ئێمە لە تۆرە کۆمەڵایەتیەکان

کوردستان

خەڵك؛ وردەكاری ئاڵوگۆڕی پۆستی سەرۆكی پەڕلەمان ئاشكرادەكات
ڤالا فەرید سەرۆكایەتی پەڕلەمان دەكات بۆ متمانەدان بە حكومەت و دەشبێتە وەزیر

خەڵك – بەشی هەواڵ
سەرچاوەیەك لە پەڕلەمانی كوردستان ڕایدەگەیەنێت، لەدوای ئەوەی بەهۆی نەمانی كات بۆ ئەوەی ڕێواس فایەق سەرۆكایەتی كۆبوونەوەی پەڕلەمان بۆ متمانەدان بە حكومەتی داهاتوو بكات، ڤالا فەرید لەگەڵ ئەوەی خۆی سەرۆكایەتی دانیشتنەكە دەكات، بەڵام خۆشی سوێندنی یاسایی دەخوات و دەبێتە وەزیری هەرێم لە كابینەی داهاتوو.

سەرچاوەیەك لە پەڕلەمانی كوردستان بە (خەڵك)ی ڕاگەیاند، ڕۆژی چوار شەممە 11ی تەمموز كابینەی نۆیەمی حكومەتی هەرێم بە سەرۆكایەتی مەسرور بارزانی لە پەڕلەمانی كوردستان متمانەی پێ‌ دەدرێت و سوێندی یاسایی دەخۆن.

وتیشی، “بەهۆی ئەوەی ماوەیەكی كەم لەبەردەست ماوە بۆ ئەوەی سەرۆكی نوێ بۆ پەڕلەمان هەڵبژێرێت، كە بەركەوتەی یەكێتییە و ڕێواس فایەق كاندید كراوە تا سەرۆكایەتی دانیشتنی سوێندخواردنی كابینەی داهاتوو بكات، بۆیە ڤالا فەرید، سەرۆكی ئێستای پەڕلەمان سەرۆكایەتی ئەو دانیشتنە دەكات”.

ڕاشیگەیاند، هەرچەندە سەرۆكی ئێستای پەڕلەمان یەكێكە لە كاندیدكان بۆ وەرگرتنی پۆستی وەزیری هەرێم، بەڵام خۆی سەرەتا سوێندناخوات، چونكە بە سوێندخواردنی ڕاستەوخۆ لە پەڕلەمان بەدەستلەكاركێشاوە هەژمار دەكرێت.

ئاشكراشیكرد، ڤالا فەرید لەدوای سوێندخواردنی هەموو كابینەكە، لە بەردەم ئەندامانی پەڕلەمان سوێندی یاسایی دەخوات و دەبێتە وەزیر و ڕاستەوخۆ كاری لە پەڕلەمان نامێنێت.

بە وتەی سەرچاوەكە، “لەدانیشتنێكی تایبەتدا، واتە ڕۆژی پێنج شەممە دەنگ بە ڕیواس فایەق دەدرێت و دەبێتە سەرۆكی پەڕلەمانی كوردستان، كە بەركەوتەی یەكێتیە لە خولی پێنجەمی پەڕلەماندا”.

پێشتریش (خەڵك) لە زاری سەرچاوەیەكی پەڕلەمانییەوە بڵاویكردەوە، كە لە دانیشتنی ڕۆژی چوار شەممەی پەڕلەمانی عیراق بۆ متمانەدان بە كابینەی نۆیەمی حكومەتی هەرێم، ڕێواس فایەق، كاندیدی یەكێتی بۆ پۆستی سەرۆكی پەڕلەمان ناتوانێت سەرۆكایەتی كۆبوونەوەكە بكات.

کوردستان

ئەمڕۆ ئەنجومەنی ئاسایش تاووتوێی ڕەوشی ڕۆژئاوا دەكات

خەڵك –بەشی هەواڵ

بەپێی هەواڵی ئاژانسی فڕانس پرێس ئەمڕۆ ئەنجومەنی ئاسایشی نێودەوڵەتی كۆبوونەوەیەكی داخراو ساز دەكات بۆ تاووتوێكردنی ڕەوشی ڕۆژئاوای كوردستان.

بەپێی هەواڵەكە، پێشنیازكراوە ئەمڕۆ كۆبوونەوەیەكی دیكەی ئەنجومەنی ئاسایش بكرێت بۆ تاوتوێكردنی ڕەوشی ڕۆژئاوای كوردستان.

ڕۆژی پێنج شەممەی ڕابردوو ئەنجومەنی ئاسایش كۆبووەوە، بەڵام بەهۆی ڕێگرییەكانی ڕوسیا و چین و ئەمریكاوە هیچ بڕیارێكی دەرنەكرد، هەرچەند گرووپی ئەوروپاییەكان

بەردەوام بە لە خوێندنەوە

کوردستان

ئەمڕۆ شاندێكی باڵای ئەمریكا دەگاتە توركیا

خەڵك –بەشی هەواڵ
بڕیارە ئەمڕۆ شاندێكی باڵای توركیا پێكهاتوو لە مایك پێنس جێگری سەرۆكی ئەمریكا و مایك پۆمپیۆ وەزیری دەرەوە سەردانی توركیا بكەن.

بەپێی سەرچاوەكانی هەواڵ، مەبەست لەو سەردانەی شاندی ئەمریكا بۆ توركیا، قایلكردنی ئەنقەرەیە بە ڕاگرتنی هێرشەكانی سەر ڕۆژئاوای كوردستان.

دوێنێ ڕەجەب تەیب ئەردۆغان سەرۆكی توركیا ڕایگەیاند لەگەڵ ئەمریكا و ڕوسیا لەسەر منبج و كۆبانێ لە گفتووگۆدان.
هەریەكە لە ڕوسیا و ئەمریكا لەسەر هێڵن بۆ كۆتاییهێنان بە بارگرژییەكانی ڕۆژئاوای كوردستان كە بەهۆی هێرشەكانی توركیاوە سەریانهەڵداوە.

بەردەوام بە لە خوێندنەوە

کوردستان

فەڕەنسا: ئەمریكا و توركیا داعش درووستدەكەنەوە

خەڵك –بەشی هەواڵ

سەرۆك وەزیری فەڕەنسا ئێدوارد فیلیپ دەڵێت “ئەو بڕیارانەی ئەمەریكا و توركیا داویانە لە سوریا دەرەنجامی خراپی لێدەكەوێتەوە بۆ سەر ناوچەكە و دەبنە هۆی گەڕانەوەی ڕێكخراوی داعش لە سوریا و عێراق”.

ئێدوارد فیلیپ لە گوتارێكدا دەشڵێت ” گەڕانەوەی ڕێكخراوی داعش لە باكووری سوریا و باكووری ڕۆژئاوای عێراقیش لەناوبردنی ئاسایشمانە.”

ناوبراو واشنتنی تۆمەتبار كرد بەوەی ڕێگەی بە هێرشەكەی توركیا داوە و تاكلایەنانە بڕیاری كشاندنەوەی هەزار سەربازی ئەمەریكای لە سوریا داوە.

بەردەوام بە لە خوێندنەوە

کوردستان