ئێمە لە تۆرە کۆمەڵایەتیەکان

کوردستان

سامان گەرمیانی دەبێتە ئەندامی مەكتەبی سیاسی یەكێتی

خەڵك- بەشی هەواڵ

بڕیارە سامان گەرمیانی، ئەندامی سەركردایەتی یەكێتی نیشتیمانی كوردستان و كاندیدی پێشووی جێگری سەرۆكی هەرێمی كوردستان ببێت بە ئەندامی مەكتەبی سیاسی ئەو حزبە.

سەرچاوەیەكی نزیك لە سامان گەرمیانی، ئەندامی سەركردایەتی یەكێتی و بەرپرسی مەڵبەندی گەرمیانی ئەو حزبە بە (خەڵك)ی ڕاگەیاند، لە كۆبوونەوەی دوێنێی ئەنجومەنی سەركردایەتی یەكێتییدا هەریەك لە كۆسرەت ڕەسوڵ عەلی و بەرهەم ساڵح و چەند بەرپرسێكی دیكەی یەكێتی داوایان لە سامان گەرمیانی كردووە بكشێتەوە و بەشداری كێبڕكێی جێگری سەرۆكی هەرێمی كوردستان نەكات.

سامان گەرمیانی لەگەڵ چەند بەرپرسێكی یەكێتییدا لە كەلار

سەرچاوەكە كە نەیوست ناوەكەی بڵاوبكرێتەوە، تەئكیدی كردەوە كە زۆربەی ئەندامانی ئەنجومەنی سەركردایەتی یەكێتی پشتیوانی سامان گەرمیانیان كردووە، بەڵام بەهۆی تەكلیف و داواكاری جێگرانی سكرتێری گشتی و چەند بەرپرسێكی دیكەوە، سامان گەرمیانی كشاوەتەوە.

(خەڵك) لە سەرچاوەیەكی تایبەتەوە زانیوویەتی، كە هەریەك لە كۆسرەت ڕەسوڵ و بەرهەم ساڵح، جێگرانی سكرتێری گشتی یەكێتی تەئكیدیان لەوەكردووەتەوە، وەك ڕێزێك بۆ كشانەوەی سامان گەرمیانی، ناوبراو دەكرێت بە ئەندامی مەكتەبی سیاسی یەكێتی و لەئێستاوە بەشداری كۆبوونەوەكان دەكات.

سامان گەرمیانی، لەگەڵ كۆمەڵێك پێشمەرگەی مەفرەزە سەرەتاییەكانی یەكێتی لە ساڵی 1976 دا.

سامان گەرمیانی، پێشمەرگەی مەفرەزە سەرەتاییەكانی یەكێتی نیشتیمانی كوردستان بووە لە ناوەڕاستی حەفتاكاندا،  یەكێكیش بووە لە فەرماندە ناسراوەكانی یەكێتی لە دەیەی هەشتاكاندا، لەو ماوەیەدا چەندین بەرپرسیارەتی سەربازی لە ناوچە جیاجیاكانی كوردستان وەرگرتووە.

جیهان

میرەر: منداڵانی كورد لە ئاگری چەكە قەدەغەكراوەكانی توركدا دەناڵێنن

خەڵك – بەشی هەواڵ
رۆژنامەی میرەری بەریتانی، لە ڕاپۆرتێكدا، ئاماژە بە بەكارهێنانی چەكی قەدەغەكراو لە رۆژئاوای كوردستان دەكات و دەڵێت، منداڵانی كورد لە ئاگری چەكە قەدەغەكراو و كیماییەكانی توركدا هاوار دەكەن.

 

رۆژنامەكە، لە پێگەی ئەلیكترۆنیان چەند تۆمارێكی ڤیدیۆیی و وێنەی ئەو منداڵانەی داناوە، كە لە بەركارهێنانی چەكی فسفۆردا لە ڕۆژئاوای كوردستان سووتاون.


رۆژنامەكە ناڵەو هاواری منداڵێكی بە ناوی (محەمەد) داناوە كە تكا لە باوكی دەكات و دەڵێت ” باوكە ئەو سووتانە ڕابگرە”.

لە پەلامار و لەشكركێشییەكانی سوپای تورك بۆ سەر رۆژئاوای كوردستان و لە سەروەختی ڕاگەیاندنی ئاگر بەست، سوپای تورك بۆمبی هێشووی فسفۆری دژ بە هاوڵاتیانی رۆژئاوای كوردستان بەكارهێنا، كە یەكێك لە چەكە ڕێپێنەدرا و قەدەغە كراوەكانە.

بەردەوام بە لە خوێندنەوە

کوردستان

بەرپرسێكی یەكێتی كۆچی دوای كرد

خەڵك- بەشی هەواڵ

بەیانی ئەمڕۆ یەكشەممە 20-10-2019 سەڵاح ڕەنجبەر، یەكێك لە كادیرە دیارەكانی یەكێتی كۆچی دوای كرد.

میدیاكانی یەكێتی بڵاویانكردەوە، ناوبراو چەند مانگێكە توشی نەخۆشی بووە و بەوهۆیەوە ئەمڕۆ كۆچیی دوای كردووە.

سەڵاح رەنجدەر ناوی تەواوی (سەڵاح ئیسماعیل)ە و تەمەنی 58 ساڵە و پێشتر بەرپرسی كۆمیتەی چەمچەماڵی یەكێتی بووە.

بەردەوام بە لە خوێندنەوە

کوردستان

وۆڵ ستریت جۆرناڵ: توركیا و كوردەكان یەكتر بە جێبەجێ‌ نەكردنی ڕێككەوتن تۆمەتبار دەكەن

خەڵك- بەشی هەواڵ

ڕۆژی 17ی ئەم مانگە شاندێكی ئەمریكا بە سەرۆكایەتی مایك پێنس، جێگری سەرۆكی ئەمریكا گەیشتە توركیا و ڕێككەوتن واژۆ كرا بۆ ڕاگرتنی شەڕ، بەڵام تائێستا جێبەجێ‌ نەكراوە و شەڕ بەردەوامە.

ماڵپەڕی”وۆڵ ستریت جۆرناڵ” بڵاوی كردەوە، هەریەك لە هێزەكانی توركیا و چەكدارانی كورد یەكتر بە پێشێلكردنی ڕێككەوتنەكە تۆمار دەكەن.

ڕۆژی 9ی ئەم مانگە توركیا هێرشی سەربازی بۆ سەر ناوچەكانی ڕۆژئاوای كوردستان دەستیپێكرد و تائێستا شەڕ بەردەوامە و بەهۆیەوە نزیكەی 300 هەزار هاووڵاتی ئاوارەبوون و سەدان كەسیش كوژران و هەزارانی كەسی دیكەش برینداربوون.

بەردەوام بە لە خوێندنەوە

کوردستان