ئێمە لە تۆرە کۆمەڵایەتیەکان

کوردستان

كابینەی نوێ گەرمیان بێبەشدەكات

خەڵك- بەشی هەواڵ

هیچ یەكێك لە یەكێتی، پارتی و گۆڕان نوێنەری خەڵكی ناوچەی گەرمیانیان نەناردووەتە ناوەندی بڕیاری حكومەت و سەرۆكایەتییەكان و ئەوەش نیگەرانی خەڵكی ناوچەكە و ڕێكخراوەكانی كۆمەڵگەی مەدەنی لێكەوتووەتەوە.

ژمارەیەك ڕۆشنبیر و ڕۆژنامەنووسی سنورەكە بە (خەڵك)یان ڕاگەیاند، دیارینەكردنی هیچ یەكێك لە نوێنەرانی گەرمیان وەك كاندیدی حزبەكان بۆ حكومەت و سەرۆكایەتییەكان پەیوەندی بە ململانێی ناو حزبەكان و كوتلەكانەوە هەبووە.

بەپێی قسەی ئەو كەسانە ڕەچاوی باڵانس لە نێوان ناوچەكاندا نەكراوە و تەنها یەك وەزیر خەڵكی گەرمیانە، كە ئەویش هیچ كاتێك لە ناوچەكەدا نەژیاوە.

دوێنێ‌ دووشەممە، هەریەك لە بزوتنەوەی گۆڕان و یەكێتی و پارتی ناوی كاندیدەكانیان بۆ حكومەت و سەرۆكایەتییەكانی هەرێم و پەڕلەمان ئاشكراكرد، كە تەنها ئارامی حەمەی مینا، لە بنەڕەتدا خەڵكی كەلارە و كاندیدە بۆ وەزیری خوێندنی باڵا، كە ئەویش هیچ كاتێك لە كەلاردا نەژیاوە.

بە بڕوای ئەو ڕۆژنامەنووس و ڕۆشنبیرانە كاندیدنەكردنی خەڵكی ناوچەكە بۆ وەزیر و بەرپرسی باڵا كاریگەری لەسەر جێبەجێ‌ كردنی پڕۆژە و بەرنامەكانی حكومەت لە ناوچەكەدا دەبێت، بەتایبەتی هیچ یەكێك لە وەزیر و بەرپرسەكان لە نزیكەوە ئاگاداری دۆخی ناوچەكە نین.

شارۆچكەی كفری لە ئیدارەی گەرمیان

(خەڵك) بۆ وەرگرتنی بۆچونی سەرپەرشتیاری ئیدارەی گەرمیان چەندجارێك پەیوەندی بە سەڵاح كوێخاوە كرد، بەڵام وەڵامی پەیوەندییەكانی نەدایەوە.
دانەنانی هیچ بەرپرسێكی گەرمیان لە پۆستەكاندا لەكاتێكدایە كە هەریەك لە شارەكانی هەولێر، دهۆك، سلێمانی و هەڵەبجە بەپێی سنوری جوگرافی وەزیر و بەرپرسیان بۆ دانراوە لە ناوەندی بڕیاری حكومەت و سەرۆكایەتییەكاندا.

ئیدارەی گەرمیان لە دوای ڕوخانی رژێمی پێشووی عیراقەوە بە ئەمری واقیع بووە بە نیمچە پارێزگایەك و ئیدارەیەكی سەربەخۆی هەیە، بەڵام تائێستا بەفەرمی وەك پارێزگا مامەڵەی لەگەڵ ناكرێت، هەرچەندە لە ڕووی ستراتیژی و ئابورییەوە یەكێكە لە ناوچەكە هەرە گرنگەكانی باشوری كوردستان.

کوردستان

کەرنەڤاڵێکی شیعری لەسەر ئارامگەی شێركۆ بێكەس ئەنجامدەدرێت

خەڵک – بەشی هەواڵ

 

بڕیارە دوو شەممەی داهاتوو کەرنەڤاڵێکی شیعریی لەسەر ئارامگەی شێركۆ بێكەس لە پاركی ئازادیی لەسلێمانی ئەنجامبدرێت.

 

لەژێر ناونیشانی  (با شیعر بکەینە سەنگەری بەرگری) ڕێکخراوی نوێگەر بۆ گەشەپێدانی هونەری کەرنەڤاڵێکی شیعری لەسەر ئارامگەی شێركۆ بێكەس لە پاركی ئازادیی لەسلێمانی ڕێکدەخات.

 

کەرنەڤاڵەکە لە ڕۆژی ۱۰ی۸ی۲۰۲۰ دووشەممە، کاتژمێر ٦ی ئێوارە ئەنجامدەدرێت

 

لەکەرنەڤاڵە شیعیرییەکەدا هەریەک لەم شاعیرانەى خوارەوە بەشداری دەکەن:

بەندی عەلی
ڕۆژ هەڵەبجەیی
فاتیح سەلام
سروە عوسمان
سەردار قادر
هەڵاڵە شەوکەت لهۆنی
هاوشان عەزیز
ڕەوەند ساڵح
مەریوان قەرەداغی

بەردەوام بە لە خوێندنەوە

کوردستان

ڤیدیۆ؛ توركیا دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە

خەڵك – بەشی هەواڵ
ئەمڕۆ هەینی سوپای توركیا لە ڕێی هەژماری فەرمی خۆیەوە لە تویتەر، دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە.

توركیا هاوكات لەگەڵ هێرشەكانی بۆ سەر هەرێمی كوردستان، لە باكوور و ڕۆژئاوای كوردستانیش هێرش و ئۆپەراسیۆنی سەربازیی ئەنجام دەدات.

ئەمڕۆ وەزارەتی بەرگری توركیا بانگەشەی ئەوەی كردووە كە لە ماوەی 24 كاتژمێری ڕابردوودا 17 گەریلای پەكەكەیان كردووەتە ئامانج، بەڵام پەكەكە ئەو زانیارییانەی پشتڕاست نەكردووەتەوە.

بڵاوكردنەوەی دیمەنە ڤیدیۆییەكەش هاوكاتە لەگەڵ بۆردومانەكەی ئەمڕۆی فڕۆكە جەنگییەكانی سوپای توركیا بۆ سەر گوندی قامیشی سەر بە شارۆچكەی ماوەت لە سنووری ناوچەی شارباژێڕی سلێمانی.

بەردەوام بە لە خوێندنەوە

کوردستان

فڕۆكە جەنگییەكانی توركیا ناوچەی شارباژێڕیان بۆردومان كرد

خەڵك – بەشی هەواڵ
ئەمڕۆ هەینی فڕۆكە جەنگییەكانی توركیا چەند گوندی قامیشی سەر بە ناوچەی شارباژێڕی سلێمانییان بۆردومان كرد.

بە پێی زانیارییە سەرەتاییەكان بۆردومانەكە بووەتە هۆی ئاگركەوتنەوە لە ناوچەكە، بەڵام ئەگەری بوونی زیانی گیانی لەو هێرشەدا نەزانراوە.

سوپای توركیا چەند ناوچەیەكی سنووری شارباژێڕی سلێمانییان وەك سنووری چالاكی پەكەكە دەستنیشان كردووە و ناوبەناو بەو بیانووە بۆردومانی دەكەن.

بەردەوام بە لە خوێندنەوە

کوردستان