ئێمە لە تۆرە کۆمەڵایەتیەکان

کوردستان

هەڵبژاردنی كاندیدەكان توڕەیی زۆربەی كادیرانی یەكێتی لێكەوتووەتەوە

خەڵك- بەشی هەواڵ

هەرچەندە بڕیاربوو كاندیدەكانی یەكێتی نیشتیمانی كوردستان بۆ كابینەی نوێی حكومەتی هەرێم و دەستەی نوێی سەرۆكایەتی پەڕلەمان و هەرێم بەپێی لێهاتویوی و بە هەڵبژاردن لە ئەنجومەنی سەركردایەتی یەكلایی بكرێنەوە، بەڵام بەرپرسانی یەكێتی خۆیان كەسەكانیان هەڵبژاردووە و ئەوەش نیگەرانی زۆری لای بەشێكی بەرچاوی كادیرانی حزبەكە دروستكردووە، بەتایبەت دوای ئەوەی دەركەوت سەرجەم كاندیدەكان ئەندامی مەكتەبی سیاسی و سەركردایەتین و هەندێكیان بۆ پۆستەكانیان ناگونجێن لە ڕووی پیشەییەوە.

دوای دەركەوتنی ئەنجامی كۆبوونەوەكانی دوێنێ‌ ژمارەیەكی زۆر لە كادیرانی ئەو حزبە لە فەیسبوكی خۆیانەوە نیگەرانیان دەبڕیووە و باسیان لەوەكردووە، كە ناعەدالەتی زۆر هەیە لە دانانی كادیرەكاندا بۆ بەرپرسیارەتی، بەشێوەیەك زیاتر لەسەر بنەمای هێز و دەسەڵات و كوتلە دانراون، كەمترین پسپۆڕی ڕەچاوكراوە.

شاناز ئیبراهیم ئەحمەد، یەكێك لە كادیرە دیارەكانی ئەو حزبە كۆبوونەوەكەی دوێنێی بە كۆبوونەوەی “ناوەندی بڕیاری”ی یەكێتی وەسف كردووە، نەك خودی یەكێتی، وەك ئەو وتویەتی.

ژوان ئەحمەد سەعید، كادیرێكی دیكەی یەكێتییە و بەرامبەر بە هەڵبژاردنی كاندیدەكانی دوێنێی یەكێتی نوسیویەتی” دوو مانگ ببە حزبێكی تر، یان لە یەكێتیدا بمێنە و دڵت لای بەرهەم بێ كە هاتیتەوە ناو یەكێتی ئەتكەین بە وەزیر”.

ئەو كادیرە ڕەخنەشی لە ئەنجومەنی سەركردایەتی یەكێتی گرتووە و نوسیویەتی”دەك بیمار بێ سەركردایەتی و مەكتەبی سیاسی بۆ خۆی و كاندیدەكانی بەس كاندیدی وەزیری ڕۆشنبیری سەیربكە دەزانیت چەند پرۆفیشناڵانە هەڵیانبژاردون”.

کوردستان

حەسەن عەلەوی باسی ئەردۆغان و مەلا مستەفا و مام جەلال دەكات

خەڵك-ئیدریس جەبار
حەسەن عەلەوی، بیرمەندی و سیاسەتمەداری دەركەوتووی عیراقی، باسی سەرۆكی ئێستای توركیا و مەلا مستەفای بارزانی و مام جەلال دەكات و پێیوایە مەلا مستەفا “ئایین و نەتەوەی تێكەڵ بە یەك كردووە لە شۆڕشەكەی”.

حەسەن عەلەوی، بیرمەند و سیاسەتمەداری دەركەوتووی عیراقی، لە لێدوانێكی تایبەت بە (خەڵك) ڕایگەیاند، “ئەوەی لە باكووری خۆرهەڵاتی سوریا ڕوویدا، ڕێككەوتنی سیاسی بوو، ئەمریكا ڕێككەوتنی لەگەڵ توركەكان كردبوو تا جێگەی خۆی بۆ ئەوان چۆڵ بكات”، ئاماژەی بە هەڵوێستی ئێستای سەرۆكی توركیا دەكات و بە خراپ باسی دەكات.

