ئێمە لە تۆرە کۆمەڵایەتیەکان

کوردستان

یەكەم لێدوانی مەسعود بارزانی لەسەر كابینەی نوێی حكومەتی هەرێم

خەڵك-بەشی هەواڵ
سەرۆكی پارتی دیموكراتی كوردستان، لە یەكەم لێدوانی بەبۆنەی كابینەی نوێی حكومەتی هەرێمی كوردستان، پیرۆزبایی لە سەرۆكی نوێی حكومەت و كابینە وزارییەكە كرد.

ئەمڕۆ چوارشەممە، مەسعود بارزانی، سەرۆكی پارتی دیموكراتی كوردستان، لە ماڵپەڕی فەرمی خۆی ڕاگەیەندراوێكی بڵاوكردەوە و تێیدا پیرۆزبایی لە سەرۆكی حكومەتی هەرێمی كوردستان و كابینەی تازەی حكومەتی هەرێمی كوردستان كرد.

بارزانی ڕایگەیاندووە، “پیرۆزبایی لە مەسرور بارزانی و كابینەكەی دەكەم، كە ئەمڕۆ متمانەیان لە پەڕلەمانی كوردستان وەرگرت”.

بارزانی هیوای سەركەوتنی بۆ سەرۆك وەزیرانی تازەی هەرێمی كوردستان خواستووە و دەڵێت: “بە هەموو توانایەك پشتگیری دەكەم لە بەدیهێنانی بەرژەوەندییەكانی خەلكی هەرێمی كوردستان”.

ئەمڕۆ لە كۆبوونەوەی پەڕلەمانی كوردستاندا دەنگ لەسەر سەرۆك و جێگری سەرۆك و سەرجەم وەزیرەكانی كابینەی نۆهەمی حكومەتی هەرێمی كوردستان درا، لە كۆبوونەوەكەدا متمانە بە مەسرور بارزانی، وەك سەرۆكی حكومەتی هەرێم و قوباد تاڵەبانی، وەك جێگری سەرۆكی حكومەت و سەرجەم وەزیرەكانی كابینەكەی حكومەت درا.

مەسرور مەسعود مستەفا بارزانی لە دانیشتنەكەی ئەمڕۆی پەڕلەماندا، بۆ سەرۆك وەزیرانی حكومەتی هەرێمی كوردستان (88) دەنگی بەدەستهێنا.

کوردستان

ئەمڕۆ ئەنجومەنی ئاسایش تاووتوێی ڕەوشی ڕۆژئاوا دەكات

خەڵك –بەشی هەواڵ

بەپێی هەواڵی ئاژانسی فڕانس پرێس ئەمڕۆ ئەنجومەنی ئاسایشی نێودەوڵەتی كۆبوونەوەیەكی داخراو ساز دەكات بۆ تاووتوێكردنی ڕەوشی ڕۆژئاوای كوردستان.

بەپێی هەواڵەكە، پێشنیازكراوە ئەمڕۆ كۆبوونەوەیەكی دیكەی ئەنجومەنی ئاسایش بكرێت بۆ تاوتوێكردنی ڕەوشی ڕۆژئاوای كوردستان.

ڕۆژی پێنج شەممەی ڕابردوو ئەنجومەنی ئاسایش كۆبووەوە، بەڵام بەهۆی ڕێگرییەكانی ڕوسیا و چین و ئەمریكاوە هیچ بڕیارێكی دەرنەكرد، هەرچەند گرووپی ئەوروپاییەكان

بەردەوام بە لە خوێندنەوە

کوردستان

ئەمڕۆ شاندێكی باڵای ئەمریكا دەگاتە توركیا

خەڵك –بەشی هەواڵ
بڕیارە ئەمڕۆ شاندێكی باڵای توركیا پێكهاتوو لە مایك پێنس جێگری سەرۆكی ئەمریكا و مایك پۆمپیۆ وەزیری دەرەوە سەردانی توركیا بكەن.

بەپێی سەرچاوەكانی هەواڵ، مەبەست لەو سەردانەی شاندی ئەمریكا بۆ توركیا، قایلكردنی ئەنقەرەیە بە ڕاگرتنی هێرشەكانی سەر ڕۆژئاوای كوردستان.

دوێنێ ڕەجەب تەیب ئەردۆغان سەرۆكی توركیا ڕایگەیاند لەگەڵ ئەمریكا و ڕوسیا لەسەر منبج و كۆبانێ لە گفتووگۆدان.
هەریەكە لە ڕوسیا و ئەمریكا لەسەر هێڵن بۆ كۆتاییهێنان بە بارگرژییەكانی ڕۆژئاوای كوردستان كە بەهۆی هێرشەكانی توركیاوە سەریانهەڵداوە.

بەردەوام بە لە خوێندنەوە

کوردستان

فەڕەنسا: ئەمریكا و توركیا داعش درووستدەكەنەوە

خەڵك –بەشی هەواڵ

سەرۆك وەزیری فەڕەنسا ئێدوارد فیلیپ دەڵێت “ئەو بڕیارانەی ئەمەریكا و توركیا داویانە لە سوریا دەرەنجامی خراپی لێدەكەوێتەوە بۆ سەر ناوچەكە و دەبنە هۆی گەڕانەوەی ڕێكخراوی داعش لە سوریا و عێراق”.

ئێدوارد فیلیپ لە گوتارێكدا دەشڵێت ” گەڕانەوەی ڕێكخراوی داعش لە باكووری سوریا و باكووری ڕۆژئاوای عێراقیش لەناوبردنی ئاسایشمانە.”

ناوبراو واشنتنی تۆمەتبار كرد بەوەی ڕێگەی بە هێرشەكەی توركیا داوە و تاكلایەنانە بڕیاری كشاندنەوەی هەزار سەربازی ئەمەریكای لە سوریا داوە.

بەردەوام بە لە خوێندنەوە

کوردستان