ئێمە لە تۆرە کۆمەڵایەتیەکان

ژینگە

لە قەرەداغ و بازیان 45 دۆنم پووش و پاوان سووتان

خەڵك- بەشی هەواڵ

بەڕێوەبەرایەتی پۆلیسی دارستان و ژینگەی سلێمانی ئاشكرای دەكات، لەماوەی (2) ڕۆژی ڕابردوودا لە دوو ڕووداوی ئاگركەوتنەوەدا لە سنووری قەرەداغ و بازیان (45) دۆنم پووش و پاوان سووتان.

عەمید هێمن كمرخان ئەفندی، بەڕێوەبەری ڕاگەیاندن لە بەرێوەبەرایەتی پۆلیسی دارستان و ژینگەی پارێزگای سلێمانی بۆ (خەڵك) ڕایگەیاند، ئاگریكی بەرفراوان كەوتەوە لەسنوری قەرەداغ لە گوندی جافەران و شاخی سۆڵە، بۆیە دەستبەجێ مەفرەزەكانی بنكەی پۆلیسی دارستان و ژینگەی سێوسێنان و بارەگای بەش گەیشتنە شوێنی ڕووداوەكە و خوشبەختانە توانرا بەهاوكاری هاووڵاتیانی سنوورەكە و ئاگركوژێنەوە كۆنترۆڵ كرا.

ڕاشیگەیاند، زیانی ئاگرەكە مەزندە دەكرێت بە سووتانی (35) دۆنم لە پووش و پاوان و (18) داری سروشتی و هەروەهای باخی هاووڵاتیەك سووتاوە.

ئاشكراشی كرد، لەلایەكی دیكەشەوە ئاگریكی بەرفراوان لەسنوری ( تاسڵوجە و ئەڵایی و تەیناڵ) كەوتەوە و دەستبەجێ مەفرەزەكانی بنكەی پۆلیسی دارستان و ژینگەی بازیان گەیشتنە شوێنی ڕووداوەكە و خوشبەختانە توانرا ئاگرەكە كۆنترۆڵ بكرێت .

عەمید هێمن كمرخان وتیشی، “زیانی ئاگرەكە (10) دۆنم لە پووش و پاوان سووتاوە و هۆكاری كەوتنەوەی ئاگرەكە نادیارە و لێكۆڵینەوە لەوبارەیەوە بەردەوامە”.

ژیاندۆستی

وەرزی پاییز دەستپێدەكات
سبەینێ‌ 21-9 پاییزە .. بۆچی پێی دەڵێن هاوسەنگی پاییزە؟

سبەینێ‌ شەممە 21-9-2019 یەكەم ڕۆژی (وەرزی پاییز)ە لە نیوەگۆی باكووری زەوی و یەكەم ڕۆژی (وەرزی بەهار)ە لەنیوەگۆی باشووردا.

ڕۆژی شەممە بەرواری 21-9-2019 كاتژمێر 12ی شەو بەكاتی هەرێمی كوردستانی عیراق، ماوەی شەو و ڕۆژ لەنیوە گۆی باكووری زەوی بە تەواوی یەكسان دەبێت بۆ 12 كاتژمێر ڕۆژ و 12 كاتژمێریش شەو، بەمەش لە ڕووی فەلەكییەوە رۆژی شەممە دەبێتە یەكەم ڕۆژ و دەستپێكی وەرزی (پاییز) لەنیوە گۆی باكووری زەوی كە بە (هاوسەنگ بوونی پاییزی) ناسراوە و بە پێچەوانەوە، دەبێتە یەكەم ڕۆژی (وەرزی بەهار) لەنیوەگۆی باشووری زەوی، كە بە (هاوسەنگ بوونی بەهاری)ی ناسراوە و تیایدا خۆر ڕێك لە ڕۆژهەڵات هەڵدێت و لە ڕۆژئاوادا ئاوادەبێت.

لەگەڵ یەكەم ڕۆژی پاییز گۆڕانكاری لە ئاست و ڕێژە و ماوەی بەركەوتنی تیشكی خۆر لەسەر زەوی ڕوودەدات، هەر ئەمەشە دەبێتە هۆی سەرهەڵدانی گۆڕانكاری بەرچاو لە پلەكانی گەرما لەسەر ڕووی هەسارەكەماندا.

