ئێمە لە تۆرە کۆمەڵایەتیەکان

کوردستان

گۆڕان ناوی كاندیدەكانی بۆ پۆستە باڵاكانی هەرێم ئاشكرا كرد

خەڵك-بەشی هەواڵ

بزووتنەوەی گۆڕان كاندیدانی پۆستە وەزارییەكانی بۆ كابینەی نوێی حكومەتی هەرێم و سەرۆكایەتی هەرێم ڕاگەیاند.

ماڵپەڕی فەڕمی بزووتنەوەی گۆڕان بڵاویكردەوە، ئەمڕۆ یەك شەممە بزوتنەوەی گۆڕان كاندیدانی خۆی بۆ پۆستە وەزارییەكانی كابینەی نۆیەمی حكومەتی هەرێم دیاریكرد و بەپێی زانیارییەكان، هەر ئەمڕۆ ڕادەستی مەسرور بارزانی، ڕاسپێردراو بۆ پێكهێنانی حكومەت كراوە.

بەپێی زانیارییەكان، بزووتنەوەی گۆڕان ئاوات شێخ جەناب بۆ پۆستی وەزیری دارایی و كوێستان محەمەد بۆ پۆستی وەزیری كار و كاروباری كۆمەڵایەتی و دانا عەبدولكەریم بۆ پۆستی وەزیری ئاوەدانكردنەوە و نیشتەجێكردن و كەمال موسلیم بۆ پۆستی وەزیری بازرگانی و پیشەسازی كاندید كراون.

هەر بەپێی زانیارییەكان، مستەفا سەید قادر دەكرێتە جێگری سەرۆكی هەرێم و جێگری سەرۆكی حكومەتیش بۆ كاروباری چاكسازی دەدرێتە گۆڕان و تا ئێستا جەلال جەوهەر كاندیدە، بەڵام بە فەرمی پشتڕاست نەكراوەتەوە.

ئەمەش لەكاتێكدایە دوێنێ شەممە، یەكێتیی نیشتمانیی كوردستان كاندیدەكانی بۆ كابینەی داهاتوو ڕاگەیاند و بڕیارە لە كۆبوونەوەی داهاتووی پەڕلەمان متمانەیان پێ بدرێت.

کوردستان

ئەندامێكی ئەنجومەنی پارێزگەكە: ڕەوشی كەركوك پاشاگەردانییە

خەڵك- بەشی هەواڵ
ئەندامێكی ئەنجومەنی پارێزگەی كەركوك ڕایدەگەیەنێت، ڕەوشی پارێزگەكە پشێوی و پاشاگەردانییە، و چەندان هێزە لە كەركوكدا هەن، ئاماژە بە خراپی خزمەتگوزارییەكانیش دەكات لە كەركوك.

ئەحمەد عەسكەری، ئەندامی ئەنجومەنی پارێزگەی كەركوك لە لێدوانێكیدا بۆ (خەڵك) ڕایگەیاند:”ڕەوشی كەركوك پشێوی و پاشەگەردانییە، لەلایەك پۆستی پارێزگار بە وەكالەت بەڕێوەدەچێت، لەلایەكی ترەوە هێزە ئەمنییەكان هەهەجۆرن و دەسەڵاتی جیاجیایان هەیە و یەك هێزن نیین، ڕەوشی خزمەتگوزارییەكان خراپە”، ئەو دەنگۆیانەشى ڕەتكردەوە كە باس لە باشبوونی ڕەوشی كەركوك دەكەن.

سەبارەت بە سەرنەگرتنی دانیشتنەكانی ئەنجومەنی پارێزگەی كەركوكیش، ئەحمەد عەسكەری وتی:”ڕێژەی یاسایی بۆ سازدانی دانیشتنی ئەنجومەنی پارێزگە تەواو نابێت، ئەگەرنا ئەنجومەن بەشێوەی ئاسایی دانیشتنەكانی خۆی سازدەكات”.

ئەو ئەندامەی ئەنجومەنی پارێزگەی كەركوك، ئاماژەی بەو هەوڵانەش كرد كە بۆ دانانی پارێزگاری نوێ‌ بۆ كەركوك خراونەتەگەڕ و لەو بارەیەوە ڕایگەیاند:”پارتی و یەكێتی لەسەر دانانی پارێزگاری نوێ‌ ڕێكەوتوون، لەئێستاشدا ئەوەی ماوە لایەنەكانی عەرەبی و توركمانییە كە گفتووگۆكان لەگەڵیاندا بەردەوامن”، ڕەتیشیكردەوە گفتووگۆكان لەگەڵ ئەو لایەنانەدا ئەنجامی هەبوبێت بەو هۆیەی “هەر لایەكیان ڕاوبۆچوونی جیاوازییان هەیە”.

بەردەوام بە لە خوێندنەوە

کوردستان

چاودێری تەندروستی سلێمانی؛ دەست بەسەر زیاتر لە 1تۆن خۆراكی خراپدا گیرا

خەڵك – بەشی هەواڵ
بەڕێوەبەرایەتی چاودێری تەندروستی سلێمانی ڕایدەگەیەنێت ، لەماوەی چەند ڕۆژی ڕابردوو دەستگیراوە بە سەر نزیكەی یەك تۆن و350 كیلۆگرام خۆراكی خراپ و ماوە سەرچوودا، دەشڵێت ،” لێپێچینەوەی یاسای لەگەڵ خاوەنەكانیان كراوە و سەرجەمیان بەشێوەیەكی تەندروست لەناوبرا” .

