ئێمە لە تۆرە کۆمەڵایەتیەکان

ئابوری

غالب محەمەد: بە ڕێكەوت دوێنێ‌ موچەی فەرمانبەرانی هەرێم نەبڕدرا

خەڵك- بەشی هەواڵ

غالب محەمەد، ئەندامی پەڕلەمانی عیراق لە فڕاكسیۆنی گۆڕان ڕایگەیاند، دوێنێ‌ بە ڕێكەوت “سوتفە” موچەی فەرمانبەرانی هەرێم نەبڕدراوە و مەترسی زۆری لەسەرە ببڕێت، چونكە حكومەتی هەرێم پابەند نابێت بە جێبەجێ‌ كردنی چەند ڕێككەوتن و بڕیارێكەوە.

ناوبراو بۆ (خەڵك) ئاماژەی بەوەكرد، لە كۆبوونەوەی دوێنێی پەڕلەماندا تەنها 49 پەڕلەمانتار لەگەڵ ئەوەبوون، بەرامبەر بە ڕادەستنەكردنی نەوت، موچەی فەرمانبەران ڕابگیرێت.

وتیشی”پێش ئەوە نزیكەی 25 پەڕلەمانتار چوونە دەرەوەی هۆڵەكە و ژمارەیەكی دیكەش لەوێو نەبوون، ئەگینا دەستكاری یاساكە دەكرا و مەترسی بۆ سەر موچە دروست دەبوو”.

لە كۆبوونەوەی دوێنێی پەڕلەمانی عیراقدا گفتووگۆ لەسەر پابەندنەبوونی حكومەتی هەرێم كرا بە ڕێككەوتن لەگەڵ بەغدا و پابەندنەبوون بە ڕادەستكردنی نەوتەوە.

ئەو پەڕلەمانتارە باسی لەوەشكرد، ئەگەر حكومەتی هەرێم هەوڵی جدی نەدات و نەوتەكە ڕادەستنەكات، دژایەتی زۆر بۆ موچە و پشكی هەرێم دروست دەبێت و ئەوكاتە بەرپرسیارەتی دەكەوێتە ئەستۆی هەموو حزبەكانی بەشدار لە حكومەتی هەرێم.

سەبارەت بە چارەنووسی موچە لە ساڵی داهاتوودا ناوبراو وتی”ئیش بەم شێوەیەی ئێستا ناڕوات، حكومەتی هەرێم ساڵانە نزیكەی 5 ترلیۆن دینار لە عیراق وەردەگرێت و یەك دینار بۆ سەر بودجەی گشتی لە بەغدا زیادناكات، هەر 58 پەڕلەمانتارەكەی كورد بێنە دەرەوە و هەڵوێست وەربگرن بۆ ساڵی داهاتوو، بەبێ‌ ڕادەستكردنی نەوت و داهات، موچەی فەرمانبەران بەم شێوەی ئێستا نانێردرێت”.

مانگانە حكومەتی عیراق 453 ملیار دینار بۆ موچەی فەرمانبەرانی هەرێمی كوردستان دەنێرێت، بەڵام تائێستا حكومەتی هەرێم موچەی سێ‌ مانگی ئەمساڵی نەداوە بە فەرمانبەران.

ئابوری

ئەمڕۆ مووچەی ئەم شوێنانە دابەش دەكرێت

خەڵك- بەشی هەواڵ

بڕیارە ئەمڕۆ چوارشەممە مووچەی وەزارەتی كار و كاروباری كۆمەڵایەتی و خاوەن پێداویستی تایبەت دابەش بكرێت.

بەپێی خشتەیەك كە پێشتر بڵاوكراوەتەوە، ئەمڕۆ مووچەی مانگی تەمموزی هەریەك لە كارمەندانی وەزارەتی كار و كاروباری كۆمەڵایەتی و خاوەن پێداویستی تایبەت دابەش دەكرێت.

دابەشكردنی مووچەی مانگی تەمموز لەكاتێكدایە كە لەمساڵدا مووچەی سێ‌ مانگ بە نادیاری ماوەتەوە.

بەردەوام بە لە خوێندنەوە

ئابوری

ئاگادارییەك بۆ مامۆستایانی گرێبەست

خەڵك- بەشی هەواڵ
بەڕێوەبەرێتی پەروەردەی قەرەداغ ئاگاداری مامۆستایانی گرێبەست دەكاتەوە، سبەینێ‌ سەردانیان بكەن بۆ نوێ‌ كردنەوەی گرێبەستەكانیان.

بەڕێوەبەرێتی پەروەردەی قەرەداغ لە ئاگادارییەكدا، كە وێنەی دراوە بە (خەڵك) ئاماژەی بەوەكردووە، “ئاگاداری ئەو مامۆستا بەڕێزانە دەكەینەوە، كە ناویان لە لیستی ھاوپێچدا ھاتووە سبەینێ چوار شەممە ڕێكەوتی ١٦-١٠-٢٠١٩ سەردانی دیوانی پەروەردەی قەرەداغ بكەن بە مەبەستی نوێكردنەوەی گرێبەستەكانیان”.

ڕاشیگەیاندووە، پێویستە بۆ نوێكردنەوەی گرێبەستەكانیان وێنەیەك (ئیستینساخ) لە پێناسی باری شارستانی یان كارتی نیشتمانی لەگەڵ خۆیان بهێنن.

بەردەوام بە لە خوێندنەوە

ئابوری

تەمەنی خانەنشینی فەرمانبەران كەمدەكرێتەوە
(خەڵك) زانیاری نوێ‌ لەسەر یاسای خانەنشینی ئاشكرادەكات

خەڵك- بەشی هەواڵ
شانەی بەدواداچوونی حكومی لە حكومەتی فیدڕاڵ ڕایدەگەیەنێت، ئەنجوومەنی وەزیران پێشنیاری هەمواری یاسای خانەنشینی لەڕووی تەمەنەوە بەرزكردۆتەوە، تا تەمەنی یاسایی خانەشینی بۆ پیاوان و ژنان بكرێتە 60 ساڵ، ئەندامێكی لیژنەی دارایی پەڕلەمانی عیراقیش، لایەنە ئەرێنی و نەرێنییەكانی ئاشكرا دەكات.

شیروان میرزا، ئەندامی لیژنەی دارایی لە پەڕلەمانی عیراق لە لێدوانێكیدا بۆ (خەڵك) ڕایگەیاند، “بەپێی یاسای خانەنشینی یەكگرتوو لە عیراق، تەمەنی یاسایی خانەشینی 63 ساڵە، هەر فەرمانبەرێك تەمەنی بگاتە 63 ساڵ لەلایەن حكومەتەوە خانەنشین دەكرێت، هەروەها لەسەرو 50 ساڵیشەوە، فەرمانبەر ئەگەر خزمەتی 15 ساڵی هەبێت دەتوانێت داوای خانەنشینی بكات بۆخۆی، واتا لە 63 ساڵیدا ناچارییە و لە سەروو تەمەنی 50 ساڵیش ئارەزوومەندانەیە، بەڵام جیاوازی لەو مووچەیە هەیە، كە وەریدەگرن”.

بە وتەی ئەندامەكەی لیژنەی دارایی پەڕلەمانی عیراق، “پێشنیاری هەهواركردنی یاساكە بۆ كەمكردنەوەی تەمەنی خانەنشین بوون بۆ 60 ساڵ، لێكەوتەی ئابوری هەیە، بەو پێیەی بارگرانی لەسەر دەزگای خانەنشینی زیاد دەكات، تەمەنی خزمەتی هاووڵاتی بۆ حكومەت كەمدەكاتەوە، بەو پێیەی هاووڵاتی كاتێك لە تەمەنی 23 ساڵیدا دادەمەزرێت و لە تەمەنی 63 ساڵیدا خانەنشین دەكرێت، ئەو كاتە 37 ساڵ خزمەت دەكات، ئەمەش وادەكات خانەنشین زیاد ببێت و لە هەمان كاتدا خزمەت كەمدەبێتەوە، بۆیە بارگرانی لەسەر حكومەت و دەزگای خانەنشینی زیاد دەكات”.

شیروان میرزا دەڵێت: “هەرچەندە سندوقی دراوی نێودەوڵەتیش سەرنجی لەسەر ئەم پێشنیارە هەیە، بەڵام گەر حكومەت بەرنامەی هەبێت لەجێی خانەنشینەكان كەسانی نوێ‌ دابمەزرێنێت، وەك هەوڵێك بۆ كەمكردنەوەی ڕێژەی بێكاری لە وڵات، ئەوا پێدەچێت پێشنیاری هەمواری یاسای خانەنشینی لەلایەن پەڕلەمانەوە دەنگی لەسەر بدرێت و پەسەند بكرێت”.

هاوكات بەپێی زانیارییەكانی (خەڵك) لە پڕۆژە هەمواری یاسای خانەنشینی یەكگرتووی عیراق پێشنیار كراوە كەمترین مووچەی خانەنشینی 600 هەزار دینار بێت.

بەردەوام بە لە خوێندنەوە

کوردستان