ئێمە لە تۆرە کۆمەڵایەتیەکان

جیهان

یەكەم ڕۆژی جەژنی قوربان دیاری دەكرێت

خەڵك- بەشی هەواڵ
هەریەكە لە خانەی فەتوای میسر و دادگای باڵای شەرعی سعودیە ڕایانگەیاند، كە بڕیار لەسەر یەكەم ڕۆژی مانگی (زولحیجە)ی كۆچی و یەكەم ڕۆژی جەژنی قوربانی پیرۆز دەدەن.

بەپێی ڕاپۆرتێك، كە ماڵپەڕی هەواڵی (نیل)ی میسری بڵاویكردۆتەوە، كە ڕۆژی 1ی ئاب لەلایەن خانەی فەتوای میسر و دادگای باڵای شەرعی سعودیەوە بڕیار لە یەكەم ڕۆژی مانگی (زولحیجە) دەدرێت و لەسەر ئەو بنەمایەش ڕۆژی عەرەفە و جەژنی قوربانی پیرۆز، كە دەكاتە 9 و 10ی زولحیجە دیاری دەكرێت.

ماڵپەڕەكە پێشبینیشی كردووە، ڕۆژی پێنج شەممە 1ی ئاب ببێتە یەكەم ڕۆژی مانگی زولحیجە و ڕۆژی 10ی ئاب (شەممە) بكرێتە یەكەم ڕۆژی جەژنی قوربانی پیرۆز.

هاوكات بەپێی خشتەی ڕۆژمێری كۆچی، كە سعودیە بڵاویكردۆتەوە لە مانگی ڕەمەزانی ڕابردوودا ڕۆژی 11ی ئاب دەبێتە یەكەم ڕۆژی جەژنی قوربانی پیرۆز، بەڵام بەهۆی ئەوەی مانگی ڕەمەزان 29 ڕۆژ بوو ئەگەری ئەوە هەیە ڕۆژێك لەو بەروارە كەم ببێتەوە و جەژن بكەوێتە 10ی ئاب-ەوە.

جیهان

تەندروستی جیهانی: سەبارەت بە ڤاكسینی كۆرۆنا لەگەڵ ڕوسیا لە پەیوەندی بەردەوامداین

خەڵك – بەشی هەواڵ

وتەبێژی ڕێكخراوی تەندروستی جیهانی ڕایگەیاند، ڕێكخراوەكەیان سەبارەت بە ڤاكسینی نوێی دژی ڤایرۆسی كۆرۆنا (كۆڤید-19) كە لەلایەن وڵاتی ڕوسیاوە بەرهەم هێنراوە، لەگەڵ لێپرسراوانی تەندروستی ئەو وڵاتە تاووتوێی پڕۆسەی پشتبەستن و ئامادەكاری پێشوەختەی ڕێكخراوەكە بۆ ڤاكسینەكە دەكەن.

تاریق جەسارفیتش وتەبێژی ڕێكخراوی تەندروستی جیهانی، ئەمڕۆ سێشەممە لە شاری جنێف ڕایگەیاند: ڕێكخراوی تەندروستی لەگەڵ بەرپرسانی تەندروستی ڕوسیادا لەپەیوەندی بەردوامدایە، گفتوگۆكانیش لەبارەی ئامادەسازی پێشوەختەی ڕێكخراوەكە سەبارەت بەم ڤاكسینە بەردەوامە.

وتەبێژی ڕێكخراوی تەندروستی جیهانی وتیشی: دەبێت جارێكی تر لەچوارچێوەی ئامادەسازیی پێشوەختە، پێداچوونەوە و هەڵسەنگاندنی تەواو بۆ هەموو داتاكانی سەلامەتی و كاریگەری پێویستی ڤاكسینەكە بكرێت.
ئەمەش لە كاتێكدایە، ئەمڕۆ ڤلادیمێر پوتن سەرۆكی ڕوسیا، تۆماركردنی یەكەم ڤاكسینی دژ بە ڤایرۆسی كۆرۆنای لە جیهاندا ڕاگەیاند.

سەرۆكی ڕوسیا لە كۆبوونەوەیەدا لەگەڵ ئەندامانی حكومەت لەڕێی تەكنیكی (ڤیدیۆ كۆنفرانس) ڕایگەیاند”پێیان ڕاگەیاندم كە ئەم بەیانییە یەكەم ڤاكسینی دژ بە ڤایرۆسی كۆرۆنا تۆماركرا”.

