ئێمە لە تۆرە کۆمەڵایەتیەکان

کوردستان

ڕێبەری پڕكردنەوەی فۆڕمی زانكۆلاین بڵاوكرایەوە
مەرج و ڕێنماییەكانی وەرگرتن لە زانكۆ و پەیمانگاكان ڕاگەیەندرا


خەڵك- بەشی هەواڵ
دوابەدوای ڕاگەیاندنی ئەنجامی خوولی یەكەمی ئەزموونە گشتییەكانی پۆلی 12ی ئامادەیی و كۆتایی هاتنی ماوەی پەڵپ-ی خوێندكاران، ڕێبەری پڕكردنەوەی فۆڕمی زانكۆلاین بڵاودەكرێتەوە.

بەپێی ڕێبەرەكە، كە وێنەی دەست (خەڵك) كەوتووە، مەرج و ڕێنماییەكانی وەرگرتن و گواستنەوە و دابەزاندنی خوێندكاران لە زانكۆ و پەیمانگاكانی حكومەتی هەرێم بۆ ساڵی نوێی خوێندن ڕوونكراوەتەوە.

وەك لە ڕێبەرەكەدا هاتووە، “مەرج نییە هەر خوێندكارێك، كە فۆڕمی وەرگرتن پڕدەكاتەوە لە زانكۆ یان پەیمانگایەك وەربگیرێت، چونكە وەرگرتن بەپێی دادپەروەری و ئاستی كۆنمرەیە و هەروەها خوێندكار مافی وەرگرتنی تەنها لە شوێنێك هەیە”.

جەختیشكراوەتەوە، كە نابێت خوێندكار لە یەك كاتدا وەربگیرێت لە زانكۆ یان پەیمانگایەكی حكومی و زانكۆ یان پەیمانگایەكی ئەهلی و لەو كاتەدا ئەگەر ئەو حاڵەتە ڕوویدا، دەبێت خوێندكارەكە لە هەفتەی یەكەمی خوێندندا خۆی یەكلایی بكاتەوە.

بۆ خوێندنەوە و دابەزاندنی تەواوی ڕێبەرەكە كلیك لەم بەرستەرە بكە

يان

رینمایى وەرگرتن و گواستنەوە دابەزین-2019-2020

 

کوردستان

تەقتەق.. 4 هاووڵاتی لە بیرێكدا خنكان


خەڵك – بەشی هەواڵ

لە گوندێكی سنووری شاردەێی تەقتەقی سەر بە شارۆچكەی كۆیە، لە بیرێكدا 4 هاووڵاتی خنكان.

شێروان جەلال جێگری بەڕێوەبەری گشتی تەندروستی كۆیە، ڕایگەیاند:”ئەو هاووڵاتیانەی لەم ڕووداوە گیانیان لەدەستداوە ( باوك و كوڕێك و برازایەكن، لەگەڵ كرێكارێك) دانیشتووی گوندی موخەڕەسن.

جێگری بەڕێوەبەری گشتی تەندروستی كۆیە وتیشی، لە ئێستادا تەرمی ئەو چوار هاووڵاتییە گواستراونەتەوە بۆ پزیشكی دادی كۆیە توێكاریان بۆ ئەنجام دەدرێت.

بەردەوام بە لە خوێندنەوە

کوردستان

بڵێسە جەبار فەرمان: میللەت ناحەقی نییە باوەڕ بە كۆرۆنا نەكات


خەڵك – بەشی هەواڵ

ئەندامێكی ئەنجومەنی سەركردایەتی یەكێتیی نیشتمانیی كوردستان ڕایدەگەیەنێت ، مێژوو و پێشینەی تاڵی هاووڵاتیان لەگەڵ ناشەفافیەت و ناڕاستگۆیی حوكمڕانانی ئەم هەرێمە وای كردووە، كە تەنانەت بە ڕاستییەكانیش بڕوا نەكەن، دەشڵێت،”لەم مەملەكەتە تەنانەت نەخۆشیش بەسیاسی دەكرێت”.

بڵێسە جەبار فەرمان ، ئەندامی ئەنجومەنی سەركردایەتی یەكێتیی نیشتمانیی كوردستان لە هەژماری تایبەتی خۆی لە تۆڕی كۆمەڵایەتی فەیسبوك نوسیوویەتی:”میللەت ناحەقی نیە، مێژوو و پێشینەی تاڵی هاووڵاتیان لەگەڵ ناشەفافیەت و ڕاست نەگۆیی حوكمرانانی ئەم هەرێمە وای كردووە، كە تەنانەت بە ڕاستییەكانیش بڕوا نەكەین لە بابەتێكی وەك كۆرۆنادا، لەم مەملەكەتە تەنانەت نەخۆشیش بەسیاسی دەكرێت”.

ڕاشیگەیاندووە:”ڕاستە كە زاكیرەمان زەعیفە، بەڵام هێشتا بیرمان نەچووە كە هەر دوێنێ بوو كە تەقەی خۆشی كرا بە ھۆی سەركەوتنمان بەسەر كۆرۆنادا كە بەداخەوە كوژاو و برینداریشی لێ كەوتەوە، ھەر پارێزگایە و سنگی دەردەپەراند و باسی بتوڵاتی خۆیی دەكرد لە پێشەنگی داو سەركەوتن و زاڵ بوون بەسەر ئەو پەتادا”.

ئاماژەی بۆ ئەوەشكردووە:”معقول چییە ئێستا لە پڕ و لە ناكاو كۆرونا بە سەختی و قورسی هاتووەتەوە و تووشبووان مەفەریان نییە، بۆیە لەوانەیە ئەوەی كە ئەیڵێن ڕاست بێت، بەڵام ئەدائی هەڵەی حكومەی و هەڵپەی پێشبركێی پارێزگاكان و بە سیاسیكردنی نەخۆشیەكە و پێشینەیەكی مێژووی لە ناڕاستگۆیی وای لە هاووڵاتیان كردووە متمانەیان نەمێنێ”.

بڵێسە دەشڵێت ،”میللەت بڕوای بەو هەواڵانە نییە و پابەندی رێنماییەكان نابن و ئەمە بە ھەنگاوێكی سیاسی و چەواشەكاری تێدەگەن بۆ پەردەپۆشكردنی شكستی ئەم حكومەتە و نەدانی مووچە، بۆیە سەرباری ئەوەی ئایا ھەواڵی سەرھەڵدانەوەی كۆرونا ڕاستە یا نە ھیوادارم ھاووڵاتیان تێگەیشتبێتن، كە ئەم پەتایە لە ھەموو جیهان دا هێشتا ماوە و چارەسەری نەدۆزراوەتەوە، بۆیە تكام وایە لەبەر تەندروستی خۆیان پابەند بە ڕێنماییەكانی خۆپاراستن بن”.

بەردەوام بە لە خوێندنەوە

کوردستان

“دوو حاڵەت باری تەندروستیان ناجێگیرە”
سلێمانی، تۆماركردنی حاڵەتی گیانلەدەستدان بەهۆی كۆرۆناوە ڕەتدەكرێتەوە


خەڵك- بەشی هەواڵ
وتەبێژی بەڕێوەبەرایەتی تەندروستی سلێمانی ڕەتیدەكاتەوە هیچ حاڵەتێكی گیانلەدەستدان بەهۆی ڤایرۆسی كۆرۆنا لەماوەی 24 كاتژمێری ڕابردوو لە سلێمانی تۆماركرابێت، ئاماژە بە بوونی دوو حاڵەتیش دەكات كە “باری تەندروستییان ناجێگیرە”.

یاد نەقشبەندی، وتەبێژی بەڕێوەبەرایەتی تەندروستی سلێمانی بە (خەڵك)ی ڕاگەیاند:”لەماوەی 24 كاتژمێری ڕابردوو، تائێستا هیچ حاڵەتێكی گیانلەدەستدان بەهۆی ڤایرۆسی كۆرۆناوە لە پارێزگەی سلێمانی تۆمارنەكراوە، بەڵام دوو حاڵەت باری تەندروستییان ناجێگیرە و لەژێر چاودێری وردی پزیشكیدان، وێڕای بوونی 40 حاڵەت كە نیشانەی قورسی ڤایرۆسەكەیان هەیە”.

بە وتەی یاد نەقشبەندی:”تا ئەم ساتە هیچ حاڵەتێكی گیانلەدەستدان لە شاری سلێمانی بەهۆی ڤایرۆسی كۆرۆنا تۆمارنەكراوە، لەگەڵ ئەمەشدا چەندان حاڵەت هەن كە لە قاوشەكان داخڵ دەكرێن و ڕەنگە بە مانەوەیان نەخۆشییەكەیان بەرەو خراپبوون بڕوات، بەڵام هەر حاڵەتێك گەر گیانلەدەستبدات و گومانی لەسەر بێت، پشكینی بۆ دەكرێت”.

سەرلەئێوارەی ئەمڕۆ لە چەند میدیایەكی عیراقیدا ئاماژە بە تۆماركردنی چەند حاڵەتێكی تووشبوونی نوێ‌ بە ڤایرۆسی كۆرۆنا و تۆماركردنی حاڵەتێكی گیانلەدەستدانیش كرابوو لە پارێزگەی سلێمانی بەهۆی ڤایرۆسەكە.

بەردەوام بە لە خوێندنەوە

کوردستان