ئێمە لە تۆرە کۆمەڵایەتیەکان

جیهانی

“خامێس” سه‌رۆکی ڕیاڵ مه‌دریدی توشی سه‌رئێشه‌ کردووه‌ و هازارد ماڵئاوایی به‌ یاریزانێکی تر ده‌کات !

خه‌ڵک سپۆرت

ئیداره‌ی یانه‌ی ڕیاڵ مه‌دریدی ئیسپانی هه‌موو هه‌وڵێک ده‌دات تا له‌گواستنه‌وه‌ی جه‌یمس ڕۆدریگێزی کۆڵۆمبی سودمه‌ند بێت، به‌ڵام تا ئه‌م ساته‌ بۆنده‌کان به‌وشێوه‌یه‌ نه‌بوون که‌ چاوه‌ڕوان ده‌کران.

پۆرتاڵی “دۆن بالۆن”ی ئیسپانی بڵاویکردۆته‌وه‌، له‌چه‌ند هه‌فته‌ی ڕابردوودا دوو یانه‌ی گه‌وره‌ داواکاری تواناکانی جه‌یمس ڕۆدریگێزی کۆڵۆمبی بوون، ئه‌وانیش یانه‌کانی ناپۆلی ئیتاڵی و ئه‌تله‌تیکۆ مه‌دریدی ئیسپانین، به‌ڵام کێشه‌کان لێره‌وه‌ سه‌رهه‌ڵده‌ده‌ن…

فلۆرنتینۆ پێرێزی سه‌رۆکی یانه‌ی ڕیاڵ مه‌درید له‌پاش مارکۆس یۆرێنتی نایه‌وێت یاریزانێکی گه‌وره‌یتر ئاڕاسته‌ی یانه‌ی ئه‌تله‌تیکۆ مه‌دریدی ڕکابه‌ری بکات، له‌به‌رامبه‌ردا نوێنه‌رانی ئه‌تله‌تی ئاماده‌ییان نیشانداوه‌ بڕی ٤٠ ملیۆن یورۆ بۆ گواستنه‌وه‌ی پێشکه‌ش بکه‌ن به‌شێوه‌ی هه‌میشه‌یی.

له‌ ئیتاڵیاشه‌وه‌ یانه‌ی ناپۆلی له‌سه‌ر ڕاسپارده‌ی کارلۆ ئه‌نچلۆتی به‌هه‌مان شێوه‌ داواکاری یاریزانه‌ کۆڵۆمبیه‌که‌ن، به‌ڵام ئه‌م یانه‌یه‌ ئاماده‌نییه‌ ٤٠ ملیۆن پێشکه‌ش بکات، به‌ڵکو ده‌یانه‌وێت گواستنه‌وه‌ی به‌شێوه‌ی خواستن ئیمزا بکه‌ن له‌گه‌ڵ به‌ده‌ستهێنانی مافی گواستنه‌وه‌ی هه‌میشه‌یی له‌ وه‌رزی داهاتوو، ئه‌وه‌ش ئه‌و هه‌نگاوه‌یه‌ که‌ پێرێز و هاوه‌ڵانی نایانه‌وێت ئه‌نجامی بده‌ن.

هه‌مان سه‌رچاوه‌ ئاشکرای کردووه‌، ژماره‌ حه‌وت که‌ تایبه‌ت بووه‌ به‌ کریستیانۆ ڕۆناڵدۆی پورتوگالی به‌شێوه‌یه‌کی فه‌رمی بۆ ئیدین هازاردی به‌لجیکی ته‌رخان کراوه‌، له‌کاتێکدا ژماره‌ (١٠) تایبه‌ته‌ به‌ لوکا مۆدریچ، ئه‌وه‌ش ده‌ریده‌خات که‌ ئیداره‌ی یانه‌ بیر له‌ فرۆشتنی ماریانۆ دیاز ده‌کاته‌وه‌ و ئه‌گه‌ر زۆره‌ له‌ماوه‌ی چه‌ند هه‌فته‌ی داهاتوودا ئه‌و گواستنه‌ویه‌ه‌ش ئه‌نجام بدرێت.

جیهانی

مانچسته‌ر یونایتد و به‌رشلۆنه‌ چاویان له‌ ئه‌ندازیاری سه‌رکه‌وتنه‌کانی پاریس سانت جێرمانه‌ !

خه‌ڵک سپۆرت

ئیداره‌ی یانه‌کانی مانچسته‌ر یونایتدی ئینگلیزی و به‌رشلۆنه‌ی ئیسپانی چاویان بڕیوه‌ته‌ تواناکانی تۆماس توخێلی ڕاهێنه‌ری یانه‌ی پاریس سانت جێرمان.

ڕۆژنامه‌ی “لو ١٠ سپۆرت”ی فه‌ره‌نسی له‌زاری چه‌ندین سه‌رچاوه‌ی تایبه‌ته‌وه‌ ئاشکرای کردووه‌، ئۆلی گۆنار سۆڵشایه‌ری نه‌رویجی ڕاهێنه‌ری یانه‌ی مانچسته‌ر یونایتد له‌ ئاست خه‌ونه‌کانی هانده‌رانی ڕێد دێڤلز و سه‌رۆکایه‌تی یانه‌دا نه‌بووه‌‌، به‌ڵکو له‌دوای جوزێ مۆرینیۆ پاڵپێوه‌نه‌رێکی به‌هێزبووه‌ بۆ گه‌ڕانه‌وه‌ سه‌ر ئه‌نجامه‌ باشه‌کان و له‌گه‌ڵ تێپه‌ڕینی کاتدا به‌شێوه‌یه‌کی مه‌ترسیدار گه‌ڕاوه‌ته‌وه‌ سه‌ر ئه‌نجامه‌ نه‌خوازراوه‌کان.

سه‌رچاوه‌کان جه‌ختیان کردۆته‌وه‌، ئید ودوارد و هاوه‌ڵانی له‌ ئیداره‌ی یونایتد ئه‌م وه‌رزه‌ بۆ سۆڵشایه‌ر هاوشێوه‌ی کۆتا وه‌رزی تاقیکردنه‌وه‌کان هه‌ژمار ده‌که‌ن، ئه‌گه‌ر ئه‌نجامه‌ باشه‌کانی سه‌رده‌می زێڕین نه‌گێڕێته‌وه‌ ئه‌وا ڕاسته‌وخۆ دووری ده‌خه‌نه‌وه‌ و وه‌ک شوێنگره‌وه‌ش ته‌نها تۆماس توخێلی ڕاهێنه‌ری یانه‌ی پاریس سانت جێرمانیان ده‌ستنیشان کردووه‌، ئه‌م راهێنه‌ره‌ ئه‌ڵمانیه‌ش له‌ ساڵی ٢٠٢١ بۆنده‌که‌ی کۆتایی دێت و چه‌ند جارێک ئیمزاکردنی له‌سه‌ر گرێبه‌ستی نوێ له‌گه‌ڵ پاریس سانت جێرمان ڕه‌تکردۆته‌وه‌، واتا گواستنه‌وه‌ی بۆ یونایتد بابه‌تێکی ئاڵۆز و دوور نییه‌.

“ده‌یلی مه‌یڵ”ی به‌ریتانی له‌م باره‌یه‌وه‌ نوسیویه‌تی، یونایتد له‌ خه‌ونه‌کانی بۆ گواستنه‌وه‌ی تۆماس توخێل ته‌نها نییه‌، به‌ڵکو به‌هه‌مان شێوه‌ ئیداره‌ی یانه‌ی به‌رشلۆنه‌ی ئیسپانی بیریان له‌ دوورخستنه‌وه‌ی ئێرنێستۆ ڤاڵڤێردی کردووه‌ و خه‌ون ده‌بینن له‌حاڵه‌تێکی هاوشێوه‌دا توخێل بگوێزنه‌وه‌ بۆ “کامپ نو”.

بەردەوام بە لە خوێندنەوە

جیهانی

ڤینگه‌ر له‌ڕێگه‌ی (فیفا)وه‌ ده‌گه‌ڕێته‌وه‌ و چاوه‌ڕوانی هه‌لێکی مێژوویی ده‌کات !

خه‌ڵک سپۆرت

ئارسن ڤینگه‌ر ڕاهێنه‌ری ئه‌فسانه‌یی یانه‌ی ئارسیناڵ له‌گه‌ڵ یه‌کێتی تۆپی پێی جیهان بۆ پڕکردنه‌وه‌ی پێگه‌یه‌کی کارگێڕی ڕێکه‌وتووه‌ تا ئه‌وکاته‌ی هه‌لێکی مێژوویی پێده‌گات.

ڕۆژنامه‌ی “ده‌یلی میره‌ر”ی به‌ریتانی ئاشکرای کردووه‌، له‌ماوه‌ی چه‌ند هه‌فته‌ی ڕابردوودا ئارسن ڤینگه‌ری ڕاهێنه‌ری پێشووی یانه‌ی ئارسیناڵ به‌ (به‌ڵێ) وه‌ڵامی یه‌کێتی تۆپی پێی جیهانی داوه‌ته‌وه‌ سه‌باره‌ت به‌ وه‌رگرتنی پۆستێکی کارگێڕی له‌ یه‌کێتیه‌که‌، به‌ڵام جه‌ختی له‌وه‌ کردۆته‌وه‌ که‌ کاره‌کانی به‌شێوه‌ی کاتیی به‌ڕێده‌کات.

ڕۆژنامه‌که‌ ئاماژه‌ی کردووه‌، ڤینگه‌ر له‌دوای دوورکه‌وتنه‌وه‌ی له‌ ئارسیناڵ بڕیاریدا وه‌رزێک بحه‌وێته‌وه‌ و له‌دوای حه‌وانه‌وه‌ به‌رده‌وام له‌چاوه‌ڕوانی ئۆفه‌رێکی نوێدا بووه‌، له‌م باره‌یه‌وه‌ به‌ میدیاکانی ڕاگه‌یاندووه‌ :” ئه‌گه‌ر بێتو له‌ نێو لاکێشه‌ی سه‌وزدا ئۆفه‌رێکی گونجاوم به‌ده‌ستبگات ده‌گه‌ڕێمه‌وه‌، هێشتا بڕیارم نه‌داوه‌ له‌ بواری ڕاهێنان دووربکه‌ومه‌وه‌”.

شاره‌زایانی تۆپی پێ پێیان وایه‌ له‌م سه‌رده‌مه‌ نوێیه‌ی تۆپی پێدا مه‌حاڵه‌ ڤینگه‌ری ئه‌فسانه‌ی گانه‌رز ئه‌و ئۆفه‌ره‌ مێژووییه‌ی له‌ یانه‌یه‌کی مه‌زنه‌وه‌ پێبگات به‌و شێوه‌یه‌ی که‌ خودی خۆی چاوه‌ڕوانی ده‌کات، بۆیه‌ هه‌موو ئه‌گه‌ره‌کان به‌و ئاڕاسته‌یه‌ن له‌ پۆسته‌ کارگێڕیه‌که‌ی فیفا به‌رده‌وام بێت و به‌ دووریش نازانرێت وه‌ک کادرێکی کارگێڕی بگه‌ڕێته‌وه‌ بۆ ئارسیناڵ.

بەردەوام بە لە خوێندنەوە

جیهانی

چوار خاڵی هونه‌ری هه‌فته‌ی لالیگا

خه‌ڵک سپۆرت – هه‌وراز كاوه‌
گه‌ڕانه‌وه‌ی میسی:
دوای چوار یاریی ڤالڤێردی بریاره‌ له‌ سه‌ره‌تاوه‌ یاریی به‌ میسی بكات، تا به‌ ته‌واوی زه‌بتی هێڵی هێرش و زه‌مانی جێبه‌جێكردنی پلانه‌كانی بكات، هه‌روه‌ها جاری یه‌كه‌م ده‌بێت له‌گه‌ڵ دیمبڵی پێكه‌وه‌ یارییان پێ‌ بكات بۆ ئه‌وه‌ی به‌ تێكهه‌ڵكێشكردنی له‌گه‌ڵ فاتی و گریزمان و سوارێز سیانه‌ی پێشه‌وه‌ ته‌واو بكات و ركابه‌ری كۆتایی تیپه‌كه‌ وه‌كو گۆڵكارانی ئه‌م وه‌رزه‌ ده‌ربكه‌ون.

ده‌ركردنی زێدان:
دوای یارییه‌كه‌ی پاریس تاڕاده‌یه‌ك ده‌ركه‌وت زێدان تیپێكی بێ‌ پلان و عه‌شوایی هه‌یه‌، هه‌روه‌ها ڕێكنه‌خستنی ته‌كتیكی تیپه‌كه‌ و ترسان له‌ یاریكرن به‌ ستاره‌ تازه‌كان كێشه‌ی سه‌ره‌كی زیزۆن، بۆیه‌ له‌ ئه‌گه‌ری شكستی ئه‌مشه‌وی به‌ ئیشبیلیا كه‌ چواری یاریی پێشوویان له‌سه‌ر خاكی ئه‌و تیپه‌ نه‌بردۆته‌وه‌، ره‌نگه‌ ڕووداوی له‌ ناوكاو دروست بكات بۆ ڕیاڵ و زێدان دوور بخرێته‌وه‌.

ركابه‌ری گۆڵكاران:
به‌ گه‌ڕانه‌وه‌ی میسی خێرایی زیاتر ده‌دات به‌ ركابه‌ری گۆڵكارانی لالیگا و ده‌بێت به‌ ته‌واوی هه‌وڵی خۆی بخاته‌كار بۆ ئه‌وه‌ی گۆڵكاری لالیگا جێرارد مۆرینهۆ كه‌ پێنچ گۆڵ و بنزیما به‌ سێ‌ گۆڵ دووه‌می خانه‌كه‌ی گرتووه‌ بگرێته‌وه‌، كه‌ ئه‌مه‌ش ركابه‌ریه‌كی قورس و گه‌رم له‌ سه‌ره‌تای وه‌رزه‌وه‌ ده‌ستپێده‌كات، كه‌ ئه‌م هه‌فته‌یه‌ ده‌رده‌كه‌وێت و ئه‌وانیش نایه‌ڵن میسی به‌ ئاسانی بگات پێیان.

ده‌رفه‌تێكی دیكه‌ بۆ ئه‌تله‌تیكۆ مه‌درید:
گرنگی ئه‌م دوو رۆژه‌ی لالیگا و به‌هێزیه‌كه‌ی له‌وه‌وه‌ سه‌رچاوه‌ی گرتووه‌، له‌ ئه‌گه‌ری شكستی ئیشبلیا ئه‌وه‌ ئه‌تله‌تی به‌ بردنه‌وه‌ ده‌چێته‌ خانه‌ی یه‌كه‌می، هه‌روه‌ها بردنه‌وه‌ی ریاڵیش ده‌یخاته‌ سه‌ره‌وه‌ و زیاتر پێمان ده‌ڵێت: كه‌ دواتر كلاسیكۆ دوو خانه‌كه‌ی ریال و به‌رشه‌ یه‌كلا ده‌كاته‌وه‌، بۆیه‌ ئه‌مشه‌ و سبه‌ی ئه‌م گۆڕانكاریانه‌ زۆرترین چێژی بۆ یارییه‌كانی ئیسپانیا ده‌بێت و گۆرانكاری له‌ پله‌ی یه‌كه‌می به‌شێوه‌ی كاتی ده‌بێته‌ به‌زم.

بەردەوام بە لە خوێندنەوە

کوردستان