ئێمە لە تۆرە کۆمەڵایەتیەکان

جیهانی

کۆمپانیای “ئه‌دیداس” هه‌وڵده‌دات گاریس به‌یل له‌ ڕیاڵ مه‌دریده‌وه‌ به‌ره‌و زه‌به‌لاحێکی تر په‌لکێش بکات !

خه‌ڵک سپۆرت

کۆمپانیای ئه‌دیداسی ئه‌ڵمانی یه‌کێکه‌ له‌ مارکه‌ گه‌وره‌ و به‌هێزه‌کان له‌بواری تۆپی پێدا و قورسایی خۆی بۆ گواستنه‌وه‌ی گاریس به‌یل له‌ یانه‌ی ڕیاڵ مه‌دریده‌وه‌ بۆ بایرن میونشن به‌کارخستووه‌.

پۆرتاڵی “ئۆکه‌ی دیاریۆ” له‌زاری ئیدواردۆ ئیندای ڕۆژنامه‌وانی ناوداری ئیسپانیه‌وه‌ بڵاویکردۆته‌وه‌، گاریس به‌یلی وێڵزی ئه‌ستێره‌ی یانه‌ی ڕیاڵ مه‌درید له‌ڕێگه‌ی جوناسان بارنێتی لێپرسراوی کاره‌کانیه‌وه‌ چه‌ندینجار په‌یامی ئاڕاسته‌ی یانه‌ی ڕیاڵ مه‌درید کردووه‌، که‌ بریکاره‌که‌ی له‌ مه‌درید به‌خته‌وه‌ره‌ و نایه‌وێت ڕوو له‌هیچ یانه‌یه‌کی تر بکات، ئه‌وه‌ش نه‌ سودی بۆ یانه‌ زه‌به‌لاحه‌که‌ و نه‌ خودی یاریزابه‌که‌ هه‌یه‌ به‌وپێیه‌ی زینه‌دین زێدان وه‌رزی داهاتوو ده‌یخاته‌ لیستی یاریزانه‌ ناپێویسته‌کانه‌وه‌.

لێره‌وه‌ کۆمپانیای “ئه‌دیداس”ی ئه‌ڵمانی ده‌ستوه‌ردانی له‌ بابه‌ته‌که‌دا کردووه‌، چونکه‌ شه‌مه‌ندۆفێره‌که‌ نوێنه‌ری کۆمپانیا ناوداره‌که‌یه‌ و یه‌کێکه‌ له‌ڕوخساره‌ به‌هێزه‌کان.

“ئه‌دیداس” هه‌ریه‌ک له‌ ئارێن ڕۆبن و فرانک ڕیێری نوێنه‌رانی له‌یانه‌ی بایرن میونشن له‌ده‌ستداوه‌ و ده‌یه‌وێت به‌ دوو ناوی گه‌وره‌یتر قه‌ره‌بوویان بکاته‌وه‌، ناوه‌کانیش له‌نێوان جولیان دراکسله‌ر و سانێ و تیمۆ ڤێرنه‌ردا په‌نگ ده‌خۆنه‌وه‌، له‌گه‌ڵ ئه‌وه‌شدا هیچکام له‌و ناوانه‌ ناچنه‌ ئاستی ناوه‌ گه‌وره‌کانی وه‌ک ڕۆبن و ڕیبێریه‌وه‌ که‌ به‌ “ڕۆبێری” ناوده‌برێن.