بە وتەی عەلەوی، “وێڕای هەڵوێستی ئێستای ڕەجەب تەیب ئەردۆغان، بەڵام ئەو  نەتەوەیی و ئایینی پێكەوە گرێدا، ئەو نەتەوەییە و دینداریشە”.

ئەو بیرمەندە عیراقیە دەڵێت: “مەلا مستەفای بارزانیش پیاوێكی ئاینی و نەتەوەیی بوو لە هەمان كاتدا بەپێچەوانەی مام جەلال بوو”.

حەسەن عەلەوی لە درێژەی قسەكانیدا لەو بارەیەوە ڕایگەیاند، “مام جەلال، پیاوێكی عەلمانی و بە تەواوەتی خۆی بۆ عەلمانی یەكلایی كردبووەوە، بەڵام مەلا مستەفا نەتەوە و ئاینی بەیەكەوە بەستبووەوە و ناسناوەكەشی كە مەلایە، بەڵگەیە لەسەر ئەوەی پیاوێكی ئاینی بووە”.

بەردەوام بە لە خوێندنەوە

کوردستان

هەسەدە: 103 سەربازی تورك و چەكدار كوژراون
شەڕی هاوبەشی هەسەدە و سوریا لەگەڵ توركیا دەستی پێكرد

خەڵك- بەشی هەواڵ
شەڕی هاوبەشی هەسەدە و سوپای سوریا لەگەڵ سوپای توركیا و چەكدارە ئۆپۆزسیۆنەكان لە تەل تەمر دەستی پێكرد.

هێزەكانی سوریای دیموكرات (هەسەدە) ئاماری شەڕەكانی ۲٤ كاتژمێری ڕابردوو لە بەرەكانی شەڕ لە (سەرێكانی، گرێ سپی، درباسییە و دێرك) بڵاودەكاتەوە و ئاشكرای دەكات، ژمارەیەك تانك و زرێپۆشی هێزی دوژمن تێكشكێنراون.

ڕاشیگەیاندووە، لەو شەڕانەدا ۱٠۳ سەربازی توركی و چەكداری ئۆپۆزسیۆنی سوریا كوژراون و لە بەرامبەریشدا ۲۳ شەرەڤانی هێزەكانی سوریای دیموكرات شەهید بوون.

هەسەدە ئاماژەی بەوەشكردووە، كە شەڕی هێزەكانیان و سوپای سوریا لە تەل تەمر لەگەڵ سوپای توركیا و چەكدارە ئۆپۆزسیۆنەكان دەستی پێ‌ كردووە و توانراوە هێزەكانی توركیا تێكبشكێنرێن.

بەردەوام بە لە خوێندنەوە

کوردستان

لە چیای ئەزمەڕ تەقینەوەیەك ڕوویدا و قوربانی لێ‌ كەوتەوە

خەڵك- بەشی هەواڵ
ئێوارەی ئەمڕۆ لەسەر چیای ئەزمەڕ لە سلێمانی تەقینەوەیەك ڕوویدا و بەهۆیەوە دوو كەس گیانیان لەدەستداوە.

سەرچاوەیەك لە (جی سی سی) سلێمانی بۆ (خەڵك) ڕایگەیاند، كە ئێوارەی ئەمڕۆ دەنگی تەقینەوەیەك لەسەر چیای ئەزمەڕ بیستراوە و ڕاستەوخۆ هێزەكانمان چوونەتە شوێنی ڕووداوەكە.

ڕاشیگەیاند، بەهۆی ئەو ڕووداوەوە دوو كەس گیانیان لەدەستداوە و لێكۆڵینەوەش لەسەر ڕووداوەكە دەستی پێ‌ كردووە.

جەختیشی كردەوە، كە تا ئێستا بەتەواوی یەكلایی نەبۆتەوە تەقینەوە بووە یان شتی دیكە، بەڵام دەنگی تەقینەوە بیستراوە و لێكۆڵینەوەش دەستی پێ‌ كردووە.

بۆ بەدواداچوونی زیاتر (خەڵك) پەیوەندی كرد بە سەركەوت ئەحمەد، وتەبێژی پۆلیسی سلێمانییەوە، بەڵام وەڵامی پەیوەندییەكەی نەدایەوە.

بەردەوام بە لە خوێندنەوە

کوردستان