ئێمە لە تۆرە کۆمەڵایەتیەکان

کوردستان

شەڕ لەنێو یەكێتیدا لەسەر پۆستێكی دیكە دەستپێدەكات

خەڵك- بەشی هەواڵ

پۆستی بریكاری وەزارەتی ناوخۆ بەر یەكێتی نیشتیمانی كوردستان كەوتووە و چەند كەسێك دەیانەوێت ئەو پۆستە وەربگرن، بەڵام تائێستا بڕیاری كۆتایی لەسەر نەدراوە و پەیوەست كراوە بە چەند پۆستێكی دیكەوە.

سەرچاوەیەكی ئاگادار لە نێو یەكێتی نیشتیمانی كوردستانەوە بە (خەڵك)ی ڕاگەیاند، هەریەك لە جەلال شێخ كەریم، بریكاری وەزارەتی ناوخۆ و چەتۆ ساڵح، بەڕێوەبەری پێشووی پۆلیسی گەرمیان دەیانەوێت ئەو پۆستە وەربگرن.

سەرچاوەكە كە ناوەكەی لای (خەڵك) پارێزراوە ڕونیكردەوە، بێجگە لەو كەسانە چەند ئەفسەرێكی دیكەش دەیانەوێت ئەو پۆستە وەربگرن، بەڵام چانسی ئەو دوو كەسە زیاترە، چونكە هەریەكە و لەلایەن باڵێكی یەكێتییەوە پشتیوانی دەكرێت.

جەلال شێخ كەریم، بریكاری وەزارەتی ناوخۆی حكومەتی هەرێمی كورستان بە (خەڵك)ی ڕاگەیاند، ئەو پۆستە لەلایەن لیژنەیەك لە یەكێتییەوە بڕیاری لێدەدرێت و تائێستاش بڕیاری كۆتایی نەدراوە.

وتیشی”هێشتا یەكلایی نەبووەتەوە من دەبمەوە بە بریكار یان نا، چونكە بێجگە لە بریكار، تائێستا بەڕێوەبەرە گشتییەكانیش بڕیاریان لێنەدراوە”.

جەلال شێخ كەریم ماوەی سێ‌ خولە بریكاری وەزارەتی ناوخۆی حكومەتی هەرێمی كوردستانە و زیاتر كاروباری ناوخۆ لە سنوری ئیدارەی پێشووی سلێمانییدا بەریَِوەدەبات.

(خەڵك) چەندجارێك پەیوەندی بە چەتۆ ساڵحەوە كرد، بەڵام موبایلەكەی داخرابوو.

کوردستان

وەزارەتی پەروەردە ناو و وێنەی خوێندكارە یەكەمەكەی ئاستی هەرێم لە پۆلی 12ی زانستی بڵاوكردەوە

خەڵك – بەشی هەواڵ

دوای ڕاگەیاندنی ئەنجامی كۆتایی پۆلی 12 وەزارەتی پەرەوەردە لە ڕاگەیەنراوێكدا ناوی ئەو خوێندكارەی ڕاگەیاند كە لەسەر ئاستی هەرێمی كوردستان لە بەشی زانستی پلەی یەكەمی بەدەستهێناوە.

بەپێی ڕاگەیەنراوەكەی وەزارەتی پەروەردە، خوێندكارە یەكەمەكەی پۆلی 12ی زانستی لە هەرێم ناوی (پەیام سەردار حەسەن سرێشمەیی)ە و دانیشتووی شارەدێی سۆرانە و خوێندكاری خوێندنگای دواڕۆژی ناحكومیە لەو شارۆچكەیە.

 

دەقی ڕاگەیەنراوەكە:

وەزارەتی پەروەردە:

نە مامۆستای تایبەت و نە خەرجی زۆر، تەنھا بە ھێز و ئیرادەی پتەوی خۆیی و بە پشتیوانی خێزانەكەی كە ، توانی بەرزترین نمرە لەسەر ئاستی ھەرێمی كوردستان بەدەست بێنێت لە پۆلی ١٢ ی زانستی.

یاخوا پیرۆزت بێت پەیام گیان، جێگای شانازی بۆ ئێمە و ئاوایی.

وێنە – پەیام سەردار حەسەن سرێشمەیی- یەكەمی سەرئاستی ھەرێم لە پۆلی ١٢ ی زانستی.

جێگای خۆیەتی سوپاس و دەستخۆشی بنێرین بۆ بەڕێوەبەر و مامۆستایانی قوتابخانەی دواڕۆژی ناحكومی لە شاری سۆران،ھیوادارین ھەمیشە وا پێشەنگ بن.

بەردەوام بە لە خوێندنەوە

کوردستان

ئەنجامی تاقیكردنەوەی 12ی ئامادەیی ڕاگەیەنرا

خەڵك- بەشی هەواڵ
وەزیری پەروەردەی حكومەتی هەرێمی كوردستان بە فەرمی ئەنجامی تاقیكردنەوەی 12ی ئامادەیی بە هەموو بەشەكانەوە ڕاگەیاند.

ئالان حەمەسەعید، وەزیری پەروەردەی حكومەتی هەرێم لە كۆنگرەیەكی ڕۆژنامەوانیدا ئەنجامی تاقیكردنەوەكانی ڕاگەیاند و جەختیشی كردەوە، كە قەرەبووی خوێندكاران دەكرێتەوە، نەك بەهۆی بوونی هەڵە لە تاقیكردنەوەكان، بەڵكو بەهۆی ئەوەی هەندێك پرسیار زیاتر لە وەڵامێكی بۆ دەبێت.

ئاشكراشی كرد، كە خوێندكاران دەتوانن لە كاتژمێر 9ی شەوەوە ئەنجامەكان وەربگرنەوە و لەدوای 12ی شەویشەوە دەتوانن پەڕەی سۆما ببیننەوە.

خوێندكارانی پۆلی 12ی ئامادەیی دەتوانن بەشێوەی ئۆنلاین لە رێگەی ئەم لینكەوە ئەنجامەكانیان وەربگرنەوە، كە لە كاتژمێر 9ی شەوەوە لینكەكە كارا دەبێت.

لیستی یەكەمەكانی سەر ئاستی هەرێمی كوردستان
1- ڤانیا شێركۆ حەسەن فەرەج – هەڵەبجە – زانستی – كۆی گشتی نمرە: 700 تێكڕا: 100
2- لەنیا فەلاح حەسەن مەحموود – هەڵەبجە – زانستی – كۆی گشتی نمرە: 700 تێكڕا: 100
3- حەسەن ئامانج بورهان محەمەرەشید – هەولێر – زانستی – كۆی گشتی نمرە: 700 تێكڕا: 100
4- دەریا سلێمان عەلی تاهیر – دهۆك – زانستی – كۆی گشتی نمرە: 700 تێكڕا: 100
5- سارا بەردخان محەمەد عەبدوڵڵا – هەولێر – وێژەیی – كۆی گشتی نمرە: 690 تێكڕا: 98.57
6- دەرباز ئیسماعیل حوسێن عەلی – سلێمانی – وێژەیی – كۆی گشتی نمرە: 690 تێكڕا: 98.57
7- مینا زاهیر مستەفا خەلیل – سلێمانی – خوێندنی ئیسلامی – كۆی گشتی نمرە: 874 تێكڕا: 97.11
8- حەسیبە جەمال عومەر رەمەزان – هەولێر – ئامادەیی پیشەیی كشتوكاڵ – كۆی گشتی نمرە: 827 تێكڕا: 91.89
9- زەینەب عەبدولكەریم ئەحمەد سەعید – سلێمانی – ئامادەیی پیشەیی گەشتوگوزار – كۆی گشتی نمرە: 760 تێكڕا: 95
10- میر رەحیم كەریم حەمە ساڵح – سلێمانی – ئامادەیی پیشەسازی – كۆی گشتی نمرە: 750 تێكڕا: 93.75
11- لەنجە هیدایەت عەبدولرەحمان عوسمان – سلێمانی – ئامادەیی بازرگانی – كۆی گشتی نمرە: 629 تێكڕا: 89.86

بەردەوام بە لە خوێندنەوە

کوردستان

پەروەردە كاتی ئەنجامی تاقیكردنەوەی 12ی ئامادەیی ڕاگەیاند

خەڵك- بەشی هەواڵ
وەزارەتی پەروەردەی حكومەتی هەرێمی كوردستان ئاشكرای دەكات، كە ئەمشەو لە كاتژمێر 8:30 ئەنجامی تاقیكردنەوەی 12ی ئامادەیی بڵاودەكرێتەوە.

وەزارەتی پەروەردەی حكومەتی هەرێم لە ڕاگەیەنراوێكدا ئاماژەی بەوەكردووە، كاتژمێر ٨:۳۰ ی خولەكی ئەمشەو، وەزیری پەروەردە ئەنجامی تاقیكردنەوەكانی خولی یەكەمی قۆناغی ۱۲ ی ئامادەیی بە هەموو بەشەكانیەوە لە كۆنگرەیەكی ڕۆژنامەوانیدا ڕادەگەیەنێت.

خوێندكارانی پۆلی 12ی ئامادەیی دەتوانن بەشێوەی ئۆنلاین لە رێگەی ئەم لینكەوە ئەنجامەكانیان وەربگرنەوە، كە دوای ڕاگەیاندنی ئەنجامەكان لینكەكە كارا دەبێت.

بەردەوام بە لە خوێندنەوە

کوردستان