به‌پێی زانیاریه‌کانی ئیندا، ئه‌دیداس له‌هه‌وڵدایه‌ به‌یل به‌ بایرن میونشن قایل بکات و به‌ڵێنیشیداوه‌ به‌شداربێت له‌ پێدانی موچه‌ی ساڵانه‌ی که‌ تا ٢٠٢٢ به‌بڕی ١٥ ملیۆن یورۆی ساڵانه‌ به‌رده‌وامی ده‌بێت، ئه‌وه‌ش له‌ڕووی داراییه‌وه‌ قه‌ره‌بوی ته‌واوی یاریزانه‌که‌ ده‌کاته‌وه‌ و له‌هه‌مان کاتدا یانه‌یه‌کی گه‌وره‌ سودمه‌ند ده‌بێت له‌تواناکانی، له‌کۆتاییشدا کۆمپانیا ئه‌ڵمانیه‌که‌ براوه‌ ده‌بێت به‌ بوژاندنه‌وه‌ی یه‌کێک له‌ ڕوخساره‌ ناوداره‌کانی، ئه‌م هه‌نگاوه‌ش بابه‌تێکی نوێ نییه‌ و له‌پێشوودا هه‌مان هه‌نگاویان بۆ گواستنه‌وه‌ی جه‌یمس ڕۆدریگێز له‌ ڕیاڵه‌وه‌ بۆ بایرن ناوه‌.

جیهانی

ڕیاڵ مه‌درید ئاماده‌کاری بۆ “بۆمبه‌ گه‌وره‌که‌” ده‌کات و هه‌ینی داهاتوو ڕاستیه‌کان ئاشکرا ده‌بن !

خه‌ڵک سپۆرت

ئیداره‌ی یانه‌ی ڕیاڵ مه‌دریدی ئیسپانی له‌ بازاڕی گواستنه‌وه‌کاندا ئاماده‌کاری بۆ گواستنه‌وه‌یه‌کی گه‌وره‌ و هه‌ژێنه‌ر ده‌کات و زۆرینه‌ی سه‌رچاوه‌کان پێیان وایه‌ که‌یسی نایمار یه‌کلایی ده‌که‌نه‌وه‌.

پۆرتاڵی “دیاریۆ گۆڵ”ی ئیسپانی بڵاویکردۆته‌وه‌، ئیداره‌ی یانه‌کانی به‌رشلۆنه‌ و ڕیاڵ مه‌درید به‌رده‌وامن له‌ هه‌وڵه‌کانیان بۆ گواستنه‌وه‌ی نایمار دا سیلڤای به‌رازیلی، به‌ڵام یانه‌ که‌ته‌لۆنیه‌که‌ تائێستا چه‌ندین ئۆفه‌ری پێشکه‌ش کردووه‌ و سه‌رجه‌میان له‌لایه‌ن ناسڕ خلێفی خاوه‌نی یانه‌ی پاریس سانت جێرمانه‌وه‌ ڕه‌تکراونه‌ته‌وه‌، جگه‌ له‌وه‌ش یانه‌ی ناوبراو له‌ڕووی داراییه‌وه‌ هیچ چاره‌یه‌کیان له‌به‌رده‌ستدا نییه‌ ته‌نها گواستنه‌وه‌ به‌ شێوه‌ی خواستن و ئاڵوگۆڕ نه‌بێت، ئه‌وه‌ش به‌نسبه‌ت قه‌ته‌ریه‌کانی پاریسه‌وه‌ ڕه‌تکراوه‌ته‌وه‌.

سه‌رچاوه‌که‌ نوسیویه‌تی، فلۆرنتینۆ پێریزی سه‌رۆکی مێره‌نگی و هاوکارانی بێده‌نگن و پێده‌نگیشیان به‌هۆی هه‌وڵه‌کانی یانه‌ی به‌رشلۆنه‌وه‌یه‌، به‌ڵکو خۆیان ئاماده‌کردووه‌ له‌کۆتا ساته‌کاندا بۆمبێکی گه‌وره‌ بته‌قێننه‌وه‌ له‌گه‌ڵ خلێفی وپاریس سانت جێرمان ڕێکه‌وتن بکه‌ن، مه‌سه‌له‌که‌شیان به‌ (کات)وه‌ به‌ستۆته‌وه‌.

