ئێمە لە تۆرە کۆمەڵایەتیەکان

جیهان

ترەمپ و ماكرۆن بۆ ئێران: گوشارەكان توندتر دەكرێن

خەڵك – بەشی هەواڵ

سەرۆكی ئەمریكا و سەرۆكی فەڕەنسا جەخت لە توندتر كردنی سزاكانی سەر ئێران دەكەنەوە.

كۆشكی سپی ئەمریكا بڵاویكردەوە دۆناڵد ترەمپ سەرۆكی ئەمریكا لەبارەی دوایین هەنگاوەكانی ئێران بۆ زیادكردنی ڕێژەی پیتاندنی یۆرانیۆم پەیوەندییەكی تەلەفۆنیی لەگەڵ ئیمانوێل ماكرۆن سەرۆكی فەڕەنسا ئەنجامداوە و تێیدا تاووتوێی هەنگاوەكانی ڕێگریكردن لەدەستخستنی چەكی ئەتۆمی لەلایەن ئێرانەوە كردووە.

كۆشكی سپی ئەوەشیخستووەتەڕوو، هەردوو سەرۆك جەختیان لە توندتركردنی گوشارەكانی سەر ئێران كردووەتەوە و ئاماژەیان بۆ ئەوە كردووە نابێت هەنگاوەكانی تاران ئاسایشی ڕۆژهەڵاتی ناوەڕاست بخاتە مەترسییەوە.

جیهان

بەوێنە..لە ڕووداوێكدا 40 عومرەكار بوونە قوربانی

خەڵك-بەشی هەواڵ

 

بەهۆی گڕگرتنی پاسێكی نەفەرهەڵگر ژمارەیەك لە عومەركاران گیانیان لەدەستدا.

تۆڕی سپوتنێك بڵاویكردەوە، بەهۆی پێكدادانی پاسێك و ئۆتۆمبێلێكی بارهەڵگر لەنێوان شارەكانی مەككە و مەدینە لە وڵاتی سعودیە لانی كەم 36 هاوڵاتی گیانیان لەدەستدا.

بەپێی زانیارییەكان، پاسەكە ژمارەیەك لە عومەرەكارانی تێدابووە و دوای پێكدادانی لەگەڵ ئۆتۆمبێلێكی بارهەڵگر ئاگری تێبەر دەبێت و دەبێتە هۆی گیانلەدەستدانی ژمارەیەك زۆر لە سەرنشینانی.

ئاشكراشیدەكات، ژمارەی عومرەكاران 40 كەس بوون و 4 كەسیان ڕەوانەی نەخۆشخانەكان كراون.

بەردەوام بە لە خوێندنەوە

جیهان

ترەمپ: ئەگەر دانوستانەكان لەگەڵ ئەردۆغان سەركەوتوو نەبن سزاكانمان وێرانكەر دەبن بۆ توركیا

خەڵك – بەشی هەواڵ

سەرۆكی ئەمریكا هەڕەشەی وێرانكردنی ئابووری توركیای كرد ئەگەرهاتوو دانوستانەكەی مایك پێنس جێگری سەرۆكی ویلایەتە یەكگرتووەكان لەگەڵ ڕەجەب تەیب ئەردۆغان سەرۆكی توركیا سەركەوتوو نەبن.

دۆناڵد ترەمپ سەرۆكی ئەمریكا لە میانی پێشوازیكردنی لە سێرجیۆ ماتاریلا سەرۆكی ئیتاڵیا، سەبارەت بە دوایین گۆڕانكارییەكانی هێرشەكەی توركیا بۆ سەر ڕۆژئاوای كوردستان وەڵامی ڕۆژنامەنووسانی دایەوە.

ترەمپ ڕایگەیاند، ئەو گڵۆپی سەوزی بۆ دەستپێكردنی هێرشی توركیا بۆ سەر سوریا هەڵنەكردووە و هیواشی خواست ئەنقەرە و دیمەشق بتوانن كێشەكانیان چارەسەر بكەن.

هاوكات ترەمپ ئاماژەشیدا بە گرنگیی سەركەوتنی دانوستانەكانی مایك پێنس جێگری سەرۆكی ویلایەتە یەكگرتووەكان لەگەڵ ڕەجەب تەیب ئەردۆغان سەرۆكی توركیا و جەختیشیكردەوە كە ئەگەر دانوستانەكان سەركەوتوو نەبن، ئەوا سزاكانیان بۆ سەر توركیا وێرانكەر دەبن.

بەردەوام بە لە خوێندنەوە

جیهان

مەزڵوم كۆبانێ: توركیا هەموو هێزی خۆی بەكاردەهێنێت و ئێمەش بەرخۆدان دەكەین

خەڵك – بەشی هەواڵ

فەرماندەی گشتی هێزەكانی سوریای دیموكرات (هەسەدە) ڕایدەگەیەنێت: توركیا هەمو هێزی خۆی بۆ هێرش كردنە سەر ڕۆژئاوای كوردستان و داگیركردنی خاكی باكووری سوریا بەكاردەهێنێت، ئێمەش بەرخۆدانێكی مەزن دەكەین.

مەزڵوم كۆبانێ، فەرماندەی گشتی هێزەكانی سوریای دیموكرات (هەسەدە) لە چاوپێكەوتنێكی تەلەفزیۆنیدا ڕایگەیاند: شەڕ لە ڕۆژی هەشتەمدایە هێرشی توركیا بە ئامانجی داگیركردنی ڕۆژئاوای كوردستان و خاكی باكووری سوریا بەردوامە، لەبەرامبەریشدا بەرخۆدانێكی گەورە هەیە.

مەزڵوم كۆبانێ وتیشی :”دەوڵەتی توركيا هەمو هێزی خۆی بەكاردەهێنێت سەدان فڕۆكەی جەنگی و فڕۆكەی چاودێریی بەكاردەهێنێت، بۆیە شەڕ و ڕووبەڕووبوونەوە سەختە”.

فەرماندەی گشتی (هەسەدە) ڕەخنەی لە بڕیارەكانی سەرۆكی ئەمریكا گرت بۆ كشانەوەی هێزەكانی وڵاتەكەی لە ڕۆژئاوای كوردستان (باكووری ڕۆژهەڵاتی سوریا) و وتی :”ئەەریكا پابەندییەكانی خۆی بەرامبەر ئێمە جێبەجێ نەكرد”.

مەزڵوم كۆبانێ جەختیشی كردەوە كە:” پێشتریش چەند جارێك هۆشدارییمان داوە ئەگەر توركیا هێرش بكاتە سەرمان، شەڕی داعش و پاراستنی زیندانی و كامپەكان دەبێتە ئەولەویەتی دووەم و سێیەم، لەبەرامبەردا ئەمریكا دەیەوێت شەڕی ڕووبەڕووبوونەوەی داعش بەردەوام بێت”.

مەزڵوم كۆبانێ ئاماژەی بەوەشدا:”بەلای ئێمەوە پاراستنی گەلەكەمان و ڕۆژئاوای كوردستان لە ئێستادا ئەولەویەتە، نەك شەڕی داعش”.

بەردەوام بە لە خوێندنەوە

کوردستان