ئێمە لە تۆرە کۆمەڵایەتیەکان

کوردستان

بەڤیدیۆ؛ ژنێك لە هەولێر دزی دەكات و لە سلێمانی دەستگیر دەكرێت

خەڵك – بەشی هەواڵ
بەڕێوەبەرایەتی پۆلیسی پارێزگای سلێمانی ڕایدەگەیەنێت، دوای ئەوەی لەلایەن پۆلیسی ھەولێرەوە ئاگاداركرانەوە، كە تۆمەتبارێك لەڕەگەزی مێ تاوانی دزیكردنی ئەنجامداوە و هەڵهاتووە بۆ سلێمانی، توانیان تۆمەتبارەكە لەكافتریایەكدا دەستگیر بكەن.

بەڕێوەبەرایەتی پۆلیسی پارێزگای سلێمانی لە تۆمارێكی ڤیدیۆیدا دانپێدانانی ئەو ژنەی بڵاوكردەوە، كە لە شاری هەولێر دزی كردووە و بۆ سلێمانی هەڵهاتووە، ڕاشیگەیاند، ھێزەكانمان لێكۆڵینەوەكانیان دەستپێكرد و توانیان تۆمەتبارەكە لەكافتریایەكدا دەستگیر بكەن.

ڕاشیگەیاندووە، تۆمەتبارەكە لەڕەگەزی مێیە و تاوانی دزیكردنی ئەنجامداوە و لەئێستادا تۆمەتبارەكە بەبڕیاری دادوەر بەندە و بڕیارە لەچەند ڕۆژی داهاتوودا ڕەوانەی شاری ھەولێر بكرێتەوە و ڕێكارە یاساییەكانی لەگەڵدا بگیرێتەبەر.

پۆلیسی سلێمانی دانپێدانانی ژنێك بڵاو دەكاتەوە

پۆلیسی سلێمانی دانپێدانانی ژنێك بڵاودەكاتەوەدوای ئەوەی لەلایەن پۆلیسی ھەولێرەوە ھێزەکانی پۆلیسی پارێزگای سلێمانی ئاگادار کرانەوە کە تۆمەتبارێک لەرەگەزی مێ تاوانی دزیکردنی ئەنجامداوەو ھەڵھاتووە بۆ سلێمانی.ھێزەکانی پۆلیسی سلێمانی لێکۆڵینەوەکانیان دەستپێکردو توانیان تۆمەتبارەکە لەکافتریایەکدا دەستگیربکەن.لەئێستادا تۆمەتبارەکە بەبریاری بەرێز دادوەر بەندەو بریارە لەچەند رۆژی داھاتودا ڕەوانەی شاری ھەولێر بکرێتەوەو ڕێکارە یاساییەکانی لەگەڵدا بگیرێتەبەر.بەرێوەبەرایەتی پۆلیسی پارێزگای سلێمانی – راگەیاندن و پەیوەندییەکان

Posted by ‎Sulaymanya police پۆلیسی سلێمانی‎ on Sunday, July 7, 2019

 

کوردستان

“زیاتر لە 21 ملیۆن لیتر نەوتی سپی لە سلێمانی و هەڵەبجە و گەرمیان دابەشكراوە”

خەڵك – بەشی هەواڵ

بەڕێوەبەرایەتی نەوت‌ و كانزاكانی سلێمانی ئاشكرای دەكات، ئەمساڵ زیاتر 21 ملیۆن لیتر نەوتی سپی لە سنووری پارێزگای سلێمانی‌ و هەڵەبجە و گەرمیان دابەشكراوە.

بەڕێوەبەرایەتی نەوت ‌و كانزاكانی سلێمانی لە ڕاگەیەندراوێكدا ئاماژەبەوەدەكات، لە ماوەی 4 مانگی سەرەتای ئەمساڵدا زیاتر لە 21 ملیۆن لیتر نەوتی سپی، كە لە بەغداوە نێردراوە، بەسەر هاووڵاتیانی سنوری پارێزگای سلێمانی و هەڵەبجە و گەرمیاندا دابەشكراوە.

لە ڕاگەیەندراوەكەدا ئەوەشخراوەتەڕوو، لە سەرەتای ساڵی 2018 تا مانگی نیسانی ئەمساڵ، نزیكەی 80 ملیۆن لیتر نەوتی سپی، كە لە بەغداوە هاتووەتە سنووری پارێزگای سلێمانی، لە ڕێگای كارتی زیرەكەوە ڕاستەخۆ بەسەر هاووڵاتیانی پارێزگای سلێمانی‌ و هەڵەبجە و گەرمیاندا دابەشكراوە.

بەردەوام بە لە خوێندنەوە

کوردستان

هاتوچۆی سلێمانی هۆشداری دەدات

خەڵك – بەشی هەواڵ

بەڕێوەبەرایەتی هاتوچۆی سلێمانی شۆفێران ئاگادار دەكاتەوە كە ئۆتۆمبێل لەو شوێنانەی شەقامی سالم ڕانەگرن كە ڕاگرتنی تێدا قەدەغەكراوە.

بەڕێوەبەرایەتی هاتوچۆی سلێمانی لە ڕاگەیەندراوێكدا كە لە لاپەڕەی فەڕمی خۆی لە تۆڕی كۆمەڵایەتی فەیسبوك بڵاویكردووتەوە ئاماژە بەوەدەكات، ڕاگرتنی ئۆتۆمبێل لە شەقامی سالم “سەهۆڵەكە”ی شاری سلێمانی لەو شوێنانەی ڕاگرتنی ئۆتۆمبێلی تێدا قەدەغەكراوە، شۆفێران ڕووبەڕووی سزای یاسایی دەكاتەوە.

بەڕێوەبەرایەتی هاتوچۆی سلێمانی ئەوەشیخستووەتەڕوو، لەئێستادا تیمەكانی ھاتووچۆ ئاگاداری ئەو شۆفێرانە دەكات كە بەشێوەی نایاسایی و لەشوێنی قەدەغە لە شەقامی سالم ئۆتۆمبێلیان ڕاگرتووە، ئۆتۆمبێلەكانیان لەوێدا لابەرن، بە پێچەوانەوە سزای سەرپێچی ڕاگرتنی ئۆتۆمبێلیان لە شوێنی قەدەغە بۆ دەكرێت.

بەردەوام بە لە خوێندنەوە

کوردستان

توركیا زیاتر لە 100 كۆچبەری دەستگیركرد كە ژمارەیەكیان عیراقین

خەڵك – بەشی هەواڵ

دەزگای لوتكە بۆ كاروباری ئاوارە و پەنابەران ڕایدەگەیەنێت، لەدرێژەی هەڵمەتی هێزەكانی پۆلسی توركیا بۆ دەستگیركردنی كۆچبەری نایاسایی، زیاتر لە 100 كۆچبەر دەستگیردەكرێن كە خاوەن ڕەگەزنامەی عیراقی و ئێرانی و پاكستانی و ئەفغانی بوون.

دەزگای لوتكە بۆ كاروباری ئاوارە و پەنابەران ئاماژەی بەوەداوە، بەپێی هەواڵی میدیا فەڕمییەكانی توركیا ئەو هەڵمەتە لە ناوچەكانی نزیك شاری ئەدەنەی باشووری توركیا بووە و دوای تەواوكردنی ڕێوشوێنە یاساییەكان، كۆچبەرەكان ڕادەستی فەرمانگەی كۆچی شاری ئەدەنە كراون.

هاوكات، كوردە یەشار نوێنەری دەزگای لوتكە بۆ كاروباری ئاوارە و پەنابەران وێڕای جەختكردنەوە لە ڕاستی هەواڵەكە، ڕایگەیاندوە، ئەو هەڵمەتی دەستگیركردنە ماوەیەكە لە زۆربەی شار و شوێنە جیاجیاكانی توركیا دەستی پێكردووە، چونكە وڵاتی توركیا دەیەوێت دۆسیەی كۆچبەرانی نایاسایی لە وڵاتەكەیدا بە لایەكدا بخات و چارەسەرێكی ڕیشەیی بۆ ئەو ژمارە زۆرەی كۆچبەران دابنێت كە ساڵانێكی دوور و درێژە ڕوودەكەنە وڵاتەكەیان و لەوێشەوە بەرەو وڵاتانی ئەوروپا كۆچ دەكەن.

بەردەوام بە لە خوێندنەوە

کوردستان