ئۆفه‌ری ئاماده‌کراوی یانه‌ی شاهانه‌ بریتی ده‌بێت له‌ پێشکه‌شکردنی بڕی ٢٢٠ ملیۆن یورۆ له‌ماوه‌ی دوو وه‌رزی گواستنه‌وه‌کاندا (ئه‌م وه‌رزه‌ و وه‌رزی داهاتوو) به‌شێوه‌ی قیست، سه‌ره‌تا پاره‌ی ته‌واو بۆ گواستنه‌وه‌ی دیبالا، یاخود هه‌ر جێگره‌وه‌یه‌کی تر له‌لایه‌ن ڕیاڵه‌وه‌ پیشکه‌ش ده‌کرێت و وه‌رزی داهاتووش ته‌واوکه‌ری ئه‌و بڕه‌ (٢٢٠ ملیۆنه‌که‌)، ئه‌م گواستنه‌وه‌یه‌ش هاوشانی گواستنه‌وه‌ی کیلیان مباپێی فه‌ره‌نسیه‌ له‌ مۆناکۆوه‌ بۆ پاریس سانت جێرمان.

“دیاریۆ گۆڵ” ئاماژه‌ی به‌ ٢٣ی ئه‌م مانگه‌ کردووه‌ که‌ ڕۆژی هه‌ینی داهاتوو ده‌کات وه‌ک کۆتا واده‌ی ته‌قاندنه‌وه‌ی بۆنده‌که‌ی پێرێز و ڕێکه‌وتن له‌گه‌ڵ نوێنه‌رانی نایمار.

بەردەوام بە لە خوێندنەوە

جیهانی

یونایتد و ئینته‌رمیلان له‌سه‌ر گواستنه‌وه‌ی “نینۆ ماراڤیا” ڕێکه‌وتوون و ژماره‌ (٧)ی بۆ ته‌رخان کراوه‌!

خه‌ڵک سپۆرت

سه‌رچاوه‌ ئه‌وروپیه‌کان به‌ به‌ڵگه‌ی لێدوانه‌کانی ئۆلی گۆنار سۆڵشایه‌ر دووپاتی ده‌که‌نه‌وه‌، گواستنه‌وه‌ی ئه‌لێکسیز سانچێز له‌ یانه‌ی مانچسته‌ر یونایتده‌وه‌ بۆ ئینته‌رمیلان کۆتایی هاتووه‌.

تۆڕی “سکای سپۆرت” له‌زاری سه‌رچاوه‌ ناوخۆییه‌کانی یانه‌ی ئینته‌رمیلانه‌وه‌ ئاشکرای کردووه‌، له‌چه‌ند ڕۆژی ڕابردوودا نوێنه‌رانی یانه‌ی مانچسته‌ر یونایتد و ئینته‌رمیلان له‌سه‌ر گواستنه‌وه‌ی ئه‌لێکسیز سانچێز گه‌یشتونه‌ته‌ ڕێکه‌وتن و به‌پێی ڕێکه‌وتنی نێوانیان یاریزانه‌که‌ بۆ ماوه‌ی وه‌رزێک به‌شێوه‌ی خواستن درێسی نێراتزۆری ده‌پۆشێت، له‌دوای ئه‌و واده‌یه‌ش یانه‌ شین و ڕه‌شه‌که‌ی ئیتاڵیا مافی ئه‌وه‌ی پێده‌درێت گواستنه‌وه‌که‌ بکات به‌ هه‌میشه‌یی.

له‌به‌رامبه‌ردا سانچێز داوای درێسی ژماره‌ (٧)ی له‌ نوێنه‌رانی نێراتزۆری کردووه‌ و ڕاسته‌وخۆ نوێنه‌رانی یانه‌ ئیتاڵیه‌که‌ ڕه‌زامه‌ندیان نیشانداوه‌ و به‌ڵینیان پێداوه‌ چه‌ندین ئیمتیازاتی تری پێببه‌خشن.

له‌م باره‌یه‌وه‌ ئۆلی گۆنار سۆڵشایه‌ری ڕاهێنه‌ری یونایتد ڕایگه‌یاندووه‌ :” واده‌ی گواستنه‌وه‌کان ماوه‌ی دوو هه‌فته‌ی ماوه‌، ئه‌گه‌رێک بۆ گواستنه‌وه‌ی سانچێز هه‌یه‌، هه‌ندێک یانه‌ گرنگیان پێداوه‌،. با بزانین له‌ داهاتوودا  چی رووده‌دات، له‌وه‌ زیاتر ناتوانم هیچ زانیاریه‌کی ترتان پێبده‌م”.

