ئێمە لە تۆرە کۆمەڵایەتیەکان

ئابوری

عادل عەبدولمەهدی دوابڕیاری لەسەر مووچەی فەرمانبەرانی هەرێم دا

خەڵك- بەشی هەواڵ
پەڕلەمانتارێكی كورد لە بەغدا ناوەڕۆكی پەیوەندییە تەلەفۆنییەكەی لەگەڵ سەرۆك وەزیرانی عیراق ئاشكرادەكات و دەشڵێت: “عادل عەبدولمەهدی وتویەتی، كە مووچەی خەڵكی هەرێم لە كێشەكان دووردەخەمەوە”.

كاوە محەمەد، ئەندامی پەڕلەمانی عیراق لە فراكسیۆنی گۆڕان لە ڕاگەیەندراوێكدا، كە لە هەژماری خۆی لە فەیسبووك بڵاویكردۆتەوە، ئاماژەی بەوەكردووە، پاشنیوەڕۆی ئەمڕۆ ٧ی تەممو، د.عادل عەبدولمەهدی، سەرۆكی ئەنجوومەنی وەزیرانی عیراق بە تەلەفۆن پەیوەندی پێوە كردووە و باسیان لەناوەڕۆكی بەیاننامەكەی دوێنێی فراكسیۆنی گۆڕان كرد، كە تێیدا دیدی بزووتنەوەكە بۆ كێشەی نەوت و غاز لەنێوان هەرێم و حكومەتی فیدڕاڵ خرابووەڕوو.

ڕاشیگەیاندووە، هەر لەو پەیوەندییە تەلەفۆنییەدا دوای ئەوەی باسیان لەكێشەكانی بودجە و مووچەی هەرێم كرد، بەناوی فراكسیۆنەوە سوپاسی سەرۆكی ئەنجوومەنی وەزیرانی كردووە بۆ هەڵوێستی نیشتیمانی و بەرپرسیارانەی بەرامبەر بە ناردنی پارەی تەرخانكراوی مانگانە بۆ مووچەی خەڵكی هەرێم.

بەپێی ڕاگەیەندراوەكە، پەڕلەمانتارەكەی گۆڕان بۆ سەرۆك وەزیرانی عیراق تەئكیدی لەوە كردۆتەوە، كە پێویستە حكومەتی هەرێم هاوكارێكی جدی حكومەتی فیدڕاڵ بێت و هەم مووچەی خەڵكی هەریم لەكاتی خۆیدا دابەشبكات و هەم ڕۆژانەش بەپێی یاسای بودجەی (٢٠١٩) بڕی (٢٥٠ هەزار) بەرمیل نەوت ڕادەستی بەغدا بكات و هەردوولاش كار بۆ چارەسەركردنی ڕیشەیی كێشەكان و بە دامەزراوەیی و شەفافكردنی كەرتی نەوت بكەن.

دەشڵێت: “بەڕێز د.عادل عەبدولمەهدی باسی لەكێشە و گرفتەكانی بەردەم جێبەجێكردنی یاسای بودجە كرد و تەئكیدی كردەوە، كە لەسەر هەنگاوەكانی بۆ بەدوورخستنی مووچەی خەڵكی هەرێم لەكێشەكان بەردەوام دەبێت”.

ئابوری

ئەمڕۆ مووچەی ئەم شوێنانە دابەش دەكرێت

خەڵك- بەشی هەواڵ

بڕیارە ئەمڕۆ چوارشەممە مووچەی وەزارەتی كار و كاروباری كۆمەڵایەتی و خاوەن پێداویستی تایبەت دابەش بكرێت.

بەپێی خشتەیەك كە پێشتر بڵاوكراوەتەوە، ئەمڕۆ مووچەی مانگی تەمموزی هەریەك لە كارمەندانی وەزارەتی كار و كاروباری كۆمەڵایەتی و خاوەن پێداویستی تایبەت دابەش دەكرێت.

دابەشكردنی مووچەی مانگی تەمموز لەكاتێكدایە كە لەمساڵدا مووچەی سێ‌ مانگ بە نادیاری ماوەتەوە.

بەردەوام بە لە خوێندنەوە

ئابوری

ئاگادارییەك بۆ مامۆستایانی گرێبەست

خەڵك- بەشی هەواڵ
بەڕێوەبەرێتی پەروەردەی قەرەداغ ئاگاداری مامۆستایانی گرێبەست دەكاتەوە، سبەینێ‌ سەردانیان بكەن بۆ نوێ‌ كردنەوەی گرێبەستەكانیان.

بەڕێوەبەرێتی پەروەردەی قەرەداغ لە ئاگادارییەكدا، كە وێنەی دراوە بە (خەڵك) ئاماژەی بەوەكردووە، “ئاگاداری ئەو مامۆستا بەڕێزانە دەكەینەوە، كە ناویان لە لیستی ھاوپێچدا ھاتووە سبەینێ چوار شەممە ڕێكەوتی ١٦-١٠-٢٠١٩ سەردانی دیوانی پەروەردەی قەرەداغ بكەن بە مەبەستی نوێكردنەوەی گرێبەستەكانیان”.

ڕاشیگەیاندووە، پێویستە بۆ نوێكردنەوەی گرێبەستەكانیان وێنەیەك (ئیستینساخ) لە پێناسی باری شارستانی یان كارتی نیشتمانی لەگەڵ خۆیان بهێنن.

بەردەوام بە لە خوێندنەوە

ئابوری

تەمەنی خانەنشینی فەرمانبەران كەمدەكرێتەوە
(خەڵك) زانیاری نوێ‌ لەسەر یاسای خانەنشینی ئاشكرادەكات

خەڵك- بەشی هەواڵ
شانەی بەدواداچوونی حكومی لە حكومەتی فیدڕاڵ ڕایدەگەیەنێت، ئەنجوومەنی وەزیران پێشنیاری هەمواری یاسای خانەنشینی لەڕووی تەمەنەوە بەرزكردۆتەوە، تا تەمەنی یاسایی خانەشینی بۆ پیاوان و ژنان بكرێتە 60 ساڵ، ئەندامێكی لیژنەی دارایی پەڕلەمانی عیراقیش، لایەنە ئەرێنی و نەرێنییەكانی ئاشكرا دەكات.

شیروان میرزا، ئەندامی لیژنەی دارایی لە پەڕلەمانی عیراق لە لێدوانێكیدا بۆ (خەڵك) ڕایگەیاند، “بەپێی یاسای خانەنشینی یەكگرتوو لە عیراق، تەمەنی یاسایی خانەشینی 63 ساڵە، هەر فەرمانبەرێك تەمەنی بگاتە 63 ساڵ لەلایەن حكومەتەوە خانەنشین دەكرێت، هەروەها لەسەرو 50 ساڵیشەوە، فەرمانبەر ئەگەر خزمەتی 15 ساڵی هەبێت دەتوانێت داوای خانەنشینی بكات بۆخۆی، واتا لە 63 ساڵیدا ناچارییە و لە سەروو تەمەنی 50 ساڵیش ئارەزوومەندانەیە، بەڵام جیاوازی لەو مووچەیە هەیە، كە وەریدەگرن”.

بە وتەی ئەندامەكەی لیژنەی دارایی پەڕلەمانی عیراق، “پێشنیاری هەهواركردنی یاساكە بۆ كەمكردنەوەی تەمەنی خانەنشین بوون بۆ 60 ساڵ، لێكەوتەی ئابوری هەیە، بەو پێیەی بارگرانی لەسەر دەزگای خانەنشینی زیاد دەكات، تەمەنی خزمەتی هاووڵاتی بۆ حكومەت كەمدەكاتەوە، بەو پێیەی هاووڵاتی كاتێك لە تەمەنی 23 ساڵیدا دادەمەزرێت و لە تەمەنی 63 ساڵیدا خانەنشین دەكرێت، ئەو كاتە 37 ساڵ خزمەت دەكات، ئەمەش وادەكات خانەنشین زیاد ببێت و لە هەمان كاتدا خزمەت كەمدەبێتەوە، بۆیە بارگرانی لەسەر حكومەت و دەزگای خانەنشینی زیاد دەكات”.

شیروان میرزا دەڵێت: “هەرچەندە سندوقی دراوی نێودەوڵەتیش سەرنجی لەسەر ئەم پێشنیارە هەیە، بەڵام گەر حكومەت بەرنامەی هەبێت لەجێی خانەنشینەكان كەسانی نوێ‌ دابمەزرێنێت، وەك هەوڵێك بۆ كەمكردنەوەی ڕێژەی بێكاری لە وڵات، ئەوا پێدەچێت پێشنیاری هەمواری یاسای خانەنشینی لەلایەن پەڕلەمانەوە دەنگی لەسەر بدرێت و پەسەند بكرێت”.

هاوكات بەپێی زانیارییەكانی (خەڵك) لە پڕۆژە هەمواری یاسای خانەنشینی یەكگرتووی عیراق پێشنیار كراوە كەمترین مووچەی خانەنشینی 600 هەزار دینار بێت.

بەردەوام بە لە خوێندنەوە

کوردستان