ ڕۆڵێکیان نییە.

 

ماڵداری

چەند ڕێگەیەک بۆ پاککردنەوەی پەڵەی سەر فەڕش کە زۆر کاریگەرە

خێزان

ئەمەی خوارەوە چەند ڕێگەیەکە کە بۆ پاککردنەوەی پەڵەی سەر فەڕش کە زۆر کاریگەرە:

 

-یەک کوپ سرکە و دوو کوپ ئاو لەگەڵ کەوچکێک خوێ تێکەڵبکە و لە دەبەیەکدا تێکەڵی بکە و دواتر بیپرژێنە بەسەر پەڵەکەدا، لێبگەڕێ تا وشک بێتەوە و دواتر دەبینیت پەڵەکە لێبۆتەوە و دەتوانیت گسکی بدەیت.

-دەتوانیت ١ کوپ سرکە و ٢ کوپ ئاو تێکەڵبکەیت و کەمێک بکەیت بە سەریدا، دواتر بۆ ٣٠ چرکە هەڵمی ئووتووی لێبدەیت پاکی دەکاتەوە.

-١ کوپ ئەمۆنیا لەگەڵ ٢ کوپ ئاو تێکەڵبکە و بیدە لە پەڵەکە و دواتر بە ئیسفنجێک پاکی بکەرەوە.

-شوێنی پەڵەکە تەڕ بکە و دواتر کەمێک سۆدی نان بکە بەسەریدا، بۆ ماوەیەک لێی بگەڕێ و پاشان گسکی بدە دەبینیت پەڵەکە لێبۆتەوە.

بەردەوام بە لە خوێندنەوە

ماڵداری

چۆن به‌ شێوازه‌ ڕاست و دروستەکە قژت ده‌شۆیت؟

خێزان

شێوازی شۆردن و چۆنیه‌تی به‌كارهێنانی كه‌ره‌سته‌كان گرنگیه‌كی زۆری هه‌یه‌ له‌ هێشتنه‌وه‌ی قژی خانمان به‌ جوانی و سروشتی، هه‌ر بۆیه‌ پێویسته‌ ئه‌م خاڵانه‌ له‌ كاتی شۆرینی قژدا ڕه‌چاو بكه‌ن:

-به‌ر له‌وه‌ی قژت بشۆیت شانه‌ی بكه‌، چونكه‌ ئه‌و كاته‌ رێگری له‌ ئاڵۆسكان و هێشتنه‌وه‌ی پیسیه‌كان ده‌كات له‌ نێو قژتدا.

– ئه‌و شامپۆیه‌ به‌كار بهێنه‌ كه‌ له‌ گه‌ڵ جۆری قژتدا گونجاوه‌و شامپۆكه‌ش یه‌كسه‌ر مه‌ده‌ له‌ قژت، به‌ڵكوو به‌ ده‌ستدا بڵاوی بكه‌ره‌وه‌ پاشان لێی بده‌.

– بۆ ماوه‌ی 2 بۆ 3 خوله‌ك به‌ هێواشی و به‌نه‌رمی سه‌رت بشێله‌ (مه‌ساج).

– دواتر قژت به‌ ئاوی شله‌تێن بشۆ و ئاوی زۆر گه‌رم به‌كار مه‌هێنه‌.

– گه‌ر كرێمی قژت به‌كار هێنا، له‌ نیوه‌ی قژه‌كه‌وه‌ لێی بده‌، نه‌ك ناوه‌وه‌ی قژه‌كه‌ش چه‌ور بكه‌یت.

– پاشان ده‌بیته‌ خاوه‌نی قژێكی نایاب.

بەردەوام بە لە خوێندنەوە

ماڵداری

چەند ئامۆژگاریەکی کۆنی ژنانی جاران کە بۆ خانمانی ئێستاش بەسوودە!

خێزان

بەهۆی ئەزموونەوە بەردەوام داپیرەمان زانیاری باشی لایە لەسەر شتەکان، ئەمەی خوارەوە کۆمەڵیک ئامۆژگارین کە لە داپیرەمانەوە بۆمان ماوەتەوە و تائیستاش بەسوودە:

 

-بۆ پاککردنەوەی تاوە و مەنجەڵ کە شتی پێوە سوتاوە، کەمێک ئاو و خوێی تێدا بکوڵێنە.

-بە لیمۆ دەستت لە رەنگی تور و بۆنی پیاز پاک بکەرەوە.

-لە کاتی هێلکە کوڵان بۆئەوەی درزی تێنەبێت کەمێک خوێی تێبکە.

-بۆئەوەی چەقۆ سەموون بە ڕێکی قاش بکات کەمێک بیکە ئاوی گەرمەوە.

-لە کاتی پێوەدانی مار و مێروو، پارچەیەک پەتاتەی بکەرە سەر، پاکی دەکاتەوە و خروەکەشی ناهێڵێت.

بەردەوام بە لە خوێندنەوە

کوردستان