ئێمە لە تۆرە کۆمەڵایەتیەکان

بەزمەسات

جیاوازی نێوان هاوسەرگیری کۆن و نوێ چییە؟ لێرە بیخوێنەرەوە


خێزان

ئەمەی خوارەوە کۆمەڵێک جیاوازی نێوان هاوسەرگیری کۆن و نوێیە کە بە شێوازێکی کۆمیدیانە نوسراوە:

 

*جاران خەڵک کە ئەچوو بۆ داوای ژن دەستێک جلی کوردی جوانی لەبەر ئەکرد هەتا سەرەوە قۆپچە دائەخرا ئەووت برا (دەفتەر خدمەیە) هاهاها بەس ئێستا کە ئەچێت بۆ داوای ژن کراس هەتا خوارەوە قۆپچەی کراوەتەوە ئەڵێی لە شەڕا قۆپچەی پچڕاوە
……………………………………
* جاران خەڵک شوی ئەکرد هەموو طەلەبیاتی حەیاتی بریتی بوو لە (کەوایەکی خەسوو تەقێن) سێ جوار سەلک سابونی پشیلە و کراسێکی (پۆپەشمین) و سنوقێکی کەو (کە جل و جێگای تیا هەڵئەگیرا) و تەواو ئاوبێنە و دەست بشۆ ، ئێستا برا کە شوو ئەکەن ئەمە سەد لیرە مارەیی و پەنجا پێشەکی و سەفەرێکی ئەنتالیا و کامل ناوماڵ و گسکێکی کارەبایی (کە بەقەد دووسەد لیرە بەس عەزاب بەدەست گسکی کارەباییەوە ئەچێژی)
…………………………………..
*جاران خەڵک ئەچوو بۆ عەسکەری لە پیسترین وەحدە دووساڵ خزمەتی ئەکرد لە جنوب ، ئەنجا هەروەها بێتەوە شەڕی (سوریا و عێراق) ، شەڕی (ئێران عێراق)، شەڕی (کوێت و عێراق) و شەڕی (کەنداوی یەک)و (کەنداوی دووی) ئەبینی ئەنجا بە هەزار حاڵ ژنیان ئەیایە ، ئەیانووت زەحمەتە ماڵ و مناڵی پێ بەخێو بکرێ هاهاهاها ، ئێستا کار و کاسپی بووە بە پەبجی کەچی داوای ژن ئەکات
………………………………………
* برا جاران رایەڵەی پەیوەندی نێوان خزم بە هێز بوو کە ئەچوی بۆ داوای ژن ، هەر لە دەرگای حەوشەوە تا ئەگەشتیتە دیوەخان و ژووری میوان ئەووت لە دەوری ئەبطاڵ یاری ئەکەیت و گۆڵت کردووە سەد ماچیان ئەکردی ، نەنکی بوک وەکو موشەمای ئازار ئەنوسا بەو لا ڕومەتەتا ئەووت کەڵە شاخت بۆ ئەکا ،

ئێستا ئەچی بۆ داوای ژن ، یەک دوو سناپت لەگەڵ ئەگرن و ئیتر دەست ئەکەن بە زەمکردنت .
………………………………………

*جاران خەڵکەکە برا ئیماندار بوو هەر لەناو قەوم و قیلە سەد مەلا و مامۆستای ئاینی تیا بوو کەئەچووی بۆ داوای ژن هەر لەوێ بە بێ هیچ تەکالیفێک خزمێکی خواناس مارەی ئەبڕین ، ئێستا مامۆستا بە سەیارەی ئاخر مۆدێل ئەچیت بەشوێنیا ، بە سەیارەی ئاخر مۆدێل ئەیبەیتەوە ، قوتویەک نوقڵی ماکنتۆشی بۆ ئەپێچیتەوە و پەنجا هەزاریشی ئەدەیتێ کەچی هێشتا نارازیە

جا ئەڵێ قسە قسە ئەهێنێ (مامۆستایەک ژنی مارەبڕیبوو ئیتر دوای لە کاتی بردنەوەیا ، ووتوبویان مامۆستا حەقی مارەبرینەکە چەند ئەکات ؟ مامۆستاش وتبووی (٣) وەرەقە ، زاواش ووتبووی مامۆستا بۆ خاتری خوا سێ وەرەقە زۆر زۆرە ، مامۆستاش وتبووی کوڕی خۆم بڕوا بکە هیچ زۆر نیە ، چونکە من بەرخێکم لێ مارە بڕیوی بەسێ وەرەقە هاهاهااها)
……………………………………..
*جاران ئەیانووت کوڕ کە ژن ئەهێنێت قەڵەو ئەبێت چونکە بوک دەست رەنگین بوو برا ئەمە (دۆینە) بوو ئەمە قەرەخەرمان بوو ئەمە دۆغڵەمە و سەروپێ و دۆکوڵیو و زائیدەن سێ نەوع نان و کەلانە و ناوشکێنە ی ئەزانی ، ئێستا لە فاست فوود و هێلکەو ڕۆن بترازێ یەک چێشتی باش نازانن ، بۆیە هەرچی زاواهەیە لە شەش مانگی یەکەم ئەڵێی لە کەمپی نازیەکان ڕایکردووە ، هەرچی زاوا هەیە ملی ئەبێت بە سۆندەی سپلیت
………………………………
*جاران برا پیاو کە دەستگیراندار بوو لە فاو یان ناصریە عەسکەر بوو چل شەو جارێک دا ئەبەزی و تەنها یەک ڕۆژ دەستگیرانەکەی ئەبینی و یەک دنیا خۆشەویستی لە نێوانیان بوو ، ئێستا هێشتا مارەی نەکردووە ، بە یانی خوا ڕۆژ ئەکاتەوە وەکو دوو شەش لە ماڵی خەزوری ئەکەوێت ، بەزۆریش ناڕواتەوە ، کەچی دوای مانگێک ئەبێت بەشەڕ
…………………………….
*جاران ئەچوی بۆ داوای ژن چوار خاڵ و دوو مام و سێ ئامۆزای هەردوو بنەماڵە ئامادەی مەجلیسەکەبوون ، مەجلیس بەهای خۆی هەبوو بۆیە کە کوڕ و کچ کێشەیەکیان ئەبوو ئەتزانی لە گەڵ کێ قسە بکەیت ، ئێستا ئەچیت بۆ داوای ژن ،مەجلیسەکە هیچ هەیبەتێکی نیە حەوت هەشت رەفیقی کچەکە و چوار پێنج هاورێی کورەکە و یەک دوو خزمەتکاری بەنگلادیشی و نیپالی لەگەڵ خۆیان ئەبەن دواتر کە کێشەیان بۆ دروست ئەبێ نازانی لەگەڵ کێ قسە بکەیت (دۆسێیەکی مەحکەمەم لابوو نیپاڵیەک تیایدا کرابوو بەشاهید ئەی ووت کاکە بە خوا من کورو کچ نەدی ، تەنها برمە خوارد) هاهاها
…………………………………………………………
هەموو مرۆڤێک بەرهەمی سەردەمەکەی خۆیەتی هەندێکجار بەراوردکردنی سەردەمێک بە سەردەمێکی تر کارێکی هەڵە و ناتەندروستە ،

حەمدی ووتەنی :-

(نەقس و کەماڵی خەڵفی جیهان موعتەبەر نییە
هەردوو موحەققەقە کە بەدستی زەواڵ ئەچێ)

بەڵام هێشتا ئەوە هیچ لەو راستیە کەم ناکاتەوە کە جاران تا ئەڵقەیەکت ئەکردە دەستی بوک ئەووت برا کانوێلای بۆ دا ئەنێن رووی ئەکرد بەو دیوا لە شەرما ، بەڵام ئێستا ڕۆژی دەجار بە سناپ ئەوکەن بە شتی سەیر سەیر

 

نوسینی: هێمن عەبدولقادر

ریکلام

بەزمەسات

٥ هەڵەی گەورە لە پەیوەندیدا گەر شیرین و فەرهادیش بن لەیەکتان دەکات!


خێزان

ئەمەی خوارەوە  کۆمەڵێک هەڵەی گەورە لە پەیوەندیدا گەر شیرین و فەرهادیش بن لەیەکتان دەکات:

 

-چاوەروانکردنی شتی زۆر یاخود زۆر کەم لە بەرامبەرەکەت

-زۆر هەڵەیە هەمیشە هاوسەرەکەت کەم بکەیتەوەو هیچ هیوایەکت پێی نەبێت و هەمیشە چاوەرێی شتی خراپی لێبکەیت چونکە ئەوە وادەکات بێهیواببێت و ئەوکارەبکات کە تۆ لێی دەترسیت. بەهەمان شێوە نابێت زۆر پێشبینی و هیوات بە هیچکەسیش هەبێت چونکە لەوانەیە ئەو کەسە نەتوانێت ئەوشتەی تۆ لێی چاوەرێدەکەیت بیکات بەوەش توشی شەرو بێهیوای دەبیت.

 

-لەیەک تێنەگەیشتن

-گرنگترین شت لە پەیوەندی سەرکەوتودا لەیەک تێگەیشتنە بۆیە پێویستە کات بۆ تێگەیشتن لەبەرامبەرەکەت تەرخان بکەیت و لەبیرتبێت هیچکات ناتوانیت کەسێک لەماوەی شەو رۆژێکدا بگۆریت چونکە تەمەنێکی ویستوە تا بوە بەوکەسەی کە ئێستا هەیە بۆیە هەوڵدان بۆ گۆرینی دەبێتە هۆی شەرو لێک جیابونەوە ، لە پەیوەندیدا گرنگ نیە تەنها کەسەکە بناسیت بەڵکو ئەوەی گرنگە ئەوەیە کە لێی تێبگەیت.

 

-نەبوونی کات بۆ یەک

-کات تەرخان نەکردن بۆیەکتر و گوێنەدان بە هەستی یەکتر و دورەپەرێزی ئەمانە هەموی هۆکارن بۆ بێزاربون لەیەکتر و دورکەوتنەوە چونکە مرۆڤەکان پێویستیان بەوەیە کە هەست بە گرنگی خۆیانبکەن لەژیانی بەرامبەردا ، بۆیە واباشترە کاتی زیاتر بۆیەکتر تەرخان بکەن و هەستەکانتان بۆیەکتر دەرببرن.

 

-دابڕانی گفتوگۆ

-قسەکردن و دروستکردنی موناقەشە لەگەڵ هاوبەشی ژیانتا کارێکی زۆر گرنگە چونکە بێدەنگی پەیوەندی بەرەو کۆتای دەبات و لەناویدەبات ، بۆیە هەمێشە هەوڵی قسەکردن بدەن لەگەڵ یەکترو کێشەکانتان بە موناقەشە چارەسەر بکەن.

 

 

-چاوەڕوانی پەیوەندی پێرفێکت

-هەوڵدان بۆ ئەوەی پەیوەندیەکی پێرفێکت و زۆر سەرکەوتوت هەبێت هەندێک جار شتەکان خراپتر دەکات و دەبێتە هۆی ناتەواوی و زوتر لێک دورکەوتنەوە واباشترە شتاکان خۆی چۆنە هەر بەو جۆرە قبوڵیان بکەیت.

بەردەوام بە لە خوێندنەوە

بەزمەسات

لە هۆنگ کۆنگ ئەم پرسیارە لە خوێندکارە نمونەییەکان کرا، تۆ وەڵامەکەی دەزانیت؟


خێزان
لە خوێندنگایەکی نمونەی لە هۆنگ کۆنگ و بۆتاقیکردنەوەی وەرگرتنی خوێندکارەکان لە خوێندنگەکە، ئەم پرسیارەیان لێکرا کە بۆ زانینی وەڵامەکەی پێویستت بە زیرەکی و وریاییە، بەڕای تۆ ئەو ئۆتۆمبیلە لە پارکی ژمارە چەند وەستاوە؟

بۆ زانینی وەڵامەکەی بەسادەی پێویستت بەوەیە وێنەکە هەڵبگێڕیتەوە، پاش ئەوەش بۆت دەردەکەوێت کە ئۆتۆمبیلەکە لە پارکی ژمارە ٨٧ وەستاوە:

 

بەردەوام بە لە خوێندنەوە

بەزمەسات

٧ فێڵ دەکەین لە مێشکت بەتوانابە بەخێرایی ئاشکرایان بکە


خێزان

ئەمانەی خوارەوە کۆمەڵێک وێنەن ئەوەی لەسەر تۆیە دەستنیشان کردنی ئەو شتەیە کە ئێمە داوات لێدەکەین و یارمەتی ئەمانەی خوارەوە بدە بە لێهاتوویت.

-ئەم پیاوە ژنەکەی دیار نییە و زۆر تووڕەیە.

-ئەم کۆمەڵە چەتەیە کەسێکیان دۆزیوەتەوە و دەیانەوێت بیکوژن و بۆمان بدۆزەوە و ڕزگاری بکە.

-ئەستێرە ناسەکە هێشتا لە ژوورەوەیە و منداڵەکان بە دوای ئەودا دەگەڕێن، دەتوانیت بۆمان بدۆزیتەوە.

-ڕێوییەکی دیکە لە ڕێدایە بۆ خواردنی قازەکان و یارمەتییان بدە تاوەکوو خۆیان ڕزگار بکەن لێی.

-ئاژەڵێکی دڕند چاوەڕێی ئەم ڕاوکەرە دەکات و بەخێرایی شوێنەکەی پێ بڵێ تاوەکوو بەرەو ئەو ئاڕاستەیە نەچێت.

-ئەم قازانە خەریکە تووشی مەترسییەک دەبنەوە و پێیان بڵێ ئاژەڵە مەترسیدارەکە لە کوێدایە.

-شێفەکە بیری چووە کە گۆشتەکەی لە کوێدا داناوە، دەتوانیت هاوکاری بکەیت و شوێنەکەی پێ بڵێیت؟

 

وەڵامەکان:

 

1

2

3

4

5

6

7

بەردەوام بە لە خوێندنەوە

کوردستان