 

بەردەوام بە لە خوێندنەوە

ئابوری

ڕێژەی وەبەرهێنانی گەشتیاری لە هەرێم بۆ 50% بەرزدەبێتەوە

خەڵك – بەشی هەواڵ
وتەبێژی دەستەی گشتی گەشتوگوزاری هەرێم ڕایدەگەیەنێت، ساڵی ٢٠١٩ ئاستی وەبەرهێنان لە كەرتی گەشتیاری لە ماوەی ٨ مانگی ڕابردوو زۆر بەرزبۆتەوە و ژمارەیەكی پێوانەی تۆماركرد و لەتێكرای وەبەرهێنانی هەرێم كەرتی گەشتی گەشتیاری گەیشتە ٣٨% و بووە یەكەم كەرت لە وەبەرهێنان.

نادر ڕۆستی، وتەبێژی دەستەی گشتی گەشتوگوزاری هەرێم لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، ساڵی ٢٠١٩ ئاستی وەبەرهێنان لە كەرتی گەشتیاری لە ماوەی ٨ مانگی ڕابردوو زۆر بەرزبۆتەوە و لەتێكرای وەبەرهێنانی هەرێم، كەرتی گەشتی گەشتیاری لە ٣٨%ی تۆمار كرد.

ڕاشیگەیاندووە، كۆی خەرجی وەبەرهێنانی گەشتیاریش بڕی پارەكەی گەیشتە نزیكەی یەك ملیار دۆلار، ئەمەش ژمارەیەكی پێوانەیی زۆر گرنگە، سەرەڕای ئەوەی ژمارەیەكی زۆریش پڕۆژە هەیە، كە لە سەر زەوی گەشتوگوزار و شارەوانی كراون و لە دەستەی وەبەرهێنانی هەرێمی كوردستان تۆمار نەكراون، هەندێك پڕۆژەی دیكەش هەیە لە مامەڵەدان و تۆمار نەكراون، كاتێك سەرجەمیان تۆمار دەكرێن، ڕێژەی وەبەرهێنانی گەشتیاری بۆ زیاتر لە ٥٠% بەرزدەبێتەوە.

ئاماژەی بۆ ئەوەشكردووە، هەموو ئەمانە ئاماژەی زۆر گرنگن بۆ پێشكەوتنی كەرتی گەشتیاری بە شێوەیەكی خێرا و پێشبینی نەكراو، ئەمەش بەرەنجامی بەرقراربوونی ئاسایشی هەرێم و ئەو پلانەیە، كە لە دەستەی گەشتوگوزار بۆ پێشوەبردنی كەرتی گەشتیاری هەرێم داڕێژراوە.

بەردەوام بە لە خوێندنەوە

ژینگە

ناوچەیەكی عیراق بەرزترین پلەی گەرما لە جیهاندا تۆماردەكات

خەڵك- بەشی هەواڵ
لە نیوەی دووەمی مانگی ئەیلولی 2019، یەكێك لە ناوچەكانی عیراق بەرزترین پلەی گەرما لە جیهاندا تۆمار دەكات.

سادق عەتیە، كەشناسی عیراقی، لە پەیجی تایبەتی خۆی لەسەر تۆڕی كۆمەڵایەتی (فەیسبوك) بڵاویكردووەتەوە”ئەمڕۆ چوار شەممە، بەرزترین پلەی گەرما لە جیهاندا لە نیوەی دووەمی ئەم مانگە  گەیشتە 48.8 پلەی سەدی”.

بە وتەی ئەو كەشناسە عیراقیە”تۆماركردنی ئەو پلەیە لە فڕۆكەخانەی نێودەوڵەتی بەسرە بووە، بەپێی ڕاپۆرتە جیهانییەكانيش لە ڕۆژانی مانگی ئەیلولدا 48.8 پلە، بە پلەیەكی پێوانەیی جیهانی نوێ‌ دادەنرێت”.

فڕۆكەخانەی نیودەوڵەتی بەسرە لە هاوینی ئەمساڵدا چەند جارێك لەگەڵ ناوچەكانی تری عیراقدا بەرزترین پلەی گەرمایان لە جیهاندا تۆماركرد.

بەردەوام بە لە خوێندنەوە

کوردستان