ئێمە لە تۆرە کۆمەڵایەتیەکان

عێراق

لەمەودوا پەڕلەمانتاران غائیب دەدرێن و مووچەیان لێ‌ دەبڕێت

خەڵك- بەشی هەواڵ
پەڕلەمانتارێكی هاوپەیمانی فەتح، كە لەلایەن هادی عامرییەوە سەرۆكایەتی دەكرێت ئاشكرای دەكات، كە دەستەی سەرۆكایەتی پەڕلەمان چەند ڕێوشوێنێك دژی ئەو پەڕلەمانتارانە دەگرێتە بەر، كە غائیب دەبن و لە مووچەكانیان دەبڕدرێت.

عامر فایز، ئەندامی پەڕلەمانی عیراق لە هاوپەیمانی فەتح لە لێدوانێكی ڕۆژنامەوانیدا ئاماژەی بەوەكردووە، كە هەندێك لە پەڕلەمانتاران ئامادەی كۆبوونەوەكان نابن و لەسەر نیسابی پەڕلەمانیش هەژمار دەكرێن، كە ئەوەش كاریگەری نەرێنی دەكاتە سەر نیسایی یاسایی كۆبوونەوەكان.

ڕاشیگەیاندووە، چەند پەڕلەمانتارێك داوایان كردووە لە دەستەی سەرۆكایەتی، كە ڕێوشوێنی پێویست بگرێتەبەر بەرامبەر ئەو پەڕلەمانتارانەی غائیب دەبن.

ئاشكراشی كردووە، كە دەستەی سەرۆكایەتی پەڕلەمان چەند ڕێوشوێنێك دژی ئەو پەڕلەمانتارانە دەگرێتە بەر، كە غائیب دەبن و لە مووچەكانیان دەبڕدرێت، بەڵام هەر ئەوەندە بەس نییە، بەڵكو دەبێت چاو بخشێندرێتەوە بە ئەندامێتییان لە پەڕلەمان.

بە وتەی ئەو پەڕلەمانتارە، غائیب بوونی پەڕلەمانتاران كارێكە پەیوەستە بە سەرۆكی فراكسیۆنەكان و حزبەكانەوە، بۆیە دەبێت دەستەی سەرۆكایەتی هەڵوێستی جدی هەبێت لەوبارەیەوە.

عێراق

لە عیراق و هەرێم بەرزترین ژمارەی چاكبوونەوە لە كۆرۆنا تۆماركرا

خەڵك- بەشی هەواڵ
وەزارەتی تەندروستی عیراق ئاشكرای دەكات، 2834 حاڵەتی نوێی تووشبوون بە ڤایرۆسی كۆرۆنا تۆماركراوە و 2339 كەسیش چاكبوونەتەوە و هاوكات 77 كەسیش گیانیان لەدەستداوە.

وەزارەتی تەندروستی عیراق لە بەیاننامەیەكدا ئاماژەی بەوەكردووە، كە لە 24 كاتژمێری ڕابردوودا 16 هەزار و 531 پشكنینی تایبەت بە كۆرۆنا ئەنجام دراوە و دەركەوتووە 2834 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون.

ئاشكراشی كردووە، كە زۆرینەی تووشبووەكان لە بەغدا بوون، هاوكات لە سلێمانی 56 و هەولێر 218 و دهۆك 83 و كەركوك 75 حاڵەت تۆماركراوە.

ڕوونیشی كردۆتەوە، كە 2339 تووشبوو بە پەتاكە چاكبوونەتەوە، كە زۆرینەیان لە بەغدا بوون و هاوكات لە سلێمانی 54 كەس و هەولێر 84 و كەركوك 57 كەس چاكبوونەوە.

ڕاشیگەیاندووە، كە 77 كەس بە ڤایرۆسەكە گیانیان لەدەستداوە و بەوەش كۆی گشتی مردووان گەیشتۆتە 5 هەزار و 94 كەس.

بەردەوام بە لە خوێندنەوە

عێراق

بەرپرسێكی باڵای نووسینگەی سیستانی تووشی كۆرۆنا بووە

خەڵك – بەشی هەواڵ
بەرپرسێكی باڵای نووسینگەی عەلی سیستانیی گەورە مەرجەعی شیعەكانی عیراق تووشی كۆرۆنا بووە.

ئەمڕۆ چوار شەممە، ماڵپەڕی شەفەق نیوز لە زاری سەرچاوەیەكی شاری نەجەفەوە بڵاویكردەوە، محەمەد حسێن عەمیدی، بەرپرسی نوێنەرە بڕواپێكراوەكانی عەلی سیستانی تووشی ڤایرۆسی كۆرۆنا بووە.

ڕوونیشیكردەوە، دۆخی تەندروستی عەمیدی جێگیرە، كە هاوكات مامۆستای حەوزەی عیلمییە لە نەجەف.

پێشتریش جەواد شەهرستانی زاوا و وەكیلی گشتیی سیستانی لە ئێران، تووشی كۆرۆنا ببوو، بەڵام تا ئێستا هیچ زانیارییەك سەبارەت بە ئەگەری تووشبوونی گەورە مەرجەعی شیعەكان بە پەتاكە بڵاونەكراوەتەوە.

بەردەوام بە لە خوێندنەوە

عێراق

10 هاووڵاتی عیراقی لە نێو قوربانییانی تەقینەوەكانی لوبناندان

خەڵك – بەشی هەواڵ
ئەمڕۆ چوار شەممە مانگی سووری عیراقی ڕایگەیاند كە 10 هاووڵاتی عیراقی لە نێو قوربانییانی تەقینەوەكانی بەیروتی پایتەختی لوبناندان كە دوێنێ لە بەندەرێكی شارەكە ڕوویدا.

بە پێی ڕاگەیەندراوێكی ڕێكخراوەكە، 10 هاووڵاتی عێراقی لە تەقینەوەكاندا بیرندار بوون و ڕوونیشیكردەوە كە باری تەندروستی زۆربەیان جێگیرە.

لەلایەكی دیكەشەوە مستەفا كازمی سەرۆك وەزیرانی عیراق پەیوەندییەكی تەلەفۆنی لەگەڵ حەسان دیاب سەرۆك وەزیرانی لوبنان ئەنجام دا و بە هۆی تەقینەوەكانەوە سەرەخۆشی لێكرد.

هاوكات بڕیاریشی دا بە فڕۆكەیەك هاوكاری پزیشكی بەپەلە بگەیەنێتە لوبنان.

بەردەوام بە لە خوێندنەوە

کوردستان