ئێمە لە تۆرە کۆمەڵایەتیەکان

ئابوری

ئەمڕۆ موچەی مانگی نیسانی یەكەم وەزارەت دابەش دەكرێت

خەڵك- بەشی هەواڵ

بڕیارە ئەمڕۆ موچەی وەزارەتی پێشمەرگە و لیوا یەكگرتووەكانی حكومەتی هەرێمی كوردستان دابەش بكرێت.

بەپێی خشتەیەك كە پێشتر لە وەزارەتی دارایی و ئابورییەوە بەشێوەی نافەڕمی بڵاوكراوەتەوە، ئەمڕۆ موچەی مانگی نیسان”مانگی چوار”ی لیوا یەكگرتووەكانی حكومەتی هەرێم و دیوانی وەزارەتی پێشمەرگە دابەش دەكرێت.

دابەشكردنی موچەی وەزارەتی پێشمەرگە یەكەم وەزارەت دەبێت و ڕۆژانی داهاتوو، موچەی چەند شوێنێكی دیكەش دابەش دەكرێت.

ئابوری

سەرەڕای سزاكان بەهای تمەن بەرزدەبێتەوە
ئێرانیەكان لای سەرمایەدارانی هەرێم پارەكانیان دادەنێن

خەڵك – بەشی هەواڵ
بەردەوام گوشارەكانی ئەمریكا بۆ سەر ئێران بە هۆی ئاڵۆزیەكانەوە زیاتر دەبێت، كەچی بەهای تمەنی ئێرانی بەڕادەیەكی بەرچاو لە ئاستێكی جێگیردا ماوەتەوە، خاوەنی نووسینگەیەكی دراویش لە سلێمانی دەڵێت: “زۆربەی بازرگاكانەكانی ئێران تمەنەكانیان كردووە بە دۆلار و لە دەرەوەی وڵاتی خۆیان دایانناوە”.

ئیبراهیم غەفور، خاوەنی نووسینگەی نەشوان لە بازاڕی دۆلارەكەی سلێمانی بە (خەڵك)ی ڕاگەیاند، بەشێكی زۆر لە بازرگانەكانی ئێران هەموو پارەكەیان كردووە بە دۆلار و كاریان لە ئێستادا بە دۆلارە، بەشێكیان پارەكانیان دوای ئەوەی كردووە بەدۆلار لای كەسانی باوەڕپێكراو لەدەرەوەی وڵاتی خۆیان دایانناوە و لە سلێمانی چەندین حاڵەتی لەو شێوەیە هەیە.

وتیشی، “بەهۆی ئەوەی مامەڵەی گەورە بازرگانەكان لە ئێستادا بە دۆلارە، تمەن لە بازاڕەكانی ئێران كەمبۆتەوە و خواستی زۆری لەسەرە، بۆیە تا ئێستا لەگەڵ ئەو هەموو گوشار و سزایانەی دەخرێتە سەر ئێران هێشتا تا ڕادەیەك بەجێگیری ماوەتەوە”.

ڕاشیگەیاند، ئەمڕۆ بەهۆی ئەوەی سەری مانگە و بانكی ناوەندی ئێران نەبوو تەمەن كەمێك بەهاكەی بەرزبووەوە، بەجۆرێك 100 دۆلار بە ملیۆنێك 141 هەزار تمەن بەدەستی و ملیۆنێك 149 هەزار تمەن بەحەواڵە مامەڵەی پێوەكرا.

بەردەوام بە لە خوێندنەوە

ئابوری

پێدانی ئاو بە سلێمانی و چەمچەماڵ و چەند ناوچەیەك ڕادەگیرێت

خەڵك- بەشی هەواڵ
بەڕێوەبەرایەتی ئاوی سلێمانی ئاشكرای دەكات، كە لە ڕۆژی چوار شەممەوە و بۆ 24 كاتژمێر پێدانی ئاو بە سلێمانی و چەمچەماڵ و چەند ناوچەیەك ڕادەگیرێت.