بە وتەی پوتن”لەكاتی داواكاریی وردەكارییەكان لە میخائیل مۆراشكۆ وەزیری تەندروستی لەبارەی ڤاكسینەكەوە، پێیان ڕاگەیاندووم كە ڤاكسینەكە بەشێوەیەكی زۆر كاریگەر كاردەكات و بەرگرییەكی جێگیر دروستدەكات، دووبارەشی دەكەمەوە كە هەموو تاقیكردنەوە پێویستەكانی تێپەڕاندووە”.

دواتریش میخائیل مۆراشكۆ وەزیری تەندروستی ڕوسیاوە بڵاویكردەوە”لەئێستادا دەستكراوە بە بەرهەمهێنانی ڤاكسینەكە لە دوو ناوەند كە ئەوانیش( ناوەندی گومالی سەر بە وەزارەتی تەندروستی ڕوسیا و زكۆمپانیای بینۆڤارم)ن”.

بەردەوام بە لە خوێندنەوە

جیهان

دامەزرێنەی مایكرۆسۆفت وادەی كۆتایی هاتنی كۆرۆنا ئاشكرا دەكات

خەڵك – بەشی هەواڵ

بیل گەیتس دامەزرێنەی كۆمپانیای مایكرۆسۆفت كە یەكێكە لەو سەرمایەدارانەی جیهان كە هاوكاری لێكۆڵنەوەكان لەسەر ڤایرۆسی كۆرۆنا دەكات لەدیدارێكدا ڕایگەیاند: كۆتایی ساڵی داهاتوو ڤایرۆسی كۆرۆنا كۆتایی دێت و مرۆڤایەتی بەسەریدا زاڵ دەبێت.

گەیتس ئاماژەی بەوەكردووە، سەرەتا ڤایرۆسی كۆرۆنا لای وڵاتانی پێشكەوتوو كۆتایی دێت، لەكاتێكدا وڵاتە هەژارەكان ماوەیەكی تر بەدەست ئەو پەتایەوە دەناڵێنن.

بیل گەیتس ڕاشیگەیاند: پێشبینی دەكرێت ڤایرۆسی كۆرۆنا لەكۆتایی ساڵی 2020 لای وڵاتانی پێشكەوتوو كۆتایی بێت و كۆتایی ساڵی 2021 ئەو ڤایرۆسە لای وڵاتانی هەژار كۆتایی بێت.

دامەزرێنەی كۆمپانیای مایكرۆسۆفت ئەوەی خستەڕوو، لێكۆڵینەوە و داهێنانەكان لەبواری دەستنیشانكردن و دۆزینەوەی چارەسەری نوێ و ڤاكسینی دژی ڤایرۆسی كۆرۆنا سەرسوڕهێنەرە و لەكۆتاییدا ڤاكسینی دژی كۆرۆنا دەدۆزرێتەوە و دەكرێت خۆیان لەو پەتایە بپارێزێن لەڕێگەی ڤاكسینەكانەوە.

بەردەوام بە لە خوێندنەوە

جیهان

فەڕەنسا لەبارەی دۆخی لوبنانەوە هۆشداری دەدات

خەڵك – بەشی هەواڵ

لەكاردانەوەی دەست لەكاركێشانەوەی حكومەتی لوبنان بەسەرۆكایەتی حەسان دیاب، وەزارەتی دەرەوەی فەڕەنسا هۆشداریدا لەوەی لوبنان بەرەو هەرەسهێنان دەڕوات لەكاتی ئەنجام نەدانی چاكسازیی پێویست و ئاماژەی بەوەكرد كاری لەپێشینە بریتییە لەپێكهێنانی كابینەی نوێی حكومەتی لوبنان بەشێوەیەكی خێرا.

وەزارەتی دەرەوەی فەڕەنسا دووپاتی كردەوە، لەم ساتە قورسەدا وڵاتەكەی هاوشان لەگەڵ لوبنان دەوەستێت و پشتیوانی دەكات هەروەك هەمیشە كردوویەتی.

وەزارەتی دەرەوەی فەڕەنسا ئەوەی خستەڕوو, چاكسازییەكان و ئاوەدانكردنەوەی شاری بەیروت یەكێك دەبێت لەدیارترین ئەو ئاستەنگیانەی ڕووبەڕووی حكومەتی نوێی لوبنان دەبێتەوە و جەختیشی كردەوە لەپێویستی گوێگرتن لەداواكارییەكانی گەلی لوبنان لەبارەی چاكسازییەوە.

بەردەوام بە لە خوێندنەوە

کوردستان