بەڕێوەبەرایەتی چاودێری تەندروستی سلێمانی لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، بۆ پاراستنی تەندروستی هاووڵاتیان و رێگریكردن لە خۆراكی نا تەندروست و ماوەبەسەرچوو لەلایەن لیژنەكانمانەوە دەستگیرا بەسەر نزیكەی یەك تۆن و 350 خۆراكی خراپ و ماوەبەسەرچوودا.

ڕاشیگەیاندووە، لە لایەن تیمەكانی چاودێری تەندروستی دەستگیرا بەسەر نزیكەی (۳۰۰) كگم خۆراك و چەند كەل و پەلكی خراپ و ناتەندروستدا ، لە سەنتەری چاودێری تەندروستی ڕاپەڕینیش لەیەك نانەواخانەدا دەستگیرا بەسەر (٥۰۰)كگم ئاردی خراپ و ئە سپێیاوی.

ئاماژە بۆ ئەوەشكراوە، لە مەڵبەندی تەندروستی كاریزەوشك لەچەند ڕۆژی ڕابردوودا دەستگیرا بەسەر نزیكەی (۲٥۰)كگم خواردن و خواردنەوەی خراپ و ماوەبەسەرچوو، هەروەها مەڵبەندی تەندروستی شەهید شەماڵیش لەسنوری گەڕەكی ماموستایان تیمەكانمان دەستیان گرتوە بەسەر نزیكەی (۱٥۰)كگم خۆراكی خراپ و ماوەبەسەرچوودا.

ئەوەشخراوەتەوە، لە مەڵبەندی تەندروستی سەروەری لە سنوری گەڕەكەكەیان دەستگیرا بەسەر نزیكەی ( ۱۲۰) كگم خۆراكی خراپ و ماوە بەسەرچوودا، كە سەرجەمیان لێپێچینەوەی یاسای لە گەڵ خاوەنەكانیان كراوە و لەلایەن لیژنەی تایبەتەوە بە شێوەیەكی تەندروست لە ناوبرا .

وێنەی ‏Sulaymaniyah Healthcare چاودێری ت. سلێمانی‏.

وێنەی ‏Sulaymaniyah Healthcare چاودێری ت. سلێمانی‏.وێنەی ‏Sulaymaniyah Healthcare چاودێری ت. سلێمانی‏.وێنەی ‏Sulaymaniyah Healthcare چاودێری ت. سلێمانی‏.وێنەی ‏Sulaymaniyah Healthcare چاودێری ت. سلێمانی‏.

بەردەوام بە لە خوێندنەوە

کوردستان

بەوێنە؛ هەولێر لەناوبردنی ئەو زەویانەی سەوزەیان بە ئاوی پیس بەرهەم دەهێنا

خەڵك – بەشی هەواڵ
بەڕێوەبەرایەتی شارەوانی شەش- هەولێر ڕایدەگەیەنێت، لە سنووری بەڕێوەبەرایەتیمان دەستكرا بە پاككردنەوەی ئەو زەوییانەی، كە سەوزەواتیان بە ئاوەڕۆی پیسی زێراب دەدا مەترسی ترسناكی لەسەر تەندروستی هاووڵاتیان هەیە، دەشڵێت،” هاونیشتمانیان دڵنیا دەكەینەوە ئەم جۆرە هەڵمەتانە بەردەوام دەبێت”.

بەڕێوەبەرایەتی شارەوانی شەش- هەولێر لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، ئەمڕۆ پێنجشەممە 19-9-2019 هەڵمەتێكی گەورەی لابردنی سەوزەوات، كە بە ئاوەڕۆی پیسی زێراب بەدەر لە یاسا و ڕێنماییەكانی تەندروستی ئاودانیان بۆ دەكرا لە نزیك شەقامی سەرەكی هەولێر ـ موسڵ دەستی پێكرد.

ڕاشیگەیاندووە، ئەو شوێنانەی بەشێوەی زێدەڕۆیی دروستكرابوون، كە مەترسی ترسناكی هەیە لەسەر تەندروستی هاووڵاتیان، دەست كرا پاككردنەوەی شوێنەكانیان لەگەڵ دەستبەسەرداگرتنی كەلوپەلەكانی وەك ماكینەی ئاو.

بەڕێوەبەرایەتی شارەوانی شەش ـ هەولێر، لە ڕاگەیەنراوەكەدا باسی لەوەشكردووە، كە هاووڵاتیان دڵنیادەكەنەوە ئەو جۆرە هەڵمەتانە بەردەوام دەبن.

وێنەی ‏بەڕێوەبەرایەتى شارەوانى شەش - هەولێر‏.وێنەی ‏بەڕێوەبەرایەتى شارەوانى شەش - هەولێر‏.وێنەی ‏بەڕێوەبەرایەتى شارەوانى شەش - هەولێر‏.وێنەی ‏بەڕێوەبەرایەتى شارەوانى شەش - هەولێر‏.وێنەی ‏بەڕێوەبەرایەتى شارەوانى شەش - هەولێر‏.وێنەی ‏بەڕێوەبەرایەتى شارەوانى شەش - هەولێر‏.

بەردەوام بە لە خوێندنەوە

کوردستان