ئامانج جەلال، وتەبێژی بەڕێوەبەرایەتی ئاوی سلێمانی بۆ (خەڵك) ئاماژەی بەوەكرد، ئاگاداری هاووڵاتیانی شاری سلێمانی و چەمچەماڵ و شۆڕش و تەكییە و حەوزی بازیان دەكەین، كە ڕۆژی چوار شەممە ۲۵- ۹ -۲٠۱۹ بۆ ماوەی ۲٤ كاتژمێر دابەشكردنی ئاو لە هەردوو هێڵی یەك و دووی ئاوی دوكان- سلێمانی دەوەستێت.

سەبارەت بە هۆكاری ڕاگرتنی پێدانی ئاو ئاشكراشی كرد، كە بەهۆی كاركردن لە گواستنەوەی دوو تاوەری كارەبا لەلایەن بەڕێوبەرایەتی چاككردنی هێڵەكانی كارەباوە دابەشكردنی ئاو دەوەستێت.

وتەبێژی بەڕێوەبەرایەتی ئاوی سلێمانی داوا لە هاووڵاتیان دەكات، “بەكارهێنانی ئاو كەم بكەنەوە تا گرفتی بێ ئاوی ڕوونەدات”.

بەڕێوەبەرایەتی ئاوی سلێمانی لەڕێگەی پڕۆژەی ئاوی سەرچنار و هەردوو پڕۆژەی ئاوی دوكان- سلێمانی-یەوە ئاوی خواردنەوە بۆ شاری سلێمانی و دەورووبەری لە تاسڵوجە و پیرەمەگروون و هەروەها بازیان و تەكیە و چەمچەماڵ دابین دەكات.

بەردەوام بە لە خوێندنەوە

ئابوری

وادەی پێدانی ژمارە نایابە خۆڕاییەكانی هەڵەبجە ئاشكرا كرا

خەڵك-بەشی هەواڵ

بەڕێوەبەری هاتووچۆی پارێزگای هەڵەبجە ڕایدەگەیەنێت، دوای فرۆشتنی تابلۆ تایبەتەكانی هەڵەبجە 20%ی دەدرێتەوە بە هاتووچۆی هەڵەبجە و ئێمەش لە خزمەتگوزاری و شەقامەكاندا خەرجی دەكەین.

دوای زیادكردنە ئاشكراكەی هەفتەی ڕابردوو بۆ تابلۆ تایبەتەكانی پارێزگای هەڵەبجە، بەڵام هیچكام لە تابلۆكان نەفرۆشران و ئەو زیادكردنەی بۆی كرابوو هیچ بازرگانێك ئەو نرخەی نەدا، پارێزگاری هەڵەبجەش ڕایگەیاند، بۆ جارێكی دیكە و لە ڕۆژانی داهاتوودا زیادكردنێكی دیكەی ئاشكرا ڕادەگەیەنین بۆ فرۆشتنی تابلۆكان.

حەسەن عەبدوڵڵا، بەڕێوەبەری هاتووچۆی پارێزگای هەڵەبجە بە (خەڵك)ی ڕاگەیاند، داهاتی 100%ی تابلۆكان دەگەڕێتەوە بۆ پارێزگای هەڵەبجە و لەو ڕێژەیەش 20%ی داهاتەكە دەگەڕێتەوە بۆ هاتووچۆی پارێزگاكە.

سەبارەت بە پێدانی تابلۆی هەڵەبجە بە ئۆتۆمبێل، ناوبراو ئاماژەی بۆ ئەوەكرد، بۆ پێدانی ژمارەی تابلۆی ئاسایی ئۆتۆمبێل، چاوەڕێی تەواوبوونی كاری كۆمپانیای دروستكەری تابلۆكانین و ئەگەری هەیە لە 15ڕۆژی داهاتوودا سەرجە كارەكانی تەواو ببێت.

وتیشی، “تابلۆ ئاساییەكان لە ژمارە 10001ەوە دەستپێ دەكەن و لەو ژمارەیەش بەدواوە بە خۆڕایی دەدرێتە هاووڵاتیان”.

بەپێی زانیارییەكان، جگە لەو تابلۆیانەی نرخێكی زۆریان لەسەر دانراوە بۆ فرۆشتن، ژمارەكانی دیكەی تابلۆی ئۆتۆمبێل هاوشێوەی پارێزگاكانی دیكە بە ڕسوماتی دیاریكراو بەپێی (بستۆن)ی ئۆتۆمبێل دەدرێت بە هاووڵاتیان.

بەردەوام بە لە خوێندنەوە

کوردستان