“سکای سپۆرت” جه‌خت له‌وه‌ ده‌کاته‌وه‌، که‌ له‌ ڕێکه‌وتنی نێوان دوو یانه‌ی کڕیار و فرۆشیار بڕیاردراوه‌ سێشه‌ممه‌ی داهاتوو سانچێز له‌ میلانۆ پشکنینی پزیشکی ئه‌نجام بدات و بۆنده‌که‌شی تا دووی مانگی داهاتوو به‌فه‌رمی یه‌کلایی بکرێته‌وه‌.

بەردەوام بە لە خوێندنەوە

جیهانی

مباپێ بۆ ڕیاڵ مەدرید؟ یاریزانەکە کۆتا بڕیاریداوە و چاوەڕێی تاقیکردنەوەی نایمارە

خەڵک سپۆرت

کیلیان مباپێی فەرەنسی هێرشبەری یانەی پاریس سانت جێرمان، بڕیاریداوە هاوینی داهاتوو پەیوەندی بە یانەی ڕیاڵ مەدریدەوە بکات و لە گواستنەوەکانی هاوینەی ٢٠١٩دا چاوەڕوانی هەڵوێستی فلۆرنتینۆ پێرێز و زینەدین زێدان دەکات.

ڕۆژنامەی ” لو ١٠ سپۆرت”ی فەرەنسی لەسەرچاوە ناوخۆییەکانی یانەی پاریس سانت جێرمانەوە بڵاویکردۆتەوە، لە گواستنەوەکانی هاوینەی ٢٠١٩دا کیلیان مباپێ ڕوو لەهیچ یانەیەکی تر ناکات و لە ڕیزەکانی “پی ئێس جی” بەردەوام دەبێت، لەهەمان کاتدا یاریزانە فەرەنسیەکە کۆبونەوەی لەگەڵ بەرپرسانی یانەکەی ئەنجامداوە و ڕێکەوتنی کردووە، بەپێی ڕێکەوتنەکە تەنها لەم وەرزەدا لەگەڵیان بەردەوام بێت.

ئاسکە ئەسمەرەکە هەموو هەوڵێک دەدات لەم وەرزەدا دەستکەوتێکی گەورە بۆ پاریس دەستەبەر بکات، بەوشێوەیە ئامانجە ناوخۆییەکانی دەپێکێت و لە هاوینی ٢٠٢٠دا بە ئاشکرا و بەبێ ئەوەی هەنگاوی نایاسایی بنێت ڕاستەوخۆ پەیوەندی بە یانەی شاهانەوە دەکات.

بەپێی سەرچاوەکە، مباپێ لەگواستنەوەکانی هاوینەی حازریدا چاوەڕوانی هەڵوێستی ئیدارەی مێرەنگی سەبارەت بە نایمار دەکات، ئەگەر بێتو هەوڵەکانیان بە ئاڕاستەی یاریزانە بەرازیلیەکە چڕ بکەنەوە ئەوا مباپێ و باوکی کە لێپرسراوی کارەکانیەتی لە هەوڵوێستی پێشوویان پەشیمان دەبنەوە، ئەگەر پلانەکەش بەوشێوەیە بڕوات و یانەی شاهانە هەوڵ بۆ یاریزانە بەرازیلیەکە نەدات ئەوا گواستنەوەی مباپێ لە هاوینی ٢٠٢٠ مسۆگەر دەبێت.

شارەزایانی تۆپی پێی فەرەنسا پێیان وایە مباپێ لە فەرەنسا ئەزمون وەردەگرێت و لەتەمەنێکی گونجاودا دەتوانێت پەیوەندی بە ڕیاڵ مەدریدەوە بکات، هەموو ئەگەرەکانیش بەو ئاڕاستەیەن خەڵاتی “بالۆن دۆر” لە ساڵانی داهاتوودا بەدەست بهێنێت.

بەردەوام بە لە خوێندنەوە

کوردستان