ئێمە لە تۆرە کۆمەڵایەتیەکان

کوردستان

یەكێتی كاندیدێكی دیكەی یەكلاییكردەوە

خەڵك- بەشی هەواڵ

بەپێی ڕێككەوتن لە نێوان كوتلە جیاوازەكانی یەكێتییدا، كاندیدی بریكاری وەزارەتی ناوخۆی كابینەی تازە یەكلاییكراوەتەوە.

سەرچاوەیەكی ئاگادار لە یەكێتی نیشتیمانی كوردستان بە (خەڵك)ی ڕاگەیاند، هەردوو باڵەكەی یەكێتی ڕێككەوتوون كە چەتۆ ساڵح، بەڕێوەبەری پێشووی پۆلیسی گەرمیان بكرێت بە بریكاری وەزارەتی ناوخۆ لە جێگەی جەلال شێخ كەریم.

چەتۆ ساڵح، لەگەڵ هەریەك لە سامان گەرمیانی و شاناز ئیبراهیم ئەحمەد

پێشتر جەلال شێخ كەریم، بە (خەڵك)ی ڕاگەیاند، كە هێشتا بڕیاری كۆتایی لەوبارەوە نەدراوە، بەڵام بەپێی زانیارییەكان كە (خەڵك) لەسەرچاوەیەكی تایبەتەوە دەستی كەوتووە، ڕێككەوتن لەسەر چەتۆ ساڵح كراوە.

چەتۆ ساڵح لە ساڵانی دوای ڕوخانی ڕژێمی پێشووی عیراقەوە تا ساڵی 2008، بەڕێوەبەری پۆلیسی گەرمیان بووە.

کوردستان

بەشی سێیەمی “ستایش” بە دۆبلاژی كوردی دەستپێدەكات

خەڵك – بەشی هەواڵ
یەكێك لە پڕ بینەرترین دراماكانی ئێران لە هەرێمی كوردستان “زنجیرە درامای ستایشە” كە تا ئێستا دوو بەشی پەخش كراوە و سەرەتای هەفتەی داهاتوو یەكەم ئەڵقە لە بەشی سێیەمی بە دۆبلاژی كوردی پەخش دەكرێت.

بەشی سێیەمی دراماكە لە 40 ئەڵقە پێكهاتووە و هەر یەك لە حیشمەتی فیردەوس، ستایش، محەمەد، ئەنیس، پەری سیما ڕۆڵی تێدا دەبیننەوە.

دوای ئەوەی بەشی سێیەمی زنجیرە درامای ستایش، لە (كەناڵ 3)ی فەرمی ئێران لە چەند مانگی ڕابردوودا پەخش كرا، لە ئێستادا لە هەرێمی كوردستان داواكارییەكی زۆری لەسەرە و بڕیارە هەفتەی داهاتوو لە ڕۆژی شەممەوە لە كاتژمێر 10:00ی شەو لە كەناڵی ئاسمانی سپێدە بە دۆبلاژی كوردی پەخش بكرێت و لە كاتژمێر 12:00ی نیوەڕۆ دووبارە دەكرێتەوە.

بەشەكانی یەكەم و دووەمی زنجیرە درامای ستایش پڕ لە چیرۆك و ڕووداوی تاڵ و خەمهێنەر بوو، بەڵام بەشی سێیەمی ستایش ڕووداوی دڵخۆشكەر و شادی زیاتر تێدایە، لە هەمان كاتدا لە ڕووداوی ناخۆش خاڵی نییە.

زنجیرە درامای ستایش لە دەرهێنانی سەعید سوڵتانی-یە، بۆ بەشی سێیەمی دراماكە زۆرێك لە ئەكتەرە دیارەكانی درێژە بە ڕۆڵ بینین دەدەن، لەوانە: داریوش ئەرجومەند (حیشمەتی فیردەوس)، نێرگس محەمەدی (ستایش)، مەهدی سلوكی (محەمەد)، سیما تیرئەنداز (ئەنیس)، فەریبا نادری (پەری سیما) و چەندینی دیكەش. لەگەڵ ئەوەشدا ژمارەیەك ئەكتەری نوێ‌ بەشدارییان لە دراماكەدا كردووە.

بەردەوام بە لە خوێندنەوە

کوردستان

بەڤیدیۆ؛ پەكەكە كوژرانی 7 سەربازی توركیای ڕاگەیاند

خەڵك – بەشی هەواڵ
ناوەندی ڕاگەیاندن و چاپەمەنی هێزەكانی پاراستنی گەل ڕایدەگەیەنێت، لە چالاكیەكەدا سەنگەرەكانی دوژمن كرانە ئامانج و هەڵوەشێنران، ٧ سەربازی سوپای توركیا كوژران، دەشڵێت: “سوپای توركیا بە هەلیكۆپتەر كوژراو و بریندارەكانی گواستەوە، هێزەكانمان لە هەلیكۆپتەرەكانیشیان دا”.

ناوەندی ڕاگەیاندن و چاپەمەنی هێزەكانی پاراستنی گەل لە ڕاگەیەنراوێكدا، ئاماژەی بەوەكردووە، لە هەرێمی پاراستنی مەدیا لە چوارچێوەی هەنگاوی شۆڕشگیری جەنگی حەفتانیندا هێزەكانی یەژاستار لە ٢ی كانوونی دووەمدا لەدژی سوپای داگیركەری توركیا لە گردی كۆنفڕانس چالاكیان ئەنجامدا.

دەشڵێت: “ئەمڕۆ گەریلا تیڤی دیمەنی چالاكیەكەی بڵاوكردەوە، لە دیمەنەكەدا دەردەكەوێت، گورزێكی گەورە لە سەنگەرەكانی سەربازانی دەوڵەتی توركیا دەدرێت و تەقینەوەیەكی گەورە ڕوودەدات”.

هەپەگە ڕاشیگەیاندووە، لە چالاكیەكەدا، كە سەنگەرەكانی دوژمن كرانە ئامانج، سەنگەرەكان هەڵوەشێنران، لە چالاكیەكەدا ئەوەندەی ئاشكرابوو ٧ سەرباز كوژراون، دوای چالاكیەكە سوپای داگیركەری تورك بە هەلیكۆپتەر كوژراو و بریندارەكانی گواستەوە، هێزەكانمان لە هەلیكۆپتەرەكانیشیان دا و هەلیكۆپتەرەكان بە ناچاری لە ناوچەكە دووركەوتنەوە.

بەردەوام بە لە خوێندنەوە

کوردستان

وتاری هەینی بۆ دیاردەی تەڵاق تەرخان دەكرێت

خەڵك – بەشی هەواڵ
وەزارەتی ئەوقاف و كاروباری ئایینی هەرێم ناونیشانی وتاری هەینی ئەم هەفتەیە بۆ تەڵاق تەرخان دەكات و دەشڵێت،”خاڵی سەرەكی لەوە دەستپێدەكات، كە پێویستە هەموو بە خۆماندا بچینەوە”.

لیژنەی باڵای ئامادەكردنی وتاری هەینی لە وەزارەتی ئەوقاف و كاروباری ئایینی حكومەتی هەرێم لە ڕاگەیەنراوێكدا، كە وێنەیەكی دەست (خەڵك) كەوتووە ناونیشانی وتاری هەینی ڕێكەوتی 24-1-2020ی بڵاوكردەوە و ڕایگەیاندووە، مەترسی كێشە سەردەمییەكانی كۆمەڵگە و چارەسەركردنی لە نمونەی تەڵاق، مامۆستایانی ئاینی ئەتوانن قسەی لەسەر بكەن.

ڕایگەیاندووە، هەموو كۆمەڵگەیەك تووشی كێشە و گیروگرفت دەبێتەوە، بەڵام كاتێك تەشەنە دەكەن و زۆر دەبن، دەبێتە مەترسییەكی گەورە و هەڕەشە بۆ سەر ئاسایشی كۆمەڵایەتی، واتە پچڕانی شیرازەی خێزان.

ئاماژەی بۆ ئەوەشكردووە، بەپێی ئامارێكی فەرمی لە ساڵی ڕابردوودا 8 هەزار و 381 حاڵەتی تەڵاق لە هەموو شاركانی هەرێم تۆمار كراوە لە بەرامبەر 32 هەزار و 432 حاڵەتی مارەكردن.

بەردەوام بە لە خوێندنەوە

کوردستان