ئێمە لە تۆرە کۆمەڵایەتیەکان

جیهان

ئەمریكا سزا بەسەر سێ بەرپرسی حیزبوڵڵادا دەسەپێنێت


خەڵك –بەشی هەواڵ

وەزارەتی خەزێنەی ئەمەریكا سزای سەپاند بەسەر سێ كەسایەتی باڵای حزبوڵڵای لوبنانیدا كە دووانیان ئەندامی پەرلەمانی لوبنانن و یەكێكی دیكەیان بەرپرسی هەماهەنگییەكانی نێوان حیزبوڵڵا و دەزگا ئەمنییەكانی لوبنانە.

ئەمە یەكەمین جارە ئۆفیسی چاودێریكردنی سەرمایەی بیانی سەر بە وەزارەتی خەزێنەی ئەمەریكا سزا دەسەپێنێت بەسەر ئەندامانی پەرلەمانی لوبناندا كە هەمیشە ئەو كەسانە دەكەنە ئامانج كە واشنتن تۆمەتباریان دەكات بە تۆمەتی پشتیوانیكردن لە ڕێكخراوە تیرۆریستیەكان. واشنتن حزبوڵڵای بە ڕێكخراوێكی تیرۆریستی لە قەڵەمداوە.

ئۆفیسی چاودێریكردنی سەرمایەی بیانی ڕایگەیاند، ئەمین شەری و محەمەد حەسەن ڕەعدی خستۆتە لیستی سزاكانەوە كە هەردووكیان ئەندام پەرلەمانی لوبنانن بەهۆی ئەوەی كار بۆ حزبوڵڵا دەكەن.

هەروەها ئۆفیسەكە وێنەی ئەو كەسانەی بڵاوكردۆتەوە و لە یەكێك لە وێنەكاندا سەركردەی فەیلەقی قودسی ئێرانی قاسم سولەیمانی تێدایە دەستی كردووەتە ملی ئەمین شەرییەوە.

ئۆفیسەكە ڕونیكردەوە، سزاكان وەفیق سەفاشی گرتۆتەوە كە بەرپرسی یەكەی پەیوەندیی و هەماهەنگییەكانی حزبوڵڵایە كە بەرپرسە لە هەماهەنگی لەگەڵ دەزگا ئەمنییەكانی لوبناندا.

بەپێی ڕێوشوێنەكانی وەزارەتی خەزێنەی ئەمەریكا، هاووڵاتیانی ئەمەریكی بۆیان نییە مامەڵە لەگەڵ ئەم سێ كەسایەتییەدا بكەن و هەموو سەرمایەكانیان لە ئەمەریكا سڕ دەكەن. هەروەها تواناكانیان بۆ سوود وەرگرتن لە سیستمی پارەی ئەمەریكایی سنووردار دەكرێت.
سەرچاوە/voa

ریکلام

جیهان

ڤایرۆسی كۆرۆنا و دەمامك


خەڵك – بەشی هەواڵ

زانایانی هۆنگ كۆنگ، لەسەر گرنگی دەمامكی دەموچاو بۆ ڕێگری لە بڵاوبونەوەی ڤایرۆسی كۆرۆنا تاقیكردنەوەیەكیان ئەنجامدا.

زانایانی هۆنگ كۆنگ لە تاقیكردنەوەكەیاندا چەند مشكێكی تاقیگەیان تووشی ڤایرۆسی كۆرۆنا كرد و تێكەڵی چەندین مشكی ساغیان كردن، بۆیان دەركەوت ٦٧٪ مشكە ساغەكان لە مشكە نەخۆشەكانەوە دووچاری ڤایرۆسی كۆرۆنا بوون.

كاتێك دەمامكیان بۆ مشكە ساغەكان بەست و لە ناو مشكی نەخۆشدا بەریاندان، ڕێژەی تووشبوونی مشكە ساغەكان بۆ ٣٣٪ دابەزی.

هاوكات، دەمامكیان بۆ مشكە نەخۆشەكان بەست، بۆیان دەركەوت ڕێژەی توووشبوونی مشكە ساغەكان بۆ ١٧٪ دابەزی.

بەردەوام بە لە خوێندنەوە

جیهان

پنتاگۆن دان بە ڕاستی ڤیدیۆی تۆماركراوی دەفرە فڕیوەكاندا دەنێت


خەڵك- بەشیی هەواڵ
وەزارەتی بەرگری ئەمریكا (پنتاگۆن) دان بە ڕاستی سێ‌ تۆماری ڤیدیۆییدا دەنێت كە چەند ساڵێك لەمەوبەر تۆماركراون و بوونی دەفرە فڕیوە نەناسراوەكان دەسەلمێنن.

ئەمڕۆ چوار شەممە، (پنتاگۆن) بەشێوەیەكی فەرمی ئەو ڤیدیۆیانەی بڵاوكردەوە كە بە” سنوربەزاندنی سەربازی لە كایەی ئاسمانیدا لەلایەن دیاردەیەكی نەناسراوە” وەسفيان دەكات.

وەزارەتی بەرگری ئەمریكا دەڵێت”یەكێك لەو ڤیدیۆیانە لە مانگی كانوونی یەكەمی ساڵی 2004دا تۆماركراوە، دوانەكەی تر لە مانگی كانوونی دووەمی 2015دا تۆماركراون،  و لە ساڵانی 2007 و 2017دا بەبێ‌ وەرگرتنی مۆڵەت دزەیان پێكراوە و بڵاوكرانەتەوە”.

بە وتەی وەزارەتی بەرگری ئەمریكا (پنتاگۆن)”دەریاوانی ئەمریكایی پێشتر دانی بەو ڤیدیۆیانەدا ناوە كە لەلایەن خۆیەوە تۆماركراون، بڕیاری بڵاوكردنەوەشیان بەشێوەیەكی فەرمی، لە دوای پێداچوونەوەیەكی هەمەلایەنە بووە كە بەرەنجامەكەی ئەوەبووە، هەنگاوەكە نابێتە مایەی ئاشكراكردنی هیچ توانایەك یان سیستمێكی هەستیار و ڕێگری لەبەردەم لێكۆڵینەوەكانی ئایندە لە دەستوەردانی سەربازی لە كایەی ئاسمانی لەلایەن ئەو دیاردە نەناسراوانەوە دروست ناكات”.

لە ڤیدیۆكاندا تەنی فڕیوی نەناسراو دەردەكەوێت كە لەڕێی ئامێری وێنەگرتنی ئاسایی و ئامێری وێنەگرتنی تیشكی خوار سورەوە وێنەگیراون كە دوانییان لەلایەن سەربازە ئەمریكاییەكانەوە قسەیان لەسەر دەكرێت.

بەردەوام بە لە خوێندنەوە

جیهان

ترەمپ: پێگە كۆمەڵایەتییەكان دادەخەین


خەڵك- بەشی هەواڵ
سەرۆكی ئەمریكا هەرەشەی سەپاندنی چاودێری بەسەر پێگە كۆمەڵایەتییەكان و تەنانەت داخستنیشیان دەكات، ئەمەش دوای ئەوەی (تویتەر) ئاماژەی بە ناڕاستی دوو تویتی سەرۆك كردبوو.

دۆناڵد ترەمپ سەرۆكی ئەمریكا لە تویتێكیدا لەڕێی تۆڕی كۆمەلایەتی (تویتەر) بڵاویكردەوە:”كۆمارییەكان وا هەست دەكەن پێگە كۆمەڵایەتییەكان بە تەواوەتی دەنگی موحافیزكارەكان كپ دەكات”.

بە وتەی ترەمپ:”دەست دەكەین بە ڕێكخستیان یان داخستنیان، چونكە بینیمان هەوڵیاندا چی بكەن و لە ساڵی 2016دا دووچاری شكست بوون، بۆیە ڕێگەنادەین بە دووبارەبوونەوەی ڕوداوێكی زیاتر ئاڵۆز”.

دوو شەممەی ڕابردوو، پێگەی كۆمەڵایەتی (تویتەر)، هۆشداریی دایە بەشداربووەكانی لە تویتەكانی دۆناڵد ترەمپ سەرۆكی ئەمریكا كە بەپێی پێگەكە”ڕەنگە بەلاڕێدابەربن”، ئەمەش بە ڕووداوێكی بێپشێینە دادەنرێت، دوابەدوای ئەوەش ترەمپ (تویتەر)ی بە دەستوەردان لە هەڵبژاردنەكان و كپكردنی ئازادی ڕادەربڕین تۆمەتباركرد.

 

بەردەوام بە لە خوێندنەوە

کوردستان