ئێمە لە تۆرە کۆمەڵایەتیەکان

کوردستان

پێشنیازێك بۆ چارەسەری وشكبوونی باخچەكانی سلێمانی دەكرێت

خەڵك- بەشی هەواڵ

لەسەرەتای هاوینی ئەمساڵەوە كێشەی ئاو لە باخچەكانی سلێمانییدا دروستبووە و سەرۆكی لیژنەی شارەوانی خزمەتگوزارییەكانیش لەڕێگەی (خەڵك)ەوە پێشنیازێك بۆ حكومەت دەكات بۆ چارەسەری ئەو كێشەیە.

محەمەد ڕەسوڵ، سەرۆكی لیژنەی شارەوانی و خزمەتگوزارییەكان بە (خەڵك)ی ڕاگەیاند، كێشەی سەرەكی وشكبوونی باخچەكانی سلێمانی و نەبوونی خزمەتگوزاری پێویستە پەیوەستە بە كەمبوونەوەی كارمەند و نەبوونی دامەزراندنەوە، بەڵام حكومەت دەتوانێت بە جۆرێكی دیكە چارەسەری بكات.

وتیشی”لە فەرمانگەكانی دیكەدا ژمارەیەكی زۆر فەرمانبەر هەن، هیچ ئیش و كارێكیان نییە، باشترین كارێك حكومەت بیكات گواستنەوەی ئەو كارمەندانەیە بۆ شارەوانی، بەوەش یەكێك لە كێشە سەرەكییەكان چارەسەر دەبێت”.

ناوبراو هەر لە قسەكانیدا ڕونیكردەوە، ئەگەر حكومەتی هەرێم فەرمانبەرانی پێویست بۆ باخچەكان دابیننەكات، هەموو پێویستییەكانی دیكەیشیان هەبێت، چارەسەری وشكبوونی باخچەكانی سلێمانی ناكرێت.

لە ماوەی ڕابردوودا (خەڵك) ئەوەی بڵاوكردەوە، كە بەشێكی باخچەكانی سلێمانی وشكبوون و پاشان كۆمپانیایەك بە خۆبەخشی بەشێك لە باخچەكانی پاراوكردەوە.

کوردستان

گەشتیارە كوردەكان لە توركیا ئازاد كران

خەڵك- بەشی هەواڵ

دوای دەستگیركردنیان لەلایەن پۆلیسی توركیاوە، ژمارەیەك گەشتیاری خەڵكی پارێزگا دهۆك ئازادكران.

بەپێی زانیارییەكان دوانیوەڕۆی ئەمڕۆ هەینی ئەو گەشتیارانە ئازادكراون.

ئەمڕۆ وتەبێژی فەڕمی حكومەتی هەرێمی كوردستان ڕایگەیاند، سەرۆك وەزیرانی هەرێم، لایەنە پەیوەندییدارەكانی هەرێمی كوردستانی راسپاردووە بۆئەوەی لەگەڵ بەرپرسانی توركیا قسە بكەن، بۆ ئەوەی بە زووترین كات ئەو گەشتیارانە ئازادبكرێن.

دوێنێ‌ پێنج شەممە، لەكاتی سەردانیكردنی ناوچەی چیاكارای شاری ترابزۆن لە توركیا، گروپێكی گەشتیاری هەرێمی كوردستان بەهۆی هەڵگرتنی ئاڵای كوردستان و وێنەگرتن پێوەی رووبەڕووی لێدان و توندوتیژی بوونەوە و ژمارەیەكیان دەستبەسەركران.

بەردەوام بە لە خوێندنەوە

کوردستان

لە سنوری شارۆچكەی شێخان كچ و كوڕێك كوژران

خەڵك- بەشی هەواڵ

بەهۆی كێشەیەكی كۆمەڵایەتییەوە، كچ و كوڕێك لە شارۆچكەی شێخان كوژران.

پۆلیسی دهۆك بڵاوی كردەوە، بكوژەكە كە برای كچەكە بووە دەستگیركراوە و دانی بە تاوانەكەیدا ناوە.

دوای ڕووداوەكە تەرمی هەردووكیان براون بۆ نەخۆشخانەی دهۆك و پۆلیس پەڕاوی لێكۆڵینەوەی بۆ رووداوەكە كردووەتەوە.

بەردەوام بە لە خوێندنەوە

کوردستان

بە وێنە.. لە كەلار دەستبەسەر بڕێكی زۆر خۆراكی نەشیاودا گیرا

خەڵك- بەشی هەواڵ

قائیمقامیەتی شارۆچكەی كەلار بڵاوی كردەوە، كە دەستیان گرتووە بەسەر بڕێكی زۆر لە خۆراكی نەشیاو بۆ بەكارهێناندا.

لە ڕاگەیەندراوێكدا قائیمقامیەتی كەلار نوسیویەتی”دەست بەسەرداگرتنی بڕێكی زۆر خۆراكی لەقوتونراوی قۆپاو و خراپ لەگەڵ بابەتی ئارایشتگای بەسەرچوو لەلایەن لیژنە هاوبەشەكانی قایمقامیەتی كەلارەوە ڕادەگەیەنین”.

دەستبەسەرداگرتنی ئەو خۆراك و كەرەستە نەشیاوانە لەكاتێكدا كە ڕۆژانە لە شار و شارۆچكەكانی هەرێمی كوردستاندا دەستبەسەر بڕێكی زۆر خۆراك و پێداویستی بەسەرچوودا دەگیرێت.

بەردەوام بە لە خوێندنەوە